2 KI PETERO 2
2
1Ma profeta sorosoro maga ma eu pakilina m̃aleoputo ni narei, dapala waina tea vasa piseiki sorosoro maga euga wo doko m̃aleoputo kakamu, waina euga wo piragi panako umai navasapiseikiana sa, doko do pasagoro Nawota waina e pakotovi ra, doko do dum̃ada piragi paki da namatepuoliana m̃araverave. 2Go tea laapa euga wo sarausi namariana maga ni namasauana sa adeada, go napua ni nalomauana ega wo pei tea vasasakiana nalakena nara. 3Go doko namatam̃aguraana euga wo pakokoto mu ki navasaana sorosoro maga: waina natip̃akotoviana e da madeada mari daliali pae tuai mau, go namaripuoli‐ki‐da‐ana e da matamaturu mau. 4Nalakena Sup̃e e pe ta mauti agelo maga mau ragi waina eu mari naleo sa, ma e nadi ki da siwo paki magaseasea, po pitua ki da paki m̃orutano maga ni namaligo, waina eu pei tea vavaigoroana ara raki navasap̃otaeana; 5go e pe ta mauti maramana tuai mau, ma e pavaigoro Noah go tea p̃ota eu larua, tea rogorogo ki namarinaleoleanaana, ragi waina e piragi natave umai paki maramana ni tea maga waina eu da matauki Sup̃e mau; 6go e pe mari natokoana ni Sodom go Comorrah ero pei natanoapu po dip̃akotovi ra ki natap̃olosiwokiana e mari ra eu pei naviseikiana sikai paki tea maga waina euga wo edaku da matau ki Sup̃e mau; 7go e pua lua Lot leana, waina e pei tea mariana e dogo kite sa p̃arua pae natomariana ni namasausauana ki tea sigisigileo maga 8(nalakena naatam̃oli leana wanogoe ragi waina e doko m̃aleoputo kakada, waina e do punusi go waina e do dogo, e mari naatana leana e dogo kite sa p̃arua sara naaleatia nalakena nawosiana ni nasigisigileoana adeada maga): 9Yehovah e atae naga ega vua lua tea lotu p̃ia maga m̃elu dua ki namaridogoana, go naga ega vavaigoro tea tagele maga raki naaleatia ni navasap̃otaeana naga euga vei tea varatiana; 10ma p̃arua liu ki nia tea maga waina eu do surata dausi nap̃okasi pae namasauana sa ni naloaana, po midoaki p̃alo ki naveinawotaana. Tea viviari maga, tea to mari namasauana adeada, eu da duruuru mau ragi waina eu pasa sa ki nasamasamaana maga: 11waina agelo maga waina eu p̃arua liu ra nalo ni nakasuaana go ni namarakiana eu da piragi navasap̃otaeana vasa sa ki sikai dip̃a ra narae ni Yehovah mau. 12Ma nara, dapala nalo mauri maga waina eu dika ki namidodoana, tea vakilina dapala nalo tuavati m̃oli naga euga vei tea vuatiana po pei tea marisakiana, eu do pasa sa ki nalo ni naleo maga waina eu pei sap̃o ara, euga wo pei tea marisakiana doko namarisakiana adeada, 13doko do dape namoriana ni namarinaleotageleana; eu midoaki nia naga nakaniana wia liu aleati e pei namasauana maroana, naloa maga, go wotu maga, eu do gani navinaga wia liu nasaisaiana ni nadodomiana adeada maga ragi waina eu ganikani sikoti mu; 14eu pilake namatada ero pura ki nagoroi masausara, go eu mari sa makoto ki namarinaleosaana; eu do surue naata maga waina eu da pei tea lawosokiana mau: eu pilake nap̃op̃oda e pei tea marimaariana namatam̃aguraana; navasasakiana natuna maga; 15eu doropusi napua leana, go eu sasap̃o, eu sarausi napua ki Balaam, natu ni Beor, waina e dodomi namoriana ni namarinaleotageleana; 16ma e pei tea vasakasuakiana nalakena natapiriana aneana: ass pusa sikai e pasa ki nadaleo ni naatam̃oli, po dugoro nadarataraana ki profeta. 17Tea maga wanogoe eu pei namata noai maga waina noai e dika ara, go namavu waina e pei tea suiana ki nalagi atu; waina naloaana ni namaligo e madeada pei tea vavaigoroana. 18Nalakena ragi waina eu pasa p̃arua navasaana p̃alo maga, eu do surue pae namasauana sa maga ni nap̃okasi, pae namasausauana warua, tea maga waina eu m̃aladigi sava m̃elu dua ki tea maga waina eu doko nasasap̃oana; 19eu do madeada sai naveresiana dum̃ada doko, ragi waina nara eu dum̃ada pei naviti ni nasigisigileoana: nalakena tea waina te naata sikai e pei tea marimatuakiana asa, e pei naviti ki tea sikai maau wanogoe. 20Nalakena ragi waina eu sava m̃elu dua ki sua naloaana maga ni maramana pae naataem̃atakiana ni Nawota go Tea Maumau pauri Yesu Kristo, ma eu pe moro pei tea soliana ara po pei tea marimatuakiana, ragi edaku adeada ega wo sa liu ragi vea. 21Nalakena e p̃ia ki da naga euga ta atae napua ni namarinaleoleanaana mau, liu naga, ragi waina eu atae sua e, euga liliu m̃elu dua ki natip̃akiana tautau waina e pei tea vituakiana paki da. 22Tea ni naluluakia lomau e pakilina ki da, Koria e liliu paki tea luakiana aneana, go wago waina e pei tea sarueana sua paki tokora ni nasuraana ni nalepa.
Currently Selected:
2 KI PETERO 2: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
2 KI PETERO 2
2
1Ma profeta sorosoro maga ma eu pakilina m̃aleoputo ni narei, dapala waina tea vasa piseiki sorosoro maga euga wo doko m̃aleoputo kakamu, waina euga wo piragi panako umai navasapiseikiana sa, doko do pasagoro Nawota waina e pakotovi ra, doko do dum̃ada piragi paki da namatepuoliana m̃araverave. 2Go tea laapa euga wo sarausi namariana maga ni namasauana sa adeada, go napua ni nalomauana ega wo pei tea vasasakiana nalakena nara. 3Go doko namatam̃aguraana euga wo pakokoto mu ki navasaana sorosoro maga: waina natip̃akotoviana e da madeada mari daliali pae tuai mau, go namaripuoli‐ki‐da‐ana e da matamaturu mau. 4Nalakena Sup̃e e pe ta mauti agelo maga mau ragi waina eu mari naleo sa, ma e nadi ki da siwo paki magaseasea, po pitua ki da paki m̃orutano maga ni namaligo, waina eu pei tea vavaigoroana ara raki navasap̃otaeana; 5go e pe ta mauti maramana tuai mau, ma e pavaigoro Noah go tea p̃ota eu larua, tea rogorogo ki namarinaleoleanaana, ragi waina e piragi natave umai paki maramana ni tea maga waina eu da matauki Sup̃e mau; 6go e pe mari natokoana ni Sodom go Comorrah ero pei natanoapu po dip̃akotovi ra ki natap̃olosiwokiana e mari ra eu pei naviseikiana sikai paki tea maga waina euga wo edaku da matau ki Sup̃e mau; 7go e pua lua Lot leana, waina e pei tea mariana e dogo kite sa p̃arua pae natomariana ni namasausauana ki tea sigisigileo maga 8(nalakena naatam̃oli leana wanogoe ragi waina e doko m̃aleoputo kakada, waina e do punusi go waina e do dogo, e mari naatana leana e dogo kite sa p̃arua sara naaleatia nalakena nawosiana ni nasigisigileoana adeada maga): 9Yehovah e atae naga ega vua lua tea lotu p̃ia maga m̃elu dua ki namaridogoana, go naga ega vavaigoro tea tagele maga raki naaleatia ni navasap̃otaeana naga euga vei tea varatiana; 10ma p̃arua liu ki nia tea maga waina eu do surata dausi nap̃okasi pae namasauana sa ni naloaana, po midoaki p̃alo ki naveinawotaana. Tea viviari maga, tea to mari namasauana adeada, eu da duruuru mau ragi waina eu pasa sa ki nasamasamaana maga: 11waina agelo maga waina eu p̃arua liu ra nalo ni nakasuaana go ni namarakiana eu da piragi navasap̃otaeana vasa sa ki sikai dip̃a ra narae ni Yehovah mau. 12Ma nara, dapala nalo mauri maga waina eu dika ki namidodoana, tea vakilina dapala nalo tuavati m̃oli naga euga vei tea vuatiana po pei tea marisakiana, eu do pasa sa ki nalo ni naleo maga waina eu pei sap̃o ara, euga wo pei tea marisakiana doko namarisakiana adeada, 13doko do dape namoriana ni namarinaleotageleana; eu midoaki nia naga nakaniana wia liu aleati e pei namasauana maroana, naloa maga, go wotu maga, eu do gani navinaga wia liu nasaisaiana ni nadodomiana adeada maga ragi waina eu ganikani sikoti mu; 14eu pilake namatada ero pura ki nagoroi masausara, go eu mari sa makoto ki namarinaleosaana; eu do surue naata maga waina eu da pei tea lawosokiana mau: eu pilake nap̃op̃oda e pei tea marimaariana namatam̃aguraana; navasasakiana natuna maga; 15eu doropusi napua leana, go eu sasap̃o, eu sarausi napua ki Balaam, natu ni Beor, waina e dodomi namoriana ni namarinaleotageleana; 16ma e pei tea vasakasuakiana nalakena natapiriana aneana: ass pusa sikai e pasa ki nadaleo ni naatam̃oli, po dugoro nadarataraana ki profeta. 17Tea maga wanogoe eu pei namata noai maga waina noai e dika ara, go namavu waina e pei tea suiana ki nalagi atu; waina naloaana ni namaligo e madeada pei tea vavaigoroana. 18Nalakena ragi waina eu pasa p̃arua navasaana p̃alo maga, eu do surue pae namasauana sa maga ni nap̃okasi, pae namasausauana warua, tea maga waina eu m̃aladigi sava m̃elu dua ki tea maga waina eu doko nasasap̃oana; 19eu do madeada sai naveresiana dum̃ada doko, ragi waina nara eu dum̃ada pei naviti ni nasigisigileoana: nalakena tea waina te naata sikai e pei tea marimatuakiana asa, e pei naviti ki tea sikai maau wanogoe. 20Nalakena ragi waina eu sava m̃elu dua ki sua naloaana maga ni maramana pae naataem̃atakiana ni Nawota go Tea Maumau pauri Yesu Kristo, ma eu pe moro pei tea soliana ara po pei tea marimatuakiana, ragi edaku adeada ega wo sa liu ragi vea. 21Nalakena e p̃ia ki da naga euga ta atae napua ni namarinaleoleanaana mau, liu naga, ragi waina eu atae sua e, euga liliu m̃elu dua ki natip̃akiana tautau waina e pei tea vituakiana paki da. 22Tea ni naluluakia lomau e pakilina ki da, Koria e liliu paki tea luakiana aneana, go wago waina e pei tea sarueana sua paki tokora ni nasuraana ni nalepa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific