SEKARIAH 10
10
1Kuga tatagovi Yehovah ki usa, ragi ni usa edaku, Yehovah waina e do mari navila; go ega wo dua ra usa walapa, go sara naata euga veani nam̃enau vanua adeada. 2Nalakena terafim e pasa p̃alo, go tea kikita maga eu punusi namarisoreana; go eu noasai nap̃erea sorosoro maga, eu pakavakae m̃oli: nalakena tea wanogoe eu surata pasara dakiusi shiip, eu dogokitesa nalakena tea leo parati ki da e dika. 3Namaetoana aginau e pavaga dip̃a tea leo parati ki shiip maga, go aga wo parati tea maraki maga: nalakena Yehovah ki taua maga e pa punusi navata aneana, tea ni nasum̃a ni Yudah, go ega wo mari ra euga takiusi horse wia aneana doko navakalo. 4Vatu ni naweluki ega wo m̃elu pae asa, go pin ni tap̃aup̃au, go naasu ni navakalo, go sara tea maraki. 5Go euga wo dakiusi naatam̃oli kasua maga doko navakalo, euga wo pasi tea kokona ki da maga nalepa ni napua maga; go euga wo marimari nalakena Yehovah e sikoti ra doko: go nap̃op̃o ni tea sakesaake horse maga euga wo pinovinoi. 6Go aga wo mari nasum̃a ni Yudah ega kasua, go aga wo mauti nasum̃a ki Yosef, go aga wo piragi ra liliu umai, nalakena a dodomi ra; go euga wo doko dapala a pe ta dip̃a doa ra mau: nalakena kinau a pei Yehovah Sup̃e adeada, go aga wo dogo ra. 7Go tea ni Efraim euga wo dakiusi naatam̃oli kasua sikai, go nap̃op̃oda ega wo laelaea ega tapala waina waine e pei nalakena: io, natuda maga euga wo punusi a, po laelaea; nap̃op̃oda ega wo samasama ni Yehovah. 8Aga wo saveu ki da po piragi ra umai, nalakena a po daulua ra: go euga wo moro disu po laapa dapala sala vea. 9Go aga wo sapura ki da usuraki narei maga; go tea ni navanua ni uvea euga wo midoaki parati ki nau: nara ma natuda maga euga wo mamau doko po liliu umai. 10Go aga wo moro piragi liliua ki da m̃elu dua ki navanua ni Ityipt umai, po piragi saisai ki da m̃elu dua ki Assiria; go aga wo piragi ra umai paki navanua ni Cilead go ni Lebanon; pa pa namalopa adeada ega wo dika. 11Go ega wo surata duaduru natasi ni Ityipt, po atugi napeao maga ni natasi, go epua maga mamau puti ni noaisara Naile euga wo dap̃a: go nap̃op̃ovakilagiana ni Assiria ega wo pei tea mariana ega vakitano, go tiko ni naveinawotaana ni Ityipt ega wo pano puoli. 12Go aga wo mari ra euga wo kasua doko Yehovah; go euga wo surata pasara doko nagisana, Yehovah e noa e.
Currently Selected:
SEKARIAH 10: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
