2 KORIN 5
5
1A tarabehimai hi hike lo varamana aia hoki na ingwa haleki, vae ne talahiana lai nga. Keu kikilai bakotoki kwara vae diko ne rovo hike lo varamana, a tarabehimai dolua eia u eno lolo taetae mai God. Aia hoki na ingwa hinea i God sibona u vai raraia ba hurikami. A tangaloi aira rahe kihia tea kina kabaga, vake a ingwa hini, vae ne eno vaki tuai. #Job 4.19; 2 Kor 4.7 2Hikani keu rongo hati kemo toko mabuharaki, huri keu lengaia haburu kwara kena hugu lolo ingwamai hini u karagwa lolo taetae. #Rom 8.23 3Diko kena hugu lolo ingwa karagwa hini, vae kenahe hugu tea hokinia kwara a tarabehimai tikei, huri a tarabehimai bakotoki eia. 4Hikani keu hugu radu lolo nomai ingwa haleki na varamana hika, vae a nomai rongo hati aira hoki na hagohago mava lumai, keu tuku mabuharaki kinira. Hete kwara keu lengaia kwara kena vai letiuki na tarabehi na varamana, vae keu lengaia kwara i God ne tau a tarabehi na taetae lumai, kwara vae ne bohiki na tarabehi na varamana hinea u mate lai, ne mulemai kina tarabehi u ahi. #1 Kor 15.53-54 5I God kehekeheki aia u vaikami kemo rarai kwara aia ne bohikikami hokinia hi. Vake u bete na nona Tanungwe Kokona ba lakwakami, u kwareki a kaimatai kwara vae savi na nona tulikileo lakwakami rana mule luna kareaki. #Rom 8.16,23; 2 Kor 1.22; Eves 1.13
6Vae huri hi a domimai rau huira tigwaravu, kehe mataku tea. Keu kikilai kwara lolona i kami lo tarabehi na varamana hika, keu vakahao tina tata na Hugwe*. #Hib 11.13-16 7Vae lo nomai tokaana ngwasara kehe tagai na Hugwe tea kina mata na tarabehi, vae keu tagaia kina nomai hauhuriana kehekeheki. #1 Kor 13.12 8Vae a domimai rau huira kehe mataku tea, huri keu lengaia haburu siletia hi kwara kena tiraki na tarabehimai hinea a tarabehi na varamana kena va hugu tatada mana noda Hugwe. #Vil 1.23 9Vae a kinau u lakua karakara aia hika. Venaha keu hugu hike, diko keu hugu maia, aia a kinau u lakua karakara aia hika kwara keu lengaia karakara kwara kena vai na kinau hinea u lagwa luna, #Kol 1.10; 1 Tes 4.1 10huri i kita vunu vae tana tu koro na nako i Kraes* ne kwaheki na doridorida vatavatahakikita. Te havakinau hinea tau vaia u hati, diko u karea, vae tana lai kaitakwe huri ne taritarisa mana doridori hini tamo toko vai lo mamaurianada lo varamana hika. #Pri 12.14; Bol 17.31; Rom 2.16; 14.10
I God u vai na hala lui Kraes kwara tana kwareki a nona buluana
11I kami keu mataku kina Hugwe*, keu domi mavakinia huri vae ne kwaheki na doridorimai, vae huri keu kikilai na kinau hi kemo toko vai kwara kena revei na domi na tangaloi savia rana hauhuri lo leomai. I God u kikilai tabetabekikami, vae lolo domigu nu lengaia kwara i kamu vake tulu ne kikilaikami ne karea lolo domimiu. #2 Kor 4.2 12I kami kehe viti te kwara kena tabe hakekikami taliku koro na nakomiu. Keu viti na leo hi vohoki lakwakamu kwara tulu ne domidomikamu maikami. Vunu tulu ne daraki lavi na tangaloi hinea rau kwaha domidomira huri na tangaloi, vae rahe viti huri na doridori na tangaloi vano hi tea, aia rau viti huri na hinaga kehekeheki kwara mo aulu. #a 2 Kor 3.1; b 2 Kor 1.14 13Diko tulu domi kwara i kami keu reraka, vae aia hi keu boloki huri God. Diko tulu domi kwara keu kikikila, keu kikikila kwara kena hago maikamu. 14Keu vai hokinia hi huri i Kraes* u lagwa haburu maikami, vae a nona lagwaana hi u kwiribibikami kwara kena boloki nona. Keu kikilai tabetabeki kwara aia hi katukwale vohoki mo mate huri na tangaloi savia. Vae huri hi a domianaki kwara a tangaloi savia hokinia rau mate. 15U mate kwara ne vakahiki na tangaloi savia, huri kwara vae aira hinea rau ahi maia, ranahe toka tea kwara rana boloki noga siboga, vae rana toka kwara rana boloki nona kehekeheki hinea mo mate, vae u ahi taliku kwara ne vakahikinira. #a 1 Tim 2.6; b Rom 14.7-8
16Vae u tinakaki hikani kehe taga kikilaki na tangaloi tea kina domidomi nona tangaloi kehekeheki. Kareaki tuai lolona i Kraes aia a tangaloi na varamana, i kami kwara keu taga kikilakinia kina domidomi na tangaloi, vae hikani kehe tagaia te kwehi taliku. 17Diko i God u hariki na tangaloi lui Kraes, u vai na tangaloi hi u mulemai kina tangaloi karagwa. A doridori tuai lo nona tokaana u rovo tiua, a nona tokaana u mulemai kina tokaana karagwa vohoki. #a Rom 8.1,10; Gal 6.15; b Aes 43.18; Rev 21.5 18A kinau aira vano hi i God sibona aia u vaira. U vai na hala lui Kraes kwara kena hatu kwareki a tavaluivuro noi God taliku, vae kena kwareki a nona buluana. Vake u tiraki na boloki hikani tilo kabamai kwara kena revei na tangaloi dolua vake, rana kwareki a nona buluana. #Rom 5.10 19A leo hi nomo vitia a domianaki aia hini kwara i God u vai na hala lui Kraes kwara ne lavi na tangaloi savia lo varamana rana kwareki a nona buluana. Vae hikani i God he ulibibi na bukuga tea hini lo noga hatiana rusa. Vunu mo bete na leo hini lakwakami kwara kena viti kwara i God u vai na hala ba, kwara a tangaloi savia rana vai lai kwara rana kwareki a nona buluana. #Rom 3.24-25; Kol 1.19-20
20Huri na kinau hini, i kami a kaikwali na leo noi Kraes. Hokinia i God u lalahikami kwara ne kwarekamu. Lo hina i Kraes keu viti lakwakamu kwara, “Tulu hatu tavalui vuro mai God, vae tulu tirakinia ne vaikamu tulu ne mulemai ki nona buluana.” #Aes 52.7; Eves 6.20 21I Kraes a nona hatiana tikei. Vae huri kwara i God ne vakahikikita mo vai lakwai Kraes hokinia kwara aia u vai na hatiana nona tangaloi savia. I God u vai kwehi kwara ne vaikita hinea tau hariki lui Kraes tana mulemai ki tangaloi bakoto kina bakotoana noi God. #a Sione 8.46; Hib 4.15; 1 Pita 2.22; b Gal 3.13; d 1 Kor 1.30; Vil 3.9
Currently Selected:
2 KORIN 5: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
