1 PAKI TEA NI THESSALONIKA 3
3
1Nalakena tea wanogoe ragi waina au mari sa moro soki a, au midoa ki nia naga e p̃ia naga auga vei tea toropusiana auga toko Athenai auga sikigami; 2go au dip̃aki lua Timotheo paloti, taigami go tea suasua ki Sup̃e doko narogorogoana wia ki Kristo, naga ega lawo soki mu, go naga ega magi nasaralomauana animu pasa paratiki mu; 3naga te naata ega ta pei tea varivariakiana mau doko nariesokiana maga wanogoe; nalakena ku dum̃amu atae naga tu pei tea lawokiana paki tea wanogoe. 4Nalakena lomau, ragi waina au doko sikoti mu, au pea noa ki mu naga tuga wo sua nariesokiana; dakiusi waina e pakilina, go ku atae a. 5Nalakena tea wanogoe kinau ma, ragi waina a mari sa moro soki a, a dip̃aki lua paloti naga aga atae nasaralomauana animu, mase tea maridogo e pe maridogo mu, go nawosimawosaana aginami e pe vei tea p̃alo. 6Ma ragi waina Timotheo e m̃elu mu umai punusi gami ragi waia, po dogorogo paki gami ki narogorogoana wia ni nasaralomauana animu go ni nadodomiana animu, go naga ku peani namidoaki‐gami‐ana wia sara ragi, doko do masau p̃arua ki naga kuga vunusi gami, dakiusi waina kinami ma au do masau p̃arua ki naga auga vunusi mu; 7nalakena tea wanogoe, tai maga, au pei tea vakavakaleana nalo kakamu nalo ni namaridie‐gami‐ana mamau go ni nariesoki‐gami‐ana mamau, pae nasaralomauana animu: 8nalakena ragi waia nimu ku pe lawodu doko Nawota au pe mauri. 9Nalakena seve navasadodom̃atakiana auga mari atae pituadip̃a ki nia paki Sup̃e nalo kakamu, nalakena nalaelaeaana mamau waina au laelaea asa nalakena nimu narae ni Sup̃e anigida; 10p̃ogi go aleati au do pavara p̃arua liu naga auga vunusi naraemu, go naga auga vakavuro tea maga ni nasaralomauana animu waina eu puoli?
11Ma Sup̃e go Tamagida nae go Nawota anigida Yesu, eroga mari napua aginami ega leana paki mu: 12go nimu Nawota ega mari mu kuga risu po p̃arua po sarasaraape ki nadodomiana dum̃amu paki mu, go paki tea maga mamau puti, dakiusi waina kinami ma au do mari a paki mu; 13naga ega lawosoki nap̃op̃omu euga ta pei tea vasadip̃aana mau doko natautauana narae ni Sup̃e go Tamagida, ragi ni naumaiana ki Nawota anigida Yesu nara ma tea tautau aneana maga mamau puti.
Currently Selected:
1 PAKI TEA NI THESSALONIKA 3: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
