NUMBERS 32
32
1Go Reuben natuna maga go Cad natuna maga eu pei talakea ni katel laapa liu: go ragi waina eu punusi navanua ni Yaser, go navanua ni Cilead, naga p̃a leo, tokora wanogoe e pei tokora sikai ki katel; 2Cad natuna maga go Reuben natuna maga eu rumai po pasa paki Moses, go paki Eleasar tea viri, go paki tea maraki maga ni nasaisaiana, po naga, 3Ataroth, go Dibon, go Yaser, go Nimrah, go Heshbon, go Elealeh, go Sebam, go Nebo, go Beon, 4Navanua waina Yehovah e atugi a narae ni nasaisaiana ni Israel, e pei navanua sikai ki katel, go tea suasua anigo maga eu peani katel. 5Go eu naga, Au pe vap̃ai nasaup̃iaana namatam̃a, navanua waia ega vei tea vituakiana paki tea suasua anigo maga naga ega vei naveaniana sikai; p̃a ta piragi gami duagoto Yordan mau. 6Go Moses e noa ki Cad natuna maga go ki Reuben natuna maga, e naga, Taimu maga euga vaki navakalo pano, go nimu kuga tasake doko nea, kite? 7Go ekasana ku mari nap̃op̃o ni Israel natuna maga e dodosua, naga euga ta duagoto paki navanua waina Yehovah e dua ra asa? 8Tamamu maga eu pea mari dapala nogoe, ragi waina a dip̃aki lua ra m̃elu dua ki Kadesh‐barnea pano naga euga leo pavaraka navanua wanogoe. 9Nalakena ragi waina eu sake paki nap̃aloa ni Eshkol pano, po punusi navanua wanogoe, eu mari nap̃op̃o ni Israel natuna maga e dodosua, naga euga ta paki navanua waina Yehovah e dua ra asa mau. 10Go namaetoana ki Yehovah e pavaga naaleatia wanogoe, go e pivisa, doko do naga, 11Naatam̃oli maga waina eu sake m̃elu dua ki Ityipt umai, tea maga waina eu pei tea ni natau rualima dua go do liu, te sikai kakada ega ta punusi navanua waina a pivisa asa paki Abraham, paki Isaak, go paki Yakob; nalakena eu da dausi au lomau mau: 12Ma Kaleb natu ni Yefuneh, naatam̃oli sikai ni Kenes, go Yoshua natu ni Nun ero sikida: nalakena nara ero dausi Yehovah lomau. 13Go namaetoana ki Yehovah e pavaga dip̃a Israel, go e mari ra eu surata papiliu masop̃alo natau rualima pati, pa pa tagona mamau waina e mari tea waina e sa namata ni Yehovah, e mavunuvunu. 14Go kuga leo, nimu ku duleana du oli tamamu maga, namatarau sikai ni naatam̃oli sigisigileo maga, naga kuga mari namaetoana vivitinu ki Yehovah ega wo moro p̃arua liu paki Israel. 15Nalakena ku pe maradoa m̃elu dua ki nia pano, e pe wo moro doropusi ra masop̃alo; go ku pe wo mari puoli ki narei mamau puti waia. 16Go eu rumai paki m̃aladigi ki nia, po naga, Auga wo davagi loga maga agi navata ni shiip aginami maga tokora waia, go natokoana maga agi piakirikiri aginami maga: 17Ma kinami auga wo dum̃agami puati nalikau aginami maga ni navakalo, naga auga vea ki Israel natuna maga pano, pa pa auga wo piragi ra paki tokora waina euga wo doko asa: go piakirikiri aginami maga euga wo doko natokoana maga ni p̃aaka doko, nalakena naatatoko maga ni navanua. 18Auga wo da liliu paki kiagami maga mau, pa pa Israel natuna maga euga wo sikasikai peani pioli ki tea veanipiolikiana adeada. 19Nalakena kinami auga wo da peani tea veanipiolikiana sikoti ra taleva kerua ni Yordan paki elo musu mau; nalakena tea veanipiolikiana aginami e po maginami dowo taleva waia ni Yordan paki elo sake. 20Go Moses e noa ki da, e naga, Ku pe mari ega tapala nogoe; go ku pe tum̃amu puati nalikau maga ni navakalo naga ku pe vaki navakalo pano narae ni Yehovah, 21Go nimu naatam̃oli marimatua maga ni navakalo waina ku puati nalikau animu maga, ku pe mamau puti duagoto Yordan pano narae ni Yehovah, pa pa nae ega wo kopasi lua tea kokona ki nia maga pa dua ki naraena, 22Go navanua e pe vei tea marimatuakiana narae ni Yehovah: edaku ki tea wanogoe ku pe wo liliu umai, po da pei tap̃aro asa paki Yehovah, go paki Israel mau; go navanua waia e pe wo manimu pei tea veanipiolikiana animu narae ni Yehovah. 23Ma ku pe ta mari ega tapala nogoe mau, kuga leo, ku pe mari naleo sa dip̃a Yehovah: go kuga atae naga namarinaleosaana animu ega wo liliu paki nap̃aumu. 24Kuga tavagi natokoana maga agi piakirikiri animu maga, go loga maga agi navata ni shiip animu maga; go kuga mari ega vataka ni tea waina e dave m̃elu nawokamu. 25Go Cad natuna maga go Reuben natuna maga eu pasa paki Moses, po naga, Tea suasua anigo maga euga wo mari ega tapala waina nawota aginau e pitip̃aki asa. 26Piakirikiri aginami maga, nagoroi aginami maga, go navata ni shiip aginami maga, go katel aginami maga mamau puti euga wo doko natokoana maga ni Cilead doko: 27Ma tea suasua anigo maga euga wo duagoto paki navakalo pano narae ni Yehovah, sara naata waina eu puati nalikau maga ni navakalo, dapala waina nawota aginau e noa e.
28Go Moses e pitip̃aki nalo kakada paki Eleasar tea viri, go paki Yoshua natu ni Nun, go paki nap̃au maga ni nasum̃a maga ni tamada maga ni naworawora maga ni Israel natuna maga. 29Go Moses e noa ki da, e naga, Cad natuna maga go Reuben natuna maga eu pe tuagoto Yordan sikoti mu pano narae ni Yehovah, sara naata waina eu puati nalikau maga naga euga vaki navakalo, go navanua e pe vei tea marimatuakiana narae mu; nimu ku pe wo dua ra navanua ni Cilead naga ega vei naveaniana sikai: 30Ma eu pe karai puati nalikau maga ni navakalo po duagoto sikoti mu, eu pe wo peani naveaniana maga sikoti mu navanua ni Kanaan. 31Go Cad natuna maga go Reuben natuna maga eu pasadara, po naga, Dapala waina Yehovah e noa ki tea suasua anigo maga, dapala nogoe kinami auga wo mari patakana. 32Auga wo puati nalikau maga ni navakalo po duagoto narae ni Yehovah paki navanua ni Kanaan pano, go naveaniana ni tea veanipiolikiana aginami ega maginami doko taleva waia ni elo sake ni Yordan doko. 33Go Moses e dua Cad natuna maga, go Reuben natuna maga, go namagovai ni naworawora ni Manasseh natu ni Yosef, namarakiana ki Sihon nawota ni naworawora ni Amor, go namarakiana ki Ok nawota ni Bashan, e dua ra navanua mamau go natokoana kakana maga go napega kakana maga daliviri. 34Go Cad natuna maga eu davagi Dibon, go Ataroth, go Aroer; 35Go Atroth‐shofan, go Yaser, go Yokbehah; 36Go Beth‐nimrah, go Beth‐haran: natokoana maga ni p̃aaka, go loga maga agi navata maga ni shiip. 37Go Reuben natuna maga eu davagi Heshbon, go Elealeh, go Kiriathaim; 38Go Nebo, go Baal‐meon, (nagisada maga eu pei tea mariana eu panop̃ota,) go Sibmah: go eu salagisa ni natokoana maga waina eu davagi ra ki nagisa p̃ota maga. 39Go natu maga ni Makir natu ni Manasseh eu paki Cilead pano, po dape pavakoto asa, po kopasi lua naworawora ni Amor waina eu doko asa. 40Go Moses e pitua ki Cilead paki Makir natu ni Manasseh; go e doko asa. 41Go Yair natu ni Manasseh e pano po dape pavakoto natokoana kakana maga, po salagisada ki Hafoth‐yair. 42Go Nobah e pano po dape pavakoto Kenath, go natokoana kakana maga, po salagisana ki Nobah, waina e pei nagisana.
Currently Selected:
NUMBERS 32: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
NUMBERS 32
32
1Go Reuben natuna maga go Cad natuna maga eu pei talakea ni katel laapa liu: go ragi waina eu punusi navanua ni Yaser, go navanua ni Cilead, naga p̃a leo, tokora wanogoe e pei tokora sikai ki katel; 2Cad natuna maga go Reuben natuna maga eu rumai po pasa paki Moses, go paki Eleasar tea viri, go paki tea maraki maga ni nasaisaiana, po naga, 3Ataroth, go Dibon, go Yaser, go Nimrah, go Heshbon, go Elealeh, go Sebam, go Nebo, go Beon, 4Navanua waina Yehovah e atugi a narae ni nasaisaiana ni Israel, e pei navanua sikai ki katel, go tea suasua anigo maga eu peani katel. 5Go eu naga, Au pe vap̃ai nasaup̃iaana namatam̃a, navanua waia ega vei tea vituakiana paki tea suasua anigo maga naga ega vei naveaniana sikai; p̃a ta piragi gami duagoto Yordan mau. 6Go Moses e noa ki Cad natuna maga go ki Reuben natuna maga, e naga, Taimu maga euga vaki navakalo pano, go nimu kuga tasake doko nea, kite? 7Go ekasana ku mari nap̃op̃o ni Israel natuna maga e dodosua, naga euga ta duagoto paki navanua waina Yehovah e dua ra asa? 8Tamamu maga eu pea mari dapala nogoe, ragi waina a dip̃aki lua ra m̃elu dua ki Kadesh‐barnea pano naga euga leo pavaraka navanua wanogoe. 9Nalakena ragi waina eu sake paki nap̃aloa ni Eshkol pano, po punusi navanua wanogoe, eu mari nap̃op̃o ni Israel natuna maga e dodosua, naga euga ta paki navanua waina Yehovah e dua ra asa mau. 10Go namaetoana ki Yehovah e pavaga naaleatia wanogoe, go e pivisa, doko do naga, 11Naatam̃oli maga waina eu sake m̃elu dua ki Ityipt umai, tea maga waina eu pei tea ni natau rualima dua go do liu, te sikai kakada ega ta punusi navanua waina a pivisa asa paki Abraham, paki Isaak, go paki Yakob; nalakena eu da dausi au lomau mau: 12Ma Kaleb natu ni Yefuneh, naatam̃oli sikai ni Kenes, go Yoshua natu ni Nun ero sikida: nalakena nara ero dausi Yehovah lomau. 13Go namaetoana ki Yehovah e pavaga dip̃a Israel, go e mari ra eu surata papiliu masop̃alo natau rualima pati, pa pa tagona mamau waina e mari tea waina e sa namata ni Yehovah, e mavunuvunu. 14Go kuga leo, nimu ku duleana du oli tamamu maga, namatarau sikai ni naatam̃oli sigisigileo maga, naga kuga mari namaetoana vivitinu ki Yehovah ega wo moro p̃arua liu paki Israel. 15Nalakena ku pe maradoa m̃elu dua ki nia pano, e pe wo moro doropusi ra masop̃alo; go ku pe wo mari puoli ki narei mamau puti waia. 16Go eu rumai paki m̃aladigi ki nia, po naga, Auga wo davagi loga maga agi navata ni shiip aginami maga tokora waia, go natokoana maga agi piakirikiri aginami maga: 17Ma kinami auga wo dum̃agami puati nalikau aginami maga ni navakalo, naga auga vea ki Israel natuna maga pano, pa pa auga wo piragi ra paki tokora waina euga wo doko asa: go piakirikiri aginami maga euga wo doko natokoana maga ni p̃aaka doko, nalakena naatatoko maga ni navanua. 18Auga wo da liliu paki kiagami maga mau, pa pa Israel natuna maga euga wo sikasikai peani pioli ki tea veanipiolikiana adeada. 19Nalakena kinami auga wo da peani tea veanipiolikiana sikoti ra taleva kerua ni Yordan paki elo musu mau; nalakena tea veanipiolikiana aginami e po maginami dowo taleva waia ni Yordan paki elo sake. 20Go Moses e noa ki da, e naga, Ku pe mari ega tapala nogoe; go ku pe tum̃amu puati nalikau maga ni navakalo naga ku pe vaki navakalo pano narae ni Yehovah, 21Go nimu naatam̃oli marimatua maga ni navakalo waina ku puati nalikau animu maga, ku pe mamau puti duagoto Yordan pano narae ni Yehovah, pa pa nae ega wo kopasi lua tea kokona ki nia maga pa dua ki naraena, 22Go navanua e pe vei tea marimatuakiana narae ni Yehovah: edaku ki tea wanogoe ku pe wo liliu umai, po da pei tap̃aro asa paki Yehovah, go paki Israel mau; go navanua waia e pe wo manimu pei tea veanipiolikiana animu narae ni Yehovah. 23Ma ku pe ta mari ega tapala nogoe mau, kuga leo, ku pe mari naleo sa dip̃a Yehovah: go kuga atae naga namarinaleosaana animu ega wo liliu paki nap̃aumu. 24Kuga tavagi natokoana maga agi piakirikiri animu maga, go loga maga agi navata ni shiip animu maga; go kuga mari ega vataka ni tea waina e dave m̃elu nawokamu. 25Go Cad natuna maga go Reuben natuna maga eu pasa paki Moses, po naga, Tea suasua anigo maga euga wo mari ega tapala waina nawota aginau e pitip̃aki asa. 26Piakirikiri aginami maga, nagoroi aginami maga, go navata ni shiip aginami maga, go katel aginami maga mamau puti euga wo doko natokoana maga ni Cilead doko: 27Ma tea suasua anigo maga euga wo duagoto paki navakalo pano narae ni Yehovah, sara naata waina eu puati nalikau maga ni navakalo, dapala waina nawota aginau e noa e.
28Go Moses e pitip̃aki nalo kakada paki Eleasar tea viri, go paki Yoshua natu ni Nun, go paki nap̃au maga ni nasum̃a maga ni tamada maga ni naworawora maga ni Israel natuna maga. 29Go Moses e noa ki da, e naga, Cad natuna maga go Reuben natuna maga eu pe tuagoto Yordan sikoti mu pano narae ni Yehovah, sara naata waina eu puati nalikau maga naga euga vaki navakalo, go navanua e pe vei tea marimatuakiana narae mu; nimu ku pe wo dua ra navanua ni Cilead naga ega vei naveaniana sikai: 30Ma eu pe karai puati nalikau maga ni navakalo po duagoto sikoti mu, eu pe wo peani naveaniana maga sikoti mu navanua ni Kanaan. 31Go Cad natuna maga go Reuben natuna maga eu pasadara, po naga, Dapala waina Yehovah e noa ki tea suasua anigo maga, dapala nogoe kinami auga wo mari patakana. 32Auga wo puati nalikau maga ni navakalo po duagoto narae ni Yehovah paki navanua ni Kanaan pano, go naveaniana ni tea veanipiolikiana aginami ega maginami doko taleva waia ni elo sake ni Yordan doko. 33Go Moses e dua Cad natuna maga, go Reuben natuna maga, go namagovai ni naworawora ni Manasseh natu ni Yosef, namarakiana ki Sihon nawota ni naworawora ni Amor, go namarakiana ki Ok nawota ni Bashan, e dua ra navanua mamau go natokoana kakana maga go napega kakana maga daliviri. 34Go Cad natuna maga eu davagi Dibon, go Ataroth, go Aroer; 35Go Atroth‐shofan, go Yaser, go Yokbehah; 36Go Beth‐nimrah, go Beth‐haran: natokoana maga ni p̃aaka, go loga maga agi navata maga ni shiip. 37Go Reuben natuna maga eu davagi Heshbon, go Elealeh, go Kiriathaim; 38Go Nebo, go Baal‐meon, (nagisada maga eu pei tea mariana eu panop̃ota,) go Sibmah: go eu salagisa ni natokoana maga waina eu davagi ra ki nagisa p̃ota maga. 39Go natu maga ni Makir natu ni Manasseh eu paki Cilead pano, po dape pavakoto asa, po kopasi lua naworawora ni Amor waina eu doko asa. 40Go Moses e pitua ki Cilead paki Makir natu ni Manasseh; go e doko asa. 41Go Yair natu ni Manasseh e pano po dape pavakoto natokoana kakana maga, po salagisada ki Hafoth‐yair. 42Go Nobah e pano po dape pavakoto Kenath, go natokoana kakana maga, po salagisana ki Nobah, waina e pei nagisana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific