A Bolokiana 15

A tangaloi hauhuri tuaki ramo viti kwara savi na tangaloi rana huri na Tangwata noi Mosis

1Hikani a tangaloi tuaki rau vanamai tina vanua Sutia vaki lo gwatuivanua lakua Antiok, ramo tinakaki ramo huhui na rabela ramo viti “Diko tulu he lavi na kaimatai* lo siosio tea hoki na Tangwata* noi Mosis mo viti tulu nehe ahi tea.” 2I Pol mai Banabas raru vireve maira lo leoki ramo kwaha haburu luna. Vunu a kwarelua* noi Jisas rau domi u taritarisa kwara i Pol mai Banabas maira ratuaki Antiok vake rana vano vaki Serusalem, rana tagai na kaihora* kokona mana ngwarasea* na kwarelua huri na leo hi. #Bol 11.30; Gal 2.1

3A kwarelua noi Jisas ramo hokakinira, vunu lo halaga vaki Serusalem ramo lakao lalahi na vanua Vonisia maia Sameria*, ramo kwaha mana rabela lui Kraes*, ramo viti huri kwara a tangaloi tavalavarea tina gwaloana noi Isrel* rau halebohi vaki mai God. A rabela vano hi aira vunu ramo rongo na roro hikani u havutira haburu. 4Lolona ramo maravuti Serusalem, a kwarelua noi Jisas, mana kaihora kokona, mana ngwarasea, ramo lai tabetabekinira. Vunu i Pol maira ramo viti savi na kinau hi lakwara hinea i God mo vai lalahira. #Bol 14.27; 15.12 5Vae a tangaloi hauhuri tuaki, hinea ramo bulu mana Varisi* maira, ramo maraka hake ramo viti “A tangaloi tavalavarea tikita a gwaloana noi Isrel, hinea rau hauhuri lui Jisas, u taritarisa kwara rana lavi na kaimatai lo siosio, vake u taritarisa kwara tulu ne viti lakwara kwara rana huri na Tangwata noi Mosis.”

A kaihora kokona mana ngwarasea tina kwarelua noi Jisas ramo vileki tabulutaki Serusalem

6Hikani a kaihora* kokona mana ngwarasea* ramo vileki tabulutaki kwara rana domidomi lo leo hi. 7Rau kwahakwaha luna u tuai, vunu i Pita mori maraka hake mo viti “Ratua. Tulu kikilai kwara tuai i God u mataiau tikamu kwara na heretuvaki na leo na Roro Karea lakwa na tangaloi tavalavarea tina gwaloana noi Isrel* kwara rana rongo, rana hauhuri. 8I God u kikilai na domi na tangaloi, mo vosangi kwara u lagwa, mo hile na Tanungwe Kokona lakwa na tangaloi tavalavarea hokinia hi mo vai lakwakita. #Bol 2.4; 10.44; 11.15 9He vai bohiki na kinau tea vohoki lakwara, vae u vakahaki na domiga mo ngwasara huri rau hauhuri, hokinia hi mo vakahaki na domida. #Bol 10.34-35 10?Hikani kworoho tulu mo vai kwara tulu ne kahi haro na domi i God? ?Kworoho tulu mo tau na hagohago na Tangwata* mava lo gula na tangaloi hauhuri? I kita mai ratubuda, tahe kwali lavia tea. #Bol 15.19; Gal 5.1 11I kita tau hauhuri kwara tamo ahi hokinira kina domi tabetabe lakua nona Hugwe* i Jisas.” #Gal 2.16; Eves 2.5-8

12A leo hi mo vai na vao savia ramo hugu butu, ramo rongo i Banabas mai Pol raru mo viti savi na kaivosangi mana idilakiana hinea i God mo vai lalahirarua lo livuka na tangaloi tavalavarea tina gwaloana noi Isrel. #Bol 14.27; 15.4

I Semis u gweregwereki na noga leo

13Raru mo kwahakwaha mo rovo, vunu i Semis mo kwaha mo viti “Rabela. Tulu rongohuriau. 14I Saemon mori matangwasaraki hi nga, kwara i God u matai kworohoki na tangaloi ratuaki tina tangaloi tavalavarea tina gwaloana noi Isrel*, mo lavira kwara rana kwareki a bulana tangaloi. #a Bol 15.7-9; b Luk 1.68 15A leo na tangaloi* duruduruki u taritarisa vohoki mana leo hi, hoki na Uliuli* Kokona mo viti kwara 16a Hugwe i God mo viti

‘Takuni tiua hi na mulemai,

nari tabe na ingwa na hugwe lakua i Devit hi mo sovi.

I nau nari vai huri na ingwa hi mo matalatala,

nari tabea taliku.

17Vunu savisavi na tangaloi tuaki lo varamana,

aira hi a tangaloi tavalavarea tina gwaloana noi Isrel savira

hinea nomo kwarera kwara ki nogu,

ranari soro haroau

i nau a Hugwe i God. #Amos 9.11-12

18Aia hi a nogu leo i nau a Hugwe i God,

nu matangwasarakinia ba tuai.’ ” #Aes 45.21

19Vunu i Semis mo viti kwara, “Hikani a domigu. He karea tea kwara tana vai na tangaloi tavalavarea tina gwaloana noi Isrel rana rongo hati hinea rau halebohi ba vaki mai God. #Bol 15.10 20I kita tana uli na leo tana viti lakwara kwara a hinaka hinea rahe taritarisa tea, huri a tangaloi rau betera ba lakwa na takaro vuroki maira, rana hatu kani. Rana hatu vai a doridori hati mana vavine. Rana hatu kani te kinau hinea rau likotira huri a dai luna radu. Vunu vake rana hatu kani a dai. #Jen 9.4; Lev 3.17; 17.10-14 21Tana surira kwehini huri vanamai evina kinia a gwaloana noi Isrel rau valuki na Tangwata* noi Mosis lolo vale* na tiutangaroa maira vataha na Rani* na Mabuana, vake rau heretuvaki na leona vatavataha na gwatuivanua lalakua.” #Bol 13.15

A kaihora kokona mana ngwarasea ramo hora na leo lakwa na kwarelua maira

22Vunu a kaihora* kokona mana ngwarasea*, aira haragoki mana kwarelua* noi Jisas savira, ramo domi kwara rana matai te tangaloi tiura kwara rana hokakinira mai Pol mai Banabas vaki lo gwatuivanua lakua Antiok. Ramo matai i Sutas, u kwareki Basabas, mai Saelas, hinea a rabela rau domi mavakirarua haburu. 23Hikani ramo uli na leta hika, ramo betea lakwara. #15.23: Ves 23-29 aira a leta. A ngwera tuai, lolona ramo uli a leta rau tau a hinaga tomua halaradu, vunu rari tau na hina na tangaloi hinea ramo uli leta lakwara. Lo leta hi ramo viti kwara,

“I kami a kaihora kokona mana ngwarasea, i kami i ratuamiu keu hokaki nomai lagwaana lakwakamu, a tangaloi hauhuri tavalavarea tina gwaloana noi Isrel* hi tulu toka lolo gwatuivanua lakua Antiok, mana vanua Siria maia Silisia. 24Keu rongo kwara a tangaloi tuaki hi lo nomai bulubulu ramo vano tivarea ramo vaikamu tulu mo rongo hati kina leoga hi ramo viti. Vae i kami kehe harara tea kwara rana vai hokinia hi. #Bol 15.1 25Huri na kinau hi, keu bulu tabulutaki kemo kwahakwaha kemo masinge kwara kena matai na tangaloi kairua kwara kena hokakirarua vaki maikamu. Vae raru ne huri na rabelada hi kairua i Pol mai Banabas, i rarua a bela karea 26hinea raru mo tiraki na mamaurianagaru huri na boloki na noda Hugwe* i Jisas Kraes*. 27Hikani keu hokaki i Sutas mai Saelas vaki maikamu, kwara vae raru ne lavi na leo hika kemo ulia lakwakamu, raru ne viti huria taliku ki nakogaru bakotoki lakwakamu. 28A domidomi nona Tanungwe Kokona, vae a nomai domidomi vake, kwara kenahe tau na korokoro te dolua vake lumiu hinea ne hoki na hagohago mava lumiu. Vae a korokoro aira hika kehekeheki u taritarisa kwara kena rivukira. #Mat 23.4 29Tulu hatu kani a hinaka a tangaloi rau betera lakwa na takaro vuroki maira, tulu hatu kani a dai, tulu hatu kani te kinau hinea rau likotira huri a dai luga radu, tulu hatu vai a doridori hati mana vavine. Vae diko tulu nehe galo tea lo korokoro vano hi, u karea haburu. A leomai tarisaki hike.” #Jen 9.4; Lev 3.17; 17.10-14

30A kaitomuaki na kwarelua vano hi ramo hokaki na kailai na leo kaivati vano hi ramo vano tegetano vaki lo gwatuivanua lakua Antiok. Ramo vileki tabulutaki na tangaloi hauhuri ramo bete na leta hika lakwara. 31Lolona a tangaloi vano hi ramo valuki na leo hi, u havutira haburu kina leo hika, huri u vai na domiga mo huira. 32I Sutas mai Saelas, i rarua a tangaloi* duruduruki, raru tuku kwahakwaha u tuai mana rabela, raru mo kwahabibira raru mo vaira ramo huira. #Bol 11.27; 13.1 33Raru mo hugu takwa-hi he tuai te haburu, vunu a rabela ramo kwaha dudulirarua, ramo uduhuri ki God kwara ne bete na magemuana lakwararua. Ramo hokakirarua mule taliku vaki maira hinea ramo hokakirarua tomua. #15.33: Lo Buku Kokona tuaki hinea a tangaloi rau ulira tuai, rau hoke na leo hika kina leo hinea mo viti kwara, “34 Vae i Saelas u domia kwara ne hugu takwahini.”

35I Pol mai Banabas raru mo hugu mala tuai lo gwatuivanua Antiok. Raru mo huhui haragoki mana tangaloi rusa vake, ramo heretuvaki na leo huri na noda Hugwe.

I Pol mai Banabas raru mo makwahe

36Takuni tiua hi i Pol mo viti lakwai Banabas kwara, “Taru va mule taliku taru va tiroki na bela vataha na gwatuivanua hinea taru mo heretuvaki na leo huri na noda Hugwe* eia. Taru va tagaira kwara rau toka kworohokinia.” 37I Banabas u lengaia kwara ne lavi i Sione Mak ne hurirarua. #Bol 12.12,25 38Vae i Pol he domi te kwara u karea kwara raru ne lavia, huri he hugu te mairarua vaki lo taroki hi a nogaru boloki mo rovo, vae mo halebohi mo tirakirarua lo vanua Pamvilia. #Bol 13.13; Kol 4.10 39Hikani raru mo viroro huria, vae raru mo makwahe. I Banabas mo lavi i Mak, raru mo vano lo aga vaki lo vanua Saevras. #Bol 4.36; 13.4 40Vae i Pol mo lavi i Saelas mo huria. A rabela ramo tiutangaroa lakwa na noda Hugwe kwara ne tagahurirarua kina nona domi tabetabe lakua, vunu raru mo vano tiura. #Bol 14.26 41Raru vano laliki lo vanua Siria maia Silisia, raru mo kwahabibi na kwarelua* noi Jisas kwara rana huira vakevake.

Currently Selected:

A Bolokiana 15: HWT

Highlight

Copy