YOEL 3
3
1Nalakena kuga leo, doko naaleatia maga wanogoe, go doko ragi wanogoe, ragi waina aga wo piragi liliua ki tea ni Yudah go Yerusalem waina eu pei tea viragi‐luapavakotoana pano, 2Doko ragi wanogoe aga wo piragi saisai ki nalauna maga mamau puti, po piragi ra siwo paki nap̃aloa ni Yehoshafat pano; go tokora wanogoe aga wo sili paki navasap̃otaeana dip̃a ra, aga wo magi narei aginau go tea veaniana aginau Israel mari a, nalakena eu daperavera ki narei aginau m̃aleoputo ni nalauna maga, po dap̃otae navanua aginau. 3Go eu nadi ki gole raki narei aginau: go eu pitua ki naanoai kiki e pei naulu ni navakotoviana ni nagoroi masausara, po sori nagoroi kiki e pei naulu ni navakotoviana ni waine naga euga munu. 4Io, go nimu kuga kasa ki nau, Tair go Sidon O, go navanua maga mamau puti ni Filistia? Kuga wo lagati dua au navitua‐dip̃a‐ana sikai kite? Ku pe vitua dip̃a au, a pe wo mari navituadip̃a‐ana animu ega m̃araverave liliu paki nap̃aumu. 5Nalakena ku dape pavakoto ki silver aginau go kold aginau, go ku dape naleo wia go masauniana aginau maga pano paki nasum̃a tapu animu maga; 6Go ku sori Yudah natuna maga, go Yerusalem natuna maga, paki naka ni Yavan, naga kuga risua ki lua ra paki uvea ki kokoi adeada: 7Kuga leo, aga wo pulevule ra m̃elu dua ki tokora waina ku sori ra paki asa, po mari navitua‐dip̃a‐ana animu ega liliu paki nap̃aumu; 8Go aga wo sori natumu naanoai maga go natumu nagoroi maga paki nam̃elearu ni Yudah natuna maga, go nara euga wo sori ra paki naatam̃oli maga ni Sheba, nalauna sikai waina e doko uvea: nalakena Yehovah e noa e.
9Kuga mari navasaana waia ega vei tea rogorogokiana usuraki nalauna maga; kuga mari m̃ata raki navakalo: kuga vulevule naatam̃oli kasua maga; naatam̃oli maga ni navakalo euga umai paki m̃aladigi, euga sake umai. 10Kuga wokati doa tea totova ni tea sisi natano animu maga euga vei lova maga, go tea tagaukotovi animu maga euga vei naio maga: naatam̃oli manainai ega naga, Kinau a pei tea kasua. 11Kuga mari m̃araverave go kuga umai, nimu nalauna maga mamau puti daliviri, go kuga tum̃amu saisai ki mu: Yehovah O, p̃a mari tea marimatua anigo maga euga wo siwo umai. 12Nalauna maga euga tum̃ada pulevule ra, po sake umai paki nap̃aloa ni Yehoshafat: nalakena tokora wanogoe, kinau aga wo dasake doko asa, po pasa p̃otae nalauna maga mamau puti daliviri. 13Kuga sai ki tea tagaukotovi, nalakena nalolovaeana e matua: kuga umai, kuga to pasi; nalakena malo wokalesue ni waine e pura, m̃oru kakana maga eu do sarasaraape; nalakena nasigisigileoana adeada e p̃arua. 14Tautaua maga, tautaua maga, doko nap̃aloa ni namidoakisokiana! Nalakena naaleatia ki Yehovah e pei m̃aladigi, nap̃aloa ni namidoakisokiana. 15Elo go atelagi eroga wo maligo, go m̃asoe maga euga wo da marama mau. 16Go Yehovah ega wo uru m̃elu Sion, po pitua ki nadaleona m̃elu Yerusalem; go nakoroatelagi maga go maramana euga wo duruuru: ma Yehovah ega wo magi narei aneana pei tokora ni nasava‐sili‐ana sikai, go magi Israel natuna maga pei p̃aaka kasua sikai. 17Dapala nogoe kuga wo atae naga kinau a pei Yehovah Sup̃e animu, a doko tava Sion, tava tapu aginau: ragi wanogoe Yerusalem ega wo dapu, go nalauna maga euga wo da moro surata duaduru asa mau. 18Go ega wo pakilina naaleatia wanogoe, naga tava maga euga wo duturu ki waine gagadi, go tava sula maga euga wo sara ki milk, go nap̃ap̃a maga mamau puti ni Yudah euga wo sara ki noai maga; go namata noai sikai ega wo putaputa m̃elu nasum̃a ki Yehovah, go ega wo pue nap̃aloa ni Shittim. 19Ityipt ega wo pei maso maladi sikai, go Edom ega wo pei masop̃alo maladi sikai, nalakena namari‐pavakoto‐ana paki Yudah natuna maga, nalakena eu daki nada dautau navanua adeada. 20Ma Yudah ega wo doko mau doko, go Yerusalem pae tagona paki tagona. 21Go aga wo siko nadada, go aga wo da noa naga sogi e puoli ki tea riesoki maga mau, nalakena Yehovah e doko Sion doko.
Currently Selected:
YOEL 3: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
YOEL 3
3
1Nalakena kuga leo, doko naaleatia maga wanogoe, go doko ragi wanogoe, ragi waina aga wo piragi liliua ki tea ni Yudah go Yerusalem waina eu pei tea viragi‐luapavakotoana pano, 2Doko ragi wanogoe aga wo piragi saisai ki nalauna maga mamau puti, po piragi ra siwo paki nap̃aloa ni Yehoshafat pano; go tokora wanogoe aga wo sili paki navasap̃otaeana dip̃a ra, aga wo magi narei aginau go tea veaniana aginau Israel mari a, nalakena eu daperavera ki narei aginau m̃aleoputo ni nalauna maga, po dap̃otae navanua aginau. 3Go eu nadi ki gole raki narei aginau: go eu pitua ki naanoai kiki e pei naulu ni navakotoviana ni nagoroi masausara, po sori nagoroi kiki e pei naulu ni navakotoviana ni waine naga euga munu. 4Io, go nimu kuga kasa ki nau, Tair go Sidon O, go navanua maga mamau puti ni Filistia? Kuga wo lagati dua au navitua‐dip̃a‐ana sikai kite? Ku pe vitua dip̃a au, a pe wo mari navituadip̃a‐ana animu ega m̃araverave liliu paki nap̃aumu. 5Nalakena ku dape pavakoto ki silver aginau go kold aginau, go ku dape naleo wia go masauniana aginau maga pano paki nasum̃a tapu animu maga; 6Go ku sori Yudah natuna maga, go Yerusalem natuna maga, paki naka ni Yavan, naga kuga risua ki lua ra paki uvea ki kokoi adeada: 7Kuga leo, aga wo pulevule ra m̃elu dua ki tokora waina ku sori ra paki asa, po mari navitua‐dip̃a‐ana animu ega liliu paki nap̃aumu; 8Go aga wo sori natumu naanoai maga go natumu nagoroi maga paki nam̃elearu ni Yudah natuna maga, go nara euga wo sori ra paki naatam̃oli maga ni Sheba, nalauna sikai waina e doko uvea: nalakena Yehovah e noa e.
9Kuga mari navasaana waia ega vei tea rogorogokiana usuraki nalauna maga; kuga mari m̃ata raki navakalo: kuga vulevule naatam̃oli kasua maga; naatam̃oli maga ni navakalo euga umai paki m̃aladigi, euga sake umai. 10Kuga wokati doa tea totova ni tea sisi natano animu maga euga vei lova maga, go tea tagaukotovi animu maga euga vei naio maga: naatam̃oli manainai ega naga, Kinau a pei tea kasua. 11Kuga mari m̃araverave go kuga umai, nimu nalauna maga mamau puti daliviri, go kuga tum̃amu saisai ki mu: Yehovah O, p̃a mari tea marimatua anigo maga euga wo siwo umai. 12Nalauna maga euga tum̃ada pulevule ra, po sake umai paki nap̃aloa ni Yehoshafat: nalakena tokora wanogoe, kinau aga wo dasake doko asa, po pasa p̃otae nalauna maga mamau puti daliviri. 13Kuga sai ki tea tagaukotovi, nalakena nalolovaeana e matua: kuga umai, kuga to pasi; nalakena malo wokalesue ni waine e pura, m̃oru kakana maga eu do sarasaraape; nalakena nasigisigileoana adeada e p̃arua. 14Tautaua maga, tautaua maga, doko nap̃aloa ni namidoakisokiana! Nalakena naaleatia ki Yehovah e pei m̃aladigi, nap̃aloa ni namidoakisokiana. 15Elo go atelagi eroga wo maligo, go m̃asoe maga euga wo da marama mau. 16Go Yehovah ega wo uru m̃elu Sion, po pitua ki nadaleona m̃elu Yerusalem; go nakoroatelagi maga go maramana euga wo duruuru: ma Yehovah ega wo magi narei aneana pei tokora ni nasava‐sili‐ana sikai, go magi Israel natuna maga pei p̃aaka kasua sikai. 17Dapala nogoe kuga wo atae naga kinau a pei Yehovah Sup̃e animu, a doko tava Sion, tava tapu aginau: ragi wanogoe Yerusalem ega wo dapu, go nalauna maga euga wo da moro surata duaduru asa mau. 18Go ega wo pakilina naaleatia wanogoe, naga tava maga euga wo duturu ki waine gagadi, go tava sula maga euga wo sara ki milk, go nap̃ap̃a maga mamau puti ni Yudah euga wo sara ki noai maga; go namata noai sikai ega wo putaputa m̃elu nasum̃a ki Yehovah, go ega wo pue nap̃aloa ni Shittim. 19Ityipt ega wo pei maso maladi sikai, go Edom ega wo pei masop̃alo maladi sikai, nalakena namari‐pavakoto‐ana paki Yudah natuna maga, nalakena eu daki nada dautau navanua adeada. 20Ma Yudah ega wo doko mau doko, go Yerusalem pae tagona paki tagona. 21Go aga wo siko nadada, go aga wo da noa naga sogi e puoli ki tea riesoki maga mau, nalakena Yehovah e doko Sion doko.
Bible Society of the South Pacific