Galatia 6
6
1HNYAT me lakeiny lö, eja ke ne a ne hom uthmâhmâ ke at hnyi hna hanyâûâ, hamöbun tavat hnyi hanu he ka kap hmetu at a helâe hnyi hnyok ae menyik; ke wâ wiö u bi, wâ e nye cubic u minya bi. 2Ûkhûkhûö th ö honöbun je hok, me ohwâdâ helâe hnanyibu anyin Keriso. 3Ke a ne ûnykûme ke at a ka e at ae ûnyi hnathu, ke ca e bi, e ame ka iyawâ e bi. 4Ke so ka tavat he ka ve cubec anyidra ta je huliwa bi, me adre me he ka hu hnân hobelöu a ûnyi gadra bi, ke ca ûnyi bi ge ke at. 5Anyin ame he tavat hia ka ve hijen honödra ta je hok.
6Ke hamen at adre nâ hnyi hofuc he ka ham ta je ûnyi ae so ka at ame nâ. 7Ca omonu öbun bi; e pason he ka iyawâ Khong: anyin a haba hna tā hnen ke at, me e ame he bi ka meno minya helâe. 8Ke haba at ame tä ka hnyi hing unyin bi, me e ame he ka meno hna bobot ûnyi hnyi unyin; ke haba at ame tä ka hnyi Hanu, me e ame he ka meno möt ame ca ba balua ûnyi hnyi Hanu. 9E so ate me ca sënyin hnyi huliwa ae so: anyin ate me he ka meno hnyi ûen cici, at ka ca sënyin bi. 10Anyin a wale, e ka hu ûen köta, e so ate me he ka mâdrâ huliwa ae so ka tavat hia thithö, ke ti ânyâ bi ka tavat a ödra hnyi lap anyin tavat labageju.
11Wâ ju ûganiny je mataitusi oge hia but sihnalimen köbun ge hing hnyamok. 12Haba tavat adre me wedra he ka haiso, ödra hnen at, me adre me ûjongi öbun he ka peritom; ke adre me ânyâ helâe wâ adre nye okongu ödra can satauro anyin Keriso. 13Anyin a haba tavat adre hia but peritomona, me adre me ca long bi hoton hnanyibu; ke wedra bi he ka operitomoni öbun, mʼ adre me he ka hobeluâ je unyibun. 14Ke haba inya, me oge me ca he bala ka hobelöû ke so thibi hnyi satauro anyin Tuhöta Iesu Keriso, kʼ adre me osatauroâ hmeledrany könya a deny e, ke ka inya minya ka hmeledrany. 15Anyin ae ca ûnyi hnathu peritom me ca peritom, ke so bi at ae teb ûnyi. 16Ke haba ödra hia adre me he hoton tulut eang, me so e unyidra me Isaraela anyin Khong hnahic me ibetengiö.
17Ke hwân dö walang ang, ca he hmetu bi ke at ka ovheli nya: anyin ae hu bi hnyi unyik je hwadeny a je haten Iesu.
18Hnyat me lakeiny lö, e na e ju hnyi je hanubun ibetengiö baû anyin Tuhöta Iesu Keriso. Amen.
Currently Selected:
Galatia 6: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
