Matiu 16
16
Nɩalɩŋ chɛ dɩ Yesu ŋaa wʋmagɩlɩŋ
Maak 8.11-13; Luuk 12.54-56
1Ŋɩɩ nɛ Farisii tɩŋŋaa arɩ Saduusi tɩŋŋaa dɔnsʋŋ kɔ Yesu teeŋ dɩ ba magɩsʋ. Ba bʋla pʋ dɩ ʋ ŋaa wʋmagɩlɩŋ dɩ ba na a jɩŋ arɩ ʋ dol-la lɩɩ Wɩa teeŋ nɛ. 2Ŋɩɩ nɛ ʋ bʋla pɩba, “Dɩ wɩa nɩɩ jʋʋ, ka ma na wɩɩ-muluŋ sɩɩŋ dɩ ʋ fɩɛsa, ma yie bʋl dɩ leriŋ jaŋ fɩɛlɛ. 3Chʋchʋɔ-fɩɛla ma, dɩ leriŋ nɛ bire, ma yie bʋl arɩ duonuŋ jaŋ nɩɩ. Ma yie wuo beŋ wɩa-nyuŋ a wuo jɩŋ wɩɩ-la sɩ jaŋ ŋaa, ama ma bɩ wuo jɩŋ wɩalɩŋ sɩɩ ŋaa dʋnɩa deeŋ lɛ lɛɛlɛ. 4Jɩnɩŋ nɩaa ŋaa nɩbɔmɔ nɛ, ba bɩ Wɩa ka fá. Ma sɩ dɩ mɩ ŋaa wʋmagɩlɩŋ. Aɩ, mɩ bɩ ŋaa. Wʋmagɩl-la ma sɩɩ chɛ, ma bɩ jaŋ wuo naʋ, see Wɩa fa sɩ ŋaa wɩɩ-la a tɩgɛ Jona lɛ.” Ŋɩɩ nɛ Yesu lemba aŋ viiri.
Yesu bʋl wɩaa a tɩgɛ Farisii tɩŋŋaa arɩ Saduusi tɩŋŋaa wʋbʋlaa lɛ
Maak 8.14-21
5Yesu harɩ-tooro-la sɩ jʋʋ lɩɩŋ daboro a duoro chol fuoŋ cholo ŋɩɩ, ba fa yʋa nɛ ba bɩ kʋdiilee koro mʋ. 6Ŋɩɩ nɛ Yesu bʋla pɩba, “Má kɛŋ ma tɩtɩa woruŋ arɩ Farisii tɩŋŋaa arɩ Saduusi tɩŋŋaa, ba nagɛ sɩbʋrʋŋ nɛ.” 7Ŋɩɩ nɛ ba suomo bʋla pɩpɩ dɔŋɔ, “La bɩ kʋdiilee koro kɔ, ŋɩɩ nɛ tɩɩ ʋ bʋl wɩɩŋ deeŋ.” 8Ŋɩɩ nɛ Yesu jɩŋ wɩɩ-la ba sɩɩ bʋl a pɩɛsɛba, “Ma Wɩa laa diiniŋ bɩ yʋgɛ. Bɛɛ nɛ tɩɩ ma hɔnɔ vʋvʋʋrɛ arɩ ma bɩ kʋdiilee kɛnɛ? Ma ha bɩ wʋjɩmɩŋ kɛnɛɛ? 9Ma ha bɩ wɩaa bʋbʋɔŋ jɩŋ? Ma bɩ bɩɩna yi bʋa-la lɛ mɩ sɩ joŋ boroboroba banɔŋ kaa chɔgɛ a pɩ nɩaa bʋɩ banɔŋ ba dii? Ba sɩ die a vɔgɛ, sinsiŋ baŋmɛɛ nɛ ma paa kʋkaanaa su? 10Aŋ ka boroboro balɩpɛ-la mɩ sɩ kaa chɔgɛ a pɩ nɩaa bʋɩ banɛsɛ-la? Kʋkaanaa sinsiŋ baŋmɛɛ nɛ ma paa su? 11Ɛɛ nɛ ma bɩɩnɛ arɩ ma teeŋ nɛ mɩɩ bʋl kʋdiilee wɩaa? Má pɔ ma tɩtɩa lɛ arɩ Farisii tɩŋŋaa arɩ Saduusi tɩŋŋaa lɛ. Ba nagɛ sɩbʋrʋŋ nɛ.” 12Ŋɩɩ nɛ ʋ harɩ-tooroo jɩŋ arɩ ʋ bɩ sɩ dɩ ba pɔ ba tɩtɩa lɛ arɩ sɩ-bʋrʋ-la ba sɩ kaa hɩhɛ boroboro lɛ nɛ, ama ʋ sɩ ba pɔ ba tɩtɩa lɛ Farisii tɩŋŋaa arɩ Saduusi tɩŋŋaa wʋbʋlaa lɛ nɛ.
Pɩɩta dagɛ nɩɩ-la Yesu sɩ ŋaa
Maak 8.27-30; Luuk 9.18-21
13Ŋɩɩ nɛ Yesu sii mʋ Sɩzarɩya Fɩlɩpa tinteeŋ. Ŋɩɩ nɛ ʋ pɩɛsɛ ʋ harɩ-tooro-la, “Kʋbɛɛ nɛ nɩaa sɩ dɩ mɩ-na Nuhuobiine Bie ŋaa?” 14Ŋɩɩ nɛ ba bʋl, “Dɔnsʋŋ sɩ dɩ ŋ nɛ ŋaa Jɔɔŋ, Wɩa lɩɩ-fooru-la. Dɔnsʋŋ ma sɩ ŋ nɛ ŋaa Ɩlaaja. Dɔnsʋŋ ma sɩ ŋ nɛ ŋaa Jɛrɩmaaya, koo Wɩa wʋlaabʋllaa dɔŋɔ.” 15Ŋɩɩ nɛ Yesu bɩra pɩɛsɛ ʋ harɩ-tooro-la ma, “Ka ma ma, ma sɩ mɩ nɛ ŋaa kʋbɛɛ?” 16Ŋɩɩ nɛ Saamɔŋ Pɩɩta bʋl, “Ŋ nɛ ŋaa Kirisito, Wɩa-la sɩ weye Bie.” 17Ŋɩɩ nɛ Yesu bʋl, “Saamɔŋ, Jɔɔŋ bie, Wɩa jaŋ pɛ ŋ lɛ, wʋjɩmɩŋ deeŋ bɩ naga nuhuobiine nɛ pɩŋ. Ama mɩ Nyɩmma sɩ hɛ Wɩa-jaŋ nɛ pɩŋ. 18Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo. 19Mɩ jaŋ joŋ Wɩa kuorii-la boribiee pɩŋ. Wɩɩ-la ŋ sɩ vɩa dʋnɩa lɛ, ba jaŋ vɩaʋ Wɩa-jaŋ ma. Wɩɩ-la ma ŋ sɩ sɛyɛ dʋnɩa lɛ, ba jaŋ sɛyʋ Wɩa-jaŋ ma lɛ.” 20Ŋɩɩ nɛ Yesu bʋla pɩ ʋ harɩ-tooro-la arɩ sɩɩfɩɛsɩŋ dɩ ba sɩ́ bʋla pɩ nʋʋkala arɩ ʋ nɛ ŋaa Kirisito, nɩɩ-la Wɩa sɩ lɩɩsa.
Yesu bʋl ʋ hɛɛŋ nanɩŋ arɩ ʋ sʋʋnʋŋ wɩaa
Maak 8.31–9.1; Luuk 9.22-27
21A suomi bʋa-la lɛ Yesu chaasa bʋla pɩ ʋ harɩ-tooroo a bʋl, “Ʋ maga dɩ mɩ mʋ Jerusalɛm a na hɛɛŋ woruŋ Juu tɩŋŋaa nɩhɩasɩŋ arɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba nɩsɩŋ lɛ. Ba jaŋ kpʋmɛ, ama mɩ jaŋ sii sʋʋŋ lɛ tapʋlaa batori chɛɛŋ.” 22Ŋɩɩ nɛ Pɩɩta kɛnʋ kaa sʋʋsa lɩɩ a kpɩaʋ lɛ a bʋl, “Wɩa bɩ jaŋ sɛɩ, mɩ Tɩɩna. Wɩɩ-la bɩ jaŋ kɔ dɩ ʋ ŋaa ŋ lɛ.” 23Ŋɩɩ nɛ Yesu mɩɩra chaasɛ Pɩɩta a bʋla pʋ, “Sɩtaanɩ, mʋ nɩmɛ! Ŋŋ chɛ ŋ nyɩsɛmɛ dɩ mɩ vɩa wɩɩ-la sɩ maga dɩ mɩ ŋaa nɛ. Wɩalɩŋ ŋ sɩɩ bʋl, nuhuobiine wombiiŋ nɛ, Wɩa wombiiŋ dee.”
24Ŋɩɩ nɛ ʋ bʋla pɩ ʋ harɩ-tooroo, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ a to mɩ harɩŋ. 25Nɩɩ-la kala sɩɩ chɛ dɩ ʋ laa ʋ tɩtɩa mɩɩsɩŋ, ʋ jaŋ joŋ ʋ mɩɩsɩŋ ta, ama nɩɩ-la sɩ vɩa ʋ mɩɩsɩŋ ta a tɩŋ mɩ wɩaa, ʋ jaŋ sɛnɛ laa ʋ mɩɩsɩŋ. 26Dɩ ŋ nɛ kɛŋ dʋnɩa kʋŋkala aŋ bɩ mɩɩsɩŋ kɛnɛ Wɩa teeŋ, bɛɛ kʋŋ nyʋʋrɩɩ nɛ ŋ na? Dʋnɩa deeŋ lɛ, bɛɛ kʋŋ nɛ ŋ jaŋ wuo kaa lenni ŋ mɩɩsɩŋ? 27Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma. 28Wʋtɩtɩɩ nɛ, mɩ bʋlaa pɩma arɩ nɩaa dɔnsʋŋ hɛ nɩmɛ, ba bɩ jaŋ sʋʋ see dɩ ba na mɩ-na Nuhuobiine Bie dɩ mɩ kɔ arɩ mɩ kuorii-la.”
Currently Selected:
Matiu 16: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 16
16
Nɩalɩŋ chɛ dɩ Yesu ŋaa wʋmagɩlɩŋ
Maak 8.11-13; Luuk 12.54-56
1Ŋɩɩ nɛ Farisii tɩŋŋaa arɩ Saduusi tɩŋŋaa dɔnsʋŋ kɔ Yesu teeŋ dɩ ba magɩsʋ. Ba bʋla pʋ dɩ ʋ ŋaa wʋmagɩlɩŋ dɩ ba na a jɩŋ arɩ ʋ dol-la lɩɩ Wɩa teeŋ nɛ. 2Ŋɩɩ nɛ ʋ bʋla pɩba, “Dɩ wɩa nɩɩ jʋʋ, ka ma na wɩɩ-muluŋ sɩɩŋ dɩ ʋ fɩɛsa, ma yie bʋl dɩ leriŋ jaŋ fɩɛlɛ. 3Chʋchʋɔ-fɩɛla ma, dɩ leriŋ nɛ bire, ma yie bʋl arɩ duonuŋ jaŋ nɩɩ. Ma yie wuo beŋ wɩa-nyuŋ a wuo jɩŋ wɩɩ-la sɩ jaŋ ŋaa, ama ma bɩ wuo jɩŋ wɩalɩŋ sɩɩ ŋaa dʋnɩa deeŋ lɛ lɛɛlɛ. 4Jɩnɩŋ nɩaa ŋaa nɩbɔmɔ nɛ, ba bɩ Wɩa ka fá. Ma sɩ dɩ mɩ ŋaa wʋmagɩlɩŋ. Aɩ, mɩ bɩ ŋaa. Wʋmagɩl-la ma sɩɩ chɛ, ma bɩ jaŋ wuo naʋ, see Wɩa fa sɩ ŋaa wɩɩ-la a tɩgɛ Jona lɛ.” Ŋɩɩ nɛ Yesu lemba aŋ viiri.
Yesu bʋl wɩaa a tɩgɛ Farisii tɩŋŋaa arɩ Saduusi tɩŋŋaa wʋbʋlaa lɛ
Maak 8.14-21
5Yesu harɩ-tooro-la sɩ jʋʋ lɩɩŋ daboro a duoro chol fuoŋ cholo ŋɩɩ, ba fa yʋa nɛ ba bɩ kʋdiilee koro mʋ. 6Ŋɩɩ nɛ Yesu bʋla pɩba, “Má kɛŋ ma tɩtɩa woruŋ arɩ Farisii tɩŋŋaa arɩ Saduusi tɩŋŋaa, ba nagɛ sɩbʋrʋŋ nɛ.” 7Ŋɩɩ nɛ ba suomo bʋla pɩpɩ dɔŋɔ, “La bɩ kʋdiilee koro kɔ, ŋɩɩ nɛ tɩɩ ʋ bʋl wɩɩŋ deeŋ.” 8Ŋɩɩ nɛ Yesu jɩŋ wɩɩ-la ba sɩɩ bʋl a pɩɛsɛba, “Ma Wɩa laa diiniŋ bɩ yʋgɛ. Bɛɛ nɛ tɩɩ ma hɔnɔ vʋvʋʋrɛ arɩ ma bɩ kʋdiilee kɛnɛ? Ma ha bɩ wʋjɩmɩŋ kɛnɛɛ? 9Ma ha bɩ wɩaa bʋbʋɔŋ jɩŋ? Ma bɩ bɩɩna yi bʋa-la lɛ mɩ sɩ joŋ boroboroba banɔŋ kaa chɔgɛ a pɩ nɩaa bʋɩ banɔŋ ba dii? Ba sɩ die a vɔgɛ, sinsiŋ baŋmɛɛ nɛ ma paa kʋkaanaa su? 10Aŋ ka boroboro balɩpɛ-la mɩ sɩ kaa chɔgɛ a pɩ nɩaa bʋɩ banɛsɛ-la? Kʋkaanaa sinsiŋ baŋmɛɛ nɛ ma paa su? 11Ɛɛ nɛ ma bɩɩnɛ arɩ ma teeŋ nɛ mɩɩ bʋl kʋdiilee wɩaa? Má pɔ ma tɩtɩa lɛ arɩ Farisii tɩŋŋaa arɩ Saduusi tɩŋŋaa lɛ. Ba nagɛ sɩbʋrʋŋ nɛ.” 12Ŋɩɩ nɛ ʋ harɩ-tooroo jɩŋ arɩ ʋ bɩ sɩ dɩ ba pɔ ba tɩtɩa lɛ arɩ sɩ-bʋrʋ-la ba sɩ kaa hɩhɛ boroboro lɛ nɛ, ama ʋ sɩ ba pɔ ba tɩtɩa lɛ Farisii tɩŋŋaa arɩ Saduusi tɩŋŋaa wʋbʋlaa lɛ nɛ.
Pɩɩta dagɛ nɩɩ-la Yesu sɩ ŋaa
Maak 8.27-30; Luuk 9.18-21
13Ŋɩɩ nɛ Yesu sii mʋ Sɩzarɩya Fɩlɩpa tinteeŋ. Ŋɩɩ nɛ ʋ pɩɛsɛ ʋ harɩ-tooro-la, “Kʋbɛɛ nɛ nɩaa sɩ dɩ mɩ-na Nuhuobiine Bie ŋaa?” 14Ŋɩɩ nɛ ba bʋl, “Dɔnsʋŋ sɩ dɩ ŋ nɛ ŋaa Jɔɔŋ, Wɩa lɩɩ-fooru-la. Dɔnsʋŋ ma sɩ ŋ nɛ ŋaa Ɩlaaja. Dɔnsʋŋ ma sɩ ŋ nɛ ŋaa Jɛrɩmaaya, koo Wɩa wʋlaabʋllaa dɔŋɔ.” 15Ŋɩɩ nɛ Yesu bɩra pɩɛsɛ ʋ harɩ-tooro-la ma, “Ka ma ma, ma sɩ mɩ nɛ ŋaa kʋbɛɛ?” 16Ŋɩɩ nɛ Saamɔŋ Pɩɩta bʋl, “Ŋ nɛ ŋaa Kirisito, Wɩa-la sɩ weye Bie.” 17Ŋɩɩ nɛ Yesu bʋl, “Saamɔŋ, Jɔɔŋ bie, Wɩa jaŋ pɛ ŋ lɛ, wʋjɩmɩŋ deeŋ bɩ naga nuhuobiine nɛ pɩŋ. Ama mɩ Nyɩmma sɩ hɛ Wɩa-jaŋ nɛ pɩŋ. 18Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo. 19Mɩ jaŋ joŋ Wɩa kuorii-la boribiee pɩŋ. Wɩɩ-la ŋ sɩ vɩa dʋnɩa lɛ, ba jaŋ vɩaʋ Wɩa-jaŋ ma. Wɩɩ-la ma ŋ sɩ sɛyɛ dʋnɩa lɛ, ba jaŋ sɛyʋ Wɩa-jaŋ ma lɛ.” 20Ŋɩɩ nɛ Yesu bʋla pɩ ʋ harɩ-tooro-la arɩ sɩɩfɩɛsɩŋ dɩ ba sɩ́ bʋla pɩ nʋʋkala arɩ ʋ nɛ ŋaa Kirisito, nɩɩ-la Wɩa sɩ lɩɩsa.
Yesu bʋl ʋ hɛɛŋ nanɩŋ arɩ ʋ sʋʋnʋŋ wɩaa
Maak 8.31–9.1; Luuk 9.22-27
21A suomi bʋa-la lɛ Yesu chaasa bʋla pɩ ʋ harɩ-tooroo a bʋl, “Ʋ maga dɩ mɩ mʋ Jerusalɛm a na hɛɛŋ woruŋ Juu tɩŋŋaa nɩhɩasɩŋ arɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba nɩsɩŋ lɛ. Ba jaŋ kpʋmɛ, ama mɩ jaŋ sii sʋʋŋ lɛ tapʋlaa batori chɛɛŋ.” 22Ŋɩɩ nɛ Pɩɩta kɛnʋ kaa sʋʋsa lɩɩ a kpɩaʋ lɛ a bʋl, “Wɩa bɩ jaŋ sɛɩ, mɩ Tɩɩna. Wɩɩ-la bɩ jaŋ kɔ dɩ ʋ ŋaa ŋ lɛ.” 23Ŋɩɩ nɛ Yesu mɩɩra chaasɛ Pɩɩta a bʋla pʋ, “Sɩtaanɩ, mʋ nɩmɛ! Ŋŋ chɛ ŋ nyɩsɛmɛ dɩ mɩ vɩa wɩɩ-la sɩ maga dɩ mɩ ŋaa nɛ. Wɩalɩŋ ŋ sɩɩ bʋl, nuhuobiine wombiiŋ nɛ, Wɩa wombiiŋ dee.”
24Ŋɩɩ nɛ ʋ bʋla pɩ ʋ harɩ-tooroo, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ a to mɩ harɩŋ. 25Nɩɩ-la kala sɩɩ chɛ dɩ ʋ laa ʋ tɩtɩa mɩɩsɩŋ, ʋ jaŋ joŋ ʋ mɩɩsɩŋ ta, ama nɩɩ-la sɩ vɩa ʋ mɩɩsɩŋ ta a tɩŋ mɩ wɩaa, ʋ jaŋ sɛnɛ laa ʋ mɩɩsɩŋ. 26Dɩ ŋ nɛ kɛŋ dʋnɩa kʋŋkala aŋ bɩ mɩɩsɩŋ kɛnɛ Wɩa teeŋ, bɛɛ kʋŋ nyʋʋrɩɩ nɛ ŋ na? Dʋnɩa deeŋ lɛ, bɛɛ kʋŋ nɛ ŋ jaŋ wuo kaa lenni ŋ mɩɩsɩŋ? 27Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma. 28Wʋtɩtɩɩ nɛ, mɩ bʋlaa pɩma arɩ nɩaa dɔnsʋŋ hɛ nɩmɛ, ba bɩ jaŋ sʋʋ see dɩ ba na mɩ-na Nuhuobiine Bie dɩ mɩ kɔ arɩ mɩ kuorii-la.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014