Rom Tɩŋŋaa 10
10
1Mɩ naambiiriŋ, mɩ tʋɔŋ lɛ mɩ faasa cho dɩ Wɩa laa Juu tɩŋŋaa ta nɛ. Mɩ yie chʋɔlɛ Wɩa pɩpɩba arɩ sɩɩfɩɛsɩŋ nɛ. 2Mɩ jɩma arɩ ba joŋ ba nyuŋ kala hɛ Wɩa lɛ nɛ, ama ba bɩ Wɩa wombii-tɩtɩɩ-la jɩŋ. 3Ba bɩ jɩŋ wombii-la Wɩa sɩ yie leŋ ba to a kɛŋ tʋɔpʋla ʋ sɩpaaŋ, aŋ chɩchɛ dɩ ba to ba tɩtɩa wombiee. Ŋɩɩ nɛ tɩɩ ba bɩ ba tɩtɩa joŋo hɛ wombii-la Wɩa sɩ yie to a leŋ nɩaa kɛŋ tʋɔpʋla ʋ sɩpaaŋ. 4Kirisito nɛ ŋaa wɩalɩŋ kala Mosis fa sɩ ŋmʋnsa bil dɩ nɩaa tuto dɩdɛrɩŋ. Nɩɩ-la kala sɩ laa ʋ wɩaa dii jaŋ kɛŋ tʋɔpʋla Wɩa sɩpaaŋ.
Nʋʋ na-kala sɩ yɩrɛ Wɩa, ʋ jaŋ laaʋ ta
5Mosis fa ŋmʋnsa a tɩgɛ nɩalɩŋ sɩɩ to wɩalɩŋ ʋ sɩ bile dɩ nɩaa to a kɛŋ tʋɔpʋla Wɩa sɩpaaŋ, dɩ ba nɛ wuo to wɩalɩŋ, ba jaŋ kɛŋ mɩɩsɩŋ. 6Wɩalɩŋ ba sɩ bʋla Wɩa teniŋ tʋɔŋ a tɩgɛ nɩalɩŋ sɩ kɛŋ tʋɔpʋla Wɩa sɩpaaŋ a tɩŋ ba sɩ laa Wɩa dii nɛ ŋ-la: Ba sɩ, “Má sɩ́ ma tʋɔŋ lɛ bɩɩnʋ a pɩɛsɛ, ‘Kʋbɛɛ nɛ jaŋ jɩl Wɩa-jaŋ [a kɛŋ Kirisito kaa kʋ tuu]?’ 7Koo ma bɩra sɩ́ pɩɛsʋ a bʋl dɩ kʋbɛɛ nɛ jaŋ mʋ lɛlɩŋ (a kɛŋ Kirisito kaa kɔ)?” 8Ŋ-la nɛ ba bʋl Wɩa teniŋ tʋɔŋ a tɩgɛ nɩalɩŋ sɩ kɛŋ tʋɔpʋla a tɩŋ ba sɩ laa Yesu wɩaa dii lɛ: Ba sɩ, “Wɩa wʋzɔmɔ-la kpagɛma nɛ. Ba hɛ ma niiŋ lɛ a hɛ ma tʋɔŋ ma lɛ.” Wɩa wʋzɔmɔ-la laa diiniŋ wɩaa la sɩɩ bʋl. 9Dɩ ŋ nɛ jaŋ wuo suri ŋ niiŋ a bʋl arɩ Yesu nɛ ŋaa ŋ Tɩɩna, a laa dii arɩ ŋ tʋɔŋ arɩ Wɩa chɩsʋ sʋʋŋ lɛ, Wɩa jaŋ laaŋ ta, 10bɛɛ wɩaa la tʋɔŋ nɛ la yie kaa laa Yesu wɩaa dii, a kɛŋ tʋɔpʋla Wɩa sɩpaaŋ. La niiŋ ma nɛ la yie kaa bʋl arɩ Yesu nɛ La Tɩɩna, Wɩa laala ta. 11Wɩa teniŋ tʋɔŋ, ŋ-la nɛ ba bʋl: “Nʋʋ na-kala sɩ laa ʋ wɩaa dii, Wɩa bɩ jaŋ hɩɩsʋ.” 12Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, ba kala ŋaa kʋbala nɛ Wɩa teeŋ. Ʋ bɩ ba kaa pɔrɛ. Ʋ ŋaa nʋʋkala Tɩɩna nɛ. Dɩ nʋʋkala nɛ yɩrʋ, ʋ jaŋ pɛ ʋ tɩɩna lɛ woruŋ. 13Ŋ-la nɛ ba bʋl Wɩa teniŋ tʋɔŋ: “Nʋʋ na-kala sɩ yɩrɛ La Tɩɩna yɩrɩŋ dɩ ʋ laaʋ ta, ʋ jaŋ laaʋ ta.”
14Ama dɩ ba nɛ bɩ ʋ wɩaa laa dii, ɛɛ nɛ ba jaŋ ŋaa a yɩrɛ ʋ yɩrɩŋ dɩ ʋ laaba ta? Dɩ ba nɛ bɩra bɩ ʋ wɩaa nɩa, ɛɛ nɛ ba jaŋ ŋaa laa ʋ wɩaa dii? Dɩ nʋʋ ma nɛ saa bɩ ʋ wɩaa bʋla pɩba, ɛɛ nɛ ba jaŋ wuo ŋaa nɩɩ? 15Dɩ Wɩa nɛ bɩ nɩaa tɩma dɩ ba bʋl ʋ wɩaa, ɛɛ nɛ ba jaŋ wuo ŋaa bʋl ʋ wɩaa? Ba fa ŋmʋnsa Wɩa teniŋ tʋɔŋ a bʋl, “Ʋ ŋaa wʋzɔŋ nɛ nɩalɩŋ sɩɩ bʋl Wɩa wʋzɔmɔ-la sɩ kɔ.” 16Ama nɩalɩŋ sɩ kʋ nɩɩ wʋzɔmɔ-la ba kala dee bɩ laa dii. Azaaya fa bɩra bʋl wɩɩŋ deeŋ, ʋ sɩ, “La Tɩɩna, kʋbɛɛ nɛ hɛ nɩmɛ sɩ laa wɩalɩŋ la sɩ bʋla pɩba dii?” 17Ŋɩɩ wɩaa, ŋ yie nɩɩ wɩɩ nɛ a laa dii. Ba nɛ ŋaa wɩalɩŋ sɩ tɩgɛ Kirisito lɛ.
18Ama mɩ jaŋ pɩɛsɛ wɩɩŋ deeŋ: Ba bɩ Wɩa wʋzɔmɔ-la nɩaa? Ba nɩa nɛ. Ba ŋmʋnsɛ Wɩa teniŋ tʋɔŋ a tɩgɛ Wɩa wʋzɔmɔ-la lɛ a bʋl,
“Ba bʋl wɩaa deemba dʋnɩa lee-kala nɛ.
Dʋnɩa nʋʋkala nɛ nɩɩ wɩaa deemba.”
19Mɩ saa jaŋ bɩra pɩɛsɛ wɩɩŋ deeŋ: “Iziral tɩŋŋaa sɩ nɩɩ wɩalɩŋ, ba bɩ ba bʋbʋɔŋ jɩŋ?” Mosis nɛ fa laa sɩpaaŋ bʋl wɩɩŋ deeŋ a bʋl dɩ Wɩa sɩ,
“Mɩ jaŋ leŋ dɩ mɩ nɩaa yaraa bieri tintee sɩ bɩ mɩ nɩaa ŋaa wɩaa.
Mɩ jaŋ bɩra leŋ dɩ tintee nɩaa sɩ bɩ wɩɩkala jɩŋ ŋaa dɩ ma baanɩŋ sii.”
20Azaaya fa chaasa bʋl wɩɩŋ deeŋ a bʋl: Wɩa sɩ,
“Nɩalɩŋ sɩ bɩ mɩɩ chɛ, ba namɛ nɛ.
Nɩalɩŋ ma sɩ bɩ mɩ wɩaa pɩɛsɛ, mɩ kɛŋ mɩ tɩtɩa dagɛba nɛ.”
21Ama ʋ bʋl ŋ-la nɛ a tɩgɛ Iziral tɩŋŋaa lɛ:
“Mɩ chal mɩ nɩsaa faafaa kala nɛ a gbɛrɛ
nɩalɩŋ sɩ vɩamɛ a bɩ mɩ niiŋ ka to.”
Currently Selected:
Rom Tɩŋŋaa 10: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
