Amos 3
3
Kareba pangsessa
3:1–6:14
Pangsessa-Na Puang Allataala lako sininna to-Israel
3:1-2
1Ee, kamu' sininna to-Israel#3:1 to-Israel iamo to tomangka Nasolan PUANG Allataala jio mai tana Mesir, la ia to torro jio karajaan jajanna liu, la ia to torro jio karajaan llo'na liu. to mangka Nasolan Puang Allataala lan mai tana Mesir. Pesa'dingngii tee kadan-Na PUANG Allataala mpatu kamu', Nakua, 2“Kamu' mandara bangsa to Kuparinawa tarruh. Kupilei kamu' jio mai sininna bangsa lan lino. Iamo joo Kulasessa kamu', nasaba' sininna dosami.”
Jamanna nabi mpangpeissenan kadan-Na Puang Allataala
3:3-8
3Denraka dua tau male sangpattujuan
ke te'dapi na sijanji?
4La mburrungraka to singa lan pangngalah
ke te'dapi apa najokko?
La mburrungraka to singa malolle' lan mai lo'ko'na
ke te'dapi kande naampa'?
5Wa'dingraka to manuk-manuk naala poja
ke te'da nadipoja?
Tiba'tikraka to poja
ke te'dapi nameatta?
6Te'daraka namalaja' to tau lan kota
ke ssa'dingngi oni tarompe' kasirarian?
Wa'dingraka la den abala' jio mesa' kota
ke tangngia-I PUANG Allataala mpadenni?
7Iamo joo, nate'dapa apa Napugauk PUANG Allataala,
ke te'dapi Napangpeissenanni jolo' lako nabi, tompangjaman Puang Allataala.
8Indara to tanglamalaja'
ke mburrungngi to singa?
Indara to tanglampangpeissenan kadan-Na Puang Allataala
ke mangkada-Mi to PUANG Allataala?
Nang la nasessa Puang Allataala to to-Israel
3:9-15
9Pauanni to tau to torro lan benteng jio kota Asdod na benteng jio tana Mesir kumua, “La sirempun kamu' jao sininna buntu siandah Samaria, mikitai to tomangrampa najaji to kamarongkan la'da' jio.” 10Mangkada-I PUANG Allataala Nakua, “Ia to tau mpake kamaparranganna rrampa ewanan, na patamai istana. Ia to tau te'da lalo kamarurusan napugauk. 11Iamo joo na ia sininna kotana, la natalimbung ewana, naancuru'i to bentengna na ia to istanana dirampo'. 12Ia to to-Israel to torro jio Samaria ci'di'mora la salama', susimira bembala' mangka natame-tame singa, to duamora ajena ba'tu sangle'tomora talinganna naampa' tomangrewana, ba'tu susi bola ro'pok to nanii cadokkoan ba'tu katindoan sisangle'tomora ajena.”
13Mangkada-I PUANG Allataala to makuasa Nakua, “Pariatii tee too sola pakainga'i to bati'na Yakub. 14Ia to wattu Kunii ssessa to-Israel, saba' dosana, la Kupasiancuru'i sininna ngenan pangkaroban jio Betel na sile'toan to potokkona arannai polloh do' litak.#2Raja-raja 23:15 15Ia joo wattu, la Kuro'pokan to sininna bola matonggo, iamo to bola diballo-balloi gading, to bola dipake ke wattu macakke' ba'tu bola dipake ke wattu pealloan.” Susimi joo kadan-Na PUANG Allataala.
Currently Selected:
Amos 3: mvpAD
Highlight
Share
Compare
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
