DIPESALOME 15
15
Motho yo a dumeletšwego go tsena ka Tempeleng
Ke pesalome ya Dafida.
1Morena, ka Tempeleng ya gago go ka tsena mang?
Ke mang a ka rapelago Sione,
thabeng ya gago ye kgethwa?
2Ke yo a phelago a se ne bosodi,
a dirago tše di lokilego,
a bolelago therešo ka pelo ya gagwe ka moka,
3a sa senyego batho maina.
Ke yo a sa phošetšego bagwera ba gagwe,
le gona a sa tšamego a seba batho.
4Ke yo a nyatšago bao ba lahlwago ke Modimo,
eupša bao ba boifago Morena bona a ba hlomphago,
yo ka mehla a phethago se a se tshephišitšego,
le ge e ka ba se sethata bjang le bjang.
5Ke yo a sa adimišego tšhelete ka go e tswadiša,
yo a sa rekwego go phara yo a se nego molato.
Yo mobjalo a ka se tlalelwe.
Currently Selected:
DIPESALOME 15: NSO00
Highlight
Copy
Compare
Share
Want to have your highlights saved across all your devices? Sign up or sign in
Bible in Sepedi 2000 translation © Bible Society of South Africa 2000. Digital Version © Bible Society of South Africa 2012. All rights reserved. www.biblesa.co.za.
