EKSODAS 23
23
1P̃a ta dape dakati narogorogoana sorosoro mau: p̃a ta doropusi nam̃elearum̃a sikoti tea sigisigileo naga p̃a vei tea noasokisoki tagele mau. 2P̃a ta dausi tea laapa naga p̃a mari tea sa mau; go p̃a ta pasadara navululuana naga p̃a tawasi dausi tea laapa naga p̃a welukidoa navasap̃otaeana mau: 3Go p̃a ta dodomadagani tea tika navululuana aneana mau.
4Ragi waina ku pa parati ki oks ki tea kokona ki‐go kite ass aneana e sasap̃o, p̃a viragi a ega moro liliu umai punusi a lomau. 5Ragi waina ku punusi ass ki tea waina e pilosi ko e one etano ni tea ovaana aneana, go ku pe karai naga p̃a maneana veresi a, p̃a veresi sikoti a lomau.
6P̃a ta p̃elukidoa navasap̃otaeana ki tea tika anigo navululuana aneana mau. 7P̃a madu uvea ki naleo sorosoro; go tea waina sogi e dika asa go tea leana p̃a ta mari punue ra mau: nalakena aga wo da mari leana ki tea sigisigileo mau. 8Go p̃a ta dape te ruku sikai mau: nalakena ruku e mari tea vunusi eu kesa, go e doa navasaana maga ki tea leana maga. 9Go p̃a ta diesoki nam̃enaki‐atatoko mau: nalakena nimu ku atae nap̃op̃o ni nam̃enaki‐atatoko, nalakena ku pei nam̃enaki‐atatoko maga navanua ni Ityipt.
10Go natau latesa p̃a sapura ki natano anigo ara, po pila saisai ki nataluaana kakana: 11Ma natau kelarua p̃a toropusi a ega toko m̃oli asa; naga tea tika maga ni narei anigo euga kanikani: go tea toropusiana adeada nalo mila ni namalasi ega wo gani a. P̃a mari ega tapala nogoe paki roara ni vaine anigo, go paki roara ni oliva anigo. 12Naaleatia latesa p̃a mari nawosiana anigo maga ara, go naaleatia kelarua p̃a toko dorogo asa: naga oks anigo go ass anigo eroga maromaro, go naga natu ni tea suasua nagoroi anigo, go nam̃enaki‐atatoko eroga maromaro. 13Go nalo ni sara naleo waina a noa ki mu ara kuga to pavaigoro ra: go kuga ta pasa lagati nagisa ni sup̃e p̃ota maga mau, ega ta pei tea rogoana m̃elu nawokam̃a mau.
14P̃a maginau mari nasaisaiana paka tolu natau sikai. Nasaisaiana ni bred waina leven e dika asa p̃a vavaigoro e: 15Naaleatia larua p̃a kani bred waina leven e dika asa, ega tapala waina a dip̃aki‐go asa, ragi tatutakiana kakana atelagi Abib (nalakena ku m̃elu dua ki Ityipt umai atelagi wanogoe); go te naata seara euga ta m̃alam̃alaaru pakilina naraegu mau. 16Go nasaisaiana ni natagaukotoviana, taka vea maga ni nawosiana anigo maga, waina ku sapura ki da vanua: go nasaisaiana ni nalolovaeana ragi edaku ki natau, ragi waina ku pila saisai ki nawosiana anigo maga pae vanua umai. 17Naanoai anigo mamau puti euga vaka tolu pakilina narae ni Nawota Yehovah natau sikai.
18P̃a ta pitua ki nada ni naviriana aginau pilake bred waina leven e doko asa mau; go nap̃eletia ni nasaisaiana aginau ega ta doko raki malip̃ogi mau. 19Tea vea ni taka vea maga ni natano anigo p̃a tape a paki nasum̃a ki Yehovah Sup̃e anigo. P̃a ta peni naninani natuna sikai milk ni p̃ilana mau.
20P̃a leo, kinau a dip̃aki lua agelo sikai e pea ki‐go naga ega vavaigoro ko pae napua, go naga ega viragi ko paki tokora waina e mari m̃ata ki nia. 21P̃a tum̃am̃a pavaigoro ko paki nia, go p̃a rogo parati ki nadaleona; p̃a ta mari p̃aululu paki nia mau: nalakena ega wo da midoakikorokoro natapiriana animu mau; nalakena nagisagu e doko asa. 22Ma ku pe rogo parati ki nadaleona lomau, po mari tea mamau puti waina a pasa asa; go a pe wo pei tea kokona ki tea maga waina eu kokona ki‐go, go tea mari sa ki tea maga waina eu mari sa ki‐go. 23Nalakena agelo aginau ega wo pea ki‐go, po piragi ko umai punusi naworawora ni Amor; go naworawora ni Heth, go naworawora ni Peris, go naworawora ni Kanaan, go naworawora ni Hivah, go naworawora ni Yebus: go aga wo daelua ra. 24P̃a ta suai natano paki sup̃e adeada maga mau, go p̃a ta madeada suasua mau, go p̃a ta mari dapala nawosiana adeada maga mau: ma p̃a mari sa sa ki da, po mari p̃oraworae tea lawodu adeada maga. 25Go kuga magi Yehovah Sup̃e animu suasua, go ega wo pasa m̃ata ki navinaga anigo, go noai anigo; go aga wo mari nasasanaana ega marua ki m̃aleoputo kakam̃a. 26Te navatuna sikai ega wo da pisola sa mau, go ega wo da dim̃o mau, navanua anigo: aga wo pakavuro naveveana ni naaleatia anigo maga. 27Aga wo dip̃aki lua namatakuana aginau ega wo pea ki‐go, go aga wo marimatua ki narei mamau puti waina p̃a wo umai punusi ra, go aga wo mari tea kokona ki‐go mamau puti euga wo atutaku ki‐go. 28Go aga wo dip̃aki lua lida ega wo pea ki‐go, waina ega wo kopasi lua naworawora ni Hivah, go naworawora ni Kanaan, go naworawora ni Heth, euga va dua ki naraem̃a. 29Aga wo da kopasi lua ra pa dua ki naraem̃a natau sikai maau mau; navanua e pe vei maso maladi, go nalo mila ni namalasi eu pe laapa dip̃a ko. 30Aga wo kopasi lua kiki ki da go kiki ki da pa dua ki naraem̃a, pa pa p̃a wo pavakawora, po peanipioli ki navanua. 31Go aga wo dawona ki kokoi anigo ega vae Natasi ni Nam̃om̃o pa pa paki natasi ki Filistine maga, go pae masop̃alo pa pa paki Noai Sara: nalakena aga wo pitua ki tea maga waina eu doko navanua paki nam̃elearum̃a; go p̃a wo kopasi lua ra pa dua ki naraem̃a. 32P̃a ta mari navasasokiana sikai paki da go paki sup̃e adeada maga mau. 33Euga ta doko navanua anigo mau, eu pe mari ko p̃a wo mari naleo sa paki nau: nalakena ku pe magi sup̃e adeada maga suasua, e pe wo manigo pei nasasa sikai lomau.
Currently Selected:
EKSODAS 23: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
