Matiu 25
25
Yesu magɛ namaga a tɩgɛ haalaa fii lɛ
1Ŋɩɩ nɛ Yesu bɩra magɛ namaga. Ʋ sɩ, “Wɩa kuorii-la jaŋ nagɛ ŋ-la: Hatoloo fii nɛ fa hɛ nɩmɛ. Ba sii a paa ba chaanaa a mʋ dɩ ba cheŋ ha-falɩŋ bala, hajaarɩ gbiele lɛ. 2Haalaa deemba tʋɔŋ banɔŋ yaarɛ, ka banɔŋ ma kɛŋ wʋjɩmɩŋ. 3Banɔŋ-la sɩ yaara, ba bɩ nʋʋŋ lɔgɔ kori, dɩ ba chaanaa nɛ dɩsa, dɩ ba joŋo hɛ. 4Ama banɔŋ-la sɩ kɛŋ wʋjɩmɩŋ, ba lɔgɛ nʋʋŋ kori. 5Ha-falɩŋ bala-la bɩ lɩma kɔ. Ba gbɛrɛ gbɛrɛ lɔl aŋ joŋo pɩŋ doŋ. 6Tɩta-siesee nɩaa yɩrɛ, ‘Má bee na baal-la nɩɩ kɔ, má kʋ lɩɩ chemu.’ 7Ŋɩɩ nɛ haala-la kala sii a kɛŋ ba chaanaa ŋmɛnɩŋ yige ta dɩ ba jɩl. 8Ŋɩɩ nɛ nɩyaara-la bʋla pɩ wʋjɩnna-la, ‘La chaanaa chɛ dɩ ba dɩsɛ nɛ, má pɩla nʋʋŋ mʋa.’ 9Ŋɩɩ nɛ wʋjɩnna-la bʋla pɩba, ‘Aɩ, ŋ bɩ pɔ nʋʋ-la bɩ jaŋ yi la kala. Má mʋ yɔɔ ma tɩtɩa nʋʋŋ.’ 10Ŋɩɩ nɛ ba mʋ dɩ ba yɔɔ. Ba sɩ mʋa dɩ ba yɔɔ nʋʋ-la, ha-falɩŋ bala-la kɔ. Haala-la banɔŋ fa sɩ ŋaa siri, ba to ʋ harɩŋ a jʋʋ hajaarɩ gbiele-la leriŋ, ka ba kɛŋ boiŋ tɔ. 11Ʋ ŋɩɩ harɩŋ lɛ haalaa banɔŋ-la kʋkaanaa ma kɔ a bʋl, ‘La Tɩɩna, La Tɩɩna, kɛŋ boro suro pɩla.’ 12Ŋɩɩ nɛ ʋ bʋl, ‘Wʋtɩtɩɩ, mɩ bʋlaa pɩma, mɩ bɩ ma jɩŋ.’ 13Ŋɩɩ wɩaa má pɔ ma tɩtɩa lɛ woruŋ. Ma bɩ jɩŋ chɛɛ-la koo bʋa-la lɛ mɩ-na Yesu sɩ jaŋ mɩɩra kɔ.”
Yesu magɛ namaga a tɩgɛ tɩntɩnnaa batori lɛ
Luuk 19.11-27
14Ŋɩɩ nɛ Yesu bɩra magɛ namaga a tɩgɛ Wɩa kuorii-la lɛ. Ʋ sɩ, “Bʋa kʋbala lɛ Wɩa kuorii-la jaŋ nagɛ baal kʋbala sɩ kɛŋ ʋ tɩntɩnnaa. Tapʋlɩɩ kʋbala ʋ sii dɩ ʋ vɛŋ wombiiŋ, a yɩrɛ ʋ tɩntɩnna-la ba kɔ. Ʋ joŋ ʋ kɩaa hɛ ba nɩsɩŋ lɛ dɩ ba bibeŋ. 15Ʋ kɛŋ kɩalɩŋ kaa kpaaba a magɛ ŋɩɩ nʋʋkala sɩ jaŋ wuo beŋ nɛ. Ʋ joŋ warɩpʋla bʋɩ zɔɔ-balɩa a pɩ dɔŋɔ dɩ ʋ bibeŋ, a joŋ warɩpʋla bʋɩ mahɩŋ banɛsɛ a pɩ dɔŋɔ ma, aŋ joŋ warɩpʋla bʋɩ mahɩŋ balɩa a pɩ dɔŋɔ ma. Ŋɩɩ nɛ ka ʋ vɛŋ ʋ wombii-la. 16Tɩntɩnnʋ-la sɩ laa warɩpʋla bʋɩ zɔɔ-balɩa, ʋ kaa mʋ a yɔɔ kɩaa a yallɛ a na warɩpʋla bʋɩ zɔɔ-balɩa nyʋʋrʋŋ. 17Tɩntɩnnʋ-la ma sɩ laa warɩpʋla bʋɩ mahɩŋ banɛsɛ-la, ʋ ma kɛŋ ʋ kɩaa bɩbɩrɩmɛ, a ma na warɩpʋla bʋɩ mahɩŋ banɛsɛ nyʋʋrʋŋ. 18Ama tɩntɩnnʋ-la sɩ laa warɩpʋla bʋɩ mahɩŋ balɩa-la, ʋ-na kaa mʋ lu bʋa a joŋ moribie-la a hugi.
19Ʋ dieni woruŋ, ka tɩntɩnna-la batori kʋhɩaŋ-la kɔ a yɩrɛba dɩ ʋ na ba kʋŋkala sɩ kɛŋ moribie-la tɩŋ ŋɩɩ. 20Tɩntɩnnʋ-la sɩ laa warɩpʋla bʋɩ zɔɔ-balɩa-la kɛŋ ʋ kɩaa kʋ jʋʋ aŋ bʋla pɩ ʋ kʋhɩaŋ, ‘Ŋ pɩmɛ warɩpʋla bʋɩ zɔɔ-balɩa nɛ, mɩ ma na warɩpʋla bʋɩ zɔɔ-balɩa nɛ a pɛ.’ 21Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-tɩtɩɩ nɛ. Ŋ hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’ 22Ŋɩɩ nɛ tɩntɩnnʋ-la ma sɩ laa warɩpʋla bʋɩ mahɩŋ banɛsɛ kɛŋ ʋ kɩaa kaa kʋ jʋʋ a bʋla pɩ ʋ kʋhɩaŋ, ‘Ŋ pɩmɛ warɩpʋla bʋɩ mahɩŋ banɛsɛ nɛ. Mɩ ma na warɩpʋla bʋɩ mahɩŋ banɛsɛ nɛ a pɛ.’ 23Ŋɩɩ nɛ ʋ bʋla pɩ ʋ ma, ‘Ŋ ma ŋaa tɩntɩnnɩ-tɩtɩɩ nɛ, ŋ ma hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’ 24Ŋɩɩ nɛ tɩntɩnnʋ-la ʋ sɩ joŋ warɩpʋla bʋɩ mahɩŋ balɩa pa, ʋ ma kʋ jʋʋ a bʋl, ‘Mɩ kʋhɩaŋ, mɩ jɩma arɩ ŋ ŋaa nɩtɛrɛ nɛ, ŋ yie kʋkʋŋ kɩalɩŋ ŋ sɩ bɩ duo nɛ aŋ pɩpaa kɩaa lee-la ŋ sɩ bɩ tɩma. 25Ŋɩɩ nɛ tɩɩ mɩ fɩfáŋ a joŋ moribie-la a hugi tinteeŋ dɩ ŋ kɔ. Laa ŋ moribiee.’ 26Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-bɔŋ nɛ a kɛŋ yarɩwɩɩŋ. Ŋ jɩma arɩ mɩ yie kʋkʋŋ kɩalɩŋ mɩ sɩ bɩ duo nɛ a paa kɩaa lee-la mɩ sɩ bɩ tɩma. 27Ŋ sɩ jɩŋ ŋ-la lɛ, ʋ fa maga dɩ ŋ joŋ mɩ moribiee bil lee-la ba sɩɩ bil moribiee nɛ. Mɩ fa sɩ mɩɩra kɔ ŋ-la, mɩ fa jaŋ laa moribie-la arɩ mɩ nyʋʋrʋŋ kala. 28Ŋɩɩ-na má laa moribie-la ʋ teeŋ a joŋo pɩ nɩɩ-la sɩ kɛŋ warɩpʋla bʋɩ zɔɔ-banɛsɛ-la.’ ” 29Ŋɩɩ nɛ Yesu bʋla pɩba, “Nɩɩ-la sɩ paala kɛŋ kɩaa yʋgɛ nɛ Wɩa jaŋ wasa chɛ a pɛ pa dɩ ʋ kaa yʋgɛ kɩŋkɛŋ, ama nɩɩ-la sɩ bɩ faasa kɛŋ kɩaa yʋgɛ, mʋapɩlɩɩ-la ma ʋ sɩ kɛnɛ, Wɩa jaŋ kaa laa ʋ teeŋ. 30Má kɛŋ tɩntɩnnɩ-bɔŋ-la a joŋu yuo ta birimiŋ tʋɔŋ. Lee-la nɛ nɩaa jaŋ yel aŋ chɩchaŋ ba nyɩlaa.
Sarɩya chɛ-diiliŋ sɩ jaŋ yi
31Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ. 32Dʋnɩa nɩaa kala jaŋ kʋ hilimi mɩ sɩpaaŋ. Mɩ jaŋ kɛmba kaa kpaa leree balɩa, a nagɛ pie-daara sɩ yie kɛŋ ʋ piesee pɔrɛ bʋʋnaa lɛ ŋɩɩ. 33Mɩ jaŋ leŋ dɩ tʋɔpʋl tɩŋŋaa chɩŋ mɩ nadiiŋ, ka dɩ tʋɔ-bɔŋ tɩŋŋaa ma chɩŋ mɩ nagʋa. 34Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ, 35bɛɛ wɩaa, bʋa-la lɛ losuŋ fa sɩ kɛmmɛ, ma ŋaa kʋdiilee pɩmɛ nɛ, bʋa-la lɛ lɩɩnyʋasʋŋ ma fa sɩ kɛmmɛ, ma ŋaa lɩɩŋ pɩmɛ mɩ nyʋa nɛ. Bʋa-la lɛ mɩ fa sɩ ŋaa nʋhʋɔrʋ, ma kɛmmɛ woruŋ nɛ. 36Bʋa-la lɛ mɩ fa kɛŋ yarɩ-biree nɛ, ma joŋ gɛrɩŋ laalɛmɛ. Bʋa-la lɛ mɩ fa sɩɩ wɩɩlʋ, ma beŋ mɩ nyuŋ nɛ, bʋa-la lɛ ba sɩ kɛmmɛ tɔ dɩa, ma kʋ namɛ nɛ.’ 37Tʋɔpʋl tɩmma-la jaŋ pɩɛsɛmɛ, ‘La Tɩɩna, chɛ bɛɛ nɛ la naŋ dɩ losuŋ kɛnɩŋ la joŋ kʋdiilee pɩŋ, chɛ bɛɛ nɛ lɩɩnyʋasʋŋ kɛnɩŋ la ŋaa lɩɩŋ pɩŋ? 38Chɛ bɛɛ nɛ la naŋ dɩ ŋ ŋaa nʋhʋɔrʋ la kɛnɩŋ woruŋ, koo chɛ bɛɛ nɛ la naŋ dɩ ŋ kɛŋ yarɩ-biree la joŋ gɛrɩŋ laalɩŋ? 39Chɛ bɛɛ nɛ la naŋ dɩ ŋ wɩɩlʋ, koo dɩ ba kɛnɩŋ tɔ dɩa la kʋ naŋ?’ 40Mɩ-na Kuoro jaŋ bʋla pɩba, ‘Wʋtɩtɩɩ nɛ mɩ bʋlaa pɩma, bʋa-la kala lɛ ma sɩ ŋaa wʋzɔmʋŋ a pɩ mɩ naambiiriŋ deemba tʋɔŋ nɩɩ-la sɩ bɩ lee kɛnɛ, ma ŋaa ŋɩɩ pɩmɛ nɛ.’ 41Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ, 42bɛɛ wɩaa bʋa-la lɛ losuŋ fa sɩ kɛmmɛ, ma bɩ kʋdiilee ŋaa pɩmɛ, bʋa-la lɩɩnyʋasʋŋ fa sɩ kɛmmɛ, ma bɩ lɩɩŋ ŋaa pɩmɛ. 43Bʋa-la lɛ mɩ fa sɩ ŋaa nʋhʋɔrʋ, ma bɩ mɩ kɛnɛ woruŋ. Bʋa-la lɛ mɩ fa sɩ kɛŋ yarɩ-biree ma, ma bɩ gɛrɩŋ joŋo laalɛmɛ. Bʋa-la lɛ mɩ fa sɩɩ wɩɩlʋ ma, ma bɩ mɩ nyuŋ bene. Bʋa-la lɛ ba sɩ kɛmmɛ tɔ dɩa ma, ma bɩ kʋ namɛ.’ 44Ŋɩɩ nɛ ba jaŋ pɩɛsɛ mɩ-na kuoro, ‘La Tɩɩna, chɛ bɛɛ nɛ losuŋ kɛnɩŋ koo lɩɩnyʋasʋŋ kɛnɩŋ koo ŋ fa ŋaa nʋhʋɔrʋ, koo ŋ fa kɛŋ yarɩ-biree koo ŋ fa wʋwɩɩlɛ, koo ba kɛnɩŋ tɔ dɩa aŋ ka la bɩ ŋ lɛ pɛ?’ 45Mɩ jaŋ bʋl, ‘Wʋtɩtɩɩ nɛ, bʋa-la kala lɛ ma sɩ vɩa dɩ ma pɛ nɩɩ-la sɩ bɩ lee kɛnɛ mɩ nɩaa tʋɔŋ, ma vɩa dɩ ma pɛ mɩ ma lɛ nɛ ŋɩɩ.’ 46Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”
Currently Selected:
Matiu 25: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 25
25
Yesu magɛ namaga a tɩgɛ haalaa fii lɛ
1Ŋɩɩ nɛ Yesu bɩra magɛ namaga. Ʋ sɩ, “Wɩa kuorii-la jaŋ nagɛ ŋ-la: Hatoloo fii nɛ fa hɛ nɩmɛ. Ba sii a paa ba chaanaa a mʋ dɩ ba cheŋ ha-falɩŋ bala, hajaarɩ gbiele lɛ. 2Haalaa deemba tʋɔŋ banɔŋ yaarɛ, ka banɔŋ ma kɛŋ wʋjɩmɩŋ. 3Banɔŋ-la sɩ yaara, ba bɩ nʋʋŋ lɔgɔ kori, dɩ ba chaanaa nɛ dɩsa, dɩ ba joŋo hɛ. 4Ama banɔŋ-la sɩ kɛŋ wʋjɩmɩŋ, ba lɔgɛ nʋʋŋ kori. 5Ha-falɩŋ bala-la bɩ lɩma kɔ. Ba gbɛrɛ gbɛrɛ lɔl aŋ joŋo pɩŋ doŋ. 6Tɩta-siesee nɩaa yɩrɛ, ‘Má bee na baal-la nɩɩ kɔ, má kʋ lɩɩ chemu.’ 7Ŋɩɩ nɛ haala-la kala sii a kɛŋ ba chaanaa ŋmɛnɩŋ yige ta dɩ ba jɩl. 8Ŋɩɩ nɛ nɩyaara-la bʋla pɩ wʋjɩnna-la, ‘La chaanaa chɛ dɩ ba dɩsɛ nɛ, má pɩla nʋʋŋ mʋa.’ 9Ŋɩɩ nɛ wʋjɩnna-la bʋla pɩba, ‘Aɩ, ŋ bɩ pɔ nʋʋ-la bɩ jaŋ yi la kala. Má mʋ yɔɔ ma tɩtɩa nʋʋŋ.’ 10Ŋɩɩ nɛ ba mʋ dɩ ba yɔɔ. Ba sɩ mʋa dɩ ba yɔɔ nʋʋ-la, ha-falɩŋ bala-la kɔ. Haala-la banɔŋ fa sɩ ŋaa siri, ba to ʋ harɩŋ a jʋʋ hajaarɩ gbiele-la leriŋ, ka ba kɛŋ boiŋ tɔ. 11Ʋ ŋɩɩ harɩŋ lɛ haalaa banɔŋ-la kʋkaanaa ma kɔ a bʋl, ‘La Tɩɩna, La Tɩɩna, kɛŋ boro suro pɩla.’ 12Ŋɩɩ nɛ ʋ bʋl, ‘Wʋtɩtɩɩ, mɩ bʋlaa pɩma, mɩ bɩ ma jɩŋ.’ 13Ŋɩɩ wɩaa má pɔ ma tɩtɩa lɛ woruŋ. Ma bɩ jɩŋ chɛɛ-la koo bʋa-la lɛ mɩ-na Yesu sɩ jaŋ mɩɩra kɔ.”
Yesu magɛ namaga a tɩgɛ tɩntɩnnaa batori lɛ
Luuk 19.11-27
14Ŋɩɩ nɛ Yesu bɩra magɛ namaga a tɩgɛ Wɩa kuorii-la lɛ. Ʋ sɩ, “Bʋa kʋbala lɛ Wɩa kuorii-la jaŋ nagɛ baal kʋbala sɩ kɛŋ ʋ tɩntɩnnaa. Tapʋlɩɩ kʋbala ʋ sii dɩ ʋ vɛŋ wombiiŋ, a yɩrɛ ʋ tɩntɩnna-la ba kɔ. Ʋ joŋ ʋ kɩaa hɛ ba nɩsɩŋ lɛ dɩ ba bibeŋ. 15Ʋ kɛŋ kɩalɩŋ kaa kpaaba a magɛ ŋɩɩ nʋʋkala sɩ jaŋ wuo beŋ nɛ. Ʋ joŋ warɩpʋla bʋɩ zɔɔ-balɩa a pɩ dɔŋɔ dɩ ʋ bibeŋ, a joŋ warɩpʋla bʋɩ mahɩŋ banɛsɛ a pɩ dɔŋɔ ma, aŋ joŋ warɩpʋla bʋɩ mahɩŋ balɩa a pɩ dɔŋɔ ma. Ŋɩɩ nɛ ka ʋ vɛŋ ʋ wombii-la. 16Tɩntɩnnʋ-la sɩ laa warɩpʋla bʋɩ zɔɔ-balɩa, ʋ kaa mʋ a yɔɔ kɩaa a yallɛ a na warɩpʋla bʋɩ zɔɔ-balɩa nyʋʋrʋŋ. 17Tɩntɩnnʋ-la ma sɩ laa warɩpʋla bʋɩ mahɩŋ banɛsɛ-la, ʋ ma kɛŋ ʋ kɩaa bɩbɩrɩmɛ, a ma na warɩpʋla bʋɩ mahɩŋ banɛsɛ nyʋʋrʋŋ. 18Ama tɩntɩnnʋ-la sɩ laa warɩpʋla bʋɩ mahɩŋ balɩa-la, ʋ-na kaa mʋ lu bʋa a joŋ moribie-la a hugi.
19Ʋ dieni woruŋ, ka tɩntɩnna-la batori kʋhɩaŋ-la kɔ a yɩrɛba dɩ ʋ na ba kʋŋkala sɩ kɛŋ moribie-la tɩŋ ŋɩɩ. 20Tɩntɩnnʋ-la sɩ laa warɩpʋla bʋɩ zɔɔ-balɩa-la kɛŋ ʋ kɩaa kʋ jʋʋ aŋ bʋla pɩ ʋ kʋhɩaŋ, ‘Ŋ pɩmɛ warɩpʋla bʋɩ zɔɔ-balɩa nɛ, mɩ ma na warɩpʋla bʋɩ zɔɔ-balɩa nɛ a pɛ.’ 21Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-tɩtɩɩ nɛ. Ŋ hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’ 22Ŋɩɩ nɛ tɩntɩnnʋ-la ma sɩ laa warɩpʋla bʋɩ mahɩŋ banɛsɛ kɛŋ ʋ kɩaa kaa kʋ jʋʋ a bʋla pɩ ʋ kʋhɩaŋ, ‘Ŋ pɩmɛ warɩpʋla bʋɩ mahɩŋ banɛsɛ nɛ. Mɩ ma na warɩpʋla bʋɩ mahɩŋ banɛsɛ nɛ a pɛ.’ 23Ŋɩɩ nɛ ʋ bʋla pɩ ʋ ma, ‘Ŋ ma ŋaa tɩntɩnnɩ-tɩtɩɩ nɛ, ŋ ma hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’ 24Ŋɩɩ nɛ tɩntɩnnʋ-la ʋ sɩ joŋ warɩpʋla bʋɩ mahɩŋ balɩa pa, ʋ ma kʋ jʋʋ a bʋl, ‘Mɩ kʋhɩaŋ, mɩ jɩma arɩ ŋ ŋaa nɩtɛrɛ nɛ, ŋ yie kʋkʋŋ kɩalɩŋ ŋ sɩ bɩ duo nɛ aŋ pɩpaa kɩaa lee-la ŋ sɩ bɩ tɩma. 25Ŋɩɩ nɛ tɩɩ mɩ fɩfáŋ a joŋ moribie-la a hugi tinteeŋ dɩ ŋ kɔ. Laa ŋ moribiee.’ 26Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-bɔŋ nɛ a kɛŋ yarɩwɩɩŋ. Ŋ jɩma arɩ mɩ yie kʋkʋŋ kɩalɩŋ mɩ sɩ bɩ duo nɛ a paa kɩaa lee-la mɩ sɩ bɩ tɩma. 27Ŋ sɩ jɩŋ ŋ-la lɛ, ʋ fa maga dɩ ŋ joŋ mɩ moribiee bil lee-la ba sɩɩ bil moribiee nɛ. Mɩ fa sɩ mɩɩra kɔ ŋ-la, mɩ fa jaŋ laa moribie-la arɩ mɩ nyʋʋrʋŋ kala. 28Ŋɩɩ-na má laa moribie-la ʋ teeŋ a joŋo pɩ nɩɩ-la sɩ kɛŋ warɩpʋla bʋɩ zɔɔ-banɛsɛ-la.’ ” 29Ŋɩɩ nɛ Yesu bʋla pɩba, “Nɩɩ-la sɩ paala kɛŋ kɩaa yʋgɛ nɛ Wɩa jaŋ wasa chɛ a pɛ pa dɩ ʋ kaa yʋgɛ kɩŋkɛŋ, ama nɩɩ-la sɩ bɩ faasa kɛŋ kɩaa yʋgɛ, mʋapɩlɩɩ-la ma ʋ sɩ kɛnɛ, Wɩa jaŋ kaa laa ʋ teeŋ. 30Má kɛŋ tɩntɩnnɩ-bɔŋ-la a joŋu yuo ta birimiŋ tʋɔŋ. Lee-la nɛ nɩaa jaŋ yel aŋ chɩchaŋ ba nyɩlaa.
Sarɩya chɛ-diiliŋ sɩ jaŋ yi
31Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ. 32Dʋnɩa nɩaa kala jaŋ kʋ hilimi mɩ sɩpaaŋ. Mɩ jaŋ kɛmba kaa kpaa leree balɩa, a nagɛ pie-daara sɩ yie kɛŋ ʋ piesee pɔrɛ bʋʋnaa lɛ ŋɩɩ. 33Mɩ jaŋ leŋ dɩ tʋɔpʋl tɩŋŋaa chɩŋ mɩ nadiiŋ, ka dɩ tʋɔ-bɔŋ tɩŋŋaa ma chɩŋ mɩ nagʋa. 34Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ, 35bɛɛ wɩaa, bʋa-la lɛ losuŋ fa sɩ kɛmmɛ, ma ŋaa kʋdiilee pɩmɛ nɛ, bʋa-la lɛ lɩɩnyʋasʋŋ ma fa sɩ kɛmmɛ, ma ŋaa lɩɩŋ pɩmɛ mɩ nyʋa nɛ. Bʋa-la lɛ mɩ fa sɩ ŋaa nʋhʋɔrʋ, ma kɛmmɛ woruŋ nɛ. 36Bʋa-la lɛ mɩ fa kɛŋ yarɩ-biree nɛ, ma joŋ gɛrɩŋ laalɛmɛ. Bʋa-la lɛ mɩ fa sɩɩ wɩɩlʋ, ma beŋ mɩ nyuŋ nɛ, bʋa-la lɛ ba sɩ kɛmmɛ tɔ dɩa, ma kʋ namɛ nɛ.’ 37Tʋɔpʋl tɩmma-la jaŋ pɩɛsɛmɛ, ‘La Tɩɩna, chɛ bɛɛ nɛ la naŋ dɩ losuŋ kɛnɩŋ la joŋ kʋdiilee pɩŋ, chɛ bɛɛ nɛ lɩɩnyʋasʋŋ kɛnɩŋ la ŋaa lɩɩŋ pɩŋ? 38Chɛ bɛɛ nɛ la naŋ dɩ ŋ ŋaa nʋhʋɔrʋ la kɛnɩŋ woruŋ, koo chɛ bɛɛ nɛ la naŋ dɩ ŋ kɛŋ yarɩ-biree la joŋ gɛrɩŋ laalɩŋ? 39Chɛ bɛɛ nɛ la naŋ dɩ ŋ wɩɩlʋ, koo dɩ ba kɛnɩŋ tɔ dɩa la kʋ naŋ?’ 40Mɩ-na Kuoro jaŋ bʋla pɩba, ‘Wʋtɩtɩɩ nɛ mɩ bʋlaa pɩma, bʋa-la kala lɛ ma sɩ ŋaa wʋzɔmʋŋ a pɩ mɩ naambiiriŋ deemba tʋɔŋ nɩɩ-la sɩ bɩ lee kɛnɛ, ma ŋaa ŋɩɩ pɩmɛ nɛ.’ 41Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ, 42bɛɛ wɩaa bʋa-la lɛ losuŋ fa sɩ kɛmmɛ, ma bɩ kʋdiilee ŋaa pɩmɛ, bʋa-la lɩɩnyʋasʋŋ fa sɩ kɛmmɛ, ma bɩ lɩɩŋ ŋaa pɩmɛ. 43Bʋa-la lɛ mɩ fa sɩ ŋaa nʋhʋɔrʋ, ma bɩ mɩ kɛnɛ woruŋ. Bʋa-la lɛ mɩ fa sɩ kɛŋ yarɩ-biree ma, ma bɩ gɛrɩŋ joŋo laalɛmɛ. Bʋa-la lɛ mɩ fa sɩɩ wɩɩlʋ ma, ma bɩ mɩ nyuŋ bene. Bʋa-la lɛ ba sɩ kɛmmɛ tɔ dɩa ma, ma bɩ kʋ namɛ.’ 44Ŋɩɩ nɛ ba jaŋ pɩɛsɛ mɩ-na kuoro, ‘La Tɩɩna, chɛ bɛɛ nɛ losuŋ kɛnɩŋ koo lɩɩnyʋasʋŋ kɛnɩŋ koo ŋ fa ŋaa nʋhʋɔrʋ, koo ŋ fa kɛŋ yarɩ-biree koo ŋ fa wʋwɩɩlɛ, koo ba kɛnɩŋ tɔ dɩa aŋ ka la bɩ ŋ lɛ pɛ?’ 45Mɩ jaŋ bʋl, ‘Wʋtɩtɩɩ nɛ, bʋa-la kala lɛ ma sɩ vɩa dɩ ma pɛ nɩɩ-la sɩ bɩ lee kɛnɛ mɩ nɩaa tʋɔŋ, ma vɩa dɩ ma pɛ mɩ ma lɛ nɛ ŋɩɩ.’ 46Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014