Matiu 24
24
Yesu bʋl Wɩa dɩɩ-balɩŋ ŋmoo lonuŋ wɩaa
Maak 13.1-2; Luuk 21.5-6
1Ŋɩɩ nɛ Yesu sii lɩɩ Wɩa dɩɩ-balɩŋ lɛ a mʋmʋ. Ʋ harɩ-tooroo kɔ a bʋla pʋ dɩ ʋ bee na Wɩa dɩɩ-bal-la arɩ ʋ dɩɩsɩŋ kala sɩ zɔmɔ ŋɩɩ. 2Ŋɩɩ nɛ Yesu sɩ, “Ma bee na ʋ sɩ zɔmɔ ŋɩɩ, ama, mɩ bʋlaa pɩma, ba jaŋ ŋmoo dɩa-la kala lo. Ba bɩ jaŋ leŋ dɩ tie-bii-bala ma ka daŋ ʋ dɔŋɔ lɛ.”
Ba jaŋ dɔgɩsɛ nɩalɩŋ sɩ laa Yesu wɩaa dii
Maak 13.3-13; Luuk 21.7-19
3Ŋɩɩ nɛ Yesu mʋ hɔŋ Olif peel-la nyuŋ. Ʋ harɩ-tooroo lʋara kɔ ʋ teeŋ a bɩra pɩɛsʋ, “Bʋa bɛɛ lɛ nɛ wɩaa deemba jaŋ ŋaa? Wʋbɛɛ ba nɛ la jaŋ na a jɩŋ bʋa-la lɛ ŋ sɩ jaŋ kɔ, arɩ bʋa-la lɛ dʋnɩa sɩ jaŋ dɛrɛ?” 4Ŋɩɩ nɛ Yesu bʋla pɩba, “Má kɛŋ ma tɩtɩa woruŋ dɩ nʋʋkala sí ma nyɩsʋ. 5Nɩaa jaŋ yʋgɛ a kɔ a joŋ ba yɩrɩŋ hɛ arɩ ba nɛ ŋaa Kirisito, a nyɩsɛ nɩaa yʋgɛ. 6Ma jaŋ nɩɩ arɩ laalɩŋ hɛ daha a hɛ dɩ-bolii. Dɩ ma nɛ kʋ nɩɩ ŋɩɩ, má sɩ́ leŋe dɩ ma bɔyɛ joŋ. Wɩaa deemba kala jaŋ ŋaa bal, ama dʋnɩa dɩdɛrɩŋ ha dee ŋɩɩ. 7Tinteeŋ nɩaa jaŋ sii a mʋ a yuo tinteeŋ dɔŋɔ nɩaa. Taŋ kuoro arɩ ʋ nɩaa jaŋ sii gire mʋ yuo kuoro dɔŋɔ arɩ ʋ nɩaa. Losuŋ ma jaŋ jʋʋ. Tinteeŋ jaŋ zigili leree yʋgɛ. 8Hɛɛŋ dɩ-suomuŋ nɛ ŋ-la.
9Ba jaŋ kɛsɛma a jomma hɛ nɩaa nɩsɩŋ lɛ dɩ ba dɔgɩsɛma aŋ kpʋ ma dɔnsʋŋ. Tinteyee nɩaa kala jaŋ bɛrɛma a tɩŋ mɩ wɩaa. 10Bʋa-la lɛ nɩaa jaŋ yʋgɛ a joŋ ba Wɩa laa diiniŋ ta, ba jaŋ joŋ dɔŋɔ yɩyallɛ, a bɛrɛ dɔŋɔ ma. 11Nɩalɩŋ sɩ nyɩɛ wɩaa arɩ ba ŋaa Wɩa wʋlaabʋllaa jaŋ yʋgɛ a kɔ a nyɩsɛ nɩaa yʋgɛ. 12Wʋbɔŋŋɔɔ jaŋ pʋrɩgɛ. A tɩŋ ŋɩɩ wɩaa, nɩaa fa sɩ cho nɩaa ŋɩɩ, ba chono-la jaŋ dɛrɛ. 13Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta. 14Ba jaŋ laa sɩpaaŋ bʋl Wɩa wʋzɔmɔ-la a tɩgɛ Wɩa kuorii-la lɛ lee-na kala dɩ dʋnɩa nʋʋkala nɩɩ, ka dɩ dʋnɩa dɩdɛrɩŋ-na yi.
Yesu bʋl wɩaa a tɩgɛ kʋlɔrʋ-la sɩ jaŋ hɛ nɩmɛ
Maak 13.14-23; Luuk 21.20-24
15Ma jaŋ na kʋ-la sɩ kɛŋ disiniŋ aa chei leriŋ, kʋ-la wɩaa Wɩa wʋlaabʋlla Danɩɛl fa sɩ bʋla. Ba jaŋ joŋ kʋ-la bil Wɩa dɩa lɛ, lee-la sɩ bɩ disiniŋ kɛnɛ (lee-la nɩɩ-la sɩ kɛŋ disiniŋ sɩ bɩ maga dɩ ʋ mʋ). Ma nɩalɩŋ sɩ karɩmɛ wɩaa deemba, ma jaŋ jɩŋ ba bʋbʋɔŋ. 16Dɩ ma nɛ na ŋɩɩ, má leŋ dɩ nɩalɩŋ sɩ hɛ Judiya lɛ fá jɩl peelee nyuŋ a faa. 17Dɩ nʋʋ nɛ hɛ ʋ lusuŋ nyuŋ a nɩɩ wɩaa deemba, ʋ sɩ kʋ tuu a chɩchɛ dɩ ʋ paa ʋ kɩaa dɩa lɛ. 18Dɩ nʋʋkala nɛ hɛ ʋ baga lɛ a nɩɩ wɩaa deemba, dɩ ʋ sɩ́ mɩɩra mʋ dɩa a chɩchɛ dɩ ʋ paa ʋ gɛnnɩŋ. 19Hapuugoo arɩ nɩalɩŋ sɩ nɔgɛ biiriŋ, oi, ba jaŋ na hɛɛŋ woruŋ. 20Má sʋl Wɩa dɩ wɩɩŋ deeŋ sɩ́ waarɩŋ bʋa koo chɛ-wiesi-la chɛɛŋ ŋaa. 21Wɩa sɩ ŋaa dʋnɩa a kuu lɩɩ jɩnɩŋ, nʋʋkala ha bɩ hɛɛ-doho deeŋ na a nagɛ ŋɩɩ, ba bɩra bɩ jaŋ na hɛɛŋ ŋɩɩ a kaa mʋ wuu. 22Dɩ Wɩa nɛ bɩ tapʋlɩa-la kere ta, nɩbala ma bɩ jaŋ ka. Ama nɩalɩŋ Wɩa sɩ lɩɩsa dɩ baa tou, ba wɩaa nɛ tɩɩ ʋ jaŋ keri tapʋlɩa-la ta. 23Dɩ nʋʋkala nɛ bʋla pɩŋ dɩ ŋ beŋ daha a na Kirisito-la, koo dɩ ŋ beŋ nɩmɛ a naʋ, sɩ́ ʋ laa dii. 24Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo. 25Wɩaa deemba kala mɩ laa sɩpaaŋ bʋlaa pɩma nɛ, ka dɩ bʋa-la-na yi. 26Má bee na, dɩ nɩaa nɛ bʋla pɩma arɩ nɩɩ-la Wɩa sɩ lɩɩsa nɛ hɛ tintee-hɩlɩŋ tʋɔŋ, má sɩ́ nɩmɛ mʋ, koo dɩ ba nɛ bʋla pɩma arɩ ʋ nɛ faa daha, má sɩ́ laa dii, 27bɛɛ wɩaa bʋa-la lɛ mɩ-na Nuhuobiine Bie sɩ jaŋ mɩɩra kɔ, ʋ jaŋ nagɛ duonuŋ sɩ lɩgɩsa pʋlʋmʋŋ chaanɛ wɩa-nyuŋ ŋɩɩ a lɩɩ wɩɩpɔsʋŋ a tuu wɩɩjʋʋlʋŋ. 28Lee-la kala kʋpʋa sɩ pɩna, duunuŋ ma yie hihilimi nɩmɛ nɛ.”
Nuhuobiine Bie kɔɔnʋŋ wɩaa
Maak 13.24-27; Luuk 21.25-28
29Ŋɩɩ nɛ Yesu bɩra bʋla pɩba, “Tapʋlɩa-la hɛɛŋ deeŋ sɩ jaŋ dɛrɛ, ʋ bɩra bɩ jaŋ dieni dɩ taŋ nɛ pʋla ma, leriŋ jaŋ biri, chɛnɛ ma bɩra bɩ jaŋ pɔsɛ. Chɛnwʋlaa jaŋ lɩɩ wɩa-nyuŋ kʋ tuu titel. Ba jaŋ kiri wɩa-nyuŋ kɩalɩŋ kala sɩ kɛŋ doluŋ dɩ ba lɩɩ ba leree. 30Ŋɩɩ nɛ ma jaŋ na mɩ-na Nuhuobiine Bie magɩlɩŋ wɩa-nyuŋ. Dɩ dʋnɩa nɩaa nɛ naʋ, ba kala jaŋ yel. Ŋɩɩ lɛ nɛ ma jaŋ na mɩ-na Nuhuobiine Bie, dɩ mɩ to duoŋ-bɩlɩmbaanaa tʋɔŋ kʋʋ tuu. Mɩ jaŋ kɛŋ doluŋ yʋgɛ a chaanɛ. 31Ŋɩɩ nɛ ba jaŋ ŋmʋʋ nyil-balɩŋ, a tɩŋ Wɩa tɩndaaraa dɩ ba mʋ dʋnɩa sɛmɛ-na kala a kɛŋ nɩalɩŋ kala Wɩa sɩ lɩɩsa ba tutou a hilimi.
Yesu bʋl sɔjaamɩŋ wɩaa
Maak 13.28-31; Luuk 21.29-33
32Ma gʋnnɛ wɩɩŋ deeŋ a lɩɩ sɔjaamɩŋ lɛ. Dɩ ma nɛ na sɔjaamɩŋ kʋʋ tɔsɛ, ma jɩma arɩ lɩmbaŋa yie nɛ. 33Namaga deeŋ dagɛma wʋjɩmɩŋ nɛ. Dɩ ma na wɩaa deemba kala dɩ baa ŋaa, ma jɩŋ dɩ mɩ-na Nuhuobiine Bie kɔɔnʋŋ kpaga nɛ. 34Wʋtɩtɩɩ nɛ mɩ bʋlaa pɩma, ma lɛɛlɛ nɩaa deemba sɩ hɛ ma mɩɩsɩŋ lɛ bɩ jaŋ sʋʋ, ka wɩaa deemba ŋaa. 35Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.
Yesu bʋla dɩ ʋ jaŋ kɔ bʋa-la lɛ la sɩ bɩ ʋ yɩɛla
Maak 13.32-37; Luuk 17.26-30, 34-36
36Ama nʋʋkala bɩ jaŋ jɩŋ chɛɛ-la koo bʋa-la lɛ wɩaa deemba sɩ jaŋ ŋaa. Wɩa tɩndaaraa sɩ hɛ Wɩa-jaŋ koo mɩ-na Nuhuobiine Bie ma paala bɩ jaŋ jɩŋ, see mɩ Nyɩmma dʋndʋŋa. 37Bʋa-la lɛ mɩ-na Nuhuobiine Bie sɩ jaŋ mɩɩra kɔ, ʋ jaŋ nagɛ bʋa-la lɛ Nowa fa sɩ hɛ ʋ mɩɩsɩŋ lɛ. 38Ka dɩ duonuŋ-na nɩɩ a su dʋnɩa, nɩaa faa dii kɩaa nɛ a nyʋnyʋa kɩaa ma, baalaa arɩ haalaa ma jɩjaa dɔŋɔ a mʋ yi tapʋlɩɩ-la Nowa fa sɩ jʋʋ lɩɩŋ daboro-la tʋɔŋ. 39Ba fa bɩ jɩŋ wɩɩ-la kala sɩɩ ŋaa see bʋa-la lɛ lɩɩ-la sɩ kʋ pɛllɛ paa ba kala, ba sʋʋ. Ŋɩɩ tɩtɩa nɛ jaŋ ŋaa bʋa-la lɛ mɩ-na Nuhuobiine Bie sɩ jaŋ kɔ. 40Bʋa-la lɛ baalaa balɩa jaŋ pɩpɛrɛ baga lɛ. Wɩa jaŋ joŋ dɔŋɔ aŋ leŋ dɔŋɔ ta. 41Haalaa balɩa ma jaŋ nʋnɔŋ munuŋ nɔmʋŋ lɛ. Wɩa jaŋ joŋ dɔŋɔ aŋ leŋ dɔŋɔ ta. 42Má saa kɛŋ ma tɩtɩa woruŋ, bɛɛ wɩaa ma bɩ jɩŋ tapʋlɩɩ-la ma Tɩɩna sɩ jaŋ kɔ. 43Dɩ nʋʋ nɛ fa jɩŋ bʋa-la lɛ gaara sɩ jaŋ kʋ gaa ʋ kɩaa ʋ dɩa lɛ, ʋ fa jaŋ hɔnɔ pɔ ʋ dɩa. Ʋ fa bɩ jaŋ pɩŋ doŋ. Ʋ jaŋ wei a pɔ dɩ gaarʋ-la sɩ́ kʋ jʋʋ a gaa ʋ kɩaa. 44Má ma saa ŋaa siri bʋa na-kala, bɛɛ wɩaa mɩ-na Nuhuobiine Bie jaŋ kɔ bʋa-la lɛ ma sɩ bɩ yɩɛla.”
Nɩɩ-la sɩ ŋaa tɩntɩnnɩ-tɩtɩɩ arɩ nɩɩ-la sɩ bɩ tɩntɩnnɩ-tɩtɩɩ ŋaa
Luuk 12.41-48
45Ŋɩɩ nɛ La Tɩɩna Yesu mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la lɛ sɩ maga. 46Dɩ tɩntɩnnʋ-la nɛ ŋaa wɩalɩŋ ʋ kʋhɩaŋ sɩ dagʋ dɩ ʋ ŋaa, ʋ tʋɔŋ jaŋ tɔrɛ bʋa-la lɛ ʋ kʋhɩaŋ-la sɩ jaŋ mɩɩra kɔ. 47Wʋtɩtɩɩ, mɩ bʋlaa pɩma, ʋ kʋhɩaŋ-la jaŋ joŋ ʋ kɩaa kala hɛ tɩntɩnna deeŋ nɩsɩŋ lɛ dɩ ʋ bibeŋ. 48Ama dɩ tɩntɩnnʋ-la nɛ ŋaa nɩbɔŋ a bʋla pɩ ʋ tɩtɩa arɩ ʋ kʋhɩaŋ-la jaŋ dieni 49aŋ suomo ŋmuŋmoo ʋ tɩntɩnnɩ-dɔsʋ-la, aŋ faasa didii kʋdiilee aŋ nyʋa sɩnɩŋ bubugi, 50dɩ ʋ nɛ ŋaa ŋɩɩ, ʋ bɩ siri ŋaa gbɛrɛ ʋ kʋhɩaŋ-la. Ʋ kʋhɩaŋ-la jaŋ kɔ tapʋlɩɩ-la ʋ sɩ bɩ yɩɛla. 51Ʋ jaŋ dɔgɩsʋ woruŋ aŋ kɛnʋ kaa mʋ hɛ lee-la kanfugi tɩmma-la sɩ hɛ. Lee-la nɛ nɩaa jaŋ yel aŋ chɩchaŋ ba nyɩlaa.”
Currently Selected:
Matiu 24: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 24
24
Yesu bʋl Wɩa dɩɩ-balɩŋ ŋmoo lonuŋ wɩaa
Maak 13.1-2; Luuk 21.5-6
1Ŋɩɩ nɛ Yesu sii lɩɩ Wɩa dɩɩ-balɩŋ lɛ a mʋmʋ. Ʋ harɩ-tooroo kɔ a bʋla pʋ dɩ ʋ bee na Wɩa dɩɩ-bal-la arɩ ʋ dɩɩsɩŋ kala sɩ zɔmɔ ŋɩɩ. 2Ŋɩɩ nɛ Yesu sɩ, “Ma bee na ʋ sɩ zɔmɔ ŋɩɩ, ama, mɩ bʋlaa pɩma, ba jaŋ ŋmoo dɩa-la kala lo. Ba bɩ jaŋ leŋ dɩ tie-bii-bala ma ka daŋ ʋ dɔŋɔ lɛ.”
Ba jaŋ dɔgɩsɛ nɩalɩŋ sɩ laa Yesu wɩaa dii
Maak 13.3-13; Luuk 21.7-19
3Ŋɩɩ nɛ Yesu mʋ hɔŋ Olif peel-la nyuŋ. Ʋ harɩ-tooroo lʋara kɔ ʋ teeŋ a bɩra pɩɛsʋ, “Bʋa bɛɛ lɛ nɛ wɩaa deemba jaŋ ŋaa? Wʋbɛɛ ba nɛ la jaŋ na a jɩŋ bʋa-la lɛ ŋ sɩ jaŋ kɔ, arɩ bʋa-la lɛ dʋnɩa sɩ jaŋ dɛrɛ?” 4Ŋɩɩ nɛ Yesu bʋla pɩba, “Má kɛŋ ma tɩtɩa woruŋ dɩ nʋʋkala sí ma nyɩsʋ. 5Nɩaa jaŋ yʋgɛ a kɔ a joŋ ba yɩrɩŋ hɛ arɩ ba nɛ ŋaa Kirisito, a nyɩsɛ nɩaa yʋgɛ. 6Ma jaŋ nɩɩ arɩ laalɩŋ hɛ daha a hɛ dɩ-bolii. Dɩ ma nɛ kʋ nɩɩ ŋɩɩ, má sɩ́ leŋe dɩ ma bɔyɛ joŋ. Wɩaa deemba kala jaŋ ŋaa bal, ama dʋnɩa dɩdɛrɩŋ ha dee ŋɩɩ. 7Tinteeŋ nɩaa jaŋ sii a mʋ a yuo tinteeŋ dɔŋɔ nɩaa. Taŋ kuoro arɩ ʋ nɩaa jaŋ sii gire mʋ yuo kuoro dɔŋɔ arɩ ʋ nɩaa. Losuŋ ma jaŋ jʋʋ. Tinteeŋ jaŋ zigili leree yʋgɛ. 8Hɛɛŋ dɩ-suomuŋ nɛ ŋ-la.
9Ba jaŋ kɛsɛma a jomma hɛ nɩaa nɩsɩŋ lɛ dɩ ba dɔgɩsɛma aŋ kpʋ ma dɔnsʋŋ. Tinteyee nɩaa kala jaŋ bɛrɛma a tɩŋ mɩ wɩaa. 10Bʋa-la lɛ nɩaa jaŋ yʋgɛ a joŋ ba Wɩa laa diiniŋ ta, ba jaŋ joŋ dɔŋɔ yɩyallɛ, a bɛrɛ dɔŋɔ ma. 11Nɩalɩŋ sɩ nyɩɛ wɩaa arɩ ba ŋaa Wɩa wʋlaabʋllaa jaŋ yʋgɛ a kɔ a nyɩsɛ nɩaa yʋgɛ. 12Wʋbɔŋŋɔɔ jaŋ pʋrɩgɛ. A tɩŋ ŋɩɩ wɩaa, nɩaa fa sɩ cho nɩaa ŋɩɩ, ba chono-la jaŋ dɛrɛ. 13Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta. 14Ba jaŋ laa sɩpaaŋ bʋl Wɩa wʋzɔmɔ-la a tɩgɛ Wɩa kuorii-la lɛ lee-na kala dɩ dʋnɩa nʋʋkala nɩɩ, ka dɩ dʋnɩa dɩdɛrɩŋ-na yi.
Yesu bʋl wɩaa a tɩgɛ kʋlɔrʋ-la sɩ jaŋ hɛ nɩmɛ
Maak 13.14-23; Luuk 21.20-24
15Ma jaŋ na kʋ-la sɩ kɛŋ disiniŋ aa chei leriŋ, kʋ-la wɩaa Wɩa wʋlaabʋlla Danɩɛl fa sɩ bʋla. Ba jaŋ joŋ kʋ-la bil Wɩa dɩa lɛ, lee-la sɩ bɩ disiniŋ kɛnɛ (lee-la nɩɩ-la sɩ kɛŋ disiniŋ sɩ bɩ maga dɩ ʋ mʋ). Ma nɩalɩŋ sɩ karɩmɛ wɩaa deemba, ma jaŋ jɩŋ ba bʋbʋɔŋ. 16Dɩ ma nɛ na ŋɩɩ, má leŋ dɩ nɩalɩŋ sɩ hɛ Judiya lɛ fá jɩl peelee nyuŋ a faa. 17Dɩ nʋʋ nɛ hɛ ʋ lusuŋ nyuŋ a nɩɩ wɩaa deemba, ʋ sɩ kʋ tuu a chɩchɛ dɩ ʋ paa ʋ kɩaa dɩa lɛ. 18Dɩ nʋʋkala nɛ hɛ ʋ baga lɛ a nɩɩ wɩaa deemba, dɩ ʋ sɩ́ mɩɩra mʋ dɩa a chɩchɛ dɩ ʋ paa ʋ gɛnnɩŋ. 19Hapuugoo arɩ nɩalɩŋ sɩ nɔgɛ biiriŋ, oi, ba jaŋ na hɛɛŋ woruŋ. 20Má sʋl Wɩa dɩ wɩɩŋ deeŋ sɩ́ waarɩŋ bʋa koo chɛ-wiesi-la chɛɛŋ ŋaa. 21Wɩa sɩ ŋaa dʋnɩa a kuu lɩɩ jɩnɩŋ, nʋʋkala ha bɩ hɛɛ-doho deeŋ na a nagɛ ŋɩɩ, ba bɩra bɩ jaŋ na hɛɛŋ ŋɩɩ a kaa mʋ wuu. 22Dɩ Wɩa nɛ bɩ tapʋlɩa-la kere ta, nɩbala ma bɩ jaŋ ka. Ama nɩalɩŋ Wɩa sɩ lɩɩsa dɩ baa tou, ba wɩaa nɛ tɩɩ ʋ jaŋ keri tapʋlɩa-la ta. 23Dɩ nʋʋkala nɛ bʋla pɩŋ dɩ ŋ beŋ daha a na Kirisito-la, koo dɩ ŋ beŋ nɩmɛ a naʋ, sɩ́ ʋ laa dii. 24Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo. 25Wɩaa deemba kala mɩ laa sɩpaaŋ bʋlaa pɩma nɛ, ka dɩ bʋa-la-na yi. 26Má bee na, dɩ nɩaa nɛ bʋla pɩma arɩ nɩɩ-la Wɩa sɩ lɩɩsa nɛ hɛ tintee-hɩlɩŋ tʋɔŋ, má sɩ́ nɩmɛ mʋ, koo dɩ ba nɛ bʋla pɩma arɩ ʋ nɛ faa daha, má sɩ́ laa dii, 27bɛɛ wɩaa bʋa-la lɛ mɩ-na Nuhuobiine Bie sɩ jaŋ mɩɩra kɔ, ʋ jaŋ nagɛ duonuŋ sɩ lɩgɩsa pʋlʋmʋŋ chaanɛ wɩa-nyuŋ ŋɩɩ a lɩɩ wɩɩpɔsʋŋ a tuu wɩɩjʋʋlʋŋ. 28Lee-la kala kʋpʋa sɩ pɩna, duunuŋ ma yie hihilimi nɩmɛ nɛ.”
Nuhuobiine Bie kɔɔnʋŋ wɩaa
Maak 13.24-27; Luuk 21.25-28
29Ŋɩɩ nɛ Yesu bɩra bʋla pɩba, “Tapʋlɩa-la hɛɛŋ deeŋ sɩ jaŋ dɛrɛ, ʋ bɩra bɩ jaŋ dieni dɩ taŋ nɛ pʋla ma, leriŋ jaŋ biri, chɛnɛ ma bɩra bɩ jaŋ pɔsɛ. Chɛnwʋlaa jaŋ lɩɩ wɩa-nyuŋ kʋ tuu titel. Ba jaŋ kiri wɩa-nyuŋ kɩalɩŋ kala sɩ kɛŋ doluŋ dɩ ba lɩɩ ba leree. 30Ŋɩɩ nɛ ma jaŋ na mɩ-na Nuhuobiine Bie magɩlɩŋ wɩa-nyuŋ. Dɩ dʋnɩa nɩaa nɛ naʋ, ba kala jaŋ yel. Ŋɩɩ lɛ nɛ ma jaŋ na mɩ-na Nuhuobiine Bie, dɩ mɩ to duoŋ-bɩlɩmbaanaa tʋɔŋ kʋʋ tuu. Mɩ jaŋ kɛŋ doluŋ yʋgɛ a chaanɛ. 31Ŋɩɩ nɛ ba jaŋ ŋmʋʋ nyil-balɩŋ, a tɩŋ Wɩa tɩndaaraa dɩ ba mʋ dʋnɩa sɛmɛ-na kala a kɛŋ nɩalɩŋ kala Wɩa sɩ lɩɩsa ba tutou a hilimi.
Yesu bʋl sɔjaamɩŋ wɩaa
Maak 13.28-31; Luuk 21.29-33
32Ma gʋnnɛ wɩɩŋ deeŋ a lɩɩ sɔjaamɩŋ lɛ. Dɩ ma nɛ na sɔjaamɩŋ kʋʋ tɔsɛ, ma jɩma arɩ lɩmbaŋa yie nɛ. 33Namaga deeŋ dagɛma wʋjɩmɩŋ nɛ. Dɩ ma na wɩaa deemba kala dɩ baa ŋaa, ma jɩŋ dɩ mɩ-na Nuhuobiine Bie kɔɔnʋŋ kpaga nɛ. 34Wʋtɩtɩɩ nɛ mɩ bʋlaa pɩma, ma lɛɛlɛ nɩaa deemba sɩ hɛ ma mɩɩsɩŋ lɛ bɩ jaŋ sʋʋ, ka wɩaa deemba ŋaa. 35Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.
Yesu bʋla dɩ ʋ jaŋ kɔ bʋa-la lɛ la sɩ bɩ ʋ yɩɛla
Maak 13.32-37; Luuk 17.26-30, 34-36
36Ama nʋʋkala bɩ jaŋ jɩŋ chɛɛ-la koo bʋa-la lɛ wɩaa deemba sɩ jaŋ ŋaa. Wɩa tɩndaaraa sɩ hɛ Wɩa-jaŋ koo mɩ-na Nuhuobiine Bie ma paala bɩ jaŋ jɩŋ, see mɩ Nyɩmma dʋndʋŋa. 37Bʋa-la lɛ mɩ-na Nuhuobiine Bie sɩ jaŋ mɩɩra kɔ, ʋ jaŋ nagɛ bʋa-la lɛ Nowa fa sɩ hɛ ʋ mɩɩsɩŋ lɛ. 38Ka dɩ duonuŋ-na nɩɩ a su dʋnɩa, nɩaa faa dii kɩaa nɛ a nyʋnyʋa kɩaa ma, baalaa arɩ haalaa ma jɩjaa dɔŋɔ a mʋ yi tapʋlɩɩ-la Nowa fa sɩ jʋʋ lɩɩŋ daboro-la tʋɔŋ. 39Ba fa bɩ jɩŋ wɩɩ-la kala sɩɩ ŋaa see bʋa-la lɛ lɩɩ-la sɩ kʋ pɛllɛ paa ba kala, ba sʋʋ. Ŋɩɩ tɩtɩa nɛ jaŋ ŋaa bʋa-la lɛ mɩ-na Nuhuobiine Bie sɩ jaŋ kɔ. 40Bʋa-la lɛ baalaa balɩa jaŋ pɩpɛrɛ baga lɛ. Wɩa jaŋ joŋ dɔŋɔ aŋ leŋ dɔŋɔ ta. 41Haalaa balɩa ma jaŋ nʋnɔŋ munuŋ nɔmʋŋ lɛ. Wɩa jaŋ joŋ dɔŋɔ aŋ leŋ dɔŋɔ ta. 42Má saa kɛŋ ma tɩtɩa woruŋ, bɛɛ wɩaa ma bɩ jɩŋ tapʋlɩɩ-la ma Tɩɩna sɩ jaŋ kɔ. 43Dɩ nʋʋ nɛ fa jɩŋ bʋa-la lɛ gaara sɩ jaŋ kʋ gaa ʋ kɩaa ʋ dɩa lɛ, ʋ fa jaŋ hɔnɔ pɔ ʋ dɩa. Ʋ fa bɩ jaŋ pɩŋ doŋ. Ʋ jaŋ wei a pɔ dɩ gaarʋ-la sɩ́ kʋ jʋʋ a gaa ʋ kɩaa. 44Má ma saa ŋaa siri bʋa na-kala, bɛɛ wɩaa mɩ-na Nuhuobiine Bie jaŋ kɔ bʋa-la lɛ ma sɩ bɩ yɩɛla.”
Nɩɩ-la sɩ ŋaa tɩntɩnnɩ-tɩtɩɩ arɩ nɩɩ-la sɩ bɩ tɩntɩnnɩ-tɩtɩɩ ŋaa
Luuk 12.41-48
45Ŋɩɩ nɛ La Tɩɩna Yesu mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la lɛ sɩ maga. 46Dɩ tɩntɩnnʋ-la nɛ ŋaa wɩalɩŋ ʋ kʋhɩaŋ sɩ dagʋ dɩ ʋ ŋaa, ʋ tʋɔŋ jaŋ tɔrɛ bʋa-la lɛ ʋ kʋhɩaŋ-la sɩ jaŋ mɩɩra kɔ. 47Wʋtɩtɩɩ, mɩ bʋlaa pɩma, ʋ kʋhɩaŋ-la jaŋ joŋ ʋ kɩaa kala hɛ tɩntɩnna deeŋ nɩsɩŋ lɛ dɩ ʋ bibeŋ. 48Ama dɩ tɩntɩnnʋ-la nɛ ŋaa nɩbɔŋ a bʋla pɩ ʋ tɩtɩa arɩ ʋ kʋhɩaŋ-la jaŋ dieni 49aŋ suomo ŋmuŋmoo ʋ tɩntɩnnɩ-dɔsʋ-la, aŋ faasa didii kʋdiilee aŋ nyʋa sɩnɩŋ bubugi, 50dɩ ʋ nɛ ŋaa ŋɩɩ, ʋ bɩ siri ŋaa gbɛrɛ ʋ kʋhɩaŋ-la. Ʋ kʋhɩaŋ-la jaŋ kɔ tapʋlɩɩ-la ʋ sɩ bɩ yɩɛla. 51Ʋ jaŋ dɔgɩsʋ woruŋ aŋ kɛnʋ kaa mʋ hɛ lee-la kanfugi tɩmma-la sɩ hɛ. Lee-la nɛ nɩaa jaŋ yel aŋ chɩchaŋ ba nyɩlaa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014