NUMBERS 19
19
1Go Yehovah e pasa paki Moses, go paki Aaron, po naga, 2Tea waia e pei natawonakiana ni nawotaeana waina Yehovah e pitip̃aki asa, doko do naga, P̃a noa ki Israel natuna maga, naga euga manigo dape kau natuna goroi sikai umai, tea miala sikai, tea mamaau p̃ia, waina nakau ni nanoa sikai e ko da doko asa mau. 3Go kuga tua Eleasar tea viri asa, go nae ega viragi a paki etaku ni tokora ni nam̃enakiana, go naata sikai ega mari punue a naraena: 4Go Eleasar tea viri ega tape kovai nadana ki nakinina, po paka larua meseura ki nadana paki kivea ki tap̃aup̃au ni nasaisaiana: 5Go naata sikai ega tap̃ara ki kau natuna goroi wanogoe naraena; nawilina, go nap̃okasina, go nadana, go nataena, ega tap̃ara ki da: 6Go tea viri ega tape kovai nakau sidar, go hussop, go tea miala‐kesakesa, po nadi ki da paki m̃aleoputo ni kau natuna goroi. 7Go tea viri ega sarue sugoro aneana maga, go ega loloso, po edaku umai paki tokora ni nam̃enakiana, go tea viri ega ta pei tea mariana ega tautau mau pa pa paki ragi melu. 8Go naata waina e dap̃ara ki kau natuna goroi ega sarue sugoro aneana maga, po loloso, po da pei tea mariana ega tautau mau pa pa paki ragi melu. 9Go naatam̃oli sikai waina e dautau ega sara daua ki natano‐apu maga ni kau natuna goroi, po doropusi ra euga toko tokora tautau sikai etaku ni tokora ni nam̃enakiana, go ega magi nasaisaiana ni Israel natuna maga pei tea vavaigoroana naga ega vei noai ni natap̃augoroana: ega tap̃augoro namarinaleosaana. 10Go naata waina ega sara daua ki natano‐apu maga ni kau natuna goroi, ega sarue sugoro aneana maga, go ega ta pei tea mariana ega tautau mau pa pa paki ragi melu mau: go ega magi Israel natuna maga, go magi nam̃enaki‐atatoko waina e m̃enaki m̃aleoputo kakada pei natawonakiana sikai pa pa ega tu du po du mau du. 11Naata waina e pe kisidogo nap̃atoko mate ni naatam̃oli sikai, e pe wo loa doko naaleatia ega larua: 12Naata wanogoe ega tum̃ana mari dautau ki nia naaleatia ketolu, go naaleatia kelarua ega wo pei tea mariana ega tautau: ma e pe ta dum̃ana mari dautau ki nia naaleatia ketolu mau, e pe wo da pei tea mariana ega tautau naaleatia kelarua. 13Naata waina e pe kisidogo nap̃atoko mate ni naatam̃oli sikai, po da dum̃ana mari dautau ki nia mau, e pe mari nasum̃atokoana ki Yehovah naga e loa; go naata wanogoe ega vei tea taeluaana m̃elu dua ki Israel: nalakena noai ni natap̃augoroana e da pei tea meseurakiana asa, ega wo loa doko; naloaana aneana e doko asa doko. 14Tea waia e pei nawotaeana nalo ni naatam̃oli sikai waina e pe mate ekopu ni tap̃aup̃au sikai: sara naata waina eu pe vaki ekopu ni tap̃aup̃au wanogoe, go sara naata waina eu pe toko ekopu ni tap̃aup̃au wanogoe doko, eu pe wo loa doko naaleatia ega larua. 15Go sara lasa maga waina eu dika wogoro kakada, waina eu da pei tea wogoroana mau, eu mamau puti loa. 16Go naata sikai waina e doko napega e pe kisidogo tea sikai waina e pei tea atugiana ki lova, kite nap̃atoko mate sikai, kite navatu ni naatam̃oli sikai, kite matigo sikai, e pe wo loa doko naaleatia ega larua. 17Go nalo ni tea waina e pei tea mariana e loa, euga tape kovai natano‐apu maga ni nakapu ni navituaana ni namarinaleosaana, go noai mauri ega vei tea takiana asa lasa sikai: 18Go naatam̃oli sikai waina e dautau ega tape hussop, po pupugi a noai wanogoe, po meseura ki nia paki tap̃aup̃au, go paki lasa maga mamau puti, go paki naatam̃oli maga waina eu doko tokora wanogoe, go paki naata waina e kisidogo navatu, kite tea maripunueana, kite tea mate, kite matigo: 19Go naatam̃oli waina e dautau ega meseura ki nia paki tea waina e pei tea mariana e loa naaleatia ketolu, go naaleatia kelarua: go naaleatia kelarua ega mari a ega tautau; go ega tum̃ana sarue sugoro aneana maga, po loloso, go ega vei tea mariana ega tautau ragi melu. 20Ma naatam̃oli waina e pei tea mariana e loa, go e da dum̃ana mari dautau ki nia mau, naatam̃oli wanogoe ega vei tea taeluaana m̃elu dua ki m̃aleoputo ni nasaisaiana, nalakena e mari tokora tapu ki Yehovah e loa: noai ni natap̃augoroana e da pei tea meseurakiana asa mau; nae e loa doko. 21Go ega madeada pei natawonakiana sikai pa pa ega tu du po du mau du: go naata waina ega meseura ki noai ni natap̃augoroana, ega tum̃ana sarue sugoro aneana maga; go naata waina ega kisidogo noai ni natap̃augoroana ega wo loa doko pa pa paki ragi melu. 22Go te navatuna waina naatam̃oli waina e loa e pe kisidogo e, e pe wo pei tea mariana e po loa; go naatam̃oli wanogoe, waina e pe kisidogo e, nae ma e pe wo loa doko pa pa paki ragi melu.
Currently Selected:
NUMBERS 19: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
