A Bolokiana 4

I Sione mai Pita raru mo tu koro na nako na Tangaloi Tovotovo Lalakua

1I Pita mai Sione raru tuku kwaha radu nga mana tangaloi rusa, a tangaloi* lingilingi maira, maira hi a kaitomuaki na kaitagahuri na Vanua* Kokona noi God, mana Satiusi* maira, ramo vanamai vaki mairarua. #Luk 22.4,52; Bol 5.24 2Rau lologute haburu kina kaihora* kokona kairua hi, huri raru mo toko huhui na tangaloi kwara i Jisas u maraka tina mateana, vae hi u vosangi kwara a tangaloi rana mate vae rana ahi taliku. #Mat 22.23; Mak 12.18; Luk 20.27; Bol 23.8 #Bol 4.33; 17.18; 26.23 3Ramo kwiribibirarua ramo taurarua lolo ingwa na gwarugwaru ramo hogoi kororarua vaki na mavukona, huri a taro u vano haburu ba. #a Bol 5.18; b Bol 3.1 4Vae u rusa ramo rongo na nogaru heretuva ramo hauhuri. A valuvalu na tangaloi hauhuri aira kwara te tari vakailima. #Bol 2.41,47; 5.14; 6.7; 11.21,24; 21.20

5Mavukona a kaitomuaki nona gwaloana noi Isrel* mana ngwarasea*, mana tangaloi* kikikila na Uliuli* Kokona ramo vileki tabulutaki Serusalem. 6Ramo vanovano koro vaki mai Anas a hugwe na tangaloi* lingilingi, mai Kaeavas, i Sione mai Aleksada, tuaki vake a bului na vakabela nona hugwe na tangaloi lingilingi. 7Ramo vai na kaihora kokona kairua hini raru mo tu tomuakinira, ramo uduhuri kirarua kwara, “?Kuru vai kworohoki na kinau hika? ?A hava huirana kuru hago, diko kuru boloki lo hinahe?” #Mat 21.23; Mak 11.28; Luk 20.2

8I Pita u kukwere kina Tanungwe Kokona mo daraki lakwara mo viti kwara, “I kamu a kaitomuaki na tangaloi mana ngwarasea. #a Mat 10.19-20; Mak 13.11; Luk 12.11-12; b Bol 6.3,5; 7.55; 9.17; 11.24; 13.9 9Hika karagwa tulu mo uduhuri kikamirua kwara kworohokinia mana bolokiana karea keru mo vai lakwa na tangaloi lukuluku hika, vae mo ahi. 10U karea kwara i kamu vunu tulu ne kikilai, a tangaloi vunuhia lo vanua Isrel rana kikilai vake, kwara a tangaloi hika mo tu koro na nakomiu, u ahi kareaki kina huirana na hina i Jisas Kraes* a ngwera Nasaret hinea tulu mo durua tilo kaibetu, vae i God mo rakatia tina mateana. #a Bol 3.6; b Bol 2.36; 5.30; 10.39; d Bol 2.24,32; 3.15; 5.30; 10.40; 13.30; 17.31 11I Jisas aia hi a Uliuli Kokona mo viti huria kwara,

‘A beru hinea i kamu a kaitabe na ingwa

tulu mo domi bulakikinia,

vae aia hi mo mulemai kina beruberu aulu.’ #Sam 118.22; Mat 21.42; Mak 12.10; Luk 20.17; 1 Pita 2.4,7

12Hete tangaloi dolua vake kwara ne vakahikikita, huri doluaki na varamana hika, i God he bete na hina te vake lakwa na tangaloi kwara vae tana ahi luna.” #Mat 1.21

13A Tangaloi* Tovotovo Lalakua ramo idila ki Pita mai Sione, huri raru kwaha u huira haburu, i rarua a tangaloi vuroki raru he kikikila te haburu, vae ramo taga kikilakirarua kwara i rarua a rabului i Jisas. 14Vae a kinau tikei vohoki kwara rana viti, huri rau tagai na tangaloi hi mo ahi u tu mai Pita mai Sione. 15Hikani ramo viti lakwara kwara rana vano tina tanotano na tovotovo ba, vunu ramo tinakaki ramo kwahakwaha kinira siboga. #Bol 5.34-35 16Ramo uduhuri ramo viti kwara, “?Tana vai kworohoki na tangaloi kairua hika? Savira hi ramo toka Serusalem rau kikilai na vaisea lakua hika raru mo vaia. Vae i kita tanahe haro lavia tea. #Sione 11.47 17Vae tana surirarua huri na doridorigaru, raru ne hatu huhui na tangaloi taliku kina hina i Jisas. vunu a kinau hini nehe vano te haburu lo livuka na tangaloi rusa.”

18Hokinia ramo kwarera taliku tilolo tanotano na leo, ramo viti lakwai Pita mai Sione kwara raru ne hatu viti na hina i Jisas, raru ne hatu huhui na tangaloi kinia taliku. #Bol 5.28 19Vae i Pita mai Sione raru mo daraki lakwara, raru mo viti “?I kamu sibomiu tulu taga kwara hi u bakoto lo nako i God kwara keru ne rongohurikamu sileti God? #Bol 5.29 20Vae i kami keru nehe vai lai tea kwara keru ne kwiribibi leomaru tina havakinau hi keru mo taga diko keru mo rongo.” 21A Tangaloi Tovotovo Lalakua ramo kwaha mo madi ramo surirarua vake, vunu ramo tirakirarua raru mo vano. Rahe hagwe te kinau kwara rana vai kadirarua huri, huri a vao doluaki rau kaluhaki i God huri na kinau hi mo vai. 22A tangaloi hi i God mo vai na vaisea luna, a hukaona u sileti na ngavu kaivati.

A tangaloi hauhuri ramo tiutangaroa kwara vae rana hatu mataku

23A Tangaloi* Tovotovo Lalakua ramo tiraki i Pita mai Sione raru mo lakao, heheriki raru mo mule taliku vaki mai rabuluigaru, raru mo viti lakwara vunuhi na kinau hi a tangaloi* lingilingi lalakua mana ngwarasea* ramo viti. 24Vae ramo rongo hokinia, ramo bulu tabulutaki lo tiutangaroa ramo viti “Hugwe i God. I nigo ku tau na taetae, a varamana, a tahi mana kinau savia lologa. #Eks 20.11; Sam 146.6 25I nigo kina nomu Tanungwe Kokona komo kwaha lalahi tubumai a hugwe lakua i Devit, a nomu kaihora. Mo viti kwara,

‘?Kworohokinia hini a tangaloi tavalavarea tina gwaloana noi Isrel*

ramo lologute haburu?

?Kworohokinia ramo toko vai a domi hati hokinia hini?

A noga domidomi hati hi nehe mule te luna.

26A hugwe lalakua na varamana rau tuku rarai,

a kaitomuaki rau vileki tabulutaki

ramo vai a bulubulu hati

vovohi na Hugwe i God mana nona Vurae*.’ #Sam 2.1-2

27Kareaki i Herot #4.27: I Herot. I Herot hi aia i Herot Antivas. Kona taga lo Deksenare lo buku hika takuni. mai Ponses* Paelet raru mo bulu tabulutaki mana tangaloi tavalavarea tina gwaloana noi Isrel lolo gwatuivanua lakua hika, vake mana gwaloana noi Isrel, ramo vai na bulubulu hati vovohi i Jisas, a nomu Kaihora hinea a tangaloi kokona hinea komo vuraea mo kwareki i Vurae. #a Bol 3.13; b Aes 61.1 28Rau vileki tabulutaki kwara rana vai na kinau savia, hini i nigo ku domiki ba kina nomu huirana mana domimu kwara ne mule luna. #Bol 2.23 29Hugwe i God. Hikani ko rongo na leo hati ramo viti bulakikinia vovohikami, vae kona hago maikami, a nomu tangaloi boloki, kwara kena viti huri na leomu tivarea a domimai ne huira. #Eves 6.19 30Ko haka ko tatagao lo tangaloi rau lenga ko vakahikinira, vunu vake ko masingeki na nomu kaivosangi mana idilakiana rusa rana vaiana maikami, lalahi na hina na nomu Kaihora i Jisas hinea a tangaloi kokona.”

31Lolona ramo tiutangaroa mo rovo, a tanotano hinea ramo vileki tabulutaki eia mo kilukilu. Aira vunu rau kukwere kina Tanungwe Kokona, vunu ramo tinakaki ramo viti huri na leo i God, rahe mataku tea. #Bol 2.4

A tangaloi hauhuri a domiga katukwale

32A bulubulu nona tangaloi hauhuri a domiga katukwale rau hariki leo katukwale. Hete kwara te katukwale ne viti a kinau katukwale a nona sibona, vae rau hileki noga vivilagoki, ramo kwiri vatavataha. #Bol 2.44 33A kaihora* kokona rau hago leo huri na marakaana nona Hugwe* i Jisas kina huirana lakua, vunu i God mo hilekinira doluaki kina nona vaitabetabe lakua. #a Bol 4.2; b Bol 2.47 34Hete kwara te katukwale tiura u gwanugwanu te lo kinau. Aira hi a noga tano eia diko ingwaga eia rau hokakinira rau lai a kaivoliki, 35rau bete lakwa na kaihora kokona, vunu a kaihora kokona ramo bete lakwa na tangaloi vatavatahakinira u taritarisa mana kinau hinea rau gwanugwanu luga. #Bol 2.45

36A ngwera katukwale eia a hinana i Sosev. U gwalo vanamai lui Livae, vae u vora lo vanua Saevras. A kaihora kokona rau tau na hinana kairuaki i Banabas, a domianaki kwara aia a tangaloi hinea u raka domi na tangaloi. 37Lo halaki hokinia hi u hokaki na nona tano, vunu mo bete a kaivoliki lakwa na kaihora kokona.

Currently Selected:

A Bolokiana 4: HWT

Highlight

Copy