Rom Tɩŋŋaa 13
13
Má tuto ma tinteeŋ nɩhɩasɩŋ niiŋ
1Nʋʋkala maga dɩ ʋ tuto ʋ tinteeŋ nɩhɩasɩŋ niiŋ nɛ. Nʋʋkala bɩ tinteeŋ wuo beŋ, see dɩ Wɩa lɩɩsʋ a pʋ doluŋ. Nɩalɩŋ sɩɩ beŋ ma tinteeŋ ŋaa Wɩa nɛ lɩɩsɛba. 2Ŋɩɩ wɩaa, nɩɩ-la kala sɩ vɩa ʋ tinteeŋ nɩhɩasɩŋ niiŋ, ʋ tɩɩna vɩa Wɩa niiŋ wɩaa nɛ. Nɩɩ-la kala sɩ ŋaa ŋɩɩ, ʋ jaŋ leŋ dɩ Wɩa diiu sarɩya a joŋ cheeriŋ pʋ. 3Nɩalɩŋ sɩɩ ŋaa wʋzɔŋŋɔɔ bɩ fawʋllʋŋ ka fá ba tinteeŋ nɩhɩasɩŋ teeŋ, see nɩalɩŋ sɩɩ ŋaa wʋbɔŋŋɔɔ. Dɩ ŋ nɛ bɩ chɛ dɩ ŋ fɩfá fawʋllʋŋ tinteeŋ nɩhɩaŋ teeŋ, ŋɩŋaa wɩalɩŋ sɩ zɔmɔ, dɩ ʋ bɩbɛsɛ ŋ lɛ. 4Ʋ ŋaa Wɩa tɩntɩnnʋ nɛ dɩ ʋ pɛ ŋ lɛ. Ama dɩ ŋ nɩɩ ŋaa wʋbɔŋŋɔɔ, fɩfáʋ, bɛɛ wɩaa dol-la ʋ sɩ kɛnɛ, ʋ bɩ dol pɛɩ ŋaa. Ʋ ŋaa Wɩa tɩntɩnnʋ nɛ. Nʋʋkala sɩ ŋaa wʋbɔmʋŋ, Wɩa na baanɩŋ ʋ nyuŋ nɛ. Ŋɩɩ nɛ tɩɩ nɩɩ-la sɩɩ beŋ tinteeŋ jaŋ wuo dɔgɩsɛ tɩɩna. 5A tɩŋ ŋɩɩ wɩaa, máa to ma tinteeŋ kʋhɩasɩŋ niiŋ. Má sɩ́ ŋɩɩ ŋaa a tɩŋ Wɩa sɩ jaŋ na baanɩŋ ma nyuŋ dʋndʋŋa wɩaa. Ama má ŋaa ŋɩɩ dɩ ma tʋɔbɩɩnaa kala su Wɩa sɩpaaŋ. 6Wɩa sɩ lɩɩsɛ tinteeŋ nɩhɩasɩŋ, ŋɩɩ wɩaa ʋ maga dɩ ma tiŋ lampoo, bɛɛ wɩaa tinteeŋ nɩhɩasɩ-la ŋaa Wɩa tɩntɩnnaa nɛ, a tɩma pɩpɩ Wɩa. 7Má tiŋ nʋʋkala chɩmɩŋ ma sɩ die, a tiŋ lampoo ma kala sɩ maga ma tiŋ. Má fá nɩalɩŋ sɩ maga dɩ ma fá, a zil nɩalɩŋ ma sɩ maga ma zil.
Má cho ma dɔnsʋŋ tɩŋŋaa a kaa mʋ wuu
8Sɩ́ nʋʋkala chɩŋ dii. Chɩŋ-la dʋndʋŋa sɩ maga dɩ ŋ dii, ŋ bɩ jaŋ time dɛrɛ nɛ ŋ-la: Cho ŋ dɔŋɔ tɩɩna. Nɩɩ-la kala sɩ cho ʋ dɔŋɔ tɩɩna ŋaa wɩalɩŋ kala Mosis fa sɩ ŋmʋnsa bil dɩ nɩaa tuto nɛ. 9Wɩalɩŋ Mosis fa sɩ ŋmʋnsa bil dɩ nɩaa tuto dɔnsʋŋ nɛ ŋ-la: “Má sɩ́ ma dɔnsʋŋ tɩŋŋaa haala chɛ, má sɩ́ nɩaa kpʋ, má sɩ́ gaa, má sɩ́ nʋʋ kʋŋ gɩrɩma laa.” Wɩaa deemba kala arɩ wɩalɩŋ dɔnsʋŋ Mosis sɩ ŋmʋnsa bil dɩ nɩaa tuto, ba kala ŋaa wʋbala nɛ. Ʋ nɛ ŋ-la: “Cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ.” 10Dɩ ŋ nɛ cho ŋ dɔŋɔ tɩɩna, ŋ bɩ wʋbɔŋ kala jaŋ ŋaa ʋ lɛ. Ŋɩɩ wɩaa dɩ ŋ nɛ cho ŋ dɔŋɔ tɩɩna, ŋŋ to wɩalɩŋ kala Mosis fa sɩ ŋmʋnsa bil dɩ nɩaa tuto nɛ.
11Máa ŋaa wɩaa deemba. Ma paala jɩŋ bʋa deeŋ lɛ la sɩ hɛ sɩ nagɛ ŋɩɩ nɛ. Bʋa-la lɛ ma sɩ jaŋ sii doŋ lɛ yie nɛ. Bʋa-la lɛ Wɩa sɩ jaŋ laala ta dʋnɩa deeŋ lɛ faasa kpagɛ nɛ. Ʋ nɛ kpaga kɩɩ bʋa-la lɛ la sɩ laa sɩpaaŋ laa Yesu wɩaa dii. 12Taŋ kpagɛ pʋlʋŋ nɛ. Mʋa nɛ ka, ka dɩ wɩa pɔsɛ. Má saa leŋ dɩ la leŋ birimiŋ tʋɔŋ wʋŋaalaa, aŋ paa pʋlʋmʋŋ laalɩyuori kɩaa laalɛ a yuo laalɩŋ. 13Má leŋ dɩ la kɛŋ la tɩtɩa woruŋ a nagɛ nɩaa sɩ hɛ pʋlʋmʋŋ tʋɔŋ. Má sɩ́ leŋe dɩ la faasa gbieli gbieli-tɔɔnʋŋ a bubugi, a ŋɩŋaa wʋlɩɩlɩŋ aŋ pɛ ŋaa wʋbɔŋŋɔɔ. Má sɩ́ dɔŋɔ yuo, má sɩ́ leŋe dɩ ma yaraa bibieri dɔŋɔ nyuŋ. 14Má leŋ dɩ Yesu Kirisito nɛ ŋaa ma laalɩyuori kɩaa, aŋ sɩ́ ma yaraa tʋɔtɔrɛ wʋŋaalaa lɛ to.
Currently Selected:
Rom Tɩŋŋaa 13: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Rom Tɩŋŋaa 13
13
Má tuto ma tinteeŋ nɩhɩasɩŋ niiŋ
1Nʋʋkala maga dɩ ʋ tuto ʋ tinteeŋ nɩhɩasɩŋ niiŋ nɛ. Nʋʋkala bɩ tinteeŋ wuo beŋ, see dɩ Wɩa lɩɩsʋ a pʋ doluŋ. Nɩalɩŋ sɩɩ beŋ ma tinteeŋ ŋaa Wɩa nɛ lɩɩsɛba. 2Ŋɩɩ wɩaa, nɩɩ-la kala sɩ vɩa ʋ tinteeŋ nɩhɩasɩŋ niiŋ, ʋ tɩɩna vɩa Wɩa niiŋ wɩaa nɛ. Nɩɩ-la kala sɩ ŋaa ŋɩɩ, ʋ jaŋ leŋ dɩ Wɩa diiu sarɩya a joŋ cheeriŋ pʋ. 3Nɩalɩŋ sɩɩ ŋaa wʋzɔŋŋɔɔ bɩ fawʋllʋŋ ka fá ba tinteeŋ nɩhɩasɩŋ teeŋ, see nɩalɩŋ sɩɩ ŋaa wʋbɔŋŋɔɔ. Dɩ ŋ nɛ bɩ chɛ dɩ ŋ fɩfá fawʋllʋŋ tinteeŋ nɩhɩaŋ teeŋ, ŋɩŋaa wɩalɩŋ sɩ zɔmɔ, dɩ ʋ bɩbɛsɛ ŋ lɛ. 4Ʋ ŋaa Wɩa tɩntɩnnʋ nɛ dɩ ʋ pɛ ŋ lɛ. Ama dɩ ŋ nɩɩ ŋaa wʋbɔŋŋɔɔ, fɩfáʋ, bɛɛ wɩaa dol-la ʋ sɩ kɛnɛ, ʋ bɩ dol pɛɩ ŋaa. Ʋ ŋaa Wɩa tɩntɩnnʋ nɛ. Nʋʋkala sɩ ŋaa wʋbɔmʋŋ, Wɩa na baanɩŋ ʋ nyuŋ nɛ. Ŋɩɩ nɛ tɩɩ nɩɩ-la sɩɩ beŋ tinteeŋ jaŋ wuo dɔgɩsɛ tɩɩna. 5A tɩŋ ŋɩɩ wɩaa, máa to ma tinteeŋ kʋhɩasɩŋ niiŋ. Má sɩ́ ŋɩɩ ŋaa a tɩŋ Wɩa sɩ jaŋ na baanɩŋ ma nyuŋ dʋndʋŋa wɩaa. Ama má ŋaa ŋɩɩ dɩ ma tʋɔbɩɩnaa kala su Wɩa sɩpaaŋ. 6Wɩa sɩ lɩɩsɛ tinteeŋ nɩhɩasɩŋ, ŋɩɩ wɩaa ʋ maga dɩ ma tiŋ lampoo, bɛɛ wɩaa tinteeŋ nɩhɩasɩ-la ŋaa Wɩa tɩntɩnnaa nɛ, a tɩma pɩpɩ Wɩa. 7Má tiŋ nʋʋkala chɩmɩŋ ma sɩ die, a tiŋ lampoo ma kala sɩ maga ma tiŋ. Má fá nɩalɩŋ sɩ maga dɩ ma fá, a zil nɩalɩŋ ma sɩ maga ma zil.
Má cho ma dɔnsʋŋ tɩŋŋaa a kaa mʋ wuu
8Sɩ́ nʋʋkala chɩŋ dii. Chɩŋ-la dʋndʋŋa sɩ maga dɩ ŋ dii, ŋ bɩ jaŋ time dɛrɛ nɛ ŋ-la: Cho ŋ dɔŋɔ tɩɩna. Nɩɩ-la kala sɩ cho ʋ dɔŋɔ tɩɩna ŋaa wɩalɩŋ kala Mosis fa sɩ ŋmʋnsa bil dɩ nɩaa tuto nɛ. 9Wɩalɩŋ Mosis fa sɩ ŋmʋnsa bil dɩ nɩaa tuto dɔnsʋŋ nɛ ŋ-la: “Má sɩ́ ma dɔnsʋŋ tɩŋŋaa haala chɛ, má sɩ́ nɩaa kpʋ, má sɩ́ gaa, má sɩ́ nʋʋ kʋŋ gɩrɩma laa.” Wɩaa deemba kala arɩ wɩalɩŋ dɔnsʋŋ Mosis sɩ ŋmʋnsa bil dɩ nɩaa tuto, ba kala ŋaa wʋbala nɛ. Ʋ nɛ ŋ-la: “Cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ.” 10Dɩ ŋ nɛ cho ŋ dɔŋɔ tɩɩna, ŋ bɩ wʋbɔŋ kala jaŋ ŋaa ʋ lɛ. Ŋɩɩ wɩaa dɩ ŋ nɛ cho ŋ dɔŋɔ tɩɩna, ŋŋ to wɩalɩŋ kala Mosis fa sɩ ŋmʋnsa bil dɩ nɩaa tuto nɛ.
11Máa ŋaa wɩaa deemba. Ma paala jɩŋ bʋa deeŋ lɛ la sɩ hɛ sɩ nagɛ ŋɩɩ nɛ. Bʋa-la lɛ ma sɩ jaŋ sii doŋ lɛ yie nɛ. Bʋa-la lɛ Wɩa sɩ jaŋ laala ta dʋnɩa deeŋ lɛ faasa kpagɛ nɛ. Ʋ nɛ kpaga kɩɩ bʋa-la lɛ la sɩ laa sɩpaaŋ laa Yesu wɩaa dii. 12Taŋ kpagɛ pʋlʋŋ nɛ. Mʋa nɛ ka, ka dɩ wɩa pɔsɛ. Má saa leŋ dɩ la leŋ birimiŋ tʋɔŋ wʋŋaalaa, aŋ paa pʋlʋmʋŋ laalɩyuori kɩaa laalɛ a yuo laalɩŋ. 13Má leŋ dɩ la kɛŋ la tɩtɩa woruŋ a nagɛ nɩaa sɩ hɛ pʋlʋmʋŋ tʋɔŋ. Má sɩ́ leŋe dɩ la faasa gbieli gbieli-tɔɔnʋŋ a bubugi, a ŋɩŋaa wʋlɩɩlɩŋ aŋ pɛ ŋaa wʋbɔŋŋɔɔ. Má sɩ́ dɔŋɔ yuo, má sɩ́ leŋe dɩ ma yaraa bibieri dɔŋɔ nyuŋ. 14Má leŋ dɩ Yesu Kirisito nɛ ŋaa ma laalɩyuori kɩaa, aŋ sɩ́ ma yaraa tʋɔtɔrɛ wʋŋaalaa lɛ to.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014