1 KI YOANE 1
1
1Tea waina e doko pae ragi ni naatulakeana pa pa pa, tea waina au po dogo e, tea waina au po punusi a ki namatagami, tea waina au leosoki a, go waina nam̃elearugami eu dovidogo e, nalo ni Navasaana ni namauriana. 2(Go namauriana wanogoe e pakilina, go au po punusi a, po do noa sokisoki a, po do dogorogo paki mu ki namauriana wanogoe, waina e du mau du, waina nara ma Tamana ero dua doko, go waina e pakilina ki gami); 3tea waina au po punusi a po dogo e au dogorogo ki nia paki mu naga nimu ma kuga veani nasaisaipeaniana sikoti gami: io, go nasaisaipeaniana aginami e sikoti Tamana, go e sikoti Natuna Yesu Kristo: 4go kinami au midiri tea maga waia, naga nalaelaeaana anigida ega vuru.
5Go tea waia e pei navitaua waina au po dogo e kiana, po noa ki sai mu asa, naga Sup̃e e pei namarama, go namaligo e dika asa e dika sa. 6Tu pe noa naga tu peani nasaisaipeaniana sikoti a, go tu pe surata namaligo, tu sorosoro, po da mari nalomauana mau: 7ma tu pe surata namarama, dapala waina nae e doko namarama doko, tu peani nasaisaipeaniana dum̃agida sikoti gida, go nada ni Yesu Natuna aneana e mari gida tu dautau m̃elu dua ki sara namarinaleosaana. 8Tu pe noa naga tu dika namarinaleosaana tu dum̃agida piragi sasap̃o ki gida, go nalomauana e da doko gida mau. 9Tu pe noa sai namarinaleosaana anigida maga, nae e pei lomau go e leana naga ega manigida midoaki korokoro namarinaleosaana anigida maga, po mari gida tuga tautau m̃elu dua ki sara namarinaleotageleana. 10Tu pe noa naga tu da mari te naleo sa mau, tu mari a e pei tea sorosoro, go navasaana aneana e da doko gida mau.
Currently Selected:
1 KI YOANE 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
