1 TESALONAEKA 1
1
I Pol u kwaha tabetabe maira
1I nau i Pol, mai Saelas mai Timoti, i kami keu uli na leta hika lakwakamu hi a kwarelua* noi Kraes* lo gwatuivanua lakua Tesalonaeka. I kamu a tangaloi noi God a Tamaki mana Hugwe* i Jisas Kraes.
A tangaroa karea hika lakwakamu. I God ne hago maikamu kina nona domi tabetabe lakua, ne bete na magemuana ne eno maikamu. #2 Tes 1.1; Bol 17.1
I Pol u lagwa mana hauhuriana nona ngwera Tesalonaeka mana bohibohianaga
2Tigwaravu keu lagwaki God hurikamu doluaki, vunu tigwaravu keu tiutangaroa hurikamu. #Vil 1.3-4; Kol 1.3; 2 Tes 1.11 3Lo nako na noda God hinea i Tamada, keu domihagwe kwara a bohibohianamiu u vosangi na nomiu hauhuriana lui Kraes*. Vunu keu domihagwe kwara a nomiu lagwaana mo vaikamu tulu mo boloki mo madi, vake tulu tu madi huri tulu tau na domimiu u madi lo noda Hugwe* i Jisas Kraes. #1 Kor 13.13; Kol 1.4-5
4Rabela. Keu kikilai kwara i God u lagwa maikamu, mo mataikamu kwara tulu ne kwareki a bulana tangaloi. 5Lolona hi kemo lavi na Roro Karea huri Jisas Kraes vaki maikamu, he vanamai te kina leo kehekeheki, vae kina huirana mana Tanungwe Kokona. Vae kemo vosangi kwara keu hauhuri luna kareaki, kemo kikilai kwara aia a vitikareaki. Vunu tulu kikilai vake kwara lolona kemo hugu maikamu keu bohibohi kworohokinia kwara kena hago maikamu. #1 Kor 2.4-5; 4.20
6Hikani tulu tuku huri na tanoi-garumai mana tanoigaru na noda Hugwe. Lolona tulu mo kwali na leo na Roro Karea, kareaki tulu hagwe na rongoana hati rusa, vae a Tanungwe Kokona u vaikamu mo havutikamu haburu. #a 1 Kor 4.16; 2 Tes 3.9; b Bol 17.5-9 7Vae lo bohiana hi tulu vosangi na hala lakwa na tangaloi hauhuri savia lolo vanua Masetonia maia Gris #1.7: Gris. Tuai rau kwareki na vanua hi kwara Akaea. kwara rana huria. #1 Pita 5.3 8Tulu mo talahaki na leo huri na noda Hugwe vataha na mahagweki lo vanua Masetonia maia Gris, vae siletia hi a roromiu kwara tulu hauhuri lui God u vano vataha na vanua. Vae kenahe viti na kinau tea huri a tangaloi rau rongoa ba. #Rom 1.8 9Savi na tangaloi vano hi rau viti huri kwara lolona kemo tirokikamu tulu mo lai tabetabekikami, tulu mo bohi tina takaro vuroki maira kwara tulu ne huri i God Tatoka hinea u kareaki. #Bol 17.4 10Vake rau viti huri kwara tulu hugu tara i Natuna hinea ne hivo vanamai tina taetae. Aia hi i Jisas hinea i God mo rakatia tina mateana, vae lo taroki hinea i God ne lologute kina tangaloi huri na noga vaivai hati, ne magarakinira, vae i Jisas ne vakahikikita. #a Taet 2.13; b Bol 17.31; d 1 Tes 5.9
Currently Selected:
1 TESALONAEKA 1: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
