PAKI TEA NE CALATIA 3
3
1Tea ni Calatia manumatavusa maga, sei e mari doa mu, waina Yesu Kristo e pei tea vea midiriana narae ni namatamu maga tea turiana nakau valadagoto? 2Tea sikai maau waia a masauna naga aga ataedogo e kiamu, Ku dape Naatana pae nawosiana maga ni nawotaeana, kite pae narogoana ni nasaralomauana? 3Ku pei tea manumatavusa dapala waia kite? Waina ku atulake sua pae Naatana, ku do pei tea marisuaana pae nap̃okasi ragi waia kite? 4Ku sua m̃oli ki narogokitesaana laapa dapalana kite? Ku pe sua m̃oli ki da lomau. 5Nalakena tea wanogoe nae waina e do pitua ki Naatana paki mu, po do p̃osiwosi ki nawosiana kasua maga m̃aleoputo kakamu, e do mari a pae nawosiana maga ni nawotaeana, kite pae narogoana ni nasaralomauana? 6Dapala waina Abraham e saralomau navasaana ki Sup̃e, go e maneana pei tea midoakiana naga ega vei namarinaleoleanaana. 7Nalakena tea wanogoe kuga atae naga tea maga waina eu pei tea ni nasaralomauana, nara eu pei Abraham natuna maga. 8Ma navasaana midiriana, waina e pea punusi naga Sup̃e e do mari leana ki tea ni nalauna p̃ota maga ki nasaralomauana, e pea dogorogo ki narogorogoana wia paki Abraham, e naga, Nalauna maga mamau puti euga wo pei tea vasap̃iakiana ako. 9Nalakena tea wanogoe tea maga waina eu pei tea ni nasaralomauana eu pei tea vasap̃iakiana sikoti Abraham waina e saralomau. 10Nalakena tea maga waina eu pei tea ni nawosiana maga ni nawotaeana eu doko etano ki navasasakiana sikai: nalakena e pei tea midiriana, Sara naata waina eu da doko naleo maga mamau puti mau waina eu pei tea midiriana tusi ni nawotaeana, naga euga mari ra, eu pei tea vasasakiana. 11Ma naga te naata sikai e da pei tea marileanakiana ki nawotaeana namata ni Sup̃e mau, e doko lina: nalakena, Tea leana ega wo mauri ki nasaralomauana; 12ma nawotaeana e da pei tea ni nasaralomauana mau; ma, Tea waina e mari ra ega wo mauri ara. 13Kristo e daulua gida m̃elu dua ki navasasakiana ni nawotaeana, e pei tea mariana e pei navasasakiana oli gida: nalakena e pei tea midiriana, Sara naata waina eu dau nakau dau eu pei tea vasasakiana: 14naga navasap̃iakiana ki Abraham ega umai paki tea ni nalauna p̃ota maga doko Kristo Yesu; naga tuga tape nasaiana ni Naatana pae nasaralomauana.
15Tai maga, a pasa pae naatam̃oli: Navasasokiana ki naatam̃oli sikai, ragi waina e pei tea lawosokiana, te naata e da mari a e pei tea p̃alo mau, kite e sokari a mau. 16Ma nasaiana maga eu pei tea noaana paki Abraham, go paki naworana. E da naga, Go paki naworaworana mau, dapala e pe noa tea laapa, ma dapala e pe noa sikai maau, Go paki naworam̃a, waina e pei Kristo. 17Ma a noa tea waia; Navasasokiana waina e pea pei tea lawosokiana pae Sup̃e, nawotaeana, waina e umai natau p̃onotia pati rualima takuna dolu edaku ki nia, e da mari puoli ki nia mau, naga ega mari nasaiana ega vei tea m̃oli. 18Nalakena tea veaniana e pe vei tea ni nawotaeana, e pe ta moro pei tea ni nasaiana mau: ma Sup̃e e dua m̃oli ki Abraham asa pae nasaiana. 19Nalakena tea wanogoe nawotaeana e pei nasava? E pei tea lawokiana sokari tea vea nalakena natapiriana maga, pa pa naworana ega umai waina nasaiana e pei tea saiana paki nia; go e pei tea tawonakiana pae agelo maga doko nam̃elearu ni tea vae namawota sikai. 20Ma tea vae namawota e da pei tea vae namawota ni tea sikai maau mau; ma Sup̃e e pei tea sikai maau. 21Nalakena tea wanogoe nawotaeana e pei tea tip̃a nasaiana maga ki Sup̃e kite? Ega ta dapala nogoe mau: nalakena nawotaeana sikai e pe vei tea vituakiana waina e mari atae pakamauri, namarinaleoleanaana e pe vei tea ni nawotaeana lomau. 22Ma navasaana midiriana e kokoro tea maga mamau puti etano ki namarinaleosaana, naga nasaiana ki nasaralomau‐Yesu‐Kristo‐ana ega vei tea vituakiana paki tea maga waina eu saralomau.
23Ma ragi waina nasaralomauana wanogoe e ko da umai mau, tu pei tea vavaigoroana etano ki nawotaeana, tea kokoroana raki nasaralomauana waina ega edaku pei tea noapakasakiana. 24Nalakena tea wanogoe nawotaeana e pei tea viragi pasa piseiki anigida paki Kristo, naga tuga vei tea marileanakiana ki nasaralomauana. 25Ma ragi waina nasaralomauana wanogoe e umai sua, tu da moro doko etano ki tea viragi pasa piseiki sikai mau. 26Nalakena ku mamau puti pei Sup̃e natuna maga pae nasaralomauana doko Kristo Yesu. 27Nalakena tea maga waina ku pei tea bapetisoana paki Kristo ku suni Kristo. 28Tea ni Yudea sikai e da doko m̃aleoputo kakada mau go tea ni Hellas mau, naviti sikai e da doko mau go tea dum̃ana doko mau, naanoai sikai go nagoroi sikai ero da doko mau: nalakena nimu ku mamau puti pei tea sikai maau doko Kristo Yesu; 29Ma nimu ku pe vei tea ki Kristo, ku pei naworawora ni Abraham nalakena tea wanogoe, go tea veanipioli maga pae nasaiana.
Currently Selected:
PAKI TEA NE CALATIA 3: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
