Марԛос 13
13
Иса пешда дәрһәԛа ԝеранбуна пʼарьстгәһеда дьбежә
(Мәтта 24:1-2; Луԛа 21:5-6)
1Гава Иса жь пʼарьстгәһе дәркʼәт, жь шагьртед Ԝи йәки Ԝирʼа гот: «Дәрсдар! Һәла дина Хԝә бьде әв чь кәвьр ьн у чь авайи нә!» 2Иса ль ԝи вәгәрʼанд у готе: «Тӧ ван авайийед мәзьн дьбини? Әв һʼәмуйе жи ԝеран бьн, ль вьр кәвьре ль сәр кәвьр ԛәт нәминә!»
Тәнгаси у зерандьн
(Мәтта 24:3-14; Луԛа 21:7-19)
3Гава Иса ль чʼийайе Зәйтʼуне, ль пешбәри пʼарьстгәһе рʼуньштьбу, Пәтрус, Аԛуб, Йуһʼәнна у Әндраԝьс башԛә же пьрсин: 4«Бежә мә, әԝ тьшт ԝе кʼәнге бьԛәԝьмьн? У бәри ԛәԝьмандьна ԝан һʼәмуйа, чь нишане бьбьн?» 5Һьнге Иса дәстпекьр у ԝанрʼа гот: «Һаш жь хԝә һәбьн, кӧ тʼӧ кәс ԝә нәхапинә. 6Гәләк ԝе пе наве Мьн бен у бежьн: ‹Әз ьм Мәсиһ› у ԝе гәләка бьхальфиньн. 7Гава һун дәнге шәрʼа у бәʼса шәрʼа бьбьһен, һун хԝә ӧнда нәкьн. Гәрәке әв тьшт бьԛәԝьмьн, ле әԝ һе нә ахьри йә. 8Мьләте рʼабә сәр мьләт, пʼадшатийе рʼабә сәр пʼадшатийе, щи-щийа ԝе әʼрдһʼәж у хәлайи-щәлайе бьбьн. Ле әв һʼәму мина еша кʼӧлфәте йә, кӧ дәстпедькә пе дьгьрә.
9Ле һун һаш жь хԝә һәбьн! Ԝе ԝә бьбьнә бәр диԝана у кʼьништада ԝә бькʼӧтьн. Бона Мьн ԝе ԝә бәр ԝәли у пʼадша бьдьнә сәкьнандьне, ԝәки һун бәр ԝан шәʼдәтийе бьдьн. 10Гәрәке пешийе Мьзгини һʼәму мьләтарʼа бе дайине. 11Гава кӧ ԝә бьгьрьн бьбьнә бәр диԝане, пешда хәм нәкьн кӧ һуне чь бежьн. Ле ԝе дәме чь ԝәрʼа бе дайине, ԝе жи бежьн, чьмки нә кӧ һуне хәбәр дьн, ле Рʼӧһʼе Пироз. 12Бьра ԝе бьре хԝә бьдә кӧштьне у бав кӧрʼе хԝә. Зарʼе рʼабьнә сәр де у баве хԝә у ԝан бьдьнә кӧштьне. 13У бона наве Мьн һуне бәр чʼәʼве һʼәмуйа рʼәш бьн. Ле әԝе кӧ һʼәта хьлазийе тәйах кә, әԝе хьлаз бә.
Һʼәрамийа Ԝеранкьрьне
(Мәтта 24:15-21; Луԛа 21:20-24)
14Аԝа чахе һун ԝе ‹һʼәрамийа ԝеранкьрьне›#13:14 Данийел 9:27; 11:31; 12:11. бьбиньн, ль ԝи щийе нәщайиз сәкьни», (әԝе кӧ дьхунә бьра фәʼм бькә) «һьнге әԝед кӧ Щьһустанеда нә бьра бьрʼәвьнә чʼийа. 15У әԝе кӧ сәр хани йә бьра жорда нәйе хԝаре у нәкʼәвә һьндӧрʼ, ԝәки тьштәки һьлдә. 16У әԝе кӧ кʼәԝшенда йә бьра вәнәгәрʼә кӧ пʼоте хԝә һьлдә. 17Ле ԝәй ль һʼәмла у дәстдәргуша ԝан рʼожада! 18Дӧа бькьн кӧ әв йәк зьвьстанеда нәԛәԝьмә. 19Чьмки ԝан рʼожада ԝе тәнгасикә ӧса бьбә, ԝәки жь рʼожа кӧ Хԝәде дьнйа әʼфьрандийә һʼәта ньһа нәбуйә у нә жи ԝе бьбә. 20Һәгәр Хӧдан әԝ рʼож кьн нәкьрьна, тʼӧ кәс хьлаз нәдьбу, ле бона хатьре ԝан бьжартийед кӧ Ԝи бьжартьнә, әԝ рʼож кьн кьрьнә.
21Һьнге, һәгәр йәк ԝәрʼа бежә: ‹Мәсиһ ва йә ль вьр ә›, йан жи: ‹Ԝа йә дәра һан ә›, баԝәр нәкьн. 22Чьмки мәсиһ у пʼехәмбәред дәрәԝ ԝе дәрен. Ԝе нишан у кʼәрәмәта бькьн, һәгәр дәст ԝанва бе, ԝе бьжартийа жи бьхальфиньн. 23Ле һун һаш жь хԝә һәбьн! Мьн һәр тьшт пешда ԝәрʼа гот.
Һатьна Кӧрʼе Мерьв
(Мәтта 24:29-31; Луԛа 21:25-28)
24Ле ԝан рʼожада, пәй ԝе тәнгасийерʼа,
‹рʼуйе рʼойе ԝе бе гьртьне
у һиве рʼонайа хԝә нәдә,
25стәйрке жь әʼзмен бькʼәвьн,
у тʼопед әʼзмана ԝе жь рʼийед хԝә дәрен#13:25 Аһа жи те фәʼмкьрьне: «Ԛәԝатед әʼзмана ԝе бьһʼәжьн». ›#13:25 Ишайа 13:10; 34:4; Йоел 2:10, 31; 3:15. .
26У һьнге ԝе бьбиньн, Кӧрʼе Мерьв бь ԛәԝата мәзьн у рʼумәт әʼԝрава те#13:26 Данийел 7:13. (Бьхуньн: Әʼйанти 1:7.) . 27Ԝи чахи Әԝе мьлйакʼәтед Хԝә бьшинә у бьжартийед Хԝә жь һәр чар ԛӧлба бәрәв кә, жь пʼәрʼед әʼрде гьрти һʼәта пʼәрʼед әʼзмен.
Дәрса дара һежире
(Мәтта 24:32-35; Луԛа 21:29-33)
28Жь дара һежире дәрсәке һин бьн: Чахе кӧ чʼьԛьлед ԝе тәрʼ дьбьн у бәлгед ԝе дьбьшкьвьн, иди һун заньн кӧ һавин незик ә. 29Ӧса жи гава һун бьбиньн кӧ әв йәк дьԛәԝьмьн, бьзаньбьн кӧ Әԝ незик ә, ль бәр шемике йә. 30Әз рʼаст ԝәрʼа дьбежьм, әва ньсьла дәрбаз набә, һʼәта кӧ әв һʼәму тьшт нәԛәԝьмьн. 31Әʼрд у әʼзмане дәрбаз бьн, ле готьнед Мьн тʼӧ щар дәрбаз набьн.
Рʼож у сьһʼәт нә әʼйан ә
(Мәтта 24:36-44)
32Ле бона ԝе рʼоже у ԝе сьһʼәте тʼӧ кәс ньзанә, нә мьлйакʼәтед әʼзмен у нә жи Кӧрʼ, ле тʼәне Бав. 33Һаш жь хԝә һәбьн! Һʼьшйар бьминьн!#13:33 Нав һьнәк дәстньвисарада әв жи һәйә: «У дӧа бькьн». Чьмки һун ньзаньн кʼәнге ԝәхте перʼа бьгьһижә. 34Әв йәк мина мәрьвәки йә, кӧ мала хԝә дьһелә у дәрдькʼәвә рʼеԝитийе. Бәри чуйине тʼәмийа мала хԝә дьдә хӧламед хԝә, шьхӧле ԝан һәр кәси дьде у әʼмьри сәр дәргәһван дькә, кӧ һʼьшйар бьминә. 35Бона ве йәке һʼьшйар бьминьн, чьмки һун ньзаньн малхе мале ԝе кʼәнге бе, еваре йан ниве шәве, йан ԝәхте бангдана дика, йан сәре сьбәһе. 36Нәбә кӧ ньшкева Әԝ бе у ԝә хәԝеда бьгьрә. 37Әз чь ԝәрʼа дьбежьм, һʼәмуйарʼа дьбежьм: Һʼьшйар бьминьн!»
Гьртьн, хачкьрьн у рʼабуна Иса
Currently Selected:
Марԛос 13: KmrNTC
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2000, 2011
