II. Samuela 2
2
1KE hwaban e Davita ame hnö ga Iehova, ka habe, Hawa oge me he ka he hnyi ke je taun anyin at Juda? Ke Iehova ame ha kâu, ka habe, He thö. Ke Davita ame ha, ka habe, Oge ma he kâ? Haingen, ka habe, Heberona. 2Me Davita ame he kâe, me laâiân minya, jia Ahinoam momo Jezerela, me Abigaila safaci Nabala at Karemela. 3Ke haba tavat a tha e mê, me Davita ame hum ödrin, tha e me anyidrin je lap: ke ödrin e laba hnyi je taun hnyi Heberona. 4Me ame o hnyat Juda, ke ödrin e hû Davita eling hnân than hon lap anyin at Juda.
Ke adre me thumetu Davita, ka habe, Haba hnyat a konim Saulo ödrin hnyat Jabesi-gileada. 5Haba Davita ame ûkhû-nöng ka at Jabesi-gileada, me ha ködrin, ka habe, E so öbun e hnahic ut ga Iehova anyin öbun e omanenâ ibetengiö e ka tuhöbun a Saulo, me konâm e. 6Ke walang ang, e so Iehova ame omanenâ anyin ibetengiö me hnathu köbun: ke haba khaca oge me he bi nya ka bi hwaban köbun betenge eling, anyin öbun e hia but ânyâ ûnyi e. 7Ke walang ang, hwege thʼ öbun, me hnyok baga but: anyin a mokcu Saulo tuhöbun, ke haba khaca a hia but hû nya lap anyi Juda me hnân tuhödrin.
8Ke Abinera nöku Neri, taben ta je vat anyi Saulo, ame hia but hum Ise-boseth nöku Saulo, me hom e Mahanaima ai; 9me otilâ e ka than hon at Gileada, me Asuri, me Jezerela, me Eferaima, me Beniamina, me Isaraeli hia. 10(Ke fâte je hunai Ise-boseth nöku Saulo hnyi ûen e ame hwân ka than hnyi Isaraela, ke e ame musi hnyi lo li huna.) Ke ame hnu hotu Davita lap anyin at Juda. 11Ke haba ûen ame musi hnyi Heberona Davita hon lap anyi Juda, me seven je huna ke siks ta tehi.
12Ke ame he but Abinera nöku Neri me lakei Ise-boseth a nöku Saulo ûheny Mahanaima Gibeona ai. 13Ke ame he but Joab nöku Zeruia, me lakei Davita, me ûkhanö mödrin hnyi an Gibeona; ke ödrin e ve laba ju, ke vat hnyi ke baten an, ke ke vat bi hnyi ke baten. 14Ke Abinera ame ha kö Joab, ka habe, Me todrö wahi-dröu me walak hnyi hnyimakötin. Me haingö Joab, ka habe, E so ödrin e tot. 15Me ödrin e ve todrö me he hoton ûseidrin; a ödrin twelv ga Beniamina me Ise-boseth nöku Saulo, ke ke twelv a lakei Davita. 16Ke ödrin e ve ûkâtköuâ je bodrin, me ve ûinâköuâ anyidrin je hele vat hnyi je vhaködrin; me ödrin e tha ta ju: anyin a wale adre me hwenyi ien dok e, me, Helekath-huzurim, wale Gibeona. 17Ke ti gan hmâ vat hnyi bong eling; kʼ adre me kuc Abinera me at Isaraela hnyi hnyimakan lakei Davita. 18Ke kun ta laku Zeruia eling, jia Joab, me Abisai, me Asael: ke haba Asael at ame wadring hwege helâ me zebiiny hnyot. 19Ke Asael ame hnu Abinera; me e ame wadring hotu Abinera kʼ ame ca saû ka hnyi ke keihen metâ me me. 20Ke Abinera ame hwio me ha, ka habe, U Asael? Me e ame thu, ka habe, Inya ang. 21Me Abinera ame ha kau, ka habe, Saû thö ka hnyi ke keihen metâ ame ne me, me kât ke hidröu, me hom anyin ta je ûnyi vat. Ke e höcö bi Asael he ka saû gan. 22Me Abinera ame ha hmetu kö Asael, ka habe, Saû thö gak: hnân eû oge me he ka kuc u hnyikânâi? ke oge ânyâ e me oge ma kâmâu ka iouny hmetu me Joab a tuhâm? 23Ke e höcö he ka saû: anyin a wale Abinera ame dâ e ge obiny ö hnyi hnyekon me ame manen bi ö hnyi hoton; me e ame ta ju me mokcu eling: ke haba tavat hia, hnyat adre me o ka hnyi dok ame ta hnyin Asael me mok hnyin, me, ödrin e todru. 24Ke haba Joab me Abisai ödru me hnyi hnu Abinera: ke ame didrut seûno hnyi ûen ödru me o hnyi bucen Ama, wale cicö Gia gethen ame he hnyi hnyebuba Gibeona. 25Ke ame ûkhacaköu lakon Beniamina hotu Abinera, me me khaca hmetu thö vat, me tot hon ke dok ae hut. 26Haba Abinera ame hongot kö Joab me ha, ka habe, Hawa, ame he ka han bala hele vat? u me ca wâ a gʼ ame he ka hiny hnyi obiny? ke ie ûen u me he ka ha ka tavat he ka hmetu ûheny hnyi hna hnu je liamekeiny mödrin? 27Ke haingö Joab, ka habe, Kia inya Khong, ke u je ne ca fuc me ame ne he ka hmetu nyi tavat ûheny hnyi hna hnu je liamekeiny mödrin. 28Me Joab ame tuâ trutru me ame todru tavat hia thithö, me ca hnu Isaraela hmetu, ke haba khaca ödrin e ca vat hmetu. 29Ke haba Abinera me lahien ödrin e vheno dok ae tha hon hnyi lit hia eling; ke ödrin e hanyâûâ Joridano, me vheno Betheron hia, me o hnyi Mahanaima. 30Ke Joab ame hmetu ûheny hnyi hna hnu Abinera: ke e ame ûkhaca-köuâ tavat hia, me ame hia but ke je lakei Davita a eitin, me Asael minya. 31Ke haba lakei Davita ödrin e hia but kot at Beniamina me lahiö Abinera, a theri haded ke sikste je komok. 32Ke ödrin e hum Asael me konâm e hnyi erkemok anyin kamen, wale hnyi Bethe-leema. Ke haba Joab me lahien ödrin e vheno lit hia, ke a lany dö ködrin hnyi Heberona.
Currently Selected:
II. Samuela 2: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society