JONAH 2
2
Ŋkpe-Ubɔk Jonah ye Ekɔm Emi Enye Ɔkɔnɔde Abasi ke Ndinyaŋa Enye Nsio ke Idibi Iyak
1NDIEN Jonah odu iyak oro ke idibi ekpe Jehovah Abasi esie ubɔk, onyuŋ ɔdɔhɔ, ete,
2Ukut mi esin mi mfiori ŋkot Jehovah, ndien Enye eyere mi; ndu ke idibi udi nseme, ndien afo okop uyo mi. 3Ndien afo ɔmɔduɔk mi ke udem, ke ufɔt inyaŋ, ndien akpa mmɔŋ akan mi okuk: kpu-kpru odut fo ye mbufut fo etɔ efuk mi. 4Ndien ami ndɔhɔ, nte, Ememen mi efep ke iso fo eduɔk; edi nyesuk nse edisana temple fo. 5Mmɔŋ afat mi tutu osim ukpɔŋ udem akan mi okuk, ikɔŋ esit inyaŋ ayara mi ke ibuot. 6Nsuhɔre nsim oruŋ ikpɔ obot; isɔŋ ada eto usin-usuŋ esie abaha mi ke nsinsi: edi afo, O Jehovah Abasi mi eyesio uwem mi ke obube efep. 7Adaŋemi ukpɔŋ akpade mi ke idem, nti Jehovah: ndien mkpeubɔk mi osim fi ke edisana temple fo. 8Mmɔ eke enimde nsu-nsu ye ikpikpu ŋkpɔ eduɔk mfɔn mmɔ. 9Ndien ami nyeda uyo ekɔm ŋwa uwa nnɔ fi; nyesio se ŋkakaŋade. Erinyaŋa enyene Jehova.
10Ndien Jehovah ɔdɔhɔ iyak oro, ndien iyak ɔkpɔhi Jonah ɔduɔk ke obot.
Currently Selected:
JONAH 2: ENA
Highlight
Copy
Compare
Share
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
