II. Thesalonika. 3
3
1KE walang obiny hnyat me lakeiny lö, hic dʼ öbun hobi kohmun, e me mweimwei thö hofuc hwan Than, mʼ adre me ogânâ e, helâ minya e unyibun; 2me me he ka hûgûnʼ öhmun ge tavat ae ba hnyekudra, me monu: anyin ae ba labageju ge keihen. 3Ke e hnathu Than, at ame otethmʼ öbun, me tuʼ öbun ge hulo. 4Ke öhmun e labageju ka Than gabun, a öbun e ânyâ walang, ke öbun e he bala bi ka ânyâ ta je ûnyi öhmun e hûna köbun. 5Ke so ame he Than ka owisa je hnyekubun ka hnyi ibetengiö anyin Khong, me hokhnyok ûnyi ge Keriso.
6Ke öhmun e hûna köbun hnyat me lakeiny, hnyi ien Tuhöta Iesu Keriso, ka habe, ûsâkâûʼ öbun dut me je hnyat me lakeiny hia thithö ae hwali hwakecidra, ke adre me ca hnu hoton hna ûne waleji adre me kap ûnyi gahmun. 7Anyin ae khanʼ jöbun hwakecin ae ûcû wale he ka ûcûcûbingi öhmun: anyin ame ca hwali hwakecihmun unyibun; 8ke haba khaca, öhmun ie ca an bâûâ jeû an ke at, ke öhmun e ânyâ huliwa ae hmak me vec hnyi lit me lany, mʼ öhmun e ca he ka ohmâkâ ke at bi gabun: 9ca anyin bi ae ba anyihmun musi, ke so bi mʼ öhmun e he ka wi öhmun hnân tulut köbun, mʼ öbun e be ka ûcûcubingi öhmun. 10Anyin a tiga öhmun bi unyibun, walang hnöhmun hna ha, ka habe, A ne höcö ke at he ka hnyi huliwa, awe, e ame ca he ka hnyi han. 11Anyin a öhmun e löng e hwakecin keihen unyibun adre me he monoâ, kʼ adre me ca hnyi ânyâ je ve hanymödra, ke adre me huliwa monu thibut. 12Ke öhmun e hûna ka tavat a helâe, me ûnö ge Tuhöta Iesu Keriso, ka habe, hamödra he ka huliwa hnyibû, me ve an ö ʼdra bi jeû. 13Ke haba öbun, hnyat me lakeiny, ca sënyin bi he ka mâdrâ hwakecin ae so. 14Ke a ne ke at ame ca löng bi hoton hohmun hofuc hnyi tusi ang, me so öbun e bi haten at eling, ke ca tha öbun më, me me he ka hmehma but. 15Ke so bi, ca ûnykûme bi kâu helâ me iwahnaihmiöny, ke nâ ju helâ me ke liamekeiny.
16Ke so ame he Than, a at ame tren ûsoköu ka ham köbun ûsoköu a e bala bi hnyi ta je hwakecin hia thithö. E so e unyibun hia thithö Than.
17Anyik italofa, inya Paulo, oge me set ge hnyamok, wale haten hnyi ta je tusi hia thithö: inya oge me sihnalimen helâe. 18E so e unyibun hia thithö ibetengiö baû anyin Tuhöta Iesu Keriso.
Currently Selected:
II. Thesalonika. 3: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society