2 Korintus 6
6
1Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo. 2Nakua Puang Allataala lan Sura' Allataala kumua,
“Ia joo wattu kupueloh, kusa'dingmo to peta'dammu,
na kutulungmoko joo wattu kamangpasalamatan.”#Yesaya 49:8
Pesa'dingngii, iamo tee too to wattu napueloh Puang Allataala nanii to tau dipasalama'.
3Kipengkulle-kulleii na moi mesa' tau te'da la mpasalakan, nasaba' te'da namelo ke dicaccai to jamanki'. 4Iamo joo kipangpekitanni lan sininna panggaukanki' kumua tonasuakan Puang Allataala. Kiewai kasabbarasan moi mangrupa-rupamo kamaparrisan kiperasai, susinna disessakan, disussaikan, 5dirambikan, ditarungkukan ba'tu disigasa'ikan. Na kipengkullei tongan mangjama, biasakan tangmamma', biasa tookan tangkumande.#Jamanna Rasulu' 16:23 6Manassa kumua tonasuakan Puang Allataala, sanga mpugaukkan kamarurusan, buda kapaissenan nabenkan Puang, sabbara'kan sola melo penawangki', torro to Roh Allataala lan kaleki', mangpakamoja' tongankan, 7mpangpeissenankan pangngajaran tongan jio mai Puang Allataala, napajan kuasan-Na lan jamanki'. Na ia tee sininna panggaukan meloki' kipake mpangngewai kaleki'. 8Manassa kumua tonasuakan Puang Allataala, moi nataratte'kan tau ba'tu napakasiri'kan, moi napujikan ba'tu napau gaja'kan. Nasangakan tau pangnguraga moi natonganna bang to kipau. 9Den tau te'da natarimakan, moi na buda tau naissenkan kumua rasulu'kan. Disanga tomatemokan, moi kituo unapa. Moi kidisessa, te'da kipumatei. 10Tuli mariokan, moi kiperasai kamasussan. Mpasugihmokan barakka' kasalamatan lako tobuda, moi susikan tokaasi-asi dikita. Sitonganna kiampui ngasan to sininna apa, moi susikan tote'da lalo apa kiampui.
11Ee, tomala'bihku' to-Korintus! Te'damo apa kibunianan kamu'. Kipakamoja' tongan kamu'. 12Kipakamoja' kamu', apa kamu'ra to te'da mipakamoja'kan. 13Eloranna' mangkada susi ke sipangkadana' anak jajianku', “Kupeta'dai kumua, ammipakamoja' todakan.”
Pangpakainga' nadanggi' mesa' penawa sola to totangmatappa'
6:14–7:1
14Danggi' mimesa' penawa sola totangmatappa' lako Puang Isa, nasaba' tangsipato' dipugauk to susi joo. Te'da nalasibawa to kameloan na kagajatan! Te'da nakullei sialla' tomelo na togaja'! 15Te'da nakullei Almaseh la mesa' penawa sola Ballisi'! Te'da apa napuapa tomatappa' napuapa tooi totangmatappa'! 16Te'da kasiumputanna Bola Puang Allataala na bolana dewata! Na kita'mo Bola Puang Allataala to tuo, susi to napau Puang Allataala kumua,
“La mari'pihna' sola tuu lako tau,
na la torrona' lan tangnga-tangngana.
La menjajina' Puang Allataala to nasompa,
na ia tuu lako tau la menjaji umma'-Ku'.#Imamat 26:12; Yehezkiel 37:27; 1Korintus 3:16, 6:19
17Iamo joo salaii tuu lako tocia' matappa' lako Puang Allataala,
messarak kamu' jio mai tuu lako tau.
Danggi' lalo misitumbu to apa harang,
angkuwa'ding ntarima kamu'.#Yesaya 52:11
18La mupuambe'na',
na iko la kupuanak.
Susimi tee kadan-Na Puang to makuasa.”#2Samuel 7:14; 1Tawarikh 17:13; Yesaya 43:6; Yeremia 31:9
Currently Selected:
2 Korintus 6: mvpAD
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
