EKSODAS 39
39
1Go eu mari sugoro vausim̃atakiana maga ni tea kesakesa, go tea miala‐kesakesa, go tea miala‐kalakala wanogoe, agi nasuasuaana ekopu ni tokora tapu, go eu mari sugoro tapu maga agi Aaron; dapala waina Yehovah e dip̃aki Moses asa.
2Go e mari efod ni kold, ni tea kesakesa, go tea miala‐kesakesa, go tea miala‐kalakala, go linen vilokiana wia. 3Go eu duki kold e pei tea welewelea manivenive maga, po masip̃oraworae a e pei nalolu maga, naga euga wosiwosi a m̃aleoputo ni tea kesakesa, go m̃aleoputo ni tea miala‐kesakesa, go m̃aleoputo ni tea miala‐kalakala, go m̃aleoputo ni linen wia, nawosiana ki tea vau‐midiria mataisau. 4Eu maneana mari napauna dua, tea tasokatakiana: e pei tea tasokatakiana doko namatap̃agona dua: 5Go tasoki midiria vausiana ki mataisau, waina e doko asa, waina e dasoki a asa, e pei tea sikai maau ma nae, go e dapala nawosiana kakana; ni kold ni tea kesakesa, go tea miala‐kesakesa, go tea miala‐kalakala, go linen vilokiana wia; dapala waina Yehovah e dip̃aki Moses asa.
6Go eu p̃osiwosi vatu ni natap̃alakisi dua, ero pei tea taligoroana ki tea taligoro maga ni kold, ero pei tea tae‐midiriana dapala natae‐midiriana maga ni tea vulusoki sikai, pae nagisa maga ni Israel natuna maga. 7Go e doropusi ra ero doko napau dua ni efod, naga eroga magi Israel natuna maga pei vatu ni namidoakilagatiana; dapala waina Yehovah e dip̃aki Moses asa.
8Go e mari tea taurum̃a, nawosiana ki tea vau‐midiria mataisau, e dapala nawosiana ni efod; e pei tea ni kold, tea ni tea kesakesa, go tea miala‐kesakesa, go tea miala‐kalakala, go linen vilokiana wia. 9E pei p̃alavati; eu mari tea taurum̃a e pei tea vekeruakiana: nakisitotowoana sikai e pei navarauana kakana, go nakisitotowoana sikai naweleweleana kakana, e pei tea vekeruakiana. 10Go eu pakavuro paki asa ovara pati ni vatu: ovara sikai ni sardius, topas, go karbunkel e pei ovara vea. 11Go ovara kerua, emerald sikai, safir sikai, go daimond sikai. 12Go ovara ketolu, yasinth sikai, akate sikai, go amethust sikai. 13Go ovara kevati, berul sikai, go natap̃alakisi sikai, go yasper sikai: eu pei tea taligoroana ki tea taligoro maga ni kold doko navakavuroana kakada maga. 14Go vatu maga wanogoe eu pae nagisa maga ni Israel natuna maga, rualima sikai tamate dua, pae nagisada maga; dapala natae‐midiriana maga ni tea vulusoki sikai, sara naatam̃oli pae nagisada sikasikai sarasara ra agi naworaworana rualima sikai tamate dua. 15Go eu mari ero doko tea taurum̃a namori dua dapala viria dua, nawosiana ni tea viriana ni kold tautau. 16Go eu mari tea taligoro dua ni kold, go rig dua ni kold; go eu doropusi rig dua wanogoe ero doko namatap̃ago dua ni tea taurum̃a. 17Go eu doropusi namori viriana dua ni kold wanogoe ero doko rig dua waina ero doko namatap̃ago dua ni tea taurum̃a. 18Go namatap̃ago dua kerua ni namori viriana dua eu doropusi ra ero doko tea taligoro dua wanogoe, go eu doropusi ra ero doko napau dua ni efod, paki kivea kakana. 19Go eu mari rig dua ni kold, po doropusi ra ero doko namatap̃ago dua ni tea taurum̃a, doko nadigina waina e paki taleva ni efod waina e paki ekopu. 20Go eu mari rig dua ni kold, po doropusi ra ero doko napau dua ni efod etano, paki kivea kakana, m̃aladigi ki natasokatakiana kakana, elagi ni tasoki midiria vausiana ki mataisau ni efod. 21Go eu duti tea taurum̃a pae rig kakana dua paki rig dua ni efod ki natali sikai ni tea kesakesa, naga ega toko tasoki midiria vausiana ki mataisau ni efod, go naga tea taurum̃a ega ta pei tea veresiana m̃elu dua ki efod mau; dapala waina Yehovah e dip̃aki Moses asa.
22Go e mari sugoro varau ni efod nawosiana ki tea vausi; e pei tea kesakesa mau; 23Go malo masai ni sugoro e doko m̃aleoputo kakana, dapala malo masai ni sugoro sikai ni navakalo, nadigi ni malo masai e pilake tea silae sikai daliviri, naga ega ta mawora mau. 24Go eu mari eu doko namatap̃ago maga ni sugoro pomekranet maga ni tea kesakesa, go tea miala‐kesakesa, go tea miala‐kalakala, go linen vilokiana. 25Go eu mari bell maga ni kold tautau, po doropusi bell maga namawota ni pomekranet maga doko namatap̃ago maga ni sugoro daliviri, namawota ni pomekranet maga; 26Bell sikai go pomekranet sikai, doko namatap̃ago maga ni sugoro daliviri, naga ega suasua asa; dapala waina Yehovah e dip̃aki Moses asa.
27Go eu mari sugoro tokop̃ai nawilida maga ni linen wia nawosiana ki tea vausi agi Aaron, go agi natuna maga, go tap̃au vivisiana ni linen wia, 28Go tap̃au vivisiana varau maga ni linen wia, go vasiana vuru maga ni linen, ni linen vilokiana wia, 29Go tasoki ni linen vilokiana wia, go tea kesakesa, go tea miala‐kesakesa, go tea miala‐kalakala, nawosiana ki tea turi‐midiria; dapala waina Yehovah e dip̃aki Moses asa.
30Go eu mari tea welewelea ni diadem tapu ni kold tautau, po midiri doko asa midiriana sikai, dapala natae‐midiriana maga ni tea vulusoki sikai, TEA TAPU KI YEHOVAH. 31Go eu duti doko asa natali sikai ni tea kesakesa, naga ega oti a paki tap̃au vivisiana elagi; dapala waina Yehovah e dip̃aki Moses asa.
32Go nawosiana mamau ni nasum̃atokoana ni tap̃aup̃au ni nasaisaiana e pei tea marisuaana: go Israel natuna maga eu mari dapala tea mamau puti waina Yehovah e dip̃aki Moses asa, eu mari dapala nogoe.
33Go eu dape nasum̃atokoana umai paki Moses, Tap̃aup̃au, go naleo kakana mamau puti, tagau matap̃ago‐rua kakana maga, napapa kakana maga, tea walagoto kakana maga, tea lawodu kakana maga, go laketano kakana maga; 34Go tea tap̃au‐kovagoro ni nawili maga ni shiip anoai maga tea pupugiana miala, go tea tap̃aukovagoro ni nawili maga ni siil maga, go tea taugoro‐p̃otae ni tea tausiliki; 35Areka ni nanoasokisokiana, go tea vavau kakana dua, go tea tap̃augoro; 36Wede, naloriki kakana mamau puti, go bred tokorae; 37Nakau ni nasulu tautau, nasulu kakana maga, nasulu maga waina euga vei tea ovarakiana, go naloriki kakana mamau puti, go naroro ni namarama; 38Go wede ni naviriana ni kold, go naroro ni navuvuraiana, go tea ni nap̃o wia, go tea tausiliki ni namata ni Tap̃aup̃au; 39Wede ni naviriana ni brass, go koro ni brass kakana, tea vavau kakana dua, go naloriki kakana mamau puti, tea vavano go laketano kakana; 40Tea taugoro maga ni roara, tea lawodu kakana maga, go laketano kakana maga, go tea tausiliki agi namata‐pua ni roara, namea kakana maga, go pin kakana maga, go naloriki mamau puti ni nasuasuaana ni nasum̃atokoana, agi tap̃aup̃au ni nasaisaiana; 41Sugoro vausim̃atakiana maga agi nasuasuaana ekopu ni tokora tapu, go sugoro tapu maga agi Aaron tea viri, go sugoro maga ki natuna maga, naga euga suasua nawosiana ki tea viri. 42Dapala tea mamau puti waina Yehovah e dip̃aki Moses asa, dapala nogoe Israel natuna maga eu mari nawosiana mamau. 43Go Moses e punusi nawosiana mamau, go kuga leo, eu mari sua e; dapala waina Yehovah e pitip̃aki asa, dapala nogoe eu mari sua e: go Moses e pasa m̃ata ki da.
Currently Selected:
EKSODAS 39: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
