YOEL 2
2
1Kuga sui paiga Sion, po duki nap̃ea tava tapu aginau: naatatoko maga ni navanua euga ruruuru puti, nalakena naaleatia ki Yehovah ega umai, e pei m̃aladigi; 2E pei naaleatia ni namaligo, go namaligoligo, naaleatia ni napopouru maga, go namaligo wono; nalauna warua go kasua e pei tea welesakiana tava maga dapala natolaana, tea waina e dakiusi a e da doko sala vea mau, go ega wo da moro pakilina sala edaku mau, usuraki natau maga ni tagona laapa. 3Nasiinu sikai e do gani kivea ki da; go kiedaku mena ni nakapu e do soro: sala vea navanua e dakiusi roara ni Eden, ma sala edaku e po pei maso maladi; nalakena te navatuna sikai e da pei tea mautiana asa mau. 4Natakiusiana kakada e dakiusi horse maga; go dapala tea maga waina eu sakesaake horse, eu do sava kasua. 5Dapala nasaruruana ni kariot maga waina eu do dam̃atam̃alua nam̃asua ni tava maga, dapala nam̃alidalidaana ni mena ni nakapu waina e do gani nap̃olaga, dapala nalauna kasua sikai waina e pei tea saisaikiana paki navakalo. 6Narei maga eu punusi ra go eu dogokitesa: naraeda maga eu datare puti. 7Eu sava kasua dakiusi m̃aau maga; eu pagi p̃aaka dakiusi naatam̃oli maga ni navakalo; go eu mamau puti surata napua adeada visarasara maga, go eu da papele ovara adeada maga mau. 8Eu da dum̃ada die ra mau; eu sikasikai surata napua adeada pano: go eu dieduru nalikau maga, po da dawasi mau. 9Eu kapurigoro natokoana, eu sava usi p̃aaka; eu pagi sili nasum̃a maga; eu sili namata leoduru maga dakiusi tea vanako. 10Maramana e nuanua; nakoroatelagi maga eu duruuru: elo go atelagi ero maligo, go m̃asoe maga eu da marama mau. 11Go Yehovah e pitua ki nadaleona kivea ni taua ni navakalo aneana maga; go taua aneana e p̃arua sa; tea waina e do mari navasaana aneana e pei tea marimatua sikai: nalakena naaleatia ki Yehovah e p̃arua, go e pei tea mataukiana pa; sei e mariatae lawodugoro e? 12Nalakena tea wanogoe, Yehovah e noa e, kuga maradoa paki nau ki nap̃op̃omu mamau, go ki navaliana, go ki natagiana, go ki nasusueana: 13Go kuga vuap̃orae nap̃op̃omu, go ega ta pei sugoro animu maga mau, po maradoa paki Yehovah Sup̃e animu: nalakena nae e pei saup̃ia go maritadodomi, tea mari daliali namaetoana, go tea warua nadodomiana, go tea midoaki piri nalo ni nasaana. 14Sei e atae e pe wo da liliu po midoaki piri, po doropusi navasam̃atakiana sikai ega toko, navituaana ni flaur, go navituaana takiana, paki Yehovah Sup̃e animu?
15Kuga sui paiga Sion, kuga tapugoro navaliana sikai, kuga soso saisai ki nasaisaiana tatutakiana sikai: 16Kuga viragi saisai ki narei, kuga tapugoro nasaisaiana, kuga viragi saisai ki tea matua maga, kuga viragi saisai ki piakirikiri maga, go tea susu maga: tea vitawiri ega tave m̃elu dua ki em̃ago aneana pano, go tea laki m̃elu dua ki em̃ago sili aneana. 17Tea viri maga, tea suasua maga ki Yehovah, euga tagi namawota ni natara‐taup̃a go ni wede ni naviriana, go euga naga, P̃a mauti narei anigo, Yehovah O, go p̃a ta pitua ki tea veaniana anigo paki navasa‐pinoa‐kiana, naga nalauna maga euga vasadao ara: ekasana euga noa m̃aleoputo ni narei maga, Sup̃e adeada wai?
18Ragi wanogoe Yehovah e dotowo kasua nalo ni navanua aneana, go e maritadodomi narei aneana. 19Go Yehovah e pasadara po noa ki narei aneana, e naga, Kuga leo, aga wo manimu dip̃aki lua korn, go waine, go naroro, go kuga wo puka ara: go aga wo da moro mari mu kuga vei navasa‐pinoa‐kiana sikai m̃aleoputo ni nalauna maga mau: 20Ma aga wo disua ki lua taua ni north ega vaki uvea ki mu, go aga wo kopasi lua e paki navanua p̃alo go maso maladi sikai, kivea kakana ega vaki natasi paki elo sake, go kiedaku kakana ega vaki natasi paki elo musu; go nap̃oaana kakana ega wo sake umai, go nap̃ona sa ega wo sake umai, nalakena e mari naleo warua maga. 21P̃a ta mataku mau, navanua O, p̃a laelaea po samasama; nalakena Yehovah e mari naleo warua maga. 22Kuga ta mataku mau, nimu nalo tuavati maga ni namalasi; nalakena malo kaniana maga ni masop̃alo eu pisou, nalakena nakau e dau ki nawana, go napuliva go vaine ero pitua ki nakasuaana adeada. 23Nalakena tea wanogoe kuga samasama, nimu Sion natuna maga, kuga laelaea doko Yehovah Sup̃e animu: nalakena e dua mu usa vea ki totowo leana, go e mari usa e do manimu p̃owo, usa vea go usa edaku, doko atelagi vea. 24Go malo wokalesue maga euga wo pura ki whiit, go m̃oru maga euga wo pura sarasaraape ki waine go ki naroro. 25Go aga wo manimu liliua ki natau maga waina midiri e gani ra, go tipekini, go uraasi, go raasi, taua warua aginau waina a dip̃aki lua e paloti paki m̃aleoputo kakamu. 26Go kuga wo ganikani p̃ia po puka, go kuga wo samasama ni nagisa ni Yehovah Sup̃e animu, waina e manimu mari tea ni namagaana maga, go narei aginau euga wo da moro maliere mau. 27Go kuga wo atae naga kinau a doko m̃aleoputo ni Israel, go naga kinau a pei Yehovah Sup̃e animu, go tea p̃ota e dika: go narei aginau euga wo da moro maliere mau.
28Go ega wo pakilina naaleatia edaku maga, aga wo daki kovai naatagu paki sara nap̃okasi; go natumu naanoai maga go natumu nagoroi maga euga wo peanoasai, namariki animu maga euga wo p̃erea ki nap̃erea maga, natureai animu maga euga wo punusi navunusiana maga: 29Go naaleatia maga wanogoe aga wo daki kovai naatagu paki tea suasua naanoai maga, go tea suasua nagoroi maga. 30Go aga wo pitua ki tea ni namagaana maga nakoroatelagi maga go maramana, nada, go nakapu, go namavu ni naasua. 31Elo ega wo panop̃ota po pei namaligo, go atelagi ega wo pei nada, ega wo pea ki na‐umai‐ana ki naaleatia warua go ni namatauki‐Yehovah‐ana. 32Go ega wo pakilina naga sara naata waina euga wo pioso paki nagisa ni Yehovah, euga wo pei tea mautipauriana: nalakena doko tava ni Sion go doko Yerusalem te seara euga wo pei tea vualuaana, dapala waina Yehovah e noa e, go ega vei namagovai kakada waina Yehovah ega wo soso ra.
Currently Selected:
YOEL 2: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
YOEL 2
2
1Kuga sui paiga Sion, po duki nap̃ea tava tapu aginau: naatatoko maga ni navanua euga ruruuru puti, nalakena naaleatia ki Yehovah ega umai, e pei m̃aladigi; 2E pei naaleatia ni namaligo, go namaligoligo, naaleatia ni napopouru maga, go namaligo wono; nalauna warua go kasua e pei tea welesakiana tava maga dapala natolaana, tea waina e dakiusi a e da doko sala vea mau, go ega wo da moro pakilina sala edaku mau, usuraki natau maga ni tagona laapa. 3Nasiinu sikai e do gani kivea ki da; go kiedaku mena ni nakapu e do soro: sala vea navanua e dakiusi roara ni Eden, ma sala edaku e po pei maso maladi; nalakena te navatuna sikai e da pei tea mautiana asa mau. 4Natakiusiana kakada e dakiusi horse maga; go dapala tea maga waina eu sakesaake horse, eu do sava kasua. 5Dapala nasaruruana ni kariot maga waina eu do dam̃atam̃alua nam̃asua ni tava maga, dapala nam̃alidalidaana ni mena ni nakapu waina e do gani nap̃olaga, dapala nalauna kasua sikai waina e pei tea saisaikiana paki navakalo. 6Narei maga eu punusi ra go eu dogokitesa: naraeda maga eu datare puti. 7Eu sava kasua dakiusi m̃aau maga; eu pagi p̃aaka dakiusi naatam̃oli maga ni navakalo; go eu mamau puti surata napua adeada visarasara maga, go eu da papele ovara adeada maga mau. 8Eu da dum̃ada die ra mau; eu sikasikai surata napua adeada pano: go eu dieduru nalikau maga, po da dawasi mau. 9Eu kapurigoro natokoana, eu sava usi p̃aaka; eu pagi sili nasum̃a maga; eu sili namata leoduru maga dakiusi tea vanako. 10Maramana e nuanua; nakoroatelagi maga eu duruuru: elo go atelagi ero maligo, go m̃asoe maga eu da marama mau. 11Go Yehovah e pitua ki nadaleona kivea ni taua ni navakalo aneana maga; go taua aneana e p̃arua sa; tea waina e do mari navasaana aneana e pei tea marimatua sikai: nalakena naaleatia ki Yehovah e p̃arua, go e pei tea mataukiana pa; sei e mariatae lawodugoro e? 12Nalakena tea wanogoe, Yehovah e noa e, kuga maradoa paki nau ki nap̃op̃omu mamau, go ki navaliana, go ki natagiana, go ki nasusueana: 13Go kuga vuap̃orae nap̃op̃omu, go ega ta pei sugoro animu maga mau, po maradoa paki Yehovah Sup̃e animu: nalakena nae e pei saup̃ia go maritadodomi, tea mari daliali namaetoana, go tea warua nadodomiana, go tea midoaki piri nalo ni nasaana. 14Sei e atae e pe wo da liliu po midoaki piri, po doropusi navasam̃atakiana sikai ega toko, navituaana ni flaur, go navituaana takiana, paki Yehovah Sup̃e animu?
15Kuga sui paiga Sion, kuga tapugoro navaliana sikai, kuga soso saisai ki nasaisaiana tatutakiana sikai: 16Kuga viragi saisai ki narei, kuga tapugoro nasaisaiana, kuga viragi saisai ki tea matua maga, kuga viragi saisai ki piakirikiri maga, go tea susu maga: tea vitawiri ega tave m̃elu dua ki em̃ago aneana pano, go tea laki m̃elu dua ki em̃ago sili aneana. 17Tea viri maga, tea suasua maga ki Yehovah, euga tagi namawota ni natara‐taup̃a go ni wede ni naviriana, go euga naga, P̃a mauti narei anigo, Yehovah O, go p̃a ta pitua ki tea veaniana anigo paki navasa‐pinoa‐kiana, naga nalauna maga euga vasadao ara: ekasana euga noa m̃aleoputo ni narei maga, Sup̃e adeada wai?
18Ragi wanogoe Yehovah e dotowo kasua nalo ni navanua aneana, go e maritadodomi narei aneana. 19Go Yehovah e pasadara po noa ki narei aneana, e naga, Kuga leo, aga wo manimu dip̃aki lua korn, go waine, go naroro, go kuga wo puka ara: go aga wo da moro mari mu kuga vei navasa‐pinoa‐kiana sikai m̃aleoputo ni nalauna maga mau: 20Ma aga wo disua ki lua taua ni north ega vaki uvea ki mu, go aga wo kopasi lua e paki navanua p̃alo go maso maladi sikai, kivea kakana ega vaki natasi paki elo sake, go kiedaku kakana ega vaki natasi paki elo musu; go nap̃oaana kakana ega wo sake umai, go nap̃ona sa ega wo sake umai, nalakena e mari naleo warua maga. 21P̃a ta mataku mau, navanua O, p̃a laelaea po samasama; nalakena Yehovah e mari naleo warua maga. 22Kuga ta mataku mau, nimu nalo tuavati maga ni namalasi; nalakena malo kaniana maga ni masop̃alo eu pisou, nalakena nakau e dau ki nawana, go napuliva go vaine ero pitua ki nakasuaana adeada. 23Nalakena tea wanogoe kuga samasama, nimu Sion natuna maga, kuga laelaea doko Yehovah Sup̃e animu: nalakena e dua mu usa vea ki totowo leana, go e mari usa e do manimu p̃owo, usa vea go usa edaku, doko atelagi vea. 24Go malo wokalesue maga euga wo pura ki whiit, go m̃oru maga euga wo pura sarasaraape ki waine go ki naroro. 25Go aga wo manimu liliua ki natau maga waina midiri e gani ra, go tipekini, go uraasi, go raasi, taua warua aginau waina a dip̃aki lua e paloti paki m̃aleoputo kakamu. 26Go kuga wo ganikani p̃ia po puka, go kuga wo samasama ni nagisa ni Yehovah Sup̃e animu, waina e manimu mari tea ni namagaana maga, go narei aginau euga wo da moro maliere mau. 27Go kuga wo atae naga kinau a doko m̃aleoputo ni Israel, go naga kinau a pei Yehovah Sup̃e animu, go tea p̃ota e dika: go narei aginau euga wo da moro maliere mau.
28Go ega wo pakilina naaleatia edaku maga, aga wo daki kovai naatagu paki sara nap̃okasi; go natumu naanoai maga go natumu nagoroi maga euga wo peanoasai, namariki animu maga euga wo p̃erea ki nap̃erea maga, natureai animu maga euga wo punusi navunusiana maga: 29Go naaleatia maga wanogoe aga wo daki kovai naatagu paki tea suasua naanoai maga, go tea suasua nagoroi maga. 30Go aga wo pitua ki tea ni namagaana maga nakoroatelagi maga go maramana, nada, go nakapu, go namavu ni naasua. 31Elo ega wo panop̃ota po pei namaligo, go atelagi ega wo pei nada, ega wo pea ki na‐umai‐ana ki naaleatia warua go ni namatauki‐Yehovah‐ana. 32Go ega wo pakilina naga sara naata waina euga wo pioso paki nagisa ni Yehovah, euga wo pei tea mautipauriana: nalakena doko tava ni Sion go doko Yerusalem te seara euga wo pei tea vualuaana, dapala waina Yehovah e noa e, go ega vei namagovai kakada waina Yehovah ega wo soso ra.
Bible Society of the South Pacific