EVESAS 5
5
Tulu toka lo leleha
1I kamu i raranatu i God hinea u lagwa haburu maikamu. Vae huri hi tulu huira vakevake kwara tulu ne bohibohi hokinia. #Mat 5.48 2Tulu toka lo lagwaana, tulu lagwa mana tangaloi hokinia i Kraes* mo lagwa maikita mo tiraki na mamaurianana hurikita. A mamaurianana u hile lakwai God hoki na hilehile hinea a bonina u karea haburu, vake hoki na kairoroi* hinea i God u lagwa maia haburu. #a Rom 14.15; b Gal 2.20; d Sam 40.6; Hib 10.10; e Eks 29.18; Esik 20.41
3I kamu a tangaloi kokona noi God vae huri hi he taritarisa tea kwara tulu ne vitiviti huri na doridori hati. A doridori hati hinea a ngwera u soro vavine, mana doridori hati savia nona ngwera mana vavine, mana doridori hi a tangaloi u lengai na kinau vatahae, tulu hatu vitiviti huri. #Kol 3.5 4He taritarisa tea kwara tulu ne viti na leo hinea rau hogora, diko tulu ne hahaviri, diko tulu ne hahariki lo hina i God, diko tulu ne heveheve lo leo rau hati. Vae tulu ne lagwaki God. #Eves 4.29; Kol 3.8 5Nu viti lakwakamu u karea kwara tulu ne kikilai na leo aira hika. A tangaloi hinea u vai na doridori hati, a ngwera hinea u soro vavine, diko a tangaloi hinea u vai na doridori hati savia nona ngwera mana vavine, diko a tangaloi hinea u lengai na kinau vatahae, vae ne sala. A tangaloi hinea u lengai na kinau vatahae aia u taritarisa maira hinea rau lai noga mavakiana lakwa na takaro vuroki maira. Hete kwara te katukwale tiura ne soro tilolo Vanua Karagwa hinea i Kraes mai God raru mo hugwe koroa. #1 Kor 6.9-10; Kol 3.5
6Tulu hatu tiraki na tangaloi te katukwale ne sinakamu kina leo hinea rau hati kwara rana vaikamu a gwatumiu rana reraka. I God u lologute butubutu kina tangaloi hinea rahe rongohuria tea huri na kinau vano hi vohoki, vae ne vai kadira huri. #a Kol 2.4,8; b Rom 1.18; Kol 3.6 7Vae tulu hatu bulubulu mana tangaloi hokinira hi. 8I kamu, tomua tulu toka lo dodoki, vae hikani tulu kwareki a tangaloi na noda Hugwe*, tulu toka lo leleha. Vae huri hi tulu ne bohi tigwaravu hoki na tangaloi hinea rau toka lo leleha. #a Eves 2.11,13; Kol 1.13; 1 Pita 2.9; b Luk 16.8; Sione 13.36 9A tangaloi hinea u bohibohi lo leleha a kwaina u rusa. A tangaloi rau bohibohi hokinia hi rau tuku vai na doridori hinea rau karea, rau taritarisa, rau bakoto. 10Tulu huira kwara tulu ne kikilai a havakinau hinea a noda Hugwe u lagwa luna. #Rom 12.2 11Tulu hatu bulu mana tangaloi lo doridoriga hinea rau hati. A doridori vano hi a doridori na dodoki hinea a kwaiki u karea tikei luga. Vae tulu ne lavi na doridori vano hi vaki lo leleha. #Rom 16.17; 2 Tes 3.6; 2 Sione 10-11 12A maemaeana haburu kwara tana viti huri na doridori hinea rau vai tavuniki. 13Vae diko i God ne lai vunuhi na kinau vaki lo leleha, a leleha hi ne vosangi bakotoki na doridoriga vaki na ngwasara. #Sione 3.20-21 14Diko a leleha ne vosangi bakotoki na kinau vaki na ngwasara, a kinau hi ne mulemai kina leleha. Vae huri hi a bolo katukwale u viti kwara,
“I kamu hinea tulu maturu,
tulu rada,
tulu maraka tina mateana,
vae i Kraes ne kwaka vakahakikamu.” #Aes 26.19; 51.17; 52.1; 60.1; Rom 13.11
15Tulu tagahuri ne karea lo nomiu tokaana. Tulu hatu toka hoki na tangaloi hinea rau vonovonoka, vae tulu toka hokinira hi rau kikikila. 16Tulu boloki ne karea lo taro hi u karea lakwakamu, huri lo taro hika a huirana na hatiki u huira. #a Kol 4.5; b Amos 5.13 17Tulu hatu reraka, aia tulu ne vai kwara tulu ne kikilai a havakinau hinea a noda Hugwe u lengaia kwara tulu ne vai. #Rom 12.2; Kol 1.9
18Tulu hatu inumi na waen tulu mo reraka kinia, huri ne vai hatihatikikamu. Vae tulu kukwere kina Tanungwe Kokona tigwaravu. #Prov 23.31 19Tulu kwahakwaha maikamu lo leo na bolo lo Sam mana bolo na kaluhakiana mana bolo kokona hinea a Tanungwe Kokona u betekamu kinira. Tulu kaho kaluhaki God lolo domimiu kina bolo na kaluhakiana mana bolo na Sam. #a Kol 3.16; b Sam 33.2,3 20Tulu lagwaki God a Tamaki tigwaravu huri na kinau savia, lo hina na noda Hugwe i Jisas Kraes. #Kol 3.17
A bohiana na lakiana
21Tulu domi mavaki Kraes, vae huri hi tulu ne domidomi mavakikamu. #1 Pita 5.5
22I kamu a ravavine hinea tulu laki ba, tulu domi mavaki ratuamiu ngwarasea hokinia tulu domi mavaki na noda Hugwe*, #Jen 3.16; Kol 3.18; 1 Pita 3.1 23huri a ngwera u hago huirana koro i vavinehina hokinia i Kraes u hago huirana koro na kwarelua*. Vae i Kraes aia a Kaivakahi na kwarelua, hini a tarabehina. #1 Kor 11.3 24Vae huri hi, a ravavine rana domi mavaki ratuaga ngwarasea rana rongohurira lo kinau savia, hokinia a kwarelua mo domi mavaki Kraes, mo rongohuria.
25I kamu a ngwera hinea tulu laki ba, tulu lagwa mai ravavinehimiu hokinia i Kraes mo lagwa mana kwarelua, mo tiraki na mamaurianana huria #a Kol 3.19; 1 Pita 3.7; b Eves 1.22; Kol 1.18 #Hib 10.10,14; 13.12 26kwara ne vai na kwarelua hi ne kokona, ne kwareki a noi God. I Kraes mo vai na kwarelua mo ngwasara, aia hokinia u kwasukia kina kwai mana leona. #Taet 3.5 27Mo vai hokinia hini kwara ne lavi na kwarelua vaki maia hinea u hahaburuka, u kokona, a hatiki u tikei luna, u ngwasara, a kinau he tigelia tea, diko te kinau vake hinea he taritarisa tea u tikei luna. #2 Kor 11.2; Kol 1.22 28A ngwera rana lagwa mai ravavinehiga hokinia hini ramo lagwa mana tarabehiga siboga. A tangaloi hinea u lagwa mai vavinehina u lagwa maia sibona. 29Hete kwara te katukwale hinea u bena kina tarabehina sibona, vae u vanga tabetabekinia mo tagahuria, hokinia hi i Kraes mo vai lakwa na kwarelua, mo tagahuri tabetabekinia. 30A kwarelua hi aia a tarabehi i Kraes, vae i kita a duvi na tarabehi rusa na tarabehina. #Rom 12.5; 1 Kor 6.15; 12.27; Eves 1.22-23; Kol 1.18 31A Uliuli* Kokona u viti “Huri hini, a ngwera ne tiraki i tamana mai retahina, ne bulu mai vavinehina, raru ne mulemai ki tarabehi katukwale.” #Jen 2.24; Mat 19.5 32A leo hi tina Uliuli Kokona u matangwasaraki na leo haburu hinea u eno tavuniki. Vae nu kikilai kwara u viti huri Kraes mana kwarelua. #Rev 19.7 33Vae vake u viti hurikamu vatavatahakikamu. A ngwera vae ne lagwa mai vavinehina, ne tagahuria hokinia mo tagahuria sibona. Vunu vake a vavine vae ne domi mavaki i tuana ngwarasea.
Currently Selected:
EVESAS 5: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
