MATAIO 23
23
1Ragi wanogoe Yesu e pasa paki taua maga ni naatam̃oli go paki tea vasapiseikiana aneana maga, 2e naga, Tea midiri maga go Farisi maga eu dasake malo tasake ki Moses: 3nalakena tea wanogoe naleo maga mamau puti waina eu pe noa ki mu ara, kuga mari ra po pavaigoro ra: ma kuga ta mari oli namariana adeada maga mau; nalakena eu noa, go eu da mari mau. 4Ma eu oti soki natapetapeana madaga maga, go waina eu pei tea tapetapeana kite sa, po doropusi ra eu one pau ni naatam̃oli maga; ma nara eu da masauna mau naga euga risugi ra ki nakinida sikai. 5Ma eu mari nawosiana adeada maga mamau puti naga naatam̃oli maga euga vunusi ra; nalakena eu mari fulakteri adeada maga eu p̃elewelea, go narepu ni sugoro adeada maga eu p̃arua, 6go eu masau malo kere one vea maga ni nakaniana maga, go malo tasake vea maga ni nasum̃a ni nasaisaiana maga, 7go navasadodomiana maga malo ni navakokotoana maga, go naga naatam̃oli maga euga soso ra ki Rabbi. 8Ma nimu kuga ta pei tea sosoana ki Rabbi mau: nalakena sikai e pei tea vasapiseiki animu, go nimu maga ku pei tamataimu puti. 9Go kuga ta soso te naata sikai ki tamamu maramana mau: nalakena sikai e pei Tamamu, tea ni nakoroatelagi. 10Go kuga ta pei tea sosoana ki tea maraki maga mau: nalakena sikai e pei tea maraki animu, Kristo. 11Ma nimu tea kakamu waina e pei tea warua liu, ega vei tea suasua animu. 12Go naata waina ega wo dum̃ana dape a pakilagi, ega wo pei tea toroana pakitano; go naata waina ega wo dum̃ana doro e pakitano ega wo pei tea tapeana pakilagi.
13Ma ai ki mu, tea midiri maga go Farisi maga, nakalep̃o maga! Nalakena ku kokoro namarakiana ni nakoroatelagi narae ni naatam̃oli maga: 14nalakena nimu ku da sili paki asa mau, go tea maga waina eu naga euga sili ku da suasua ki da mau naga euga sili.
15Ai ki mu, tea midiri maga go Farisi maga, nakalep̃o maga! Nalakena ku davivi goro natasi go navanua naga kuga mari proselite sikai; go ragi waina e pei tea mariana sua, ku mari a e pei natu ni p̃okasi paka rua p̃arua liu mu.
16Ai ki mu, tea maraki kesa maga pae napua, waina ku naga, Te naata sikai e pe vivisa pae nasum̃a tapu, e pe vei tea m̃oli; ma te naata sikai e pe vivisa pae kold ni nasum̃a tapu, e pe one asa one. 17Tea manumatavusa maga go tea kesa maga: nalakena seve tea e pei tea warua liu, kold, kite nasum̃a tapu waina e dapugoro kold? 18Go, Te naata sikai e pe vivisa pae tagura ni naviriana, e pe vei tea m̃oli; ma te naata sikai e pe vivisa pae navituaana waina e doko asa, e pe one asa one. 19Tea kesa maga: nalakena seve tea e pei tea warua liu, navituaana, kite tagura ni naviriana waina e dapugoro navituaana? 20Nalakena tea wanogoe tea waina e pivisa pae tagura ni naviriana, e pivisa pae asa, go pae naleo maga mamau puti waina eu one asa. 21Go tea waina e pivisa pae nasum̃a tapu, e pivisa pae asa, go pae tea waina e doko asa doko. 22Go tea waina e pivisa pae nakoroatelagi, e pivisa pae malo tasake ki Sup̃e, go pae tea waina e dasake asa.
23Ai ki mu, tea midiri maga go Farisi maga, nakalep̃o maga! Nalakena ku pitua ki kekerualima ni mint go anise go kummin, po doropusi tea madaga liu maga ni nawotaeana eu madoko, navasap̃otaeana, go nadodomiana, go nasaralomauana: ma tea edaku maga waia e one mu one naga kuga mari ra, go tea vea maga wanogoe naga kuga ta doropusi ra euga madoko mau. 24Tea maraki kesa maga pae napua, waina ku do sarilua namu, po do dinomi kamel.
25Ai ki mu, tea midiri maga go Farisi maga, nakalep̃o maga! Nalakena ku mari nataku ni lasa munu go plete e dautau, ma nawokada e pura ki natapepavakotoana go namarisa‐dum̃amu‐soki‐mu‐ana. 26Farisi kesa, p̃a vea mari nawoka ni lasa munu go plete ega tautau, naga natakuda ma ega tautau.
27Ai ki mu, tea midiri maga go Farisi maga, nakalep̃o maga! Nalakena ku dakiusi matigo maga waina eu pei tea vakasakiana eu dare, waina pae etaku kakada eu pei tea vunusiana eu pei tea leom̃atakiana, ma nap̃alauda eu pura ki navatu maga ni naatam̃oli mate maga, go ki sara naloaana. 28Nimu ma ku dapala nogoe, pae etaku kakamu naatam̃oli maga eu punusi mu ku leana, ma pae nap̃alaumu ku pura ki naveinakalep̃oana go namarinaleotageleana.
29Ai ki mu, tea midiri maga go Farisi maga, nakalep̃o maga! Nalakena ku davagi matigo maga ki profeta maga, po dekei ki vatu maga ni matigo maga ni tea leana maga, po naga, 30Au pe toko naaleatia maga ki tamagami maga, au pe ta pei tea saisai peani ma nara nalo ni nada ni profeta maga mau. 31Nalakena tea wanogoe ku dum̃amu manimu noasokisoki, naga ku pei natu ni tea maga waina eu mari punue profeta maga. 32Nimu ma kuga vakavuro totowo ki tamamu maga. 33M̃aata maga, m̃aata sa natuda maga, kuga wo sava dua ki navasap̃otaeana ni p̃okasi ega tapale sava? 34Nalakena tea wanogoe, kuga leo, kinau aga tip̃aki lua paloti punusi mu profeta maga, go tea manumatua maga, go tea midiri maga: nara seara kakada kuga wo mari punue ra po duri ra nakau valadagoto; go nara seara kakada kuga wo parati ra ekopu ni nasum̃a ni nasaisaiana animu maga, po kopalele ara pae natokoana paki natokoana: 35naga sara nada leana waina eu pei tea takiana maramana euga wo umai doko mu, pae nada ni Abel tea leana pa pa paki nada ni Sakariah natu ni Barakiah, waina ku maripunue a namawota ni nasum̃a tapu go ni tagura ni naviriana. 36Lomau a noa ki mu, naga, Naleo maga mamau puti wanogoe euga wo umai paki tagona waia.
37Yerusalem, Yerusalem O, waina e mari punue profeta maga, po nadi ki vatu tea maga waina eu pei tea tip̃akiluaana umai punusi a! A paka visa masauna naga aga viragi saisai ki natum̃a maga, dakiusi waina toa e piragi saisai ki natuna maga etano ki nalivaruna, go ku karai! 38Kuga leo, nasum̃a animu e manimu pei tea toropusiana e pei maso maladi. 39Nalakena a noa ki mu, naga Kuga wo da punusi au mau, pae ragi waia pa pa kuga wo naga, Tea waina e umai pae nagisa ni Yehovah e pei tea vasap̃iakiana.
Currently Selected:
MATAIO 23: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
