A Bolokiana 20

I Pol mo vano vaki lo vanua Masetonia mana vanua Gris

1A viroroa mo hivo, vunu i Pol mo kware tabulutaki na tangaloi hauhuri mo kwahabibira mo kwaha dudulira. Vunu mo tirakinira mo vano vaki lo vanua Masetonia. 2Mo vano lalahi na gwatugwatui-vanua rusa takwa-hi, mo viti tabetabeki na leo rusa lakwa na tangaloi hauhuri, mo vai na domiga ramo lagwalagwa. Vunu mo vano vaki lo vanua Gris, 3mo hugu takwa-hi a vula kaitolu. Mo vai rarai a halana kwara ne vano lo aga vaki lo vanua Siria, vae mo rongo kwara a gwaloana noi Isrel* rau tovo kana. Hikani mo domikinia kwara ne mule lalahi na vanua Masetonia. 4I Sovata i natu i Piras, a ngwera Berea, mo huria. I Aristakas mai Sekadas tina gwatuivanua Tesalonaeka, i Gaeas tina gwatuivanua Debe, i Timoti, mana ngwera Esia* kairua i Tikikas mai Trovimas ramo huria vake. 5Rau vano tomuakikami ramo hugu taraikami lolo gwatuivanua Troas. 6Vunu takuni tina Kanikani* na Bereti* hi a Is Tikei Lolona kemo tiraki lo aga tina gwatuivanua Vilivae kemori hurira. Kemo kwalao lo aga a rani kailima vunu kemo maravuti Troas kemo bulu maira eia. Takwahini kemo hugu a kwiki katukwale.

A tirotiroki noi Pol rovonaki lo gwatuivanua Troas

7Lo Sarere bongi #20.7: Lo Sarere bongi. Lo leo nona ngwera Gris a leo hi u viti kwara, “Lo rani tomuaki na kwiki” huri lo doridori na gwaloana noi Isrel tuai a rani u tinakaki lo mataniaho soro. kemo vileki tabulutaki huri na kanikani kokona. I Pol mo kwaha mana tangaloi, u kwaha maira vaki livukata huri u domi kwara ne tirakinira mavukona. #Bol 2.42,46 8A laeti u rusa aulu lo mahao na ingwa hinea kemo hugu tabulutaki eia. 9A ngwalagelo katukwale a hinana i Iutikas u hugu lo kwido. I Pol u kwaha radu nga, vae i Iutikas a matana maturuturu mo maturu, u maturu mate mo tavalonga mo sovi tegetano tina ingwa lalanga kaitoluki, mo sovi tilo tano. Ramo tabea tina tano u mate ba. 10Hikani i Pol mo vano tegetano mo ngwalulu hivoulu lo tangaloi hi, mo haka tataloa mo viti lakwara kwara, “A domimiu ne hatu rongo hati, aia u ahi taliku.” #1 King 17.21 11Hikani mo mule tagaulu taliku vaki maira, mo volo utuutuhi na bereti*, ramo kani. Mo kwahakwaha maira u tuai taliku tarisaki hi a mataniaho mo giri, vunu mo tirakinira. 12Ramo lavi na ngwalagelo hi mule vaki na vanua u ahi, rau rongo karea haburu huria.

Kemo vano tina gwatuivanua Troas vaki lo gwatuivanua Maelitas

13I Pol u viti lakwakami kwara ne lakao auta vaki lo gwatuivanua Asos vae kena vano tomua lo aga kena lavia takwahini. Hikani kemo galo lo aga kemo vano tomua. 14I Pol mo hagwekami lo gwatuivanua Asos, mo galo lo aga maikami kemo vano vaki lo gwatuivanua Mitilen. 15Kemo tiraki na gwatuivanua hi vae mavukona kemo maravuti lo vanua Kios. Mavukona taliku kemo vano vaki lo vanua Samos, vunu lo rani takuni tiua hi kemo maravuti lo gwatuivanua Maelitas, vae kemo galo hake takwa-hi. 16I Pol mo domiki kwara a aga ne kwalao behi na gwatuivanua Evesas kwara ne hatu mahuki a taro lo vanua Esia*. U vaivai heheri kwara diko u vai lai ne maravuti Serusalem, vunu vari a Rani* na Pentekos.

I Pol u kwaha duduli na ngwera Evesas

17Kemo galo hake, vunu i Pol mo hora na leo tina gwatuivanua Maelitas vaki lo gwatuivanua Evesas, u viti lakwa na ngwarasea* na kwarelua* noi Jisas kwara rana vanamai vaki maia. #Bol 18.21 18Ramo vanamai, mo kwaha maira mo viti kwara, “Tulu kikilai na doridorigu lolona nomo hugu maikamu tomua lo rani hi nomo maravuti lo vanua Esia* rovonaki nomo tirakikamu. #Bol 18.19; 19.10 19I nau a tangaloi boloki na noda Hugwe* vae nomo vai na nogu bolokiana nu hivokiau. A megu tinangi ramo huki hurikamu, vake tigwaravu nomo hagwe a taro hati huri na tovo hati nona gwaloana noi Isrel*. #Bol 20.3 20Tulu kikilai kwara nomo heretuva nomo huhuikamu na ngwasara vake lolo tatamiu, vae a kinau hinea rau karea kwara rana hago maikamu vae nohe kwiribibia tea kwara te katukwale tikamu. 21Nu kwaha u huira lakwa na gwaloana noi Isrel mana tangaloi tavalavarea tina gwaloana noi Isrel kwara rana bohi tina noga hatiana vaki mai God, rana hauhuri lo noda Hugwe i Jisas. 22Hikani nu rongohuri na Tanungwe Kokona na vano vaki lo gwatuivanua lakua Serusalem, nahe kikilai tea kwara a havakinau ne vai lakweau takwahini. #Bol 19.21 23Nu kikilai kehekeheki kwara vataha na gwatuivanua a Tanungwe Kokona u vosangi lakweau kwara nana maravuti takwa-hi na hagwe na rongoana hati vae rana tauau lolo ingwa na gwarugwaru. #a Bol 21.4,11; b Bol 9.16 24Vae nu domi na nogu mauriana aia a kinau vuroki lakweau. I nau kwara a halagu ne rovo na vai rovonaki na boloki hinea a Hugwe i Jisas mo bete lakweau, kwara na matangwasaraki na Roro Karea na domi tabetabe lakua noi God. #a Bol 21.13; b 2 Tim 4.7

25“Nu tuku kwalahaki na leo hika lo livukamiu i kamu vunu kwara i God u hugwe korokamu vae tulu ne domi mavakinia. Vae hikani nu kikilai hete kwara te katukwale tikamu ne tagaiau taliku. 26Nu matangwasaraki kareaki lakwakamu lo rani hika, diko te katukwale tikamu ne sala hete domigu, #Bol 18.6 27huri nohe kwiribibi na kinau te tikamu, nu koleki lakwakamu savi na kinau i God u lengaia kwara ne vai. 28Tulu tagahurikamu sibomiu mana tangaloi savia hinea a Tanungwe Kokona mo taura lakwakamu kwara tulu ne tagahurira. Tulu kwareki a kaitagahuri na kwarelua noi God #20.28: Lo Buku Kokona tuaki hinea a tangaloi rau ulira tuai, lo tinakaki na duviki kairuaki na ves hi rau viti hikwe kwara, Tulu kwareki a kaitagahuri na kwarelua na noda Hugwe hinea mo volitukuhira kina dai i Natuna sibona, #20.28: hinea mo volitukuhira kina dai i Natuna sibona, Lo hala kairuaki a domidomi na leo hi aia hokinia hika kwara, hinea mo volitukuhira kina daina sibona, vae tulu ne tagahurira ne karea hoki na kaitagahuri na sivsivi u tagahuri bulana sivsivi. #a 1 Pita 5.2; b Sam 74.2 29Nu kikilai kwara na tirakikamu, vae takuni tiua a tangaloi hoki na kwiriu ovi rana vanamai lo livukamiu, rana livutikamu hoki na kwiriu ovi rau livuti na sivsivi. #Mat 7.15; Sione 10.12 30A taroki ne vanamai, a tangaloi tuaki rana vanamai tikamu muleki, rana kura kwara rana tomuaki na tangaloi hauhuri rana hurira lo hala dolua. #1 Sione 2.19 31Hikani tulu tagahuri ne karea. Tulu domihagwe a hukao kaitolu lolo rani vake lolo bongi nomo huhuikamu savikamu, vake megu tinangi ramo huki hurikamu. #a Bol 19.10; b 1 Tes 2.11

32“Hikani nu taukamu tilo kaba i God vae ne tagahurikamu, vake a leo na nona domi tabetabe lakua ne kwiribibikamu. A leo hi ne vai lai ne rakatikamu tulu ne huira, ne hiletikamu kina karekarea rusa hinea u tau tabeki huri na bulana tangaloi savia. #Dut 33.3-4; Bol 26.18 33Nohe lengahuri na mane* nona tangaloi tea, diko te lugwaga. #1 Saml 12.3; 1 Kor 9.11 34I kamu sibomiu tulu kikilai kwara kina kabagu hikani nu boloki, vake nu hagwe savi na kinau hinea i kami mai rabuluigu keu lengaia. #Bol 18.3; 1 Kor 4.12; 1 Tes 2.9 35Nu vosangikamu kina kinau savia kwara kina boloboloki huira hokinia hikani tana hago maira hinea rau keokeo. Tana domihagwe na leo hinea a Hugwe i Jisas sibona mo viti kwara, ‘Aia hi u hilehile u havutia siletia aia hi u hagwe a hilehile.’ ” #Mat 10.8

36Lolona i Pol mo kwaha mo rovo mo titiugwao hivo maira mo tiutangaroa. #Bol 21.5 37Aira vunu ramo tangi ramo bobonia ramo kwaha dudulia. 38Vae rau hahakavi haburu huri na leo hini mo viti kwara ranahe tagaia te taliku. Hikani ramo huria vaki mana aga. #Bol 20.25

Currently Selected:

A Bolokiana 20: HWT

Highlight

Copy