REVELESEN 5
5
A buku mana Sivsivi Kelekele
1Hika nu tagai na buku* lo matuai kaba i God hinea mo hugu lo hagehagelena lakua hi, a rauki savia u kukwere kina uliuli. Rau lulukia ramo bulubibia kina bulu kaibitu. #a 1 King 22.19; 2 Kron 18.18; Sam 47.8; Aes 6.1; Esik 1.26-27; Rev 4.2,9; 5.7,13; 6.16; 7.10,15; 19.4; 21.5; b Aes 29.11; Esik 2.9-10 2Vunu nomo tagai na kaihora tina taetae u huira haburu, mo koleki karakara mo viti “?Ihe hi u taritarisa kwara vae ne kakwoti na bulu kaibitu tina buku hika ne vukeria?” 3Vae rahe hagwe na tangaloi te lolo taetae diko lo varamana diko lo tanotano na mateana kwara ne vukeri lavi na buku hika ne tagataga luna. 4Nu rongo hati haburu nomo tangi, huri rahe hagwe lavi na tangaloi tea kwara u taritarisa kwara ne vukeri na buku hika ne tagataga luna.
5Vunu a tangaloi katukwale tina ngwarasea* mo kwaha maiau mo viti kwara, “Hatu tangi. !Ko tagaia! A Laeon hinea u gwalo vanamai lo gwatuidamu lui Suta, a gwaloana lui Devit, u gui na hatiki ba, vae ne kakwo lavi na bulu hi kaibitu, vunu ne vukeri na buku hi.” #a Jen 49.9-10; b Aes 11.1,10; Rev 22.16
6Vunu nu tagai na kairoroi* hinea a Sivsivi Kelekele #5.6: A Sivsivi Kelekele a domianaki kwara i Jisas. Vunu kona taga na leo hi lo Deksenare lo buku hika takuni. u tu lolo livuka na hagehagele lakua hi. A boboroa mauri kaivati mana ngwarasea vano hi ramo tu dalidalia. A Sivsivi Kelekele hi nomo tagaia hokinia rau kwohi mateia ba. A gwalana kaibitu vunu a matana kaibitu. A mata vano hi aira a tanungwe kaibitu noi God hinea u horara ba tilolo varamana doluaki. #a Aes 53.7; Sione 1.29,36; Rev 5.12; 13.8; b Sek 4.10; d Rev 1.4; 4.5 7A Sivsivi Kelekele hi u vano mo lavi na buku tina matuai kaba i God hinea mo hugu lo hagehagelena lakua. #1 King 22.19; 2 Kron 18.18; Sam 47.8; Aes 6.1; Esik 1.26-27; Rev 4.2,9; 5.1,13; 6.16; 7.10,15; 19.4; 21.5 8Lolona a Sivsivi Kelekele hi mo vai kwehi, a boboroa hi kaivati mana ngwarasea hi ngavu kairua dongwaki kaivati ramo sovi hivo koro na nako na Sivsivi Kelekele hi. Rau hago bulaga gita vatavataha mana laha rau kihira kina kol rau kukwere kina kinau* boniboni, a kabuiahuki mo boniboni mo kwareki a tiutangaroa nona tangaloi noi God. #Sam 141.2; Rev 8.3,4 9Vunu rau kahoki a bolo karagwa, ramo viti
“I nigo ku taritarisa
kwara kona lavi na buku hi
kona kakwoti na bulu vano hi,
huri komo abe,
vae kina daimu
komo volitukuhi na tangaloi
kwara rana kwareki a noi God.
A tangaloi vano hi
rau gwalo vanamai
lo gwatuidamu vunuhia,
rau vanamai lo leo gwatu na rusa,
tina ureure savia,
aira a tangaloi mataroi. #Sam 33.3; 40.3; 96.1; 98.1; 144.9; 149.1; Aes 42.10; Rev 14.3
10Komo vaira ramo mulemai
ki hugwe lalakua tavutimu,
vake komo vaira ramo mulemai
ki tangaloi* lingilingi
kwara rana boloki
lakwa na nomai God,
vae rana hugwe koro
na tangaloi lo varamana.” #a Eks 19.6; Aes 61.6; 1 Pita 2.5,9; Rev 1.6; 20.6; b Rev 20.6; 22.5
11Hikani nomo taga, nomo rongo na kaihora rusa lolo taetae u tari vakatari mulemule. Rau tu dalidali na hagehagele lakua hi mana boboroa mauri hi kaivati, mana ngwarasea vano hi, #Dan 7.10; Hib 12.22 12ramo kaho ramo viti
“A Sivsivi Kelekele hi mo abe,
aia u taritarisa
kwara ne lavi na huirana,
mana vivilagoki rusa,
mana lolorani,
mana rakahui.
U taritarisa kwara tana vai mavakinia,
tana tabe hakeki na hinana,
vake tana kaluhakinia.” #a 1 Kron 29.11; b Aes 53.7; Sione 1.29,36; Rev 5.6; 13.8
13Vunu nu rongo vunuhi na kinau i God mo taura hinea a mabuga eia ramo toko kaho. A kinau vunuhia lolo taetae, lolo varamana, lolo tanotano na mateana, mana kinau vunuhia lolo karata, vunuhi na kinau i God mo taura hinea a mabuga eia lo varamana doluakinia, ramo toko kaho rau viti
“I God hinea u hugu
lo hagehagelena lakua
mana Sivsivi Kelekele vake,
u taritarisa kwara tana kaluhakirarua,
tana vai mavakirarua,
tana tabe hakeki na hinagaru,
tana viti huri na nogaru huirana
vaki tuai a gwereki tikei.” #1 King 22.19; 2 Kron 18.18; Sam 47.8; Aes 6.1; Esik 1.26-27; Rev 4.2,9; 5.1,7; 6.16; 7.10,15; 19.4; 21.5
14A boboroa mauri hi kaivati ramo daraki ramo viti “Io kareaki.” Vunu a ngwarasea vano hi ramo sovi hivo vovohia, ramo lai noga mavakiana lakwae.
Currently Selected:
REVELESEN 5: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
