Rom Tɩŋŋaa 14
14
Má sɩ́ ma naambiiriŋ sɩ laa Yesu wɩaa dii wɩaa laa jɩŋ
1Dɩ nʋʋ nɛ hɛ ma tʋɔŋ a laa Yesu wɩaa dii aŋ bɩ faasa chɩŋ wɩalɩŋ lɛ, ma kɛnʋ woruŋ. Ama má sɩ́ ma tʋɔbɩɩnaa wɩaa kaalɛrɛ. 2Ma tʋɔŋ dɔŋɔ tʋɔbɩɩnaa yie ŋaa ʋ didii kʋŋkala nɛ, ama dɔŋɔ ma hɛ nɩmɛ, ʋ bɩ Wɩa laa dii woruŋ a ma didii pɩpaarɩŋ dʋndʋŋa. 3Má sɩ́ leŋe dɩ nɩɩ-la sɩɩ dii kʋŋkala mʋmɔŋ nɩɩ-la sɩɩ kɩsɛ kɩalɩŋ lɛ. Má sɩ́ leŋe dɩ nɩɩ-la ma sɩɩ kɩsɛ kʋŋkala, dɩ ʋ bʋl nɩɩ-la sɩɩ dii kʋŋkala teeŋ arɩ ʋ bɩ woruŋ ŋaa, bɛɛ wɩaa Wɩa cho tɩɩna nɛ a leŋ ʋ ŋaa ʋ bii. 4Kʋbɛɛ nɛ kaŋ dɩ ŋ wuo bʋl dɩ nʋʋ tɩntɩnnʋ cheye nɛ? Tɩntɩnnʋ-la kʋhɩaŋ nɛ jaŋ wuo bʋl dɩ ʋ cheye nɛ koo ʋ bɩ cheye. La Kʋhɩaŋ Yesu jaŋ wuo pɛ ʋ lɛ dɩ ʋ chɩŋ. Ʋ saa jaŋ chɩŋ.
5Nɩa dɔŋɔ yie bɩɩnɛ arɩ tapʋlʋŋ dɔŋɔ nɛ kɩɩ tapʋlaa kala. Dɔŋɔ ma bɩɩnɛ arɩ tapʋlaa kala ŋaa kʋbala nɛ. Ʋ saa maga dɩ nʋʋkala chɩŋ ʋ tʋɔbɩɩnaa lɛ nɛ. 6Nɩɩ-la sɩ bɩɩna arɩ tapʋlʋŋ dɔŋɔ nɛ kɩɩ tapʋlaa kala, ʋ lɩɩsɛ tapʋlɩɩ-la dɩ ʋ zizil La Tɩɩna Yesu nɛ. Nɩɩ-la ma sɩɩ dii kʋŋkala, ʋ ma ŋaa ŋɩɩ a zizil La Tɩɩna Yesu nɛ, bɛɛ wɩaa ʋ sɩɩ dii kɩalɩŋ, ʋ yie lɔllɛ Wɩa nɛ. Nɩɩ-la ma sɩɩ kɩsɛ kɩalɩŋ dɔnsʋŋ, ʋ ma ŋaa ŋɩɩ aa zil La Tɩɩna Yesu nɛ, aa lɔllɛ Wɩa. 7La kʋŋkala bɩ la tɩtɩa tɩɩ. Dɩ la nɛ hɛ la mɩɩsɩŋ lɛ, la bɩ la tɩtɩa tɩɩ, dɩ la nɛ sʋba ma, la bɩ la tɩtɩa tɩɩ. 8La sɩ hɛ mɩɩsɩŋ deeŋ lɛ, la mɩɩsɩŋ hɛ La Tɩɩna Yesu nɩsɩŋ lɛ nɛ. Dɩ la nɛ sʋba ma, la ha hɛ La Tɩɩna Yesu nɩsɩŋ lɛ nɛ. Dɩ la nɛ weye koo dɩ la nɛ sʋba, la hɛ La Tɩɩna Yesu nɩsɩŋ lɛ nɛ, 9bɛɛ wɩaa Kirisito sʋba aŋ bɩra sii sʋʋŋ lɛ dɩ ʋ tɩɩ nɩweyee arɩ nɩsʋʋnʋŋ kala nɛ, a ŋaa ba kala Kʋhɩaŋ. 10Bɛɛ nɛ saa tɩɩ ma tʋɔŋ dɔŋɔ bʋbʋl ʋ naambie sɩ laa Yesu wɩaa dii teeŋ a bʋl dɩ ʋ bɩ woruŋ ŋaa? Dɔŋɔ ma bee gʋgʋʋnɛ ʋ naambie sɩ laa Yesu wɩaa dii lɛ. La kala jaŋ chɩŋ Wɩa sɩpaaŋ dɩ ʋ dii la sarɩya. 11Ba ŋmʋnsɛ Wɩa teniŋ tʋɔŋ a bʋl ŋ-la nɛ: Wɩa sɩ,
“Mɩ nɛ sɩ ŋaa Wɩa-la sɩ weye wɩaa,
nʋʋkala jaŋ kpirimi mɩ sɩpaaŋ
a suri ʋ niiŋ a bʋl arɩ mɩ nɛ sɛnɛ ŋaa Wɩa.”
12Bʋa-la lɛ la nʋʋkala jaŋ dagɛ wɩalɩŋ kala ʋ sɩ ŋaa a pʋ.
Má sɩ́ wɩalɩŋ sɩ jaŋ leŋ dɩ ma naambie ŋaa wʋbɔmʋŋ ŋaa
13Ŋɩɩ wɩaa, ma bɩra sɩ́ leŋe dɩ la bʋbʋl la dɔnsʋŋ tɩŋŋaa teeŋ a bʋl dɩ ba bɩ woruŋ ŋaa, ama ʋ maga dɩ ma bɩɩna joŋ wɩɩŋ deeŋ nɛ: Má pʋpɔ ma sɩ́ wɩɩ-la sɩ jaŋ yigi ma naambie hɛ wʋbɔmʋŋ lɛ ŋaa. 14La Tɩɩna Yesu leŋe mɩ jɩŋ arɩ kʋdiil kala tuo sɩ kɛŋ disiniŋ. Ama nɩaa dɔnsʋŋ bɩɩna arɩ kʋdiilee dɔnsʋŋ kɛŋ disiniŋ nɛ. Dɩ ba nɛ bɩɩnɛ ŋɩɩ, kɩalɩŋ ŋaa kɩsɩŋ nɛ ba teeŋ. 15Dɩ kɩalɩŋ ŋ sɩɩ dii nɛ leŋe ŋ naambie tʋɔŋ chei ŋ nyuŋ, ŋ bɩ chonuŋ ka dagɛ nɛ ŋɩɩ. Kirisito sʋʋ ʋ wɩaa nɛ, ŋɩɩ wɩaa, sɩ́ leŋe dɩ kʋdiile-la ŋ sɩɩ dii wɩaa cheyu. 16Wɩɩ-la ŋ sɩ jɩma dɩ ʋ zɔmɔ, sɩ́ leŋe dɩ nɩaa kaa bɩrɩmɛ wʋbɔŋ. 17Kʋdiile-la la sɩɩ dii arɩ kɩalɩŋ la sɩɩ nyʋa bɩ sɩɩfɩaŋ wɩɩ ŋaa Wɩa kuorii-la tʋɔŋ. Wɩalɩŋ sɩ ŋaa sɩɩfɩaŋ wɩaa nɛ ŋ-la: Dɩ la kɛŋ tʋɔpʋla Wɩa sɩpaaŋ, a kɛŋ nii-bala, aŋ pɛ kɛŋ tʋɔtɔrʋŋ ma Wɩa Dɩŋ-zɔmʋŋ doluŋ lɛ. 18Nʋʋkala sɩ to wombiiŋ deeŋ lɛ a tɩma pɩ Kirisito, Wɩa tʋɔŋ jaŋ tɔrɛ ʋ nyuŋ, dɩ nɩaa ma zizilu.
19Má saa leŋ dɩ la bɩbɩɩnɛ wɩalɩŋ sɩ jaŋ leŋ dɩ la kɛŋ nii-bala, a wuo pɩpɛ dɔŋɔ lɛ a kɛŋ doluŋ. 20Má sɩ́ kɩalɩŋ ma sɩɩ dii wɩaa tɩma chei Wɩa tɩntɩŋŋaa. Kʋdiil kala zɔmɔ nɛ, ʋ bɩ disiniŋ kɛnɛ dɩ maa kɩsɛ. Ama dɩ kʋdiile-la dɔnsʋŋ ma sɩɩ dii nɛ jaŋ leŋ dɩ nʋʋ ŋaa wʋbɔmʋŋ, ʋ bɩ maga dɩ ma diiba. 21Wɩɩ-la sɩ zɔmɔ nɛ ŋ-la: Ʋ bɩ maga dɩ maa chaŋ nammɩa, koo dɩ ma nyʋa sɩnɩŋ, koo dɩ maa ŋaa wɩɩ-na kala sɩ jaŋ leŋ dɩ ma naambie yeŋŋi ʋ wombiiŋ. 22Dɩ ŋ nɛ laa dii arɩ wɩɩ nɛ zɔmɔ dɩ ŋ ŋaa, leŋ dɩ ʋ hɛ ma dɩ Wɩa dʋndʋŋa pɛgɛ. Dɩ nʋʋ nɛ ŋaa wɩɩ-la ʋ sɩ laa dii arɩ ʋ zɔmɔ, dɩ ʋ tʋɔbɩɩnaa nɛ bɩ ʋ walɩmɛ arɩ ʋ sɩɩ ŋaa ŋɩɩ, ʋ tʋɔŋ jaŋ tɔrɛ. 23Ama dɩ nʋʋ nɩɩ dii kɩaa aŋ bɩɩnɛ arɩ ʋ bɩ maga dɩ ʋ dii, dɩ ʋ nɛ diiba, Wɩa jaŋ joŋ cheeriŋ pʋ, bɛɛ wɩaa ʋ bɩ wɩalɩŋ ʋ sɩ laa dii arɩ ba ŋaa wʋzɔmɔ ka to. Wɩɩ-na kala nɛ ŋ ŋɩŋaa aŋ bɩ laa dii arɩ ʋ maga dɩ ŋ ŋaa, ʋ ŋaa wʋbɔŋ nɛ.
Currently Selected:
Rom Tɩŋŋaa 14: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Rom Tɩŋŋaa 14
14
Má sɩ́ ma naambiiriŋ sɩ laa Yesu wɩaa dii wɩaa laa jɩŋ
1Dɩ nʋʋ nɛ hɛ ma tʋɔŋ a laa Yesu wɩaa dii aŋ bɩ faasa chɩŋ wɩalɩŋ lɛ, ma kɛnʋ woruŋ. Ama má sɩ́ ma tʋɔbɩɩnaa wɩaa kaalɛrɛ. 2Ma tʋɔŋ dɔŋɔ tʋɔbɩɩnaa yie ŋaa ʋ didii kʋŋkala nɛ, ama dɔŋɔ ma hɛ nɩmɛ, ʋ bɩ Wɩa laa dii woruŋ a ma didii pɩpaarɩŋ dʋndʋŋa. 3Má sɩ́ leŋe dɩ nɩɩ-la sɩɩ dii kʋŋkala mʋmɔŋ nɩɩ-la sɩɩ kɩsɛ kɩalɩŋ lɛ. Má sɩ́ leŋe dɩ nɩɩ-la ma sɩɩ kɩsɛ kʋŋkala, dɩ ʋ bʋl nɩɩ-la sɩɩ dii kʋŋkala teeŋ arɩ ʋ bɩ woruŋ ŋaa, bɛɛ wɩaa Wɩa cho tɩɩna nɛ a leŋ ʋ ŋaa ʋ bii. 4Kʋbɛɛ nɛ kaŋ dɩ ŋ wuo bʋl dɩ nʋʋ tɩntɩnnʋ cheye nɛ? Tɩntɩnnʋ-la kʋhɩaŋ nɛ jaŋ wuo bʋl dɩ ʋ cheye nɛ koo ʋ bɩ cheye. La Kʋhɩaŋ Yesu jaŋ wuo pɛ ʋ lɛ dɩ ʋ chɩŋ. Ʋ saa jaŋ chɩŋ.
5Nɩa dɔŋɔ yie bɩɩnɛ arɩ tapʋlʋŋ dɔŋɔ nɛ kɩɩ tapʋlaa kala. Dɔŋɔ ma bɩɩnɛ arɩ tapʋlaa kala ŋaa kʋbala nɛ. Ʋ saa maga dɩ nʋʋkala chɩŋ ʋ tʋɔbɩɩnaa lɛ nɛ. 6Nɩɩ-la sɩ bɩɩna arɩ tapʋlʋŋ dɔŋɔ nɛ kɩɩ tapʋlaa kala, ʋ lɩɩsɛ tapʋlɩɩ-la dɩ ʋ zizil La Tɩɩna Yesu nɛ. Nɩɩ-la ma sɩɩ dii kʋŋkala, ʋ ma ŋaa ŋɩɩ a zizil La Tɩɩna Yesu nɛ, bɛɛ wɩaa ʋ sɩɩ dii kɩalɩŋ, ʋ yie lɔllɛ Wɩa nɛ. Nɩɩ-la ma sɩɩ kɩsɛ kɩalɩŋ dɔnsʋŋ, ʋ ma ŋaa ŋɩɩ aa zil La Tɩɩna Yesu nɛ, aa lɔllɛ Wɩa. 7La kʋŋkala bɩ la tɩtɩa tɩɩ. Dɩ la nɛ hɛ la mɩɩsɩŋ lɛ, la bɩ la tɩtɩa tɩɩ, dɩ la nɛ sʋba ma, la bɩ la tɩtɩa tɩɩ. 8La sɩ hɛ mɩɩsɩŋ deeŋ lɛ, la mɩɩsɩŋ hɛ La Tɩɩna Yesu nɩsɩŋ lɛ nɛ. Dɩ la nɛ sʋba ma, la ha hɛ La Tɩɩna Yesu nɩsɩŋ lɛ nɛ. Dɩ la nɛ weye koo dɩ la nɛ sʋba, la hɛ La Tɩɩna Yesu nɩsɩŋ lɛ nɛ, 9bɛɛ wɩaa Kirisito sʋba aŋ bɩra sii sʋʋŋ lɛ dɩ ʋ tɩɩ nɩweyee arɩ nɩsʋʋnʋŋ kala nɛ, a ŋaa ba kala Kʋhɩaŋ. 10Bɛɛ nɛ saa tɩɩ ma tʋɔŋ dɔŋɔ bʋbʋl ʋ naambie sɩ laa Yesu wɩaa dii teeŋ a bʋl dɩ ʋ bɩ woruŋ ŋaa? Dɔŋɔ ma bee gʋgʋʋnɛ ʋ naambie sɩ laa Yesu wɩaa dii lɛ. La kala jaŋ chɩŋ Wɩa sɩpaaŋ dɩ ʋ dii la sarɩya. 11Ba ŋmʋnsɛ Wɩa teniŋ tʋɔŋ a bʋl ŋ-la nɛ: Wɩa sɩ,
“Mɩ nɛ sɩ ŋaa Wɩa-la sɩ weye wɩaa,
nʋʋkala jaŋ kpirimi mɩ sɩpaaŋ
a suri ʋ niiŋ a bʋl arɩ mɩ nɛ sɛnɛ ŋaa Wɩa.”
12Bʋa-la lɛ la nʋʋkala jaŋ dagɛ wɩalɩŋ kala ʋ sɩ ŋaa a pʋ.
Má sɩ́ wɩalɩŋ sɩ jaŋ leŋ dɩ ma naambie ŋaa wʋbɔmʋŋ ŋaa
13Ŋɩɩ wɩaa, ma bɩra sɩ́ leŋe dɩ la bʋbʋl la dɔnsʋŋ tɩŋŋaa teeŋ a bʋl dɩ ba bɩ woruŋ ŋaa, ama ʋ maga dɩ ma bɩɩna joŋ wɩɩŋ deeŋ nɛ: Má pʋpɔ ma sɩ́ wɩɩ-la sɩ jaŋ yigi ma naambie hɛ wʋbɔmʋŋ lɛ ŋaa. 14La Tɩɩna Yesu leŋe mɩ jɩŋ arɩ kʋdiil kala tuo sɩ kɛŋ disiniŋ. Ama nɩaa dɔnsʋŋ bɩɩna arɩ kʋdiilee dɔnsʋŋ kɛŋ disiniŋ nɛ. Dɩ ba nɛ bɩɩnɛ ŋɩɩ, kɩalɩŋ ŋaa kɩsɩŋ nɛ ba teeŋ. 15Dɩ kɩalɩŋ ŋ sɩɩ dii nɛ leŋe ŋ naambie tʋɔŋ chei ŋ nyuŋ, ŋ bɩ chonuŋ ka dagɛ nɛ ŋɩɩ. Kirisito sʋʋ ʋ wɩaa nɛ, ŋɩɩ wɩaa, sɩ́ leŋe dɩ kʋdiile-la ŋ sɩɩ dii wɩaa cheyu. 16Wɩɩ-la ŋ sɩ jɩma dɩ ʋ zɔmɔ, sɩ́ leŋe dɩ nɩaa kaa bɩrɩmɛ wʋbɔŋ. 17Kʋdiile-la la sɩɩ dii arɩ kɩalɩŋ la sɩɩ nyʋa bɩ sɩɩfɩaŋ wɩɩ ŋaa Wɩa kuorii-la tʋɔŋ. Wɩalɩŋ sɩ ŋaa sɩɩfɩaŋ wɩaa nɛ ŋ-la: Dɩ la kɛŋ tʋɔpʋla Wɩa sɩpaaŋ, a kɛŋ nii-bala, aŋ pɛ kɛŋ tʋɔtɔrʋŋ ma Wɩa Dɩŋ-zɔmʋŋ doluŋ lɛ. 18Nʋʋkala sɩ to wombiiŋ deeŋ lɛ a tɩma pɩ Kirisito, Wɩa tʋɔŋ jaŋ tɔrɛ ʋ nyuŋ, dɩ nɩaa ma zizilu.
19Má saa leŋ dɩ la bɩbɩɩnɛ wɩalɩŋ sɩ jaŋ leŋ dɩ la kɛŋ nii-bala, a wuo pɩpɛ dɔŋɔ lɛ a kɛŋ doluŋ. 20Má sɩ́ kɩalɩŋ ma sɩɩ dii wɩaa tɩma chei Wɩa tɩntɩŋŋaa. Kʋdiil kala zɔmɔ nɛ, ʋ bɩ disiniŋ kɛnɛ dɩ maa kɩsɛ. Ama dɩ kʋdiile-la dɔnsʋŋ ma sɩɩ dii nɛ jaŋ leŋ dɩ nʋʋ ŋaa wʋbɔmʋŋ, ʋ bɩ maga dɩ ma diiba. 21Wɩɩ-la sɩ zɔmɔ nɛ ŋ-la: Ʋ bɩ maga dɩ maa chaŋ nammɩa, koo dɩ ma nyʋa sɩnɩŋ, koo dɩ maa ŋaa wɩɩ-na kala sɩ jaŋ leŋ dɩ ma naambie yeŋŋi ʋ wombiiŋ. 22Dɩ ŋ nɛ laa dii arɩ wɩɩ nɛ zɔmɔ dɩ ŋ ŋaa, leŋ dɩ ʋ hɛ ma dɩ Wɩa dʋndʋŋa pɛgɛ. Dɩ nʋʋ nɛ ŋaa wɩɩ-la ʋ sɩ laa dii arɩ ʋ zɔmɔ, dɩ ʋ tʋɔbɩɩnaa nɛ bɩ ʋ walɩmɛ arɩ ʋ sɩɩ ŋaa ŋɩɩ, ʋ tʋɔŋ jaŋ tɔrɛ. 23Ama dɩ nʋʋ nɩɩ dii kɩaa aŋ bɩɩnɛ arɩ ʋ bɩ maga dɩ ʋ dii, dɩ ʋ nɛ diiba, Wɩa jaŋ joŋ cheeriŋ pʋ, bɛɛ wɩaa ʋ bɩ wɩalɩŋ ʋ sɩ laa dii arɩ ba ŋaa wʋzɔmɔ ka to. Wɩɩ-na kala nɛ ŋ ŋɩŋaa aŋ bɩ laa dii arɩ ʋ maga dɩ ŋ ŋaa, ʋ ŋaa wʋbɔŋ nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014