LUK 3

I God u hora i Sione a tangaloi na bavtaes tangaloi kwara ne heretuva

(Mat 3.1-12; Mak 1.1-8; Sione 1.19-28)

1-2Hikani u maravuti mana taro hinea i Taebirias Sisa* u mulemai kina hugwe lakua nona ngwera Rom. Mo hugwe korora a hukao hangavulu dongwana kaivati vae lo hukao hangavulu dongwaki kailima i Sione i natu i Sekaraea u rongo kwara i God u kwaha maia. Lo taro hi a hugwe mana kavman rau boloki tavuti i Taebirias Sisa hi. I Herot #3.1-2: I Herot. I Herot hi aia i Herot Antivas. Kona taga lo Deksenare lo buku hika takuni. aia u hugwe koro na vanua Galili*. I tuana i Viliv aia u hugwe koro dalidali na vanua Iturea maia Trakonaetas. I Lisanias aia u hugwe koro na vanua Avilini. A ngwera Rom hi i Ponses* Paelet aia a kavman lakua na vanua Sutia. Lo taro hi vake a hugwe na tangaloi* lingilingi nona gwaloana noi Isrel*, i Kaeavas mai Anas hinea i tama i vavinehina.

Vae lo taro hi i Sione u hugu lo vanua vuroki, vae i God mo lalahia kina nona huirana, vunu i Sione mo viti na leona tivarea. #Luk 1.80 3Hokinia i Sione mo lakao laliki takwa-hi mana Kwai Sotan mo heretuva, mo viti “Tulu bohi tina nomiu hatiana tulu lai bavtaes, vae i God ne domidomi koro nomiu hatiana.” #Bol 13.24; 19.4 4Hokinia a tangaloi* duruduruki i Aesaea u uli lo nona buku* ba, mo viti

“A tangaloi mo toko kwarekware

lo vanua vuroki mo viti kwara,

‘Tulu vai rarai na hala huri na Hugwe* i God.

Tulu vai bakotoki na hala hi ne huria.

5Savi na kwalukwalu rana horongiana,

savi na vutivuti mana vuti lalakua

tulu suratira rana tatavola.

A hala rau bakilukilu

tulu vaira rana bakoto,

a hala rau hahagara

tulu vaira rana ngwakura.

6Vunuhi na tangaloi rana tagai na hala

hinea i God ne vakahiki na tangaloi luna.’ ” #Aes 40.3-5 #Luk 2.30-31; Bol 28.28; Taet 2.11

I Sione a tangaloi na bavtaes tangaloi mo heretuva

7A vao rusa ramo vanamai vaki mai Sione kwara ne bavtaesira. Mo kwaha maira mo viti kwara, “!I kamu hoki na ngwata! ?Ihe u viti lakwakamu kwara tulu ne kwalao tina lologute noi God? A lologute hi ne vanamai nehe vakasile tea. #a Mat 12.34; b Mat 23.33 8Diko tulu bohi kareaki tina nomiu hatiana vae a kwaiki ne eia lo mamaurianamiu. Tulu hatu viti kwara i Evraham i tubumiu. Na viti lakwakamu, i God ne vai lai ne lavi na vatu vano hika ne vaira rana mulemai ki gwaloana noi Evraham. #Sione 8.39 9A talai u raraiana ba kwara ne tai na vikai rusa lolo kakwariga. Vataha na vikai hinea rau kwai he karea tea i God ne tai surira ne vohokinira tilolo kabu.” #Mat 3.10; Sione 15.6

A tangaloi vae rana huri na hala bakoto

10A tangaloi ramo uduhuri kinia ramo viti kwara, “?I kami kena vai kworoho?”

11Mo daraki lakwara mo viti kwara, “Ihe hi a lugwana kairua ne betea kairuaki lakwa na tangaloi hinea a lugwana tikei. Vake ihe hi a kana hinaka eia ne kwaheki lakwa na tangaloi ratuaki hinea a kaga tikei.”

12A tangaloi* na vilevile mane* a takis nona kavman tuaki ramo vanamai kwara rana lai bavtaes, vae ramo uduhuri ki Sione ramo viti kwara “?Tisa, i kami kena vai kworoho?” #Luk 7.29

13Mo viti lakwara kwara, “Tulu hatu vile mane siletia hi a tangwata mo viti.”

14A tangaloi na vuro tuaki ramo uduhuri kinia ramo viti kwara, “?I kami kena vai kworoho?”

Mo kwaha maira mo viti kwara, “Tulu hatu bibiri na tangaloi tulu mo lai mane tiura, vake tulu hatu bibiri na tangaloi kwara u vai na kinau u hati. Tulu lagwa mana kaivolimiu.”

I Vurae vae ne vanamai

15Hikani a tangaloi a domiga mo karea ramo lagwa. Ramo toko domi lengalengakinia kwara i Sione aia a hava tangaloi. A tangaloi savia rau tuku viti kwara, “Nu domi kwara aia hi i Vurae* hinea i God mo tulikinia tuai kwara ne horae vanamai ne vakahikikita.”

16Vunu i Sione mo viti lakwara vunuhia kwara, “I nau nu bavtaesikamu kina kwai. Vae a tangaloi katukwale hinea u lakua siletiau ne vanamai. I nau nahe taritarisa tea vohoki kwara na teri na karo na kaikwokwori na garuna. Aia ne bavtaesikamu kina Tanungwe Kokona mana kabu. #Bol 13.25 17U kwiribibi na nona kaihibi na uit* lo kabana kwara vae ne hibi a uit kinia, ne vohoki hake, a langi ne hereia, a hogoki rana sovi kehekeheki, a hinakaki rana sovi kehekeheki. Vunu ne lai a hinakaki ne tau vaki lolo nona ingwa, vae ne hura savi na hogoki lo kabu hinea toko he mate lai tea.”

18I Sione mo heretuvaki na Roro Karea lakwa na tangaloi lo hala na leo a gwatuki u rusa, mo seseaka hurira kwara rana bohi.

I Herot mo tau i Sione lolo ingwa na gwarugwaru

19Lo taro hi i Herot #3.19: I Herot. I Herot hi aia i Herot Antivas. Kona taga lo Deksenare lo buku hika takuni. hinea u hugwe koro na vanua Galili mo balu i Herotias i vavinehi i tuana vohoki, mo laki maia, vake mo vai na kinau hati u rusa, vae i Sione mo kwaha luna huri. 20Vunu i Herot mote vai na kinau taliku u hati siletia tomua luna hi mo lavi Sione mo taua lolo ingwa na gwarugwaru. #Mat 14.3-4; Mak 6.17-18

I Jisas mo lai bavtaes

(Mat 3.13-17; Mak 1.9-11)

21Vae lo taro hi hinea i Sione u tuku bavtaes tangaloi radu nga, mo bavtaes na tangaloi vunuhia, vunu i Jisas vake mo lai bavtaes. Vae lolona i Jisas mo toko tiutangaroa, a taetae mo matakahi, 22a Tanungwe Kokona mo hivo tiluna aia hoki na ngwaki. Vunu a dilao mo tangi vanamai tina taetae mo viti kwara, “I nigo i Natugu, a Natu tabe. I nau nu lagwa maiko haburu.” #a Sione 1.32; b Jen 22.2; Sam 2.7; Aes 42.1; Mat 12.18; 17.5; Mak 9.7; Luk 9.35; 2 Pita 1.17

I Jisas aia a vakabela lui Atam

(Mat 1.1-17)

23Lolona i Jisas mo tinakaki nona boloki mo huhui, a hukaona kwara te ngavu kaitolu. A tangaloi rau tuku domi kwara aia i natu i Sosev. I Sosev aia hinea i natu i Heli, #Luk 4.22; Sione 6.42 24i Heli natu i Matat, i Matat i natu i Livae. I Livae i natu i Melki, i Melki i natu i Sanae, i Sanae i natu i Sosev. 25I Sosev i natu i Matatias, i Matatias i natu i Amos, i Amos i natu i Neham. I Neham i natu i Esli, i Esli i natu i Nangae, 26i Nangae i natu i Mahat. I Mahat i natu i Matatias, i Matatias i natu i Semein, i Semein i natu i Sosek. I Sosek i natu i Sota, 27i Sota i natu i Soanan, i Soanan i natu i Resa. I Resa i natu i Seruvavel, i Seruvavel i natu i Sealtiel, i Sealtiel i natu i Neri. #1 Kron 3.17; Esra 3.2 28I Neri i natu i Melki, i Melki i natu i Ati, i Ati i natu i Kosam. I Kosam i natu i Elmadam, i Elmadam i natu i Ere, 29i Ere i natu i Sosua. I Sosua i natu i Eliesa, i Eliesa i natu i Sorim, i Sorim i natu i Matat. I Matat i natu i Livae, 30i Livae i natu i Simion, i Simion i natu i Suta. I Suta i natu i Sosev, i Sosev i natu i Sonam, i Sonam i natu i Eliakim. 31I Eliakim i natu i Melea, i Melea i natu i Mena, i Mena i natu i Matataha. I Matataha i natu i Netan, i Netan i natu i Devit, #2 Saml 5.14 32i Devit i natu i Sese. I Sese i natu i Obet, i Obet i natu i Boas, i Boas i natu i Salmon. I Salmon i natu i Nason, #1 Saml 16.1,13 33i Nason i natu i Aminadav, i Aminadav i natu i Adimin. I Adimin i natu i Ani, i Ani i natu i Hesron, i Hesron i natu i Peres. I Peres i natu i Suta, #Rut 4.17-22; 1 Kron 2.1-14 #Jen 29.35 34i Suta i natu i Sekov, i Sekov i natu i Aesik. I Aesik i natu i Evraham, i Evraham i natu i Teraha, i Teraha i natu i Neho. #a Jen 25.26; 1 Kron 1.34; b Jen 21.3; 1 Kron 1.28,34 35I Neho i natu i Seruk, i Seruk i natu i Rehu, i Rehu i natu i Pelek. I Pelek i natu i Eba, i Eba i natu i Sela, 36i Sela i natu i Kaenan. I Kaenan i natu i Avaksat, i Avaksat i natu i Sem, i Sem i natu i Noa. I Noa i natu i Lamek, #Jen 11.10-26; 1 Kron 1.24-27 37i Lamek i natu i Metusela, i Metusela i natu i Inok. I Inok i natu i Saret, i Saret i natu i Mahalalel, i Mahalalel i natu i Kenan, 38i Kenan i natu i Enos. I Enos i natu i Set, i Set i natu i Atam, i Atam i natu i God. #Jen 4.25—5.32; 1 Kron 1.1-4

Currently Selected:

LUK 3: HWT

Highlight

Copy

Compare