2 KI PETERO 3
3
1Epistole waia, tea dodomiana maga, e pei kerua waina a midiri a dua mu ragi waia; waina a pasapugoni doko ara namidodoana dautau animu po mari mu kuga midodoa; 2naga kuga midoaki navasaana maga waina eu pea pei tea vasaana pae profeta dautau maga, go natip̃akiana ki Nawota go tea Maumau pauri pae apostolo animu maga: 3doko atae tea waia ega vea, naga tea mari saudoa maga euga wo umai pilake namarisaudoaana ragi ni naaleatia edaku maga, doko do surata pae namasauana sa adeada maga, 4po do naga, Nasaiana ni naumaiana aneana wia? Nalakena pae naaleatia waina tamagida maga eu maturu asa pa pa, naleo maga mamau puti eu doko mau doko dapala waina eu doko pae ragi ni naatulakeana ni natawonakiana pa pa. 5Nalakena eu masau malioki tea waia, naga nakoroatelagi maga eu doko pae tuai pa pa, go maramana e saisailawodu m̃elu noai go pae noai ki navasaana ki Sup̃e, 6pae tea rua wanogoe maramana waina e doko ragi wanogoe e pei tea muagoroana ki noai po puoli: 7ma nakoroatelagi maga waina eu doko ragi waia, go maramana, eu pei tea tauakiana ki navasaana sikai maau wanogoe raki nakapu, doko pei tea vavaigoroana raki naaleatia ni navasap̃otaeana go ni namatepuoliana ni naatam̃oli maga waina eu da matau ki Sup̃e mau.
8Ma kuga ta malioki tea sikai maau waia, tea dodomiana maga, naga naaleatia sikai narae ni Yehovah e dapala natau manu sikai, go natau manu sikai e dapala naaleatia sikai. 9Yehovah e da mari daliali nalo ni nasaiana aneana mau, dapala te naata seara eu midoaki namaridalialiana, ma e pei maritasoki parau paki mu, e da masauna mau naga te naata seara euga mate puoli, ma e masauna naga tea maga mamau puti euga umai paki namidoakidoaana. 10Ma naaleatia ki Yehovah ega wo umai dapala tea vanako sikai; waina nakoroatelagi maga euga wo pano puoli asa pilake nasaruruana warua, go tea vea maga euga wo pavaga po sara, go maramana go nawosiana maga waina eu doko asa euga wo pei tea tap̃arakiana puti. 11Waina tea maga wanogoe euga wo mamau puti pei tea veresiana dapala nogoe, e one mu one naga kuga vei tea tapale sava doko sara natomariana tautau go sara namatau‐ki‐Sup̃e‐ana, 12doko do leogoro po do suatoro ki naumaiana ni naaleatia ki Sup̃e, waina nalakena nae nakoroatelagi maga euga wo soro po pei tea veresiana, go tea vea maga euga wo pavaga po sara? 13Ma tu do leogoro nakoroatelagi vau go maramana vau, pae nasaiana aneana, waina namarinaleoleanaana ega wo doko ara doko.
14Nalakena tea wanogoe, tea dodomiana maga, waina ku do leogoro tea maga wanogoe, kuga mari m̃arekareka naga kuga vei tea vap̃aiana doko natam̃ateana, tea tika ki naloaana go tea ta pei tea vasadip̃aana namatana mau. 15Go kuga midoaki nia naga naveimaritasokiparauana ki Nawota anigida e pei namautipauriana; dapala waina taigida dodomiana Paulo ma, pae namanumatuaana waina e pei tea vituakiana paki nia, e midiri paki mu asa; 16go dapala waina e midiri doko epistole aneana maga mamau puti, e do pasa doko ara nalo ni tea maga wanogoe; waina te naleo seara eu doko ara waina eu kasua ki namidoakiataeana, waina tea maga waina eu da pei tea vasapiseikiana mau, go waina eu da pei tea lawosokiana mau, eu p̃elukidoa ra, dapala waina eu p̃elukidoa navasaana midiriana p̃ota maga, paki natum̃adamari‐sa‐ki‐da‐ana. 17Nalakena tea wanogoe nimu, tea dodomiana maga, waina ku atae tea maga wanogoe pea, kuga tum̃amu pavaigoro mu naga kuga ta pei tea viragiluaana ki nasasap̃oana ki tea sigisigileo maga mau, go naga kuga ta dowo m̃elu dua ki nalawosokimu‐ana mau. 18Ma kuga to disu po p̃arua doko nasaup̃iaana go naataeana ni Nawota anigida go tea Maumau pauri Yesu Kristo. Nasamasamaana ega vei aneana ragi waia go pa pa ega tu mau du. Amen.
Currently Selected:
2 KI PETERO 3: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
2 KI PETERO 3
3
1Epistole waia, tea dodomiana maga, e pei kerua waina a midiri a dua mu ragi waia; waina a pasapugoni doko ara namidodoana dautau animu po mari mu kuga midodoa; 2naga kuga midoaki navasaana maga waina eu pea pei tea vasaana pae profeta dautau maga, go natip̃akiana ki Nawota go tea Maumau pauri pae apostolo animu maga: 3doko atae tea waia ega vea, naga tea mari saudoa maga euga wo umai pilake namarisaudoaana ragi ni naaleatia edaku maga, doko do surata pae namasauana sa adeada maga, 4po do naga, Nasaiana ni naumaiana aneana wia? Nalakena pae naaleatia waina tamagida maga eu maturu asa pa pa, naleo maga mamau puti eu doko mau doko dapala waina eu doko pae ragi ni naatulakeana ni natawonakiana pa pa. 5Nalakena eu masau malioki tea waia, naga nakoroatelagi maga eu doko pae tuai pa pa, go maramana e saisailawodu m̃elu noai go pae noai ki navasaana ki Sup̃e, 6pae tea rua wanogoe maramana waina e doko ragi wanogoe e pei tea muagoroana ki noai po puoli: 7ma nakoroatelagi maga waina eu doko ragi waia, go maramana, eu pei tea tauakiana ki navasaana sikai maau wanogoe raki nakapu, doko pei tea vavaigoroana raki naaleatia ni navasap̃otaeana go ni namatepuoliana ni naatam̃oli maga waina eu da matau ki Sup̃e mau.
8Ma kuga ta malioki tea sikai maau waia, tea dodomiana maga, naga naaleatia sikai narae ni Yehovah e dapala natau manu sikai, go natau manu sikai e dapala naaleatia sikai. 9Yehovah e da mari daliali nalo ni nasaiana aneana mau, dapala te naata seara eu midoaki namaridalialiana, ma e pei maritasoki parau paki mu, e da masauna mau naga te naata seara euga mate puoli, ma e masauna naga tea maga mamau puti euga umai paki namidoakidoaana. 10Ma naaleatia ki Yehovah ega wo umai dapala tea vanako sikai; waina nakoroatelagi maga euga wo pano puoli asa pilake nasaruruana warua, go tea vea maga euga wo pavaga po sara, go maramana go nawosiana maga waina eu doko asa euga wo pei tea tap̃arakiana puti. 11Waina tea maga wanogoe euga wo mamau puti pei tea veresiana dapala nogoe, e one mu one naga kuga vei tea tapale sava doko sara natomariana tautau go sara namatau‐ki‐Sup̃e‐ana, 12doko do leogoro po do suatoro ki naumaiana ni naaleatia ki Sup̃e, waina nalakena nae nakoroatelagi maga euga wo soro po pei tea veresiana, go tea vea maga euga wo pavaga po sara? 13Ma tu do leogoro nakoroatelagi vau go maramana vau, pae nasaiana aneana, waina namarinaleoleanaana ega wo doko ara doko.
14Nalakena tea wanogoe, tea dodomiana maga, waina ku do leogoro tea maga wanogoe, kuga mari m̃arekareka naga kuga vei tea vap̃aiana doko natam̃ateana, tea tika ki naloaana go tea ta pei tea vasadip̃aana namatana mau. 15Go kuga midoaki nia naga naveimaritasokiparauana ki Nawota anigida e pei namautipauriana; dapala waina taigida dodomiana Paulo ma, pae namanumatuaana waina e pei tea vituakiana paki nia, e midiri paki mu asa; 16go dapala waina e midiri doko epistole aneana maga mamau puti, e do pasa doko ara nalo ni tea maga wanogoe; waina te naleo seara eu doko ara waina eu kasua ki namidoakiataeana, waina tea maga waina eu da pei tea vasapiseikiana mau, go waina eu da pei tea lawosokiana mau, eu p̃elukidoa ra, dapala waina eu p̃elukidoa navasaana midiriana p̃ota maga, paki natum̃adamari‐sa‐ki‐da‐ana. 17Nalakena tea wanogoe nimu, tea dodomiana maga, waina ku atae tea maga wanogoe pea, kuga tum̃amu pavaigoro mu naga kuga ta pei tea viragiluaana ki nasasap̃oana ki tea sigisigileo maga mau, go naga kuga ta dowo m̃elu dua ki nalawosokimu‐ana mau. 18Ma kuga to disu po p̃arua doko nasaup̃iaana go naataeana ni Nawota anigida go tea Maumau pauri Yesu Kristo. Nasamasamaana ega vei aneana ragi waia go pa pa ega tu mau du. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific