HEBREWS 1
1
Mash g Jiosh am e tashogid gahi wuhshanim g e-alidag
1Heki atsh hu am haꞌi i ha chuhcha g Jiosh g t-shohshonbad matsh am wo amogad g haꞌichu ahgaj. Kush idam Jiosh haꞌichu i tashogiddam heꞌes am al i ha tashogid g Jiosh aꞌahidag oidam. 2Kutsh g Jiosh am hahawa i kei g e-alidag. Tsh id ia i wuhsh jewed dahm k si s-ap t-tashogid g Jiosh. Id o wud matsh g Jiosh ged hu i si wehpeg am i kei matsh wehs haꞌichu wo nahto. K heg hekaj wehs haꞌichu d enigaj. 3Kutsh eda ia jiwia k e shoꞌigchud k e muhkid matsh gam hu hab wo i juh g s-koꞌok t-namkidadag mach d pi ap chuꞌijkam. Tsh g Jiosh ab hahawa uhpam ep i be k an dai si e-hugid an. Kush si s-kehg s-masma am e chehgidch g s-has haꞌichudaj mash woho si wepo chuꞌig g e-ohg ch wehs an uꞌukch g e-nahtoi matsh an s-ap hab wo chuꞌigk. 4Neh, bo wa masma am e chehgidch mo id d alidaj g Jiosh. K heg hekaj tasho mo baꞌich d i si s-has haꞌichu mo hi g anghil.
5Jiosh ash pi hekid hema g anghil hab ahg mo d alidaj ch wabshaba hab kaij id wui:
Ni-alidag, hemu ant am wo ha chehgi g hemajkam map ahpi d waꞌi ni-alidag. Psalm 2:7
Kush hab ep kaij:
Dat wo ni‑alidagk ch am wo i wuhsh jewed dahm. 2 Samuel 7:14
6K an ep oꞌohanas mash hab kaij:
Wehs g anghil at hemho wa ab wo hehgchulidad.
7K an ep oꞌohanas:
Anghil o haꞌichu wehhejed s‑kehgaj hab sha masma mo g hewel ch mei. Psalm 104:4
8Kush wabshaba g Jiosh alidag am wehmaj wehs haꞌichu dahm. Kush g Jiosh ab wui hab kaij:
Dap Jiosh.
Kut pi hebai wo ha hugk g m‑kownaltalig mani ab m‑hiwgid.
K g m‑chehanig chum hekid s‑apꞌe.
9S‑hohhoꞌid ap g s‑apꞌekam ch g pi apꞌekam pi hohhoꞌid Nt heg hekaj am i m‑kehsh k ab m‑mah g si geꞌe s‑hehgig wehs ha baꞌiwechkim. Psalm 45:6-7
10Neh, bash kaij g Jiosh ch hab ep kaij ab wui:
Ni‑Kehsha, am apt nahto g jewed kahchim ch dahm kahchim.
11-12T heg wehs wo hekit k gam hu hab wo i e juh hab masma mat g iꞌikus.
Kupt eda ahpi hi wabsh chum hekid d wo doakamk ch pi hekid am gawul wo e juh. Psalm 102:25-27
13Neh, bash kaij g Jiosh ab e‑alidag wui ch hab ep kaij:
In g hu dahiwua si ni‑hugid an k ab wo ai mant wo ha gewito g m‑obga. Psalm 110:1
Neh, id ash wehs hab kaij g Jiosh ab e‑alidag wui ch pi hekid ab hu anghil ha wui hab shaꞌi kaij. 14Anghil ash pi wepo masma g Jiosh alidag ch d wabsh gewpkdag mash am chikpan Jiosh wehhejed. Kuch ahchim d hahawa Jiosh aꞌaliga t‑doꞌibiak ch am wo i wahp kihdaj ed. Kush g anghil d Jiosh pionag ch atsh am wo i t‑wehmajk.
Currently Selected:
HEBREWS 1: ood
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.