1 TESALONAEKA 3
3
1Karea, keu hugu vakahao tikamu mo vanovano kehe rongo karea tea. Hikani kemo tovotovo kwara i kamirua mai Saelas keru ne hugu Atens, #Bol 17.15 2vae i Timoti keru hokakinia mo venatu vaki maikamu. Aia i tuada katukwale hinea u vai a bolokiana na noda Hugwe maikamirua, kemo heretuvaki na Roro Karea huri Kraes*. Keru hokakinia kwara ne kwahabibikamu kwara tulu ne tu ne madi, vae ne hago mana nomiu hauhuriana #Bol 16.1-3 3kwara hete katukwale tikamu ne sovi huri na tangaloi hinea rau tuku vai bulakikikamu. I kamu tulu kikilai vunu ba kwara a domikiana noi God kwara a tangaloi rana vai bulakikikita hokinia hi. #a Eves 3.13; b 2 Tim 3.12 4Lolona i kami keu hugu radu nga maikamu keu viti tomuaki lakwakamu kwara vae rana vai bulakikikita kwehi. Vunu tulu kikilai vunu ba kwara a kinau aira hi rau mule luna kareaki hokinia kemo vitia. #Bol 14.22 5Vae lolona keu hugu vakahao tikamu mo tuai hokinia hi, kehe rongo karea te vohoki, vae huri hi nomo hokaki i Timoti kwara ne rongo tikamu kwara a nomiu hauhuriana u huira diko hetea. Nu mala mataku kwara i Setano hinea u tuku sina na tangaloi ne mai sinakamu, vae a nomai bolokiana ramai mule ki kinau vuroki. #Vil 2.16
I Pol u lagwaki God huri na roroga
6Rabela. Hikani i Timoti u mulemai tikamu ba mo viti a roro karea lakwakami huri na nomiu hauhuriana mana nomiu lagwaana. Vunu mo viti vake lakwakami kwara tigwaravu tulu domidomi lumai kina lagwaana, tulu lengaia haburu kwara tulu ne tagaikami hokinia hi i kami kemo lengaia haburu kwara kena tagaikamu. #Bol 18.5 7Vae rabela, huri na kinau vano hi lo taro hinea a domimai mo kwalao laliki, kemo rongo hati haburu, vae a roromiu huri na nomiu hauhuriana u rakati na domimai. #2 Tes 1.4 8Lolona kemo rongo kwara tulu hariki lo noda Hugwe*, tulu tu u madi, aia hokinia kwara keu ahi taliku. 9Kenahe vai lai tea kwara kena lagwaki God hurikamu kwara ne taritarisa, huri u havutikami haburu koro na nako na noda God hurikamu. 10U rani u bongi keu tiutangaroa karakara kwara tana tagatagaikita ki nakoda. Keu lengaia kwara kena hago maikamu lo havakinau hinea tulu lengaia lo nomiu hauhuriana.
11Keu tiutangaroa kwara a noda God sibona hinea i Tamada mana noda Hugwe i Jisas ranaru vai na halamai kwara kena venatu vaki maikamu. 12Hikani tulu lagwalagwa maikamu, vunu vake tulu lagwa mana tangaloi savia. Vae keu tiutangaroa kwara a noda Hugwe ne vai na nomiu lagwaana hi ne matala ne toko lakua vakevake, vae ne hoki na nomai lagwaana hurikamu. 13Lo hala aia hi i God neri vaikamu tulu ne huira. Vae lolona a noda Hugwe i Jisas ne mulemai taliku mana nona tangaloi savia, lo rani hi tulu ne tu lai koro na nako i Tamada i God, tulu ne kokona tulu ne bakoto. #a Vil 1.10; b Sek 14.5; 2 Tes 1.7,10
Currently Selected:
1 TESALONAEKA 3: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
