HABAKUK 1
1
1Naveanoasaiana waina profeta Habakuk e punusi a. 2Yehovah O, aga vioso pa pa paki seve ragi, ma nigo ku da dogo mau? A kuapioso paki‐go nalakena namaripavakotoana, ma ku da mauti mau. 3Ekasana ku do pisei ki nau namarinaleotageleana, po mari au naga a do leo punusi namarisakiana? Nalakena navutiluaana go namaripavakotoana ero doko naraegu: go tea maga wanogoe namariputuakiana go navululuana ero pakilina. 4Nalakena tea wanogoe nawotaeana e manainai, go navasap̃otaeana e da dave pano mau: nalakena tea sigisigileo eu dalivirigoro tea leana; nalakena tea wanogoe navasap̃otaeana e do pei tea welukidoaana. 5Kuga leo, tea midoaki p̃alo maga, po leo punusi, po maga p̃arua: nalakena kinau a p̃osiwosi ki nawosiana sikai doko naaleatia animu maga, nawosiana sikai waina te naata e pe rogorogo ki nia paki mu, ma ku pe wo da saralomau asa mau. 6Nalakena kuga leo, a pugoni tea ni Kaldea maga, nalauna kokona go m̃araverave; waina euga surata duaduru naweleweleana ni navanua naga euga veani tokora tokoana maga waina eu da pei tea adeada maga mau. 7Nara eu pei tea mataukiana, go tea matakilakila maga: navasap̃otaeana adeada go navakilagi‐liu‐ana adeada ero dave pae ara umai. 8Horse adeada maga ma eu sava kasua liu leopard maga, go eu pei tea vivikati liu wulf maga ni ragi melu; tea sakesaake horse adeada maga eu sava kasua ki namarilagilagiana: io, tea sakesaake horse adeada maga eu pae uvea umai; eu do diri dapala ikila waina e do mari m̃araverave naga ega kanikani. 9Eu mamau puti umai raki namaripavakotoana; namatauki‐da‐ana e do pea ki da; go eu do daua ki tea viragi‐lua‐pavakotoana maga dapala naworaone. 10Go eu do mari saudoa ki nawota maga, po do midoakidao tea maraki maga: eu do muru ki saudoa ki sara p̃aaka kasua maga; nalakena eu do daua ki natano po puati a pano. 11Ragi wanogoe euga wo sui daka dapala nalagi, po do pano, naatam̃oli maga ni sogi: waina nakasuaana adeada e pei sup̃e adeada. 12Nigo Yehovah Sup̃e aginau O, Tea Tapu aginau, ku da doko pae ragi vea mau kite? Auga wo da mate mau. Yehovah O, ku dawona ki da eu pei navasap̃otaeana; go nigo, Vatu Laketoko O, ku lawosoki ra raki navaratipisei‐kiana. 13Nigo namatam̃a maga ero dautau liu naga p̃a ta punusi tea waina e sa, go ku karai punusi tea waina e dagele, ekasana ku suasua leo punusi tea maga waina eu do mari malauweluki, po do punuta doko ragi waina tea sigisigileo e do dinomi naatam̃oli waina e leana liu sa? 14Po do mari naatam̃oli maga eu dapala naika maga ni natasi, dapala nalo kakaravi maga, waina eu da peani tea maramara dap̃au ra mau? 15E do puati tea mamau puti kakada ki tagau, e do puati ra ki kup̃ena aneana, e do piragi saisai ki da ki kukuti aneana: go nalakena tea wanogoe e do laelaea, po do sokamidi. 16Nalakena tea wanogoe e do mari naviriana paki kup̃ena aneana, po do dap̃ara ki tea ni nap̃o wia paki kukuti aneana; nalakena pae ara naveaniana aneana e m̃anopunopu, go tea kaniana aneana e p̃arua. 17Nalakena tea wanogoe ega wo sila ki kup̃ena aneana, po mari punuvunue nalauna maga pitip̃atip̃a, kite?
Currently Selected:
HABAKUK 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
