Isaia 4
4
1KE hnyi bong eling ame he ta momo a seven ka kât baga a khaca me ha, ka habe, Öhmun e he ka an ö ʼhmun bi jeû, ke khavâ anyihmun bi je ûkhaû: haba wehmun thibi a u me ip iâm huhmun; mʼ u ma ohia but hna haikongu öhmun.
2Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt. 3Ke adre me he ka ha, me kap kolon hnyi Ziona, me at ame laba biju hnyi Jerusalema, wale tavat hia thithö adre tha sihnalimen me tavat ae möt hnyi Jerusalema: 4e ka hia but Than hneû ikikiny wahluiny Ziona, me kot degecâ dren Jerusalema ûnyi hnyi wanben e hnen homenâiny owisa, me homenâiny kahwa. 5Kʼ ame he Iehova ka op hnyi ta je hnyaban hia hnyi bucen Ziona, me hnyi je ûkhaca-köuiny e, ûlâ me hai hnyi lany, ke bâhlân meic ame ubâhlâ hnyi hnyinghet: anyin ame he ka hu ûnyi hnân tube hon hmanenang hia. 6Ke ame he ka hu ama menâ hnân hwaelu hnyi lany can kahwa, me hnân lubaduöng me nedrong ge weneû me we.
Currently Selected:
Isaia 4: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society