Matiu 15
15
Yesu bʋl wɩaa a tɩgɛ nɩaa naabalɩmaba wombiiŋ lɛ
Maak 7.1-13
1Ŋɩɩ nɛ Farisii tɩŋŋaa dɔnsʋŋ arɩ Wɩa teniŋ kerichiba lɩɩ Jerusalɛm a kɔ Yesu teeŋ a pɩɛsʋ, 2“Bɛɛ nɛ tɩɩ ŋ harɩ-tooroo chichei la naabalɩmaba kɩsɩnɩŋ lɛ? Bɛɛ nɛ tɩɩ ba bɩ ba nɩsaa ka sɔŋ ŋɩɩ la naabalɩmaba sɩ dagɛla aŋ didii kʋdiilee?” 3Ŋɩɩ nɛ Yesu ma pɩɛsɛba, “Bɛɛ nɛ tɩɩ ma yie vɩa Wɩa wombiiŋ aŋ tuto ma naabalɩmaba wombiiŋ? 4Wɩa sɩ ma fɩfá ma nyɩmmaba arɩ ma naamba, a bɩra bʋl dɩ nʋʋ nɛ bʋl wʋbɔŋ a tɩgɛ ʋ nyɩmma arɩ ʋ naaŋ lɛ, dɩ ba kpʋ tɩɩna. 5Ama ma-na daga arɩ nʋʋ nɛ kɛŋ kʋŋ a magɛ dɩ ʋ joŋo pɛ ʋ nyɩmma koo ʋ naaŋ lɛ, tɩɩna mʋ a bʋla pɩba dɩ ʋ jaŋ joŋ kʋ-la pɩ Wɩa. 6Ʋ sɩ ŋaa ŋɩɩ, ʋ bɩra bɩ maga dɩ ʋ pɛ ʋ nyɩmma arɩ ʋ naaŋ lɛ. A tɩŋ ŋɩɩ wɩaa, ma vɩa Wɩa niiŋ wɩaa nɛ aŋ to ma naabalɩmaba wombiiŋ. 7Ma ŋaa kanfugi tɩmma nɛ. Azaaya kɩaa sɩma nɛ wɩalɩŋ ʋ sɩ bʋla a tɩgɛ ma lɛ. Azaaya fa ŋaa Wɩa wʋlaabʋllʋ nɛ. 8Ʋ fa sɩ:
‘Nɩaa deemba kɛŋ niiŋ nɛ zizilmi,
ka ba tʋɔŋ lɩɩmɛ.
9Ba yie chʋɔlɛmɛ pɛɩ nɛ aa dagɛ nuhuobiine wɛnɩŋ aŋ bʋl mɩ nɛ bʋla.
Nuhuobiine wɛnɩŋ nɛ baa to aŋ vɩa Wɩa niiŋ wɩaa.’ ”
Kɩalɩŋ sɩ yie ŋaa nuhuobiine kɛŋ disiniŋ
Maak 7.14-23
10Ŋɩɩ nɛ Yesu yɩrɛ nɩaa ba kɔ. Ʋ bʋla pɩba, “Má jegile nɩɩ woruŋ. 11Ʋ bɩ naga kʋ-la sɩ yie to nuhuobiine niiŋ tuu nɛ yie ŋaa ʋ kɛŋ disiniŋ, ama kʋ-la sɩ yie to ʋ niiŋ lɩɩ nɛ kɛŋ disiniŋ.” 12Ŋɩɩ nɛ Yesu harɩ-tooroo kɔ ʋ teeŋ a bʋla pʋ, “Ŋ jɩma arɩ ŋ chei Farisii tɩmma-la tʋɔŋ nɛ ŋ sɩ bʋl ŋɩɩ?” 13Ŋɩɩ nɛ ʋ bʋla pɩba, “Tɩa-la kala mɩ Nyɩmma sɩ hɛ Wɩa-jaŋ sɩ yie bɩ chɔnsɔ, ba jaŋ kaa churo ta. 14Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.” 15Ŋɩɩ nɛ Pɩɩta bʋl, “Dagɛla namaga-la bʋbʋɔŋ.” 16Ŋɩɩ nɛ Yesu bʋl, “Ma ma ha bɩ wʋjɩmɩŋ kɛnɛɛ? 17Ma bɩ wɩɩŋ deeŋ bʋbʋɔŋ jɩŋ? Kʋŋ na-kala sɩ jʋʋ nuhuobiine niiŋ, ʋ yie tuu ʋ luoruŋ nɛ a bɩra to ʋ yaraa lɩɩ. 18Ama wɩalɩŋ sɩ yie to ŋ niiŋ lɩɩ, ba yie lɩɩ ŋ tʋɔŋ lɛ nɛ. Wɩaa deemba nɛ yie ŋaa nɩaa kɛŋ disiniŋ. 19Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a mʋ kpʋ nɩaa, a mʋ chɛ nɩaa haalaa, a ŋaa bachɔrʋŋ arɩ hachɔrʋŋ wʋŋaalaa, aa gaa, a nyɩɛ wɩaa aa tɩgɛ nɩaa lɛ, a chichei nɩaa yɩrɩŋ. 20Wɩaa deemba nɛ yie ŋaa nɩaa kɛŋ disiniŋ. Ama dɩ nʋʋ nɛ dii kɩaa aŋ bɩ ʋ nɩsɩŋ sɔmɔ arɩ ma naabalɩmaba sɩ dagɛ ŋɩɩ, ŋɩɩ bɩ jaŋ wuo ŋaa dɩ tɩɩna kɛŋ disiniŋ.”
Yesu vaarɛ Kɛnaŋ tɩɩna
Maak 7.24-30
21Ŋɩɩ nɛ Yesu sii lee-la a mʋ Taaya arɩ Sɩdɔŋ tinteeŋ. 22Dɩ haal kʋbala sɩ hɛ lee-la kɔ ʋ teeŋ. Ʋ fa ŋaa Kɛnaŋ tɩɩna nɛ. Ʋ sɩ kɔ ʋ teeŋ, ŋɩɩ nɛ ʋ bʋl, “Mɩ Tɩɩna Devit Bii, fá mɩ nenige. Jɩŋ-bɔŋŋɔɔ nɛ kɛŋ mɩ tolo. Ʋ nɩna hɛɛŋ woruŋ.” 23Ama Yesu bɩ wɩɩkala bʋla ʋ teeŋ. Ŋɩɩ nɛ ʋ harɩ-tooroo kɔ ʋ teeŋ a bʋla pʋ dɩ ʋ leŋ dɩ haal-la viiri, dɩ ʋ to ba harɩŋ a ŋɩŋaa goŋ nɛ. 24Ŋɩɩ nɛ Yesu bʋla pɩ haal-la, “Wɩa tɩmmɛ dɩ mɩ kʋ chɛ kɛsɛ piese-la sɩ lɛlɛ nɛ, Iziral tɩŋŋaa dʋndʋŋ nɛ ŋɩɩ.” 25Ŋɩɩ nɛ haal-la kʋ tel ʋ naasɩŋ lɛ aŋ bʋl, “Mɩ Tɩɩna, pɛ mɩ lɛ.” 26Yesu bʋla pʋ, “Dɩ ŋ nɛ kɛŋ hambiisiŋ, ŋ bɩ jaŋ joŋ ba kʋdiilee a yuo pɩ vasɩŋ.” 27Ŋɩɩ nɛ haal-la bʋl, “Mɩ Tɩɩna, ʋ ŋaa wʋtɩtɩɩ nɛ, ama vasɩ-la tɩŋŋaa sɩɩ dii kɩalɩŋ, kɩalɩŋ sɩ tel tinteeŋ nɛ ba ma yie paa didii.” 28Ŋɩɩ nɛ Yesu bʋla pʋ, “Ŋ ŋaa haal sɩ laa Wɩa dii kɩŋkɛŋ nɛ. Wɩɩ-la ŋ sɩɩ chɛ, mɩ jaŋ ŋaa pɩŋ.” Bʋa-la tɩtɩa lɛ ʋ tolo-la duori.
Yesu vaarɛ nɩaa yʋgɛ
29Ŋɩɩ nɛ Yesu bɩra sii lee-la a to Galilii mʋga-la dɩɩrɩŋ mʋ. Ʋ jɩl peeliŋ nyuŋ a hɔŋ nɩmɛ. 30Ŋɩɩ nɛ nɩ-daŋ kɔ ʋ teeŋ a kɛŋ gbɛrɩgɛɛ arɩ nyʋlɩmaa arɩ taŋŋaa arɩ nyanyal tɩŋŋaa dɔnsʋŋ a kaa kʋ bil Yesu naasɩŋ lɛ. Ʋ vaarɛba. 31Nɩ-daŋ-la sɩ na taŋŋaa dɩ baa bʋl wɩaa arɩ gbɛrɩgɛɛ sɩɩ vɛŋ, arɩ nyʋlɩmaa sɩaa sɩ suro, ʋ ŋaaba wʋkpuŋkpere. Ba dɩdɛnnɛ Iziral tɩŋŋaa Wɩa.
Yesu pɩ nɩaa bʋɩ banɛsɛ kʋdiilee
Maak 8.1-10
32Ŋɩɩ nɛ Yesu yɩrɛ ʋ harɩ-tooroo a bʋla pɩba, “Mɩ sɩ beŋ nɩaa deemba, nenige kɛmmɛ nɛ. Ba hɛ mɩ teeŋ tapʋlaa batori nɛ ŋ-la aŋ bɩ kʋdiilee kɛnɛ dɩ ba dii. Mɩ bɩ chɛ dɩ ba viiri dɩ ba nɛ bɩ kʋŋkala die. Dɩ mɩ nɛ ŋaa ŋɩɩ, ba jaŋ wuo mʋ yiegi wombiiŋ lɛ.” 33Ŋɩɩ nɛ ʋ harɩ-tooroo pɩɛsʋ, “Nɩɩ nɛ la jaŋ na kʋdiilee dɩ nɩ-daŋ deeŋ kala dii gɩrɩŋ deeŋ tʋɔŋ?” 34Ʋ pɩɛsɛba, “Boroboro baŋmɛɛ nɛ hɛ nɩmɛ?” Ba sɩ, “Kɩaa balɩpɛ nɛ arɩ chenfil-biisiŋ ma mʋa.” 35Ŋɩɩ nɛ ʋ ŋaa nɩalɩŋ tuu hɔŋ tinteeŋ. 36Ka ʋ joŋ boroboroba-la balɩpɛ arɩ chenfile-la a lɔllɛ Wɩa aŋ kaa chɔgɛ chɔgɛ a pɩ ʋ harɩ-tooroo dɩ ba laa kpaa nɩ-daŋ-la. Ba laa kpaaba. 37Nʋʋkala dii a vɔgɛ. Ka ba paa kʋkaaŋ-biisiŋ a su sinsiŋ balɩpɛ. 38Nɩalɩŋ fa sɩ dii kɩalɩŋ, ba yi baalaa bʋɩ banɛsɛ, haalaa arɩ hambiisiŋ bɩ pɛ. 39Ŋɩɩ nɛ ʋ ta nɩ-daŋ-la aŋ mʋ jʋʋ lɩɩŋ daboro a mʋ Magadaŋ tinteeŋ.
Currently Selected:
Matiu 15: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 15
15
Yesu bʋl wɩaa a tɩgɛ nɩaa naabalɩmaba wombiiŋ lɛ
Maak 7.1-13
1Ŋɩɩ nɛ Farisii tɩŋŋaa dɔnsʋŋ arɩ Wɩa teniŋ kerichiba lɩɩ Jerusalɛm a kɔ Yesu teeŋ a pɩɛsʋ, 2“Bɛɛ nɛ tɩɩ ŋ harɩ-tooroo chichei la naabalɩmaba kɩsɩnɩŋ lɛ? Bɛɛ nɛ tɩɩ ba bɩ ba nɩsaa ka sɔŋ ŋɩɩ la naabalɩmaba sɩ dagɛla aŋ didii kʋdiilee?” 3Ŋɩɩ nɛ Yesu ma pɩɛsɛba, “Bɛɛ nɛ tɩɩ ma yie vɩa Wɩa wombiiŋ aŋ tuto ma naabalɩmaba wombiiŋ? 4Wɩa sɩ ma fɩfá ma nyɩmmaba arɩ ma naamba, a bɩra bʋl dɩ nʋʋ nɛ bʋl wʋbɔŋ a tɩgɛ ʋ nyɩmma arɩ ʋ naaŋ lɛ, dɩ ba kpʋ tɩɩna. 5Ama ma-na daga arɩ nʋʋ nɛ kɛŋ kʋŋ a magɛ dɩ ʋ joŋo pɛ ʋ nyɩmma koo ʋ naaŋ lɛ, tɩɩna mʋ a bʋla pɩba dɩ ʋ jaŋ joŋ kʋ-la pɩ Wɩa. 6Ʋ sɩ ŋaa ŋɩɩ, ʋ bɩra bɩ maga dɩ ʋ pɛ ʋ nyɩmma arɩ ʋ naaŋ lɛ. A tɩŋ ŋɩɩ wɩaa, ma vɩa Wɩa niiŋ wɩaa nɛ aŋ to ma naabalɩmaba wombiiŋ. 7Ma ŋaa kanfugi tɩmma nɛ. Azaaya kɩaa sɩma nɛ wɩalɩŋ ʋ sɩ bʋla a tɩgɛ ma lɛ. Azaaya fa ŋaa Wɩa wʋlaabʋllʋ nɛ. 8Ʋ fa sɩ:
‘Nɩaa deemba kɛŋ niiŋ nɛ zizilmi,
ka ba tʋɔŋ lɩɩmɛ.
9Ba yie chʋɔlɛmɛ pɛɩ nɛ aa dagɛ nuhuobiine wɛnɩŋ aŋ bʋl mɩ nɛ bʋla.
Nuhuobiine wɛnɩŋ nɛ baa to aŋ vɩa Wɩa niiŋ wɩaa.’ ”
Kɩalɩŋ sɩ yie ŋaa nuhuobiine kɛŋ disiniŋ
Maak 7.14-23
10Ŋɩɩ nɛ Yesu yɩrɛ nɩaa ba kɔ. Ʋ bʋla pɩba, “Má jegile nɩɩ woruŋ. 11Ʋ bɩ naga kʋ-la sɩ yie to nuhuobiine niiŋ tuu nɛ yie ŋaa ʋ kɛŋ disiniŋ, ama kʋ-la sɩ yie to ʋ niiŋ lɩɩ nɛ kɛŋ disiniŋ.” 12Ŋɩɩ nɛ Yesu harɩ-tooroo kɔ ʋ teeŋ a bʋla pʋ, “Ŋ jɩma arɩ ŋ chei Farisii tɩmma-la tʋɔŋ nɛ ŋ sɩ bʋl ŋɩɩ?” 13Ŋɩɩ nɛ ʋ bʋla pɩba, “Tɩa-la kala mɩ Nyɩmma sɩ hɛ Wɩa-jaŋ sɩ yie bɩ chɔnsɔ, ba jaŋ kaa churo ta. 14Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.” 15Ŋɩɩ nɛ Pɩɩta bʋl, “Dagɛla namaga-la bʋbʋɔŋ.” 16Ŋɩɩ nɛ Yesu bʋl, “Ma ma ha bɩ wʋjɩmɩŋ kɛnɛɛ? 17Ma bɩ wɩɩŋ deeŋ bʋbʋɔŋ jɩŋ? Kʋŋ na-kala sɩ jʋʋ nuhuobiine niiŋ, ʋ yie tuu ʋ luoruŋ nɛ a bɩra to ʋ yaraa lɩɩ. 18Ama wɩalɩŋ sɩ yie to ŋ niiŋ lɩɩ, ba yie lɩɩ ŋ tʋɔŋ lɛ nɛ. Wɩaa deemba nɛ yie ŋaa nɩaa kɛŋ disiniŋ. 19Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a mʋ kpʋ nɩaa, a mʋ chɛ nɩaa haalaa, a ŋaa bachɔrʋŋ arɩ hachɔrʋŋ wʋŋaalaa, aa gaa, a nyɩɛ wɩaa aa tɩgɛ nɩaa lɛ, a chichei nɩaa yɩrɩŋ. 20Wɩaa deemba nɛ yie ŋaa nɩaa kɛŋ disiniŋ. Ama dɩ nʋʋ nɛ dii kɩaa aŋ bɩ ʋ nɩsɩŋ sɔmɔ arɩ ma naabalɩmaba sɩ dagɛ ŋɩɩ, ŋɩɩ bɩ jaŋ wuo ŋaa dɩ tɩɩna kɛŋ disiniŋ.”
Yesu vaarɛ Kɛnaŋ tɩɩna
Maak 7.24-30
21Ŋɩɩ nɛ Yesu sii lee-la a mʋ Taaya arɩ Sɩdɔŋ tinteeŋ. 22Dɩ haal kʋbala sɩ hɛ lee-la kɔ ʋ teeŋ. Ʋ fa ŋaa Kɛnaŋ tɩɩna nɛ. Ʋ sɩ kɔ ʋ teeŋ, ŋɩɩ nɛ ʋ bʋl, “Mɩ Tɩɩna Devit Bii, fá mɩ nenige. Jɩŋ-bɔŋŋɔɔ nɛ kɛŋ mɩ tolo. Ʋ nɩna hɛɛŋ woruŋ.” 23Ama Yesu bɩ wɩɩkala bʋla ʋ teeŋ. Ŋɩɩ nɛ ʋ harɩ-tooroo kɔ ʋ teeŋ a bʋla pʋ dɩ ʋ leŋ dɩ haal-la viiri, dɩ ʋ to ba harɩŋ a ŋɩŋaa goŋ nɛ. 24Ŋɩɩ nɛ Yesu bʋla pɩ haal-la, “Wɩa tɩmmɛ dɩ mɩ kʋ chɛ kɛsɛ piese-la sɩ lɛlɛ nɛ, Iziral tɩŋŋaa dʋndʋŋ nɛ ŋɩɩ.” 25Ŋɩɩ nɛ haal-la kʋ tel ʋ naasɩŋ lɛ aŋ bʋl, “Mɩ Tɩɩna, pɛ mɩ lɛ.” 26Yesu bʋla pʋ, “Dɩ ŋ nɛ kɛŋ hambiisiŋ, ŋ bɩ jaŋ joŋ ba kʋdiilee a yuo pɩ vasɩŋ.” 27Ŋɩɩ nɛ haal-la bʋl, “Mɩ Tɩɩna, ʋ ŋaa wʋtɩtɩɩ nɛ, ama vasɩ-la tɩŋŋaa sɩɩ dii kɩalɩŋ, kɩalɩŋ sɩ tel tinteeŋ nɛ ba ma yie paa didii.” 28Ŋɩɩ nɛ Yesu bʋla pʋ, “Ŋ ŋaa haal sɩ laa Wɩa dii kɩŋkɛŋ nɛ. Wɩɩ-la ŋ sɩɩ chɛ, mɩ jaŋ ŋaa pɩŋ.” Bʋa-la tɩtɩa lɛ ʋ tolo-la duori.
Yesu vaarɛ nɩaa yʋgɛ
29Ŋɩɩ nɛ Yesu bɩra sii lee-la a to Galilii mʋga-la dɩɩrɩŋ mʋ. Ʋ jɩl peeliŋ nyuŋ a hɔŋ nɩmɛ. 30Ŋɩɩ nɛ nɩ-daŋ kɔ ʋ teeŋ a kɛŋ gbɛrɩgɛɛ arɩ nyʋlɩmaa arɩ taŋŋaa arɩ nyanyal tɩŋŋaa dɔnsʋŋ a kaa kʋ bil Yesu naasɩŋ lɛ. Ʋ vaarɛba. 31Nɩ-daŋ-la sɩ na taŋŋaa dɩ baa bʋl wɩaa arɩ gbɛrɩgɛɛ sɩɩ vɛŋ, arɩ nyʋlɩmaa sɩaa sɩ suro, ʋ ŋaaba wʋkpuŋkpere. Ba dɩdɛnnɛ Iziral tɩŋŋaa Wɩa.
Yesu pɩ nɩaa bʋɩ banɛsɛ kʋdiilee
Maak 8.1-10
32Ŋɩɩ nɛ Yesu yɩrɛ ʋ harɩ-tooroo a bʋla pɩba, “Mɩ sɩ beŋ nɩaa deemba, nenige kɛmmɛ nɛ. Ba hɛ mɩ teeŋ tapʋlaa batori nɛ ŋ-la aŋ bɩ kʋdiilee kɛnɛ dɩ ba dii. Mɩ bɩ chɛ dɩ ba viiri dɩ ba nɛ bɩ kʋŋkala die. Dɩ mɩ nɛ ŋaa ŋɩɩ, ba jaŋ wuo mʋ yiegi wombiiŋ lɛ.” 33Ŋɩɩ nɛ ʋ harɩ-tooroo pɩɛsʋ, “Nɩɩ nɛ la jaŋ na kʋdiilee dɩ nɩ-daŋ deeŋ kala dii gɩrɩŋ deeŋ tʋɔŋ?” 34Ʋ pɩɛsɛba, “Boroboro baŋmɛɛ nɛ hɛ nɩmɛ?” Ba sɩ, “Kɩaa balɩpɛ nɛ arɩ chenfil-biisiŋ ma mʋa.” 35Ŋɩɩ nɛ ʋ ŋaa nɩalɩŋ tuu hɔŋ tinteeŋ. 36Ka ʋ joŋ boroboroba-la balɩpɛ arɩ chenfile-la a lɔllɛ Wɩa aŋ kaa chɔgɛ chɔgɛ a pɩ ʋ harɩ-tooroo dɩ ba laa kpaa nɩ-daŋ-la. Ba laa kpaaba. 37Nʋʋkala dii a vɔgɛ. Ka ba paa kʋkaaŋ-biisiŋ a su sinsiŋ balɩpɛ. 38Nɩalɩŋ fa sɩ dii kɩalɩŋ, ba yi baalaa bʋɩ banɛsɛ, haalaa arɩ hambiisiŋ bɩ pɛ. 39Ŋɩɩ nɛ ʋ ta nɩ-daŋ-la aŋ mʋ jʋʋ lɩɩŋ daboro a mʋ Magadaŋ tinteeŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014