KOLOSI 3
3
1I kamu tulu maraka tina mateana haragoki mai Kraes tulu ahi, vae huri hi tulu vai na domimiu ne tu lo kinau vano hi aulu lolo taetae lo tanotano hinea i Kraes mo hugu lo matuai God. #a Kol 2.12; b Sam 110.1; Mat 22.44; Mak 16.19; Bol 2.34; Eves 1.20; Hib 1.3; 8.1; 10.12; 12.2 2Tulu tau na domimiu ne madi lo kinau takwa-hi, hete lo kinau hike lo varamana, #Mat 6.33 3huri i kamu tulu mate ba. Tulu hariki lui Kraes ba, vae a nomiu ahiana i God u tavunikinia haragoki mai Kraes, vae u eno lui God. #Rom 6.2; 2 Kor 5.14 4A nomiu ahiana kareaki, aia hi i Kraes. Vae lo taro hinea i Kraes ne maravuti kina tangaloi, vae rana tagaikamu haragoki maia, vae tulu ne bulu maia lo nona hahaviada na taetae. #a Gal 2.20; Vil 1.21; b 1 Kor 15.43; Vil 3.21; 1 Sione 3.2
Tulu tiraki na hala na tokaana tuai
5Tulu kwohi letiuki na lengalengahuri hati na varamana hi lumiu, hoki na doridori aira hika. A ngwera rau vai a doridori hati mana ravavine, a ravavine rau vai a doridori hati mana ngwera, a tangaloi rau vai a doridori rahe karea tea, a maemaeana luga. A ngwera rau lengai na ravavine haburu, a ravavine rau lengai na ngwera haburu, a tangaloi rau lengai na vaivai hati haburu. Vunu vake rau lengai na kinau vatahae, vae a doridori hi a tangaloi rau lengai na kinau vatahae u taritarisa mana doridori hi a tangaloi rau lai noga mavakiana lakwa na takaro vuroki. #Rom 6.6,11; 8.13; Eves 4.19; 5.3,5 6Huri na kinau aira vano hi i God u lologute butubutu kina tangaloi hinea rahe rongohuria tea, vae ne vai kadira. #Eves 5.6 7Tuai, lolona a doridori vano hi ramo hugwe korokamu radu, i kamu vake tulu bohibohi lo doridori aira hi.
8Vae hikani tulu tau letiuki na doridori aira vano hi tina mamaurianamiu. Tulu hatu lolo, tulu hatu vai nakara, tulu hatu tavalui vuro mulekikamu. Tulu hatu vaivai leo, tulu hatu hahaviri. #Eves 4.25-31; 5.4 9Tulu hatu kurakura mulekikamu, huri tulu tau letiuki na nomiu tokaana tuai mana doridoriki ba, #a Eves 4.25; b Eves 4.22 10tulu lugwaki na bohiana na tokaana karagwa ba, hoki na lugwamiu hinea rau karagwa. A tokaana karagwa hi, i God aia a gwatakiki, vae u vaia u karagwa tigwaravu kwara ne vaikamu tulu ne mulemai hoki na nununa vohoki tulu ne kikilai God kareaki. #a Eves 4.24; b Jen 1.26-27 11Vae huri na kinau vano hi, hikani tanahe viti lai tea kwara tuaki tikita a tangaloi tavalavarea tina gwaloana noi Isrel*, ratuaki a gwaloana noi Isrel*, tuaki rau lai a kaimatai* lo siosio, ratuaki hetea. Tanahe viti lai tea kwara ratuaki rahe sekulu uliuli tea, ratuaki rau vonovonoka, ratuaki a tangaloi hinea rau boloki vuroki tavuti na masi, ratuaki a noga masi tikei. Vae lo tokaana karagwa hi i Kraes* kehekeheki aia hoki na kinau savia nona tangaloi doluaki, aia u toka lo tangaloi vunuhira. #Gal 3.28; 1 Kor 12.13; Rom 10.12
Tulu huri na hala na tokaana karagwa
12I kamu a tangaloi kokona noi God. U lagwa maikamu mo mataikamu kwara tulu ne kwareki a nona. Karea, tulu lugwaki na bohiana na tokaana karagwa hoki na lugwamiu hinea rau karagwa. Tulu ne hakavi na tangaloi, tulu vaivai karea mana tangaloi, tulu ne hivokikamu, tulu ne mulemai kina tangaloi magemu, a domimiu ne bua. #a 1 Pita 2.9; b Eves 4.2,32 13Tulu hagohago maikamu, vae diko te katukwale tikamu u viti na kinau rau hati vovohikamu te katukwale, vae raru ne domidomi koro lakwararua hoki na noda Hugwe* mo domidomi koro lakwakita. #Mat 6.14; Eves 4.32; 5.2 14Vunu hivoulu karakara lo kinau vano hi, tulu ne lagwalagwa maikamu, huri a lagwaana u bulutaki na kinau vano hi savira rau katukwale vohoki. #Rom 13.8,10; Eves 4.3 15Tulu tiraki na magemuana hinea i Kraes* mo bete lakwakamu, ne kwiribibi na domimiu, ne tomuakikamu lo hala noi Kraes, huri i God u kwarekamu ba kwara a magemuana hi ne eno lolo domimiu tigwaravu, vae hikani tulu bulu katukwale hoki na tarabehi katukwale. Vae tigwaravu tulu ne lai nomiu lagwaana lakwai God. #a Vil 4.7; b 1 Kor 12.13,27; Eves 4.4 16U taritarisa kwara a leo noi Kraes hinea rau kukwere kina karekarea savia, rana va eno lolo domimiu tigwaravu. Tulu ne huhuhuikamu, tulu ne hahaharakamu kina leo na lolorani savia. Tulu ne kaho a bolo lo Sam, mana bolo na kaluhakiana, mana bolo kokona hinea a Tanungwe Kokona u betekamu kinira. Tulu kaho lakwai God kina lagwaana lolo domimiu. #Eves 5.19 17Vataha na kinau tulu ne vai diko tulu ne viti, tulu ne vai lo hina na Hugwe i Jisas. Tigwaravu tulu ne hariki luna kwara tulu ne lagwaki i God i Tamada. #a 1 Kor 10.31; b Eves 5.20
A bohiana nona tinami lo tokaana karagwa
18I kamu a ravavine hinea tulu laki ba. Tulu rongohuri ratuamiu ngwarasea tulu hugu tavutiga. U taritarisa kwara tulu ne vai kwehi huri i kamu a tangaloi noi Kraes*. #Jen 3.16; Eves 5.22; 1 Pita 3.1
19I kamu a ngwera hinea tulu laki ba, tulu lagwa mai ravavinehimiu. Tulu hatu vai taratarakinira. #Eves 5.25; 1 Pita 3.7
20I kamu a sakwarigi, tulu rongohuri ratamamiu mai raretahimiu tigwaravu, huri i God u lagwa kwehi. #Eves 6.1
21I kamu a tama mana retahi, tulu hatu vai kwara i raranatumiu rana lologute, huri diko tulu ne vai kwehi, a domiga rana sovi. #Eves 6.4
A bohiana nona tangaloi boloki mana noga masi
22I kamu a tangaloi boloki #3.22: A tangaloi boloki lo leo aira vano hi, lo taro i Pol aira a tangaloi hinea rau boloki vuroki tavuti na masi., tigwaravu tulu rongohuri na nomiu masi hinea tulu boloki lakwara hike lo varamana. Tulu hatu vai kwara tulu ne rongohurira kehekeheki lo taro hinea rau tagataga maikamu. Hokinia hi tulu vai kwara tulu ne vai na tangaloi kehekeheki rana lagwa maikamu. Vae tulu ne boloki kina domi karea huri tulu domi mavaki na noda Hugwe*. #Eves 6.5-8 23Te hava boloki te hinea tulu ne vai, tulu vai kina domi vunuhia, hokinia kwara tulu boloki lakwai God, hete lakwa na tangaloi. 24Tulu domihagwe kwara a noda Hugwe ne betekamu kina kaitakwe hinea u tau raraia ba huri na nona tangaloi. A nomiu Masi kareaki hinea tulu boloki lakwae aia i Kraes* vohoki. 25Vae a tangaloi hinea u tuku vai kinau he taritarisa tea, aia ne lai a kaitakwe huri, ne taritarisa mana kinau hinea mo vai, huri i God u kwaheki na doridori na tangaloi doluaki lo hala katukwale. #Dut 10.17; 2 Kron 19.7; Bol 10.34; Eves 6.9
Currently Selected:
KOLOSI 3: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
