Kada Bulawan 24
24
–19–
1Danggi' mupangngimburuii to togaja',
danggi' mumadoang sisoba'.
2Ia manda llan penawanna to la mpandasa tau,
na sipangkada umbo nakua la ncilakai tau.
–20–
3Ia to bola, dipake'deh situru' kamaccan,
nadipemawatangngi kamapahangan.
4Na ianna den kapaissenan,
tantu ia to sapa' llan bola la diissi parewa makeangga' na makassing naponno.
–21–
5La'bih makuasa to tomacca,
na samawatang-watangna to topaissen.
6Ia ke mangngattaki' parari dipesa'dingngi to pangpatuju,
sabuda-budanna tomangpakainga' nang den kapataloan.
–22–
7Te'da nakullei tobango' mpahangngi to macca.
Kamma' bang ke mukkunni to tau mbicara sininna kara-kara parallu.
–23–
8La disanga toparicu
to tompangngattai bang panggaukan gaja'.
9Ia to akkalan bango' mpaollong dosa.
Nakako'do' tau to topacapa'.
–24–
10Ia ke ka'tu rannuko ke mperasaiko parri',
battuananna tomalammako.
–25–
11La'paranni to todipattantumo la dipatei,
pasalama'i joo todigararakmo male lako ngenan la dinii mpateii.
12Wa'ding bangko mangkada kumua, “Tangngia issenku' joo.”
Apa Puang Allataala to nnuji penawa na Naissen to issi penawa.
Puang Allataala to njagai penawammu na Naissen to llan penawammu.
Napabalahhii to tolino situru' panggaukanna.
–26–
13Ee anakku', melo to nniso' canik,
macanning to canik to'do tama anga',
14susi toomi joo, dipumelo to macca.
Ia ke maccako, la melo to katuoanmu to la muoloi lako,
muampa'i to murannuan.
–27–
15Danggi' mususi togaja' to mesa' penawa la mbokoi tomakassing,
narampaii to bolana.
16Moi napembuda melolin to tomakassing, nang la ke'deh pole'i.
Apa la ancuru' nakanna abala' to togaja'.
–28–
17Danggi' mupumasannangngi ke macilakai to ewamu,
danggi' mupumarioi ke melolinni,
18dikua danggi' Nakita gaja'i Puang Allataala joo panggaukanmu,
na te'damo Nasessai joo ewamu.
–29–
19Danggi' mumabirih lako tomangpanggaukan gaja',
danggi' pangngimburuii to togaja'.
20Nasaba' te'da narannuan to togaja',
susi palita bosi apinna.
–30–
21Ee anakku', ngkalaja' ngkasiri'ko Puang Allataala na raja.
Danggi' mukaturu'-turu' lako tonnewa Puang Allataala sola raja.
22Wa'ding ta'pa silalona macilaka to tosusi joo,
sanga tangdicapa' to abala' Naparatu Puang Allataala sola raja.
Denpa ba'tu pira-pira pangpakainga'
23Den tomacca mangkada susi tee:
Te'da nawa'ding mangpasilaenan to tomangra'tah kara-kara.
24Ia to tomangkada lako togaja' kumua,
“Te'da nasala to panggaukanmu”,
la natangdoi sola natampakki ropu tau jio mai sininna bangsa.
25Apa la dibarakka'i to tomangra'tah,
ke napasala unami to tosala.
26Ia to pebali tongan,
iamo tandana kasisobaran tongan.
27Danggi'pa mukabua' bola,
ke te'dapi jamanmu
ba'tu te'dapi assele' bara'bahmu.
28Danggi' mumenjaji sa'bi lako padammu rupa tau ke te'dai lalanna,
danggi' musa'bi tangtongan.
29Danggi' mumangkada kumua,
“Ia to nagaukanna' tau, ia too la kugaukanni,
la kupabalahhii to panggaukanna lako aku'.”
30Den kulumingka nnola jio bara'bahna mesa' tomakuttu,
bara'bah anggoro'na tote'da akkalanna.
31Duri manda sola reu kukita tuo llan bara'bahna.
Moi rompona ro'pok toomi.
32Ia tongkupemakitaii, kunawa-nawai,
kuala pangngajaranni kumua:
33 #
Bulawan 6:10-11
Ia pale' ke ia manda dipugauk to cingga'tu'-cingga'tu' mamma', cingga'tu'-cingga'tu' maroja,
mangkoko kalepak na cingga'tu'-cingga'tu' mbambangan kale,
34la makaasi-asi to tau butung to dirampai,
na te'da apa diampui butung to narampo' tosibawa balili'.
Currently Selected:
Kada Bulawan 24: mvpAD
Highlight
Share
Compare
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
