VILIVAE 1
1
I Pol mai Timoti raru kwaha tabetabe mana ngwera Vilivae
1I nau i Pol, i kamirua mai Timoti, i kamirua a tangaloi boloki noi Jisas Kraes*. Keru uli na leta hika lakwakamu i kamu vunu a ngwera Vilivae hinea tulu hariki lui Jisas Kraes, i kamu a tangaloi kokona noi God, vae silesiletia hi lakwakamu a kaituruki mana kaihago na kwarelua*.
2A tangaroa karea hika lakwakamu. I God i Tamada mai Jisas Kraes a noda Hugwe* raru ne hago maikamu kina nogaru domi tabetabe lakua, vake raru ne bete na magemuana ne eno maikamu. #Rom 1.7; Gal 1.3; Vlm 3
A tiutangaroa noi Pol huri na ngwera Vilivae
3Lolona hi nomo domihagwekamu, tigwaravu nu lagwaki na nogu God hurikamu. #Rom 1.8; 1 Kor 1.4 4Vataha na taroki nu tiutangaroa hurikamu doluaki, nu tiutangaroa kina hahavutiana, 5huri na doridori aia hika tulu mo hago maiau lo bolokiana na Roro Karea, u tinakaki lo tinatinakakiki tarisaki hikani. 6Hokinia nu kikilai kareaki kwara i God hinea mo tinakaki na boloki karea hi lumiu tomua halaradu, vae ne vano maia tarisaki a boloki hi ne rovo lo Rani noi Jisas Kraes*. #1.6: Lo Rani noi Jisas Kraes. Kona taga A RANI NONA HUGWE lo Deksenare lo buku hika takuni. #a Vil 2.13; b 1 Kor 1.8; Vil 1.10; 2.16 7A domidomigu aia lumiu tigwaravu, vae u taritarisa kwara na domi hokinia hi hurikamu huri tulu bulu maiau lo bolokiana hini i God u bete lakweau lo nona domi tabetabe lakua kwara na vai. Tuai lolona nomo tu vovohi na tavaluivuro noi Kraes nomo hago leo huri na Roro Karea kwara ne huira ne vano ne karea, vunu vake lo taro hika hinea nu hugu lolo ingwa na gwarugwaru, vae tigwaravu tulu bulu maiau lo bolokiana hi. 8I God u kikilai kwara nu viti kareaki lolona nomo viti kwara nu lengaia haburu kwara na tagaikamu. A nogu lagwaana hi hurikamu savia u vanamai tina domi i Jisas Kraes sibona. #Rom 1.9; 2 Kor 1.23; 1 Tes 2.5
9Nu tiutangaroa kwara a nomiu lagwaana ne mauri vakevake, vae lo hala hi tulu ne lavi na kikikila kareaki mana domidomi sea, 10vunu tulu ne kwaheki lavi na havakinau hinea rau bakoto. Vae hokinia lo Rani noi Kraes tulu ne bakoto lo nakona, vae a tangaloi ranahe hagwe lavi na hatiki te lumiu. #a Rom 2.18; 12.2; Hib 5.14; b 1 Kor 1.8; Vil 1.6; 2.16 11Vunu lo mamaurianamiu tulu ne huri na doridori hinea rau bakoto, rau karea. A doridori hi, a kwai na bolokiana noi Jisas Kraes luda kwara tana tabe hakeki na hina i God tigwaravu tana kaluhakinia. #Sione 15.8
I Pol lo nona tokaana u hariki lui Kraes kehekeheki
12Rabela. Nu lengaia kwara tulu ne kikilai kwara a kinau hini ramo vanamai vovohiau, vae rau hago mana bolokiana na Roro Karea mo matala. #2 Tim 2.9 13Hokinia hini a kaitagahuri maira na ingwa i Sisa, mana tangaloi ratuaki vake hike, rau kikilai kwara i nau lolo ingwa na gwarugwaru huri i nau a tangaloi boloki noi Kraes*. #Eves 3.1; 4.1; Vlm 1,9 14Hokinia nomo hugu lolo ingwa na gwarugwaru, mo vai na ratua a noga hauhuriana mo madi lo noda Hugwe*, vae hika rahe mataku te vohoki, rau vai na domiga u huira tigwaravu kwara rana heretuvaki na leo noi God. 15Kareaki, tuaki tiura rau heretuvaki Kraes kwara rana vai kadiau, rau lengaia kwara rana vaiau na rongo hati, vae u rusa rau heretuvakinia kina domi karea. 16Aira hi rau vai hokinia hi rau vai kina lagwaana huri rau kikilai kwara i God u beteau kina boloki kwara na hago leo huri na Roro Karea kwara u kareaki. 17Vae ratuaki rau vai hete kina vitikareaki. Rau heretuvaki Kraes kwara rana vai kadiau, rau vai kwara rana tabe hakekinira siboga. Rau domi kwara rana vaiau na rongo hati vakevake lolo ingwa na gwarugwaru. 18I nau nahe domi huri tea. Diko rau vai kwehi kina domi karea, diko rau vai kina domi hati, vae i nau u havutiau huri rau heretuvaki Kraes. Vae ne havutiau vakevake, 19huri nu kikilai kwara a kinau hi vae a kwaiki ne eia. I God ne tirakiau tina ingwa na gwarugwaru hika lalahi na nomiu tiutangaroa mana hagoana na Tanungwe noi Jisas Kraes. #a Job 13.16; b 2 Kor 1.11
20A kinau katukwale vohoki nu lengaia haburu, vae nu tau na nogu domidomi luna kwara na hatu vai na kinau hinea kwara ne vaiau na maemae lo nako i Kraes. Nu lengaia kwara hika a domigu ne huira na hatu mataku, diko nana ahi, diko na mate, vae venaha a mamaurianagu savia ne tabe hakeki na hina i Kraes hokinia nomo toko vai tigwaravu. #1 Pita 4.16 21Lo nogu domidomi diko na ahi, na hariki lui Kraes na toko va tabe hakekinia, vae diko na mate, vae ne karea siletia hi. #Gal 2.20 22-23Vae diko nu toka radu lo varamana hika, vae nana vai lai te bolokiana hinea a kwaiki ne eia. Hikani a hala u mahangahanga, vae nu lengalengakinia kwara na lakao luna makive. I nau sibogu nu lengaia kwara na tiraki na mamaurianagu hike lo varamana na hugu mai Kraes. Aia hi u karea karakara. #a Rom 1.13; b 2 Kor 5.8 24Vae nu tagaia u taritarisa kwara na hugu maikamu radu lo varamana. 25Hikani nu taga kwara a hala kairuaki hi u karea, vae huri hi, nu kikilai kwara nana hugu maikamu vake, lo varamana. Na hugu maikamu i kamu vunu, vae na hago maikamu tulu ne huira vakevake, vae ne havutikamu lo nomiu hauhuriana. 26Vae lo hala hi, diko na venatu vaki maikamu taliku, vae tulu ne lagwa vohoki, vunu tulu ne kaluhaki i Jisas Kraes huri nomo bulu maikamu taliku.
Tulu tu ne madi kwara tulu ne vai vuro
27Hikani a kinau haburu kwara a doridorimiu ne taritarisa tigwaravu mana Roro Karea noi Kraes*. Vae hokinia lo taroki, diko nomo vai lai nomo venatu nomo tagaikamu, diko na hugu vakahao tikamu, aia kwara nana rongo kwara tulu tu madi lo domi katukwale vohoki, tulu boloki tabulutaki kwara tulu ne vai na tangaloi rana hauhuri lo Roro Karea. #a Eves 4.1; Kol 1.10; 1 Tes 2.12; b Vil 4.3 28Na rongo vake kwara tulu he mataku te kina nomiu tavaluivuro, a domimiu u madi tigwaravu. Vae hokinia ne kwareki a kaivosangi lakwara kwara aira hi rana sala, vae i kamu, i God ne vakahikikamu. 29I God u matai na hala karea hurikamu u rovo ba, hete kwara tulu ne hauhuri lui Kraes kehekeheki, vae kwara tulu ne rongo hati vake lo tarabehimiu huria. 30Hikani i kita vunu tana bulu katukwale lo vai vuro. A vuro hi tulu mo toko tagaiau nomo vai vuro luna tuai, vae hika nu vai luna radu hokinia hi tulu mo toko rongo. #a Bol 16.22; b Vil 1.13
Currently Selected:
VILIVAE 1: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
