HOSEA 3
3
1Go Yehovah e noa ki nau, e naga, P̃a moro pano, po moro dodomi nagoroi sikai waina anawota e dodomi a ma e pei tea maripele sikai; ega tapala waina Yehovah e dodomi Israel natuna maga, ma eu dawasi pano punusi sup̃e p̃ota maga, po dodomi keke maga ni resin maga. 2Dapala nogoe a maginau daulua e ki silver matele rualima sikai tamate lima, go barle omer sikai, go barle namagovai sikai ni omer sikai: 3Go a noa ki nia, a naga, E one ako one naga p̃a wo doko sikoti au doko naaleatia laapa; p̃a wo da maripele mau, go p̃a wo da pei nagoroi ki naatam̃oli p̃ota sikai mau: go dapala nogoe kinau ma aga wo doko sikoti ko doko. 4Nalakena Israel natuna maga euga wo doko naaleatia laapa doko masale ki nawota, go masale ki tea maraki, go masale ki naviriana, go masale ki tea lawodu, go masale ki efod kite terafim: 5Go Israel natuna maga euga wo edaku maradoa liliu, po laaga Yehovah Sup̃e adeada, go David nawota adeada; go euga wo matau ki Yehovah go nawiaana aneana naaleatia maga waina euga wo umai.
Currently Selected:
HOSEA 3: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
