MATAIO 18
18
1Aura wanogoe tea vasapiseikiana maga eu rumai punusi Yesu, po naga, Sei e pei tea warua liu namarakiana ni nakoroatelagi? 2Go e soso piakiki kiki sikai e umai punusi a, go e lawo ki nia m̃aleoputo kakada, 3po naga, Lomau a noa ki mu, naga Ku pe ta maradoa mau, po da pei tea tapala piakiki kiki maga mau, ku pe ta sili paki namarakiana ni nakoroatelagi mau. 4Nalakena tea wanogoe naata waina ega wo dum̃ana doro e pakitano ega tapala piakiki kiki waia, nae e pei tea warua liu namarakiana ni nakoroatelagi. 5Go naata waina e pe wo piragi piakiki kiki sikai dapala waia pae nagisagu e pe viragi au: 6Ma naata waina e pe wo mari tea kirikiri maga wanogoe waina eu saralomau au sikai kakada e pe tapilagona, e pe wia ki nia naga vatumaa warua sikai ega vei tea sarakiana nanoana, go naga ega vei tea tiroakiana natasi pua. 7Ai ki maramana nalakena tea tapilagonaana maga! Nalakena e one asa one naga tea tapilagonaana maga euga umai; ma ai ki naatam̃oli waina tea tapilagonaana e pae asa umai! 8Go nam̃elearum̃a kite nam̃elem̃a e pe mari ko ku dapilagona, p̃a taekotovi a, po nadi ki nia ega m̃elu dua ki‐go pano: e p̃ia ki‐go naga p̃a vei gole kite pito po sili namauriana liu waina ku pe veani nam̃elearum̃a dua kite namelem̃a dua po pei tea nadikiana paki nakapu waina e du mau du. 9Go namatam̃a e pe mari ko ku dapilagona, p̃a vaku lua e, po nadi ki nia ega m̃elu dua ki‐go pano: e pe wia ki‐go naga p̃a sili namauriana po pei mata sikai liu waina ku pe veani namatam̃a dua po pei tea nadikiana paki Gehenna ni nakapu. 10Kuga vunusi naga kuga ta midoaki p̃alo ki tea kirikiri maga wanogoe sikai kakada mau; nalakena a noa ki mu, naga agelo adeada maga waina eu doko nakoroatelagi eu do leo punusi narae ni Tamagu waina e doko nakoroatelagi. 11(Nalakena naatam̃oli Natuna e umai naga ega mautipauri tea waina e sasap̃o puoli.) 12Ku midoa ki nasava? Naatam̃oli sikai e pe veani shiip p̃onotia sikai, go sikai kakada e pe surata sasap̃o, e pe ta doropusi rualima loveti tamate loveti eu madoko tava, po pano laaga tea waina e surata sasap̃o kite? 13Go waina e pe vap̃ai a, lomau a noa ki mu naga e laelaea p̃arua nalo ni tea wanogoe liu waina e laelaea nalo ni tea rualima loveti tamate loveti waina eu da surata sasap̃o. 14Dapala nogoe e da pei tea masauana mau narae ni Tamamu waina e doko nakoroatelagi, naga tea kirikiri maga wanogoe sikai kakada ega mate puoli.
15Go taim̃a e pe mari naleo sa dip̃a ko, p̃a vano, p̃a vasa ki nia asa koroga rua mau: e pe rogo parati ki‐go, ku pe talua taim̃a. 16Ma e pe ta dogo parati ki‐go mau, p̃a va piragi tea p̃ota sikai kite ega rua kuga mamau pano, naga sara navasaana euga vei tea lawokiana pae nawoka ni tea noasokisoki dua kite dolu. 17Go e pe karai naga ega rogo parati ki da, p̃a noa ki ekalesia asa: go e pe moro karai naga ega rogo parati ki ekalesia, ega vei tea tapala tea ni nalauna p̃ota go tea tape nasautoga paki‐go. 18Lomau a noa ki mu, naga Naleo maga waina kuga wo solisoki ra maramana euga wo pei tea solisokiana nakoroatelagi: go naleo maga waina kuga wo peresi ra maramana euga wo pei tea veresiana nakoroatelagi; 19A moro noa ki mu, naga nimu tea rua kakamu ero pe saisai ki nap̃op̃oda nalo ni te navatuna waina eroga wo datago asa, e pe wo madeada pei tea mariana pae Tamagu waina e doko nakoroatelagi; 20Nalakena tokora waina edua kite edolu eu saisai asa doko nagisagu, a doko tokora wanogoe m̃aleoputo kakada.
21Ragi wanogoe Petero e umai, po noa ki nia, e naga, Nawota, taigu ega mari naleo sa dip̃a au paka visa, go aga maneana midoakikorokoro e? 22Pa pa paka larua kite? Yesu e noa ki nia, e naga, A da noa ki‐go, Pa pa paka larua; ma, Pa pa paka rualima larua paka larua. 23Nalakena tea wanogoe namarakiana ni nakoroatelagi e dakiusi naatam̃oli sikai waina e pei nawota, go waina e masauna naga ega vuausi namariana ki tea suasua aneana maga. 24Go ragi waina e atulake naga ega vuausi, sikai e pei tea viragiana umai punusi a, waina talenta tivilia sikai eu one asa one. 25Ma nalakena e dika tea waina ega lagati dua e asa, nawota aneana e pitip̃aki naga ega vei tea soriana, nae ma anagoroi, go natuna maga, go naleo maga mamau puti waina e peani ra, go naga tea waina e one asa one ega vei tea lagatipituakiana. 26Nalakena tea wanogoe tea suasua wanogoe e dowo pakitano po lotu ki nia, po naga, Nawota, p̃a vei maritasoki paki nau, go aga wo lagati dua ko. 27Go nawota ki tea suasua wanogoe e maritadodomi a, po peresi lua e, po maneana midoakikorokoro tea waina e one asa one. 28Ma tea suasua wanogoe e dave pano, po sua tea sikai ni tea maga waina eu mamau pei tea suasua, waina denario aneana p̃onotia sikai eu one asa one; go e puati, po liko namanuna, po naga, P̃a lagatipitua ki tea waina e one ako one. 29Go tea suasua kerua wanogoe e dowo pakitano po pavarani a, po naga, P̃a vei maritasoki paki nau, go aga wo lagati dua ko. 30Go e karai: ma e pano po nadi ki nia paki ekopu ni nasum̃a ni navavaigoroana, pa pa ega lagatipitua ki tea waina e ona asa one. 31Ma ragi waina tea maga waina eu mamau pei tea suasua eu punusi tea maga waina eu pei tea mariana, eu susue p̃arua, go eu rumai po noakisai nawota adeada tea maga mamau puti waina eu pei tea mariana. 32Ragi wanogoe nawota aneana e soso e umai punusi a, po noa ki nia, e naga, Tea suasua sigisigileo, a manigo midoakikorokoro puti tea maga waina eu one ako one, nalakena ku pavarani au asa: 33e da one ako one naga p̃a dodomi tea waina koro dua pei tea suasua, ega tapala waina kinau a dodomi ko kite? 34Go nawota aneana e maeto, po pitua ki nia paki tea varati maga, pa pa ega lagati pitua ki tea mamau waina e one asa one. 35Dapala nogoe ma Tamagu ni nakoroatelagi ega wo mari a paki mu, sara naata kakamu waina e pe ta pae nap̃op̃ona magi taina midoakikorokoro.
Currently Selected:
MATAIO 18: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
