ƐZƖKƖƐL 47
47
Lɩɩŋ sɩ pɛllɛɛ lɩɩ Wɩa dɩɩ-balɩŋ lɛ
1Baal-la mɩɩra kɛmmɛ kɔ harɩŋ, Wɩa dɩɩ-bal-la boiŋ niiŋ. Mɩ na dɩ lɩɩŋ ka lɩɩ tinteeŋ boiŋ-nii-jʋʋlʋŋ lɛ a chaasɛ wɩɩpɔsʋŋ dɩɩrɩŋ. (Wɩa dɩɩ-bal-la fa chaasɛ wɩɩpɔsʋŋ dɩɩrɩŋ nɛ). Lɩɩ-la fa pɛllɛ lɩɩ Wɩa dɩɩ-bal-la wɩɩpɔsʋŋ nadiiŋ dɩɩrɩŋ nɛ a to Wɩɩsʋlʋŋ koru-la wɩɩpɔsʋŋ nadiiŋ dɩɩrɩŋ. 2Ŋɩɩ nɛ ʋ kɛmmɛ to wɩɩpɔsʋŋ nagʋa boi-baalɩŋ a kʋ lɩɩ a kɛmmɛ kaa mʋ boi-baal-la sɩ chaasɛ wɩɩpɔsʋŋ dɩɩrɩŋ, ka lɩɩ-la pɛllɛ kʋkɔ a lɩɩ wɩɩpɔsʋŋ nadiiŋ dɩɩrɩŋ boi-baalɩŋ.
3Baal-la mʋ wɩɩpɔsʋŋ dɩɩrɩŋ a kori ŋmɛnɩŋ ʋ sɩ kaa mɩmagɩsɛ kɩaa, a magɩsɛ naakieliŋ zɔɔ-banɔŋ aŋ kɛmmɛ to lɩɩŋ luŋuŋ sɩ magɛ naachɩgɩsɩŋ. 4Ʋ bɩra magɩsɛ naakieliŋ zɔɔ-banɔŋ, aŋ kɛmmɛ to lɩɩŋ luŋuŋ sɩ magɛ naadʋsʋŋ tʋɔŋ. Ʋ bɩra magɩsɛ naakieliŋ zɔɔ-banɔŋ, aŋ bɩra kɛmmɛ to lɩɩŋ luŋuŋ sɩ kʋ jɩla magɛ tɩŋa tʋɔŋ. 5Ʋ bɩra magɩsɛ naakieliŋ zɔɔ-banɔŋ, ama leriŋ deeŋ-na ŋaa fuo nɛ mɩ sɩ bɩ wuo chol, bɛɛ wɩaa lɩɩ-la fa kʋ jɩla yʋgɛ nɛ a luŋ woruŋ a magɛ puŋŋuŋ. 6Baal-la bʋla pɩmɛ, “Nuhuobiiŋ, beŋ kɩaa deemba kala woruŋ.” Ŋɩɩ nɛ ʋ mɩɩra kɛmmɛ kɔ fuo-la niiŋ. 7Mɩ sɩ kʋ yi nɩmɛ, mɩ na dɩ tɩɩsɩŋ yʋga woruŋ a chɩŋ fuo-la sɛmɛ kala. 8Ŋɩɩ nɛ baal-la bʋla pɩmɛ, “Lɩɩŋ deeŋ pɛllɛɛ mʋ wɩɩpɔsʋŋ dɩɩrɩŋ nɛ a tutuu Jɔdaŋ fuo-la fuonaaŋ, a to nɩmɛ mʋ jʋjʋʋ Mʋgʋ-sʋʋŋ. Dɩ ʋ nɛ pɛllɛ mʋ jʋʋ mʋga-la, ʋ lɩɩŋ yie bɩrɩmɛ nɛ a zɔŋ, ʋ bɩra bɩ yɩsɩŋ kɛnɛ. 9Lee na-kala fuo-la sɩ jaŋ pɛllɛ mʋ, pʋna na-kala doho arɩ chenfilee jaŋ hɛ nɩmɛ a yʋgɛ, bɛɛ wɩaa lɩɩ-la jaŋ leŋ dɩ mʋgʋ-bal-la lɩɩŋ sɩ nagɛ yɩsɩŋ bɩrɩmɛ a zɔŋ. Lee na-kala ʋ sɩ pɛllɛ mʋ, kɩalɩŋ sɩ hɛ nɩmɛ jaŋ kɛŋ mɩɩsɩŋ. 10Chenfil-kpʋʋraa jaŋ chɩŋ mʋga-la niiŋ, a lɩɩ lee-la ba sɩɩ yɩrɛ Ɛŋ Gedi a kaa mʋ yi lee-la ba sɩɩ yɩrɛ Ɛŋ Ɛgɩlam a jɛrɛ ba jomba. Chenfil-doho kala jaŋ yʋgɛ nɩmɛ a nagɛ mʋgʋ-bal-la ba sɩɩ yɩrɛ Mediterenia chenfilee. 11Ama lɩɩrɩ-la sɩ pɩna kpagɛ fuo-la arɩ pɩla-la-na ha jaŋ kɛŋ yɩsɩŋ dɩ nɩaa nɩna yɩsɩŋ ba lɛ. 12Tɩɩ-doho kala sɩɩ nɛŋ jaŋ nyʋ a kɩɛlɛ fuo-la sɛsɩŋ kala a nɛŋ. Tɩɩsɩ-la pɩpaarɩŋ bɩ jaŋ hɩl koo ba vɩa nɛnɩŋ. Ba jaŋ nɩnɛŋ chɛnɛ kala, bɛɛ wɩaa fuo-la lɩɩŋ sɩ pɛllɛɛ lɩɩ Wɩa dɩɩ-bal-la lɛ ka jʋʋba nɛ. Tɩɩsɩ-la nɛnɛɛ jaŋ ŋaa kʋdiilee, dɩ ba kɛŋ ba pɩpaarɩŋ ma vɩvaarɛ nɩaa.”
Tintee-la bʋɔsʋŋ
13Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la: “Tintee-la ma sɩ jaŋ kaa kpaa pɩ Iziral doho doho-la fii arɩ balɩa-la bʋɔsʋŋ nɛ ŋ-la, dɩ Josɛf doho nɩaa laa kpaalɩŋ bʋlɩa. 14Má kɛŋ tintee-la kpaa magɛ dɔŋɔ a pɩ ma tɩtɩa. Mɩ ŋmɩɛsa pɩ ma naabalɩmaba nɛ arɩ mɩ jaŋ joŋ tinteeŋ deeŋ pɩba dɩ ʋ ŋaa ma kʋŋ.
15Tintee-la bʋa nɛ ŋ-la:
Wɩɩpɔsʋŋ nagʋa dɩɩrɩŋ bʋa jaŋ chɩŋ Mediterenia mʋgʋ-balɩŋ lɛ a mʋ to taŋ-la ba sɩɩ yɩrɛ Hɛfɩlɔŋ a mʋ to Lebo Hamaf a lɩɩ nɩmɛ mʋ to Zedad, 16a to taŋ-la ba sɩɩ yɩrɛ Bɛrɔta arɩ Sibirem (ba hɛ Damasɩkʋs arɩ Hamaf pɛgɛ nɛ) a kɛŋ ŋɩɩ mʋ yi Haza Hatɩkɔŋ sɩ hɛ peel-la ba sɩɩ yɩrɛ Hawʋraŋ bʋa. 17Tintee-la bʋa jaŋ chɩŋ mʋgʋ-bal-la lɛ a mʋ yi Haza Ɛnaŋ, a to Damasɩkʋs wɩɩpɔsʋŋ nagʋa bʋa, ka lee-la ba sɩɩ yɩrɛ Hamaf ma nɛ ŋaa ʋ wɩɩpɔsʋŋ nagʋa bʋa. Tintee-la wɩɩpɔsʋŋ nagʋa bʋa nɛ ŋɩɩ.
18Tintee-la wɩɩpɔsʋŋ dɩɩrɩŋ bʋa jaŋ to peel-la ba sɩɩ yɩrɛ Hawʋraŋ arɩ Damasɩkʋs pɛgɛ. Ʋ jaŋ bɩra to Jɔdaŋ fuo-la sɩ hɛ Gɩlɩad arɩ Iziral tinteeŋ pɛgɛ, a kɛŋ ŋɩɩ mʋ yi mʋga-la wɩɩpɔsʋŋ dɩɩrɩŋ a kpagɛ Tama. Wɩɩpɔsʋŋ dɩɩrɩŋ bʋa nɛ ŋɩɩ.
19Tintee-la wɩɩpɔsʋŋ nadiiŋ bʋa jaŋ chɩŋ lee-la ba sɩɩ yɩrɛ Tama a kɛŋ ŋɩɩ mʋ yi Mɛrɩba Kadɛs lɩɩrɩ-la leriŋ a to Ijipiti tinteeŋ bʋa ŋɩɩ a mʋ yi Mediterenia mʋgʋ-bal-la. Wɩɩpɔsʋŋ nadiiŋ dɩɩrɩŋ bʋa nɛ ŋɩɩ.
20Wɩɩjʋʋlʋŋ bʋa ma nɛ jaŋ ŋaa Mediterenia mʋgʋ-bal-la a kɛŋ ŋɩɩ mʋ challɛ Lebo Hamaf. Wɩɩjʋʋlʋŋ dɩɩrɩŋ bʋa nɛ ŋɩɩ.
21Ma jaŋ kɛŋ tinteeŋ deeŋ kpaa ma Iziral doho doho-la. 22Ma jaŋ kɛŋ tintee-la kpaa pɩ ma tɩtɩa arɩ nɩwogusu-la sɩ hɛ ma tʋɔŋ a lʋl biiriŋ. Má jomba dɩ ba nagɛ Iziral tɩmma dɩ ma kpaa leriŋ pɩ ba ma Iziral doho doho-la tʋɔŋ. 23Doho na-kala tʋɔŋ nɩwogusu-la sɩ hɔnɔ, ʋ maga dɩ ba laa ba kpaalɩŋ nɩmɛ nɛ. Mɩ-na ma TƖƖNA Wɩɩjarɩbakɔ nɛ bʋla.”
Currently Selected:
ƐZƖKƖƐL 47: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
ƐZƖKƖƐL 47
47
Lɩɩŋ sɩ pɛllɛɛ lɩɩ Wɩa dɩɩ-balɩŋ lɛ
1Baal-la mɩɩra kɛmmɛ kɔ harɩŋ, Wɩa dɩɩ-bal-la boiŋ niiŋ. Mɩ na dɩ lɩɩŋ ka lɩɩ tinteeŋ boiŋ-nii-jʋʋlʋŋ lɛ a chaasɛ wɩɩpɔsʋŋ dɩɩrɩŋ. (Wɩa dɩɩ-bal-la fa chaasɛ wɩɩpɔsʋŋ dɩɩrɩŋ nɛ). Lɩɩ-la fa pɛllɛ lɩɩ Wɩa dɩɩ-bal-la wɩɩpɔsʋŋ nadiiŋ dɩɩrɩŋ nɛ a to Wɩɩsʋlʋŋ koru-la wɩɩpɔsʋŋ nadiiŋ dɩɩrɩŋ. 2Ŋɩɩ nɛ ʋ kɛmmɛ to wɩɩpɔsʋŋ nagʋa boi-baalɩŋ a kʋ lɩɩ a kɛmmɛ kaa mʋ boi-baal-la sɩ chaasɛ wɩɩpɔsʋŋ dɩɩrɩŋ, ka lɩɩ-la pɛllɛ kʋkɔ a lɩɩ wɩɩpɔsʋŋ nadiiŋ dɩɩrɩŋ boi-baalɩŋ.
3Baal-la mʋ wɩɩpɔsʋŋ dɩɩrɩŋ a kori ŋmɛnɩŋ ʋ sɩ kaa mɩmagɩsɛ kɩaa, a magɩsɛ naakieliŋ zɔɔ-banɔŋ aŋ kɛmmɛ to lɩɩŋ luŋuŋ sɩ magɛ naachɩgɩsɩŋ. 4Ʋ bɩra magɩsɛ naakieliŋ zɔɔ-banɔŋ, aŋ kɛmmɛ to lɩɩŋ luŋuŋ sɩ magɛ naadʋsʋŋ tʋɔŋ. Ʋ bɩra magɩsɛ naakieliŋ zɔɔ-banɔŋ, aŋ bɩra kɛmmɛ to lɩɩŋ luŋuŋ sɩ kʋ jɩla magɛ tɩŋa tʋɔŋ. 5Ʋ bɩra magɩsɛ naakieliŋ zɔɔ-banɔŋ, ama leriŋ deeŋ-na ŋaa fuo nɛ mɩ sɩ bɩ wuo chol, bɛɛ wɩaa lɩɩ-la fa kʋ jɩla yʋgɛ nɛ a luŋ woruŋ a magɛ puŋŋuŋ. 6Baal-la bʋla pɩmɛ, “Nuhuobiiŋ, beŋ kɩaa deemba kala woruŋ.” Ŋɩɩ nɛ ʋ mɩɩra kɛmmɛ kɔ fuo-la niiŋ. 7Mɩ sɩ kʋ yi nɩmɛ, mɩ na dɩ tɩɩsɩŋ yʋga woruŋ a chɩŋ fuo-la sɛmɛ kala. 8Ŋɩɩ nɛ baal-la bʋla pɩmɛ, “Lɩɩŋ deeŋ pɛllɛɛ mʋ wɩɩpɔsʋŋ dɩɩrɩŋ nɛ a tutuu Jɔdaŋ fuo-la fuonaaŋ, a to nɩmɛ mʋ jʋjʋʋ Mʋgʋ-sʋʋŋ. Dɩ ʋ nɛ pɛllɛ mʋ jʋʋ mʋga-la, ʋ lɩɩŋ yie bɩrɩmɛ nɛ a zɔŋ, ʋ bɩra bɩ yɩsɩŋ kɛnɛ. 9Lee na-kala fuo-la sɩ jaŋ pɛllɛ mʋ, pʋna na-kala doho arɩ chenfilee jaŋ hɛ nɩmɛ a yʋgɛ, bɛɛ wɩaa lɩɩ-la jaŋ leŋ dɩ mʋgʋ-bal-la lɩɩŋ sɩ nagɛ yɩsɩŋ bɩrɩmɛ a zɔŋ. Lee na-kala ʋ sɩ pɛllɛ mʋ, kɩalɩŋ sɩ hɛ nɩmɛ jaŋ kɛŋ mɩɩsɩŋ. 10Chenfil-kpʋʋraa jaŋ chɩŋ mʋga-la niiŋ, a lɩɩ lee-la ba sɩɩ yɩrɛ Ɛŋ Gedi a kaa mʋ yi lee-la ba sɩɩ yɩrɛ Ɛŋ Ɛgɩlam a jɛrɛ ba jomba. Chenfil-doho kala jaŋ yʋgɛ nɩmɛ a nagɛ mʋgʋ-bal-la ba sɩɩ yɩrɛ Mediterenia chenfilee. 11Ama lɩɩrɩ-la sɩ pɩna kpagɛ fuo-la arɩ pɩla-la-na ha jaŋ kɛŋ yɩsɩŋ dɩ nɩaa nɩna yɩsɩŋ ba lɛ. 12Tɩɩ-doho kala sɩɩ nɛŋ jaŋ nyʋ a kɩɛlɛ fuo-la sɛsɩŋ kala a nɛŋ. Tɩɩsɩ-la pɩpaarɩŋ bɩ jaŋ hɩl koo ba vɩa nɛnɩŋ. Ba jaŋ nɩnɛŋ chɛnɛ kala, bɛɛ wɩaa fuo-la lɩɩŋ sɩ pɛllɛɛ lɩɩ Wɩa dɩɩ-bal-la lɛ ka jʋʋba nɛ. Tɩɩsɩ-la nɛnɛɛ jaŋ ŋaa kʋdiilee, dɩ ba kɛŋ ba pɩpaarɩŋ ma vɩvaarɛ nɩaa.”
Tintee-la bʋɔsʋŋ
13Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la: “Tintee-la ma sɩ jaŋ kaa kpaa pɩ Iziral doho doho-la fii arɩ balɩa-la bʋɔsʋŋ nɛ ŋ-la, dɩ Josɛf doho nɩaa laa kpaalɩŋ bʋlɩa. 14Má kɛŋ tintee-la kpaa magɛ dɔŋɔ a pɩ ma tɩtɩa. Mɩ ŋmɩɛsa pɩ ma naabalɩmaba nɛ arɩ mɩ jaŋ joŋ tinteeŋ deeŋ pɩba dɩ ʋ ŋaa ma kʋŋ.
15Tintee-la bʋa nɛ ŋ-la:
Wɩɩpɔsʋŋ nagʋa dɩɩrɩŋ bʋa jaŋ chɩŋ Mediterenia mʋgʋ-balɩŋ lɛ a mʋ to taŋ-la ba sɩɩ yɩrɛ Hɛfɩlɔŋ a mʋ to Lebo Hamaf a lɩɩ nɩmɛ mʋ to Zedad, 16a to taŋ-la ba sɩɩ yɩrɛ Bɛrɔta arɩ Sibirem (ba hɛ Damasɩkʋs arɩ Hamaf pɛgɛ nɛ) a kɛŋ ŋɩɩ mʋ yi Haza Hatɩkɔŋ sɩ hɛ peel-la ba sɩɩ yɩrɛ Hawʋraŋ bʋa. 17Tintee-la bʋa jaŋ chɩŋ mʋgʋ-bal-la lɛ a mʋ yi Haza Ɛnaŋ, a to Damasɩkʋs wɩɩpɔsʋŋ nagʋa bʋa, ka lee-la ba sɩɩ yɩrɛ Hamaf ma nɛ ŋaa ʋ wɩɩpɔsʋŋ nagʋa bʋa. Tintee-la wɩɩpɔsʋŋ nagʋa bʋa nɛ ŋɩɩ.
18Tintee-la wɩɩpɔsʋŋ dɩɩrɩŋ bʋa jaŋ to peel-la ba sɩɩ yɩrɛ Hawʋraŋ arɩ Damasɩkʋs pɛgɛ. Ʋ jaŋ bɩra to Jɔdaŋ fuo-la sɩ hɛ Gɩlɩad arɩ Iziral tinteeŋ pɛgɛ, a kɛŋ ŋɩɩ mʋ yi mʋga-la wɩɩpɔsʋŋ dɩɩrɩŋ a kpagɛ Tama. Wɩɩpɔsʋŋ dɩɩrɩŋ bʋa nɛ ŋɩɩ.
19Tintee-la wɩɩpɔsʋŋ nadiiŋ bʋa jaŋ chɩŋ lee-la ba sɩɩ yɩrɛ Tama a kɛŋ ŋɩɩ mʋ yi Mɛrɩba Kadɛs lɩɩrɩ-la leriŋ a to Ijipiti tinteeŋ bʋa ŋɩɩ a mʋ yi Mediterenia mʋgʋ-bal-la. Wɩɩpɔsʋŋ nadiiŋ dɩɩrɩŋ bʋa nɛ ŋɩɩ.
20Wɩɩjʋʋlʋŋ bʋa ma nɛ jaŋ ŋaa Mediterenia mʋgʋ-bal-la a kɛŋ ŋɩɩ mʋ challɛ Lebo Hamaf. Wɩɩjʋʋlʋŋ dɩɩrɩŋ bʋa nɛ ŋɩɩ.
21Ma jaŋ kɛŋ tinteeŋ deeŋ kpaa ma Iziral doho doho-la. 22Ma jaŋ kɛŋ tintee-la kpaa pɩ ma tɩtɩa arɩ nɩwogusu-la sɩ hɛ ma tʋɔŋ a lʋl biiriŋ. Má jomba dɩ ba nagɛ Iziral tɩmma dɩ ma kpaa leriŋ pɩ ba ma Iziral doho doho-la tʋɔŋ. 23Doho na-kala tʋɔŋ nɩwogusu-la sɩ hɔnɔ, ʋ maga dɩ ba laa ba kpaalɩŋ nɩmɛ nɛ. Mɩ-na ma TƖƖNA Wɩɩjarɩbakɔ nɛ bʋla.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014