HOSEA 5
5
1Kuga rogo tea waia, tea viri maga O, go kuga taki dorogo, nasum̃a ni Israel O, go kuga taki nadaligamu, nasum̃a ni nawota O, nalakena navasap̃otaeana e pei animu; nalakena ku pei nasasa sikai doko Mispah, go kup̃ena sikai tea welesakiana doko Tabor. 2Eu mari m̃orutano ni Sittim e pakipua; ma aga wo parati ra, tea mamau puti kakada. 3Kinau a atae Efraim, go Israel e da pei tea tasurukiana paki nau mau; ma nigo, ku po mari namasausaraana, Efraim O, go Israel e po pei tea mamaragokiana. 4Nalakena natomariana adeada maga, eu mari sa maradoa liliu umai punusi Sup̃e adeada mau. Nalakena naata ni namasausaraana e doko m̃aleoputo kakada, go eu da atae Yehovah mau. 5Go naleomadagaana ni Israel e do noasokisoki paki naraena: nalakena tea wanogoe Israel go Efraim eroga wo dum̃ada dapilagona namarinaleotageleana adeada; go Yudah nae ma ega wo dapilagona sikoti ra. 6Euga wo pano pilake navata maga ni shiip adeada maga go pilake navata maga ni katel adeada maga naga euga laaga Yehovah; ma euga wo da pap̃ai a mau: e dum̃ana suka ki nia m̃elu dua ki da pano. 7Eu mari malauweluki dip̃a Yehovah; nalakena eu pesi piakiki vanop̃ota maga: sala waia atelagi vau ega wo dinomi ra, nara ma vanua adeada maga.
8Kuga sui paiga Cibeah, go sagoa Ramah: kuga vioso kasua Beth‐aven; p̃a turuuru, Benyamin O. 9Efraim ega wo pei maso maladi sikai naaleatia ni navaratiana; tea waina ega wo pakilina lomau, kinau a mari a e pei tea ataeana usuraki Israel naworaworana maga. 10Tea maraki maga ni Yudah eu dakiusi tea maga waina eu disua ki lua kokoi: kinau aga wo daki lua namaritausuana aginau paki da dakiusi noai. 11Efraim e pei tea riesoki sikai, e do puadoa naleanaana; nalakena e masauna naga ega rausi tea p̃alo. 12Nalakena tea wanogoe kinau a dakiusi naup̃oa paki Efraim, go dakiusi namesoana paki nasum̃a ni Yudah. 13Ragi waina Efraim e punusi nasasanaana aneana, go Yudah e punusi wotu aneana, Efraim e pano paki Assiria, go Yudah e dip̃aki lua pa punusi nawota warua: ma nae e da mariatae mari pauri ko mau, kite mari wotu anigo ega apu mau. 14Nalakena aga wo mari paki Efraim ega takiusi laion sikai, go ega takiusi laion tureai sikai paki nasum̃a ni Yudah: kinau, kinau aga wo kati p̃oraworae po pano; aga wo piragi lua pavakoto tea kati‐p̃oraeana aginau, go tea waina ega vualua ega wo dika. 15Aga wo pano, aga wo liliu paki naliagu, pa pa euga wo noasai natapiriana adeada po laaga naraegu: doko narogokitesaana adeada, euga wo laaga parati ki nau.
Currently Selected:
HOSEA 5: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
