1 KI PETERO 4
4
1Nalakena tea wanogoe nalakena Kristo e pei tea mariana e sua navitinumateana nalo ni nap̃okasina, nimu ma kuga vuati nalikau ni namidodoana sikai maau wanogoe; nalakena tea waina e pei tea mariana e sua navitinumateana nalo ni nap̃okasina e makoto ki namarinaleosaana; 2naga kuga ta moro mauri ragi animu waina e ko doko, doko nap̃okasimu pae namasauana sa maga ki naatam̃oli maga mau, ma ega vae namasauana ki Sup̃e. 3Nalakena ragi waina e pano sua e pei te lapa naga kuga mari sua namasauana ki tea ni nalauna p̃ota maga, ragi waina ku surata pae namasausauana maga, namasauana sa maga, namunu‐waine‐ana maga, namaridarataraana maga, nasaisaiana ni namunuana maga, go na‐lotu‐kinasup̃e‐ana mamaragokiana maga; 4nalo ni tea wanogoe eu maga nalakena ku da sava sikoti ra paki namalip̃akiana sikai maau ni namaridarataraana mau, doko do pasa sa ki mu: 5waina euga wo atusi a paki tea waina e mari m̃ata sua naga ega vasa p̃otae tea mauri maga go tea mate maga. 6Nalakena tea waia e pei nalakena narogorogoana wia e pei tea rogorogokiana sua paki tea mate maga, naga euga vei tea vasap̃otaeana lomau pae naatam̃oli maga nalo ni nap̃okasida, ma naga euga to mauri pae namasauana ki Sup̃e nalo ni naatada.
7Ma namatap̃ago edaku ni naleo maga mamau puti e pei m̃aladigi: nalakena tea wanogoe kuga vei tea midodoa p̃ia, go kuga to leleogoro paki natapasavasaana maga: 8kuga to peani ega vea ki naleo maga mamau puti nadodomiana animu dum̃amu paki mu ega kasua; nalakena nadodomiana e do kovagoro taua ni namarinaleosaana: 9kuga vei tea dodomi nam̃enaki maga dum̃amu paki mu, natauruuruana ega tika asa: 10ega tapala waina sara naatam̃oli sikasikai eu dape sua navituam̃olikiana sikai, kuga to suasua asa dum̃amu paki mu, dapala tasiga leo paratiki wia maga ni nasaup̃iaana visarasara ki Sup̃e. 11Te naata sikai e pe vasa, ega to pasa ega tapala navasaana maga ki Sup̃e; te naata sikai e pe suasua, ega to suasua ega tapala e m̃elu nakasuaana waina Sup̃e e pitua ki nia: naga Sup̃e ega vei tea samasamaniana nalo ni naleo maga mamau puti pae Yesu Kristo, waina nasamasamaana go namarakiana ero pei aneana pa pa ega wo du du po du mau du. Amen.
12Tea dodomiana maga, kuga ta maga nalo ni narogokitesaana ni nakapu waina e doko m̃aleoputo kakamu, waina e pakilina ki mu naga ega maridogo mu, dapala tea ni namagaana sikai e pe vakilina ki mu; 13ma dapala waina nimu ma nae ku saisai peani narogokitesaana maga ki Kristo, kuga to laelaea; naga ragi waina nasamasamaana aneana ega vakilina kuga wo laelaea ki nalaelaeaana warua liu. 14Ku pe vei tea vasapinoakiana nalakena nagisa ni Kristo, ku maropa; nalakena Naatana ni nasamasamaana go Naatana ni Sup̃e e doko mu doko. 15Nalakena te naata sikai kakamu ega ta pei tea mariana ega vitinu mau dapala tea mari punue, kite tea vanako, kite tea mari naleo sa, kite dapala tea leo usiusi naleo maga ki tea p̃ota maga. 16Ma te naata sikai e pe vei tea mariana e pe vitinu dapala Kristian sikai, ega ta maliere mau; ma ega samasamani Sup̃e doko nagisa wanogoe. 17Nalakena ragi e po umai waina navasap̃otaeana ega atulake pae nasum̃a ki Sup̃e pa pa ma e pe vea atulake pae gida pa pa, namatap̃ago edaku ni tea maga waina eu dogopiri narogorogoana wia ki Sup̃e ega wo pei navasa? 18Go tea leana e pe m̃aladigi mari sa pei tea mautipauriana, tea ta matau ki Sup̃e mau go tea mari naleo sa eroga wo pakilina esava? 19Nalakena tea wanogoe tea maga waina eu pei tea mariana eu pitinu pae namasauana ki Sup̃e euga vitua ki naatada doko namarinaleop̃iaana paki Tea Tawonaki lomau.
Currently Selected:
1 KI PETERO 4: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
