HOSEA 11
11
1Ragi waina Israel e pei piakiki, ragi wanogoe a dodomi a, go a soso natugu m̃elu dua ki Ityipt umai. 2Dapala waina a soso ra, po moro soso ra, dapala nogoe eu moro m̃elu dua ki nau pano: eu mari naviriana maga paki Baal maga pitip̃atip̃a, po dap̃ara ki tea ni nap̃o wia paki nasup̃e taeana maga. 3Ma e pei kinau waina a mari pisei ki Efraim naga ega surata; a dape dakati ra eu doko narugu maga; ma eu da atae naga e pei kinau waina a mari pauri ra mau. 4A puati ra ki natali maga ni naatam̃oli, ki namea maga ni nadodomiana; go a po madeada pei tea vakale ra sikai, go a kerea ki nau paki da po pagani ra. 5Euga wo liliu paki navanua ni Ityipt, go Assiria ega wo pei nawota adeada, nalakena eu karai liliu umai punusi au. 6Go lova ega wo darup̃a natokoana aneana maga, go ega wo dinomi tea walagoto kakana maga, go aga wo mari puoli ki da, nalakena namidoaki‐p̃otae‐ana adeada maga. 7Narei aginau eu dum̃ada lawo ki da naga euga m̃elu dua ki nau pano; eu pei tea tip̃akotoviana paki nakau ni nanoa, go te naata ega wo da dape lua e kiada mau. 8Dapale sava a mariatae pitua ki‐go, Efraim O? Dapale sava a mariatae suasua naga p̃a vano puoli, Israel O? Dapale sava a mariatae mari ko p̃a wo dakiusi Adma? Dapale sava a mariatae mari paki‐go ega tapala waina e pei tea mariana paki Seboim? Nap̃op̃ogu e m̃aem̃ae nap̃alaugu, namaritadodomiana aginau e do pivitinu. 9Aga wo da pakavuro namaetoana vavaga aginau mau, aga wo da moro mari sa ki Efraim mau: nalakena kinau a pei Sup̃e, a da pei naatam̃oli mau; a pei Tea Tapu doko m̃aleoputo kakam̃a: go aga wo da umai naga aga mari puoli mau. 10Euga wo surata dausi Yehovah, nae ega wo uru dakiusi laion sikai; ega wo uru, go natuna maga euga wo pae taleva ni elo musu umai, euga wo duruuru umai. 11Euga wo umai m̃araverave dakiusi manu maga m̃elu Ityipt, go dakiusi tokopea maga m̃elu navanua ni Assiria; go aga wo mari ra euga wo doko nasum̃a adeada maga doko, Yehovah e noa e.
12Efraim e dalivirigoro au ki nasorosoroana maga, go nasum̃a ni Israel ki namarisoreana: ma Yudah e ko pei tea ataeana ki Sup̃e doko, go e pei lomau paki Tea Tapu.
Currently Selected:
HOSEA 11: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
