ƐZƖKƖƐL 48
48
Ŋɩɩ ba sɩ kpaa tintee-la
1La Tɩɩna sɩ, “Iziral doho doho-la yɩraa nɛ ŋ-la: Daŋ doho nɩaa, ba jaŋ laa ba tinteeŋ kpaalɩŋ. Ʋ jaŋ chɩŋ tintee-la wɩɩpɔsʋŋ nagʋa dɩɩrɩŋ bʋa sɩ hɛ Hɛfɩlɔŋ wombiiŋ, a lɩɩ Lebo Hamaf a kɛŋ ŋɩɩ mʋ yi Haza Ɛnɔŋ. (Ʋ nɛ hɛ Damasɩkʋs tinteeŋ bʋa ŋɩɩ, ka Hamaf hɛ ʋ wɩɩpɔsʋŋ nagʋa dɩɩrɩŋ, a lɩɩ wɩɩpɔsʋŋ a kaa mʋ wɩɩjʋʋlʋŋ.)
2Asa doho nɩaa ma kpaalɩŋ jaŋ tɩgɛ Daŋ kʋa lɛ a chɩŋ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
3Nafɩtalɩ doho nɩaa ma kpaalɩŋ jaŋ tɩgɛ Asa kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
4Manasɛ doho nɩaa ma kpaalɩŋ jaŋ tɩgɛ Nafɩtalɩ kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
5Efirem doho nɩaa ma kpaalɩŋ jaŋ tɩgɛ Manasɛ kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ. 6Rubiŋ doho nɩaa ma kpaalɩŋ jaŋ tɩgɛ Efirem kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
7Juda doho nɩaa ma kpaalɩŋ jaŋ tɩgɛ Rubiŋ kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
8Tintee-la sɩ jaŋ tɩgɛ Juda kʋa lɛ, a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ, ma jaŋ keru bil dɩ ʋ ŋaa mɩ kʋŋ. Ʋ jalɩŋ jaŋ ŋaa naakieliŋ bʋɩ fii arɩ balɩa arɩ zɔɔ-banɔŋ. Ʋ duomuŋ a chɩŋ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ jaŋ magɛ doho doho-la dɔnsʋŋ tinteeŋ. Tintee-la tʋtʋɔbaanɩŋ lɛ nɛ mɩ dɩɩ-bal-la jaŋ chɩŋ.
9Tintee-la ma sɩ jaŋ kere pɩ mɩ-na ma TƖƖNA duomuŋ jaŋ ŋaa naakieliŋ bʋɩ fii arɩ balɩa arɩ zɔɔ-banɔŋ, ʋ jalɩŋ ma jaŋ ŋaa naakieliŋ bʋɩ banɔŋ. 10Wɩɩsʋllɩ sɩpaalaaraa nɛ jaŋ tɩɩ lee-la, ʋ bɩ disiniŋ kɛnɛ. Ʋ wɩɩpɔsʋŋ nagʋa dɩɩrɩŋ duomuŋ jaŋ ŋaa naakieliŋ bʋɩ fii arɩ balɩa arɩ zɔɔ-banɔŋ, ʋ wɩɩjʋʋlʋŋ dɩɩrɩŋ jalɩŋ ma jaŋ ŋaa naakieliŋ bʋɩ banɔŋ, ʋ wɩɩpɔsʋŋ dɩɩrɩŋ jalɩŋ ma jaŋ ŋaa naakieliŋ bʋɩ banɔŋ, ka wɩɩpɔsʋŋ nadiiŋ dɩɩrɩŋ duomuŋ ma ŋaa naakieliŋ bʋɩ fii arɩ balɩa arɩ zɔɔ-banɔŋ. Tinteeŋ deeŋ tʋtʋɔbaanɩŋ lɛ nɛ mɩ-na ma TƖƖNA dɩɩ-bal-la jaŋ chɩŋ. 11Wɩɩsʋllɩ sɩpaalaaraa sɩ ŋaa Zadɔk doho nɩaa ba joŋo hɛ mɩ nɩsɩŋ lɛ, ba nɛ tɩɩ tintee-la. Ba to mɩ niiŋ nɛ arɩ wʋtɩtɩɩ. Ba bɩ Iziral tɩŋŋaa nɩkaana-la arɩ Levi doho nɩalɩŋ sɩ lɩɩ mɩ harɩŋ niiŋ to. 12Tintee-la jaŋ ŋaa ba kʋŋ, a ŋaa lee mɩ sɩ lɩɩsa a lɩɩ tintee-la sɩ bɩ disiniŋ kɛnɛ tʋɔŋ. Ʋ jaŋ ŋaa lee zɔmʋŋ sɩ bɩ magɩa kɛnɛ. Ʋ jaŋ tɩgɛ Levi doho nɩaa tinteeŋ lɛ.
13Levi doho nɩaa ma jaŋ laa ba tinteeŋ kpaalɩŋ a tɩgɛ Wɩɩsʋllɩ sɩpaalaaraa leriŋ. Ʋ duomuŋ jaŋ ŋaa naakieliŋ bʋɩ fii arɩ balɩa arɩ zɔɔ-banɔŋ, ʋ jalɩŋ ma ŋaa bʋɩ banɔŋ. 14Ʋ bɩ maga dɩ ba joŋ tintee-la sɛmɛ kala yallɛ koo a joŋo lenni lee dɔŋ. Tintee-la dɩ-zɔmʋŋ nɛ ŋɩɩ. Ʋ bɩ maga dɩ ʋ bɩra jʋʋ nʋʋ dɔŋ nɩsɩŋ, bɛɛ wɩaa, lee-la ŋaa dɩ-zɔŋ nɛ mɩ-na ma TƖƖNA teeŋ.
15Lee-la sɩ jaŋ ka jalɩŋ jaŋ ŋaa naakieliŋ bʋɩ balɩa arɩ zɔɔ-banɔŋ, dɩ ʋ duomuŋ ma ŋaa naakieliŋ bʋɩ fii arɩ balɩa arɩ zɔɔ-banɔŋ. Lee-la jaŋ ŋaa tabal-la nʋʋkala lee, dɩ ba sɩsaa dɩɩsɩŋ nɩmɛ a ŋaa ba pʋsʋŋ ma dɩ-diiliŋ. Tabal-la jaŋ hɛ tintee-la tʋtʋɔbaanɩŋ. 16Tabal-la sɛsɩŋ banɛsɛ kala duomuŋ jaŋ magɛ dɔŋɔ. Sɛmɛ kala duomuŋ jaŋ ŋaa naakieliŋ bʋɩ balɩa arɩ zɔɔ-balɩa arɩ mahɩŋ balɩa arɩ fii. 17Tabal-la sɛsɩŋ banɛsɛ kala lɛ, pʋsʋŋ dɩ-diiliŋ jaŋ ŋaa naakieliŋ zɔlɔ arɩ mara arɩ banɔŋ. 18Tintee-kaaŋ-la sɩ tɩgɛ tabal-la lɛ, ʋ dɩ tintee-la sɩ bɩ disiniŋ kɛnɛ pɛ bʋa, ʋ wɩɩpɔsʋŋ dɩɩrɩŋ duomuŋ jaŋ ŋaa naakieliŋ bʋɩ banɔŋ, dɩ ʋ wɩɩjʋʋlʋŋ dɩɩrɩŋ ma ŋaa naakieliŋ bʋɩ banɔŋ. Tinteeŋ deeŋ lɛ nɛ tabal-la nɩaa jaŋ pɛrɛ kɩaa a didii. 19Iziral doho doho-la nʋʋkala sɩ hɛ tabal-la lɛ jaŋ wuo pɛrɛ lee-la. 20Tinteeŋ deeŋ ma sɩ kere bil ʋ ŋaa mɩ-na Wɩa kʋŋ a bɩ disiniŋ kɛnɛ, ʋ sɛsɩŋ banɛsɛ kala duomuŋ jaŋ magɛ dɔŋɔ, sɛmɛ kala duomuŋ jaŋ ŋaa naakieliŋ bʋɩ fii arɩ balɩa arɩ zɔɔ-banɔŋ. Tabal-la ma jaŋ hɛ tintee-la tʋɔŋ.
21Tintee-la sɩ ka a hɛ tabal-la nɩaa tinteeŋ arɩ mɩ-na Wɩa tintee-la sɩ bɩ disiniŋ kɛnɛ sɛsɩŋ lɛ, Iziral tinteeŋ sɩpaalaara nɛ jaŋ tɩɩʋ. Tintee-la jaŋ chɩŋ mɩ-na Wɩa tintee-la sɩ bɩ disiniŋ kɛnɛ lɛ, a mʋ yagɛ Iziral tɩŋŋaa tinteeŋ kala wɩɩpɔsʋŋ dɩɩrɩŋ bʋa arɩ wɩɩjʋʋlʋŋ dɩɩrɩŋ bʋa lɛ. Tinteeŋ sɩpaalaara nɛ jaŋ tɩɩ leree deemba balɩa kala sɩ tɩgɛ doho doho tinteyee lɛ. Ka dɩ mɩ-na Wɩa tintee-la sɩ bɩ disiniŋ kɛnɛ arɩ mɩ dɩɩ-bal-la arɩ ʋ tʋɔŋ lee-la sɩ bɩ disiniŋ kɛnɛ hɛ tintee-la kala tʋtʋɔbaanɩŋ. 22Levi doho nɩaa tinteeŋ arɩ tabal-la nɩaa tinteeŋ kala jaŋ hɛ sɩpaalaarʋ-la tinteeŋ tʋtʋɔbaanɩŋ. Sɩpaalaarʋ-la tinteeŋ jaŋ hɛ Juda doho nɩaa arɩ Bɛnjamɩŋ doho nɩaa tinteeŋ pɛgɛ.
23Doho doho-la ma sɩ ka, Bɛnjamɩŋ doho nɩaa ma jaŋ laa ba tinteeŋ kpaalɩŋ, ʋ jaŋ chɩŋ wɩɩpɔsʋŋ a mʋ wɩɩjʋʋlʋŋ dɩɩrɩŋ.
24Simioŋ doho nɩaa ma jaŋ laa ba kpaalɩŋ, ʋ jaŋ tɩgɛ Bɛnjamɩŋ tinteeŋ lɛ, a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
25Ɩsaka doho nɩaa ma jaŋ laa ba kpaalɩŋ, ʋ jaŋ tɩgɛ Simioŋ tinteeŋ lɛ, a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
26Zebuluŋ doho nɩaa ma jaŋ laa ba kpaalɩŋ, ʋ jaŋ tɩgɛ Ɩsaka tinteeŋ lɛ, a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
27Gad doho nɩaa ma jaŋ laa ba kpaalɩŋ, ʋ jaŋ tɩgɛ Zebuluŋ tinteeŋ lɛ, a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
28Gad doho nɩaa tinteeŋ wɩɩpɔsʋŋ nadiiŋ bʋa jaŋ to taŋ-la ba sɩɩ yɩrɛ Tama wɩɩpɔsʋŋ nadiiŋ dɩɩrɩŋ a mʋ to Mɛrɩba Kadɛs lɩɩrɩ-la leriŋ, a to Ijipiti tinteeŋ bʋa ŋɩɩ a mʋ yi Mediterenia mʋgʋ-bal-la.
29Tintee-la ma sɩ jaŋ kaa kpaa pɩ Iziral tɩŋŋaa nɛ ŋɩɩ, ba kpaalaa ma ba sɩ jaŋ laa nɛ ŋɩɩ. Mɩ-na ma TƖƖNA Wɩɩjarɩbakɔ nɛ bʋla.
Tabal-la boi-baalaa
30Boi-baala-la ba sɩ jaŋ to jʋjʋʋ tabal-la nɛ ŋ-la: A chɩŋ wɩɩpɔsʋŋ nagʋa dɩɩrɩŋ jeeŋ lɛ, ʋ duomuŋ nɛ ŋaa naakieliŋ bʋɩ balɩa arɩ zɔɔ-balɩa arɩ mahɩŋ balɩa arɩ fii ŋɩɩ, 31tabal-la boi-baalaa jaŋ kɛŋ Iziral doho doho-la yɩraa. Boi-baala-la batori sɩ hɛ wɩɩpɔsʋŋ nagʋa dɩɩrɩŋ yɩraa nɛ Rubiŋ boi-baalɩŋ, Juda boi-baalɩŋ arɩ Levi boi-baalɩŋ.
32Wɩɩpɔsʋŋ dɩɩrɩŋ jeeŋ ma, ʋ duomuŋ nɛ ŋaa naakieliŋ bʋɩ balɩa arɩ zɔɔ-balɩa arɩ mahɩŋ balɩa arɩ fii ŋɩɩ, ʋ ma jaŋ kɛŋ boi-baalaa batori: Josɛf boi-baalɩŋ, Bɛnjamɩŋ boi-baalɩŋ arɩ Daŋ boi-baalɩŋ.
33Wɩɩpɔsʋŋ nadiiŋ dɩɩrɩŋ jeeŋ ma, ʋ duomuŋ nɛ ŋaa naakieliŋ bʋɩ balɩa arɩ zɔɔ-balɩa arɩ mahɩŋ balɩa arɩ fii ŋɩɩ, ʋ ma jaŋ kɛŋ boi-baalaa batori: Simioŋ boi-baalɩŋ, Ɩsaka boi-baalɩŋ arɩ Zebuluŋ boi-baalɩŋ.
34Wɩɩjʋʋlʋŋ dɩɩrɩŋ jeeŋ ma, ʋ duomuŋ nɛ ŋaa naakieliŋ bʋɩ balɩa arɩ zɔɔ-balɩa arɩ mahɩŋ balɩa arɩ fii ŋɩɩ, ʋ ma jaŋ kɛŋ boi-baalaa batori: Gad boi-baalɩŋ, Asa boi-baalɩŋ arɩ Nafɩtalɩ boi-baalɩŋ.
35Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”
Currently Selected:
ƐZƖKƖƐL 48: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
ƐZƖKƖƐL 48
48
Ŋɩɩ ba sɩ kpaa tintee-la
1La Tɩɩna sɩ, “Iziral doho doho-la yɩraa nɛ ŋ-la: Daŋ doho nɩaa, ba jaŋ laa ba tinteeŋ kpaalɩŋ. Ʋ jaŋ chɩŋ tintee-la wɩɩpɔsʋŋ nagʋa dɩɩrɩŋ bʋa sɩ hɛ Hɛfɩlɔŋ wombiiŋ, a lɩɩ Lebo Hamaf a kɛŋ ŋɩɩ mʋ yi Haza Ɛnɔŋ. (Ʋ nɛ hɛ Damasɩkʋs tinteeŋ bʋa ŋɩɩ, ka Hamaf hɛ ʋ wɩɩpɔsʋŋ nagʋa dɩɩrɩŋ, a lɩɩ wɩɩpɔsʋŋ a kaa mʋ wɩɩjʋʋlʋŋ.)
2Asa doho nɩaa ma kpaalɩŋ jaŋ tɩgɛ Daŋ kʋa lɛ a chɩŋ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
3Nafɩtalɩ doho nɩaa ma kpaalɩŋ jaŋ tɩgɛ Asa kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
4Manasɛ doho nɩaa ma kpaalɩŋ jaŋ tɩgɛ Nafɩtalɩ kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
5Efirem doho nɩaa ma kpaalɩŋ jaŋ tɩgɛ Manasɛ kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ. 6Rubiŋ doho nɩaa ma kpaalɩŋ jaŋ tɩgɛ Efirem kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
7Juda doho nɩaa ma kpaalɩŋ jaŋ tɩgɛ Rubiŋ kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
8Tintee-la sɩ jaŋ tɩgɛ Juda kʋa lɛ, a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ, ma jaŋ keru bil dɩ ʋ ŋaa mɩ kʋŋ. Ʋ jalɩŋ jaŋ ŋaa naakieliŋ bʋɩ fii arɩ balɩa arɩ zɔɔ-banɔŋ. Ʋ duomuŋ a chɩŋ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ jaŋ magɛ doho doho-la dɔnsʋŋ tinteeŋ. Tintee-la tʋtʋɔbaanɩŋ lɛ nɛ mɩ dɩɩ-bal-la jaŋ chɩŋ.
9Tintee-la ma sɩ jaŋ kere pɩ mɩ-na ma TƖƖNA duomuŋ jaŋ ŋaa naakieliŋ bʋɩ fii arɩ balɩa arɩ zɔɔ-banɔŋ, ʋ jalɩŋ ma jaŋ ŋaa naakieliŋ bʋɩ banɔŋ. 10Wɩɩsʋllɩ sɩpaalaaraa nɛ jaŋ tɩɩ lee-la, ʋ bɩ disiniŋ kɛnɛ. Ʋ wɩɩpɔsʋŋ nagʋa dɩɩrɩŋ duomuŋ jaŋ ŋaa naakieliŋ bʋɩ fii arɩ balɩa arɩ zɔɔ-banɔŋ, ʋ wɩɩjʋʋlʋŋ dɩɩrɩŋ jalɩŋ ma jaŋ ŋaa naakieliŋ bʋɩ banɔŋ, ʋ wɩɩpɔsʋŋ dɩɩrɩŋ jalɩŋ ma jaŋ ŋaa naakieliŋ bʋɩ banɔŋ, ka wɩɩpɔsʋŋ nadiiŋ dɩɩrɩŋ duomuŋ ma ŋaa naakieliŋ bʋɩ fii arɩ balɩa arɩ zɔɔ-banɔŋ. Tinteeŋ deeŋ tʋtʋɔbaanɩŋ lɛ nɛ mɩ-na ma TƖƖNA dɩɩ-bal-la jaŋ chɩŋ. 11Wɩɩsʋllɩ sɩpaalaaraa sɩ ŋaa Zadɔk doho nɩaa ba joŋo hɛ mɩ nɩsɩŋ lɛ, ba nɛ tɩɩ tintee-la. Ba to mɩ niiŋ nɛ arɩ wʋtɩtɩɩ. Ba bɩ Iziral tɩŋŋaa nɩkaana-la arɩ Levi doho nɩalɩŋ sɩ lɩɩ mɩ harɩŋ niiŋ to. 12Tintee-la jaŋ ŋaa ba kʋŋ, a ŋaa lee mɩ sɩ lɩɩsa a lɩɩ tintee-la sɩ bɩ disiniŋ kɛnɛ tʋɔŋ. Ʋ jaŋ ŋaa lee zɔmʋŋ sɩ bɩ magɩa kɛnɛ. Ʋ jaŋ tɩgɛ Levi doho nɩaa tinteeŋ lɛ.
13Levi doho nɩaa ma jaŋ laa ba tinteeŋ kpaalɩŋ a tɩgɛ Wɩɩsʋllɩ sɩpaalaaraa leriŋ. Ʋ duomuŋ jaŋ ŋaa naakieliŋ bʋɩ fii arɩ balɩa arɩ zɔɔ-banɔŋ, ʋ jalɩŋ ma ŋaa bʋɩ banɔŋ. 14Ʋ bɩ maga dɩ ba joŋ tintee-la sɛmɛ kala yallɛ koo a joŋo lenni lee dɔŋ. Tintee-la dɩ-zɔmʋŋ nɛ ŋɩɩ. Ʋ bɩ maga dɩ ʋ bɩra jʋʋ nʋʋ dɔŋ nɩsɩŋ, bɛɛ wɩaa, lee-la ŋaa dɩ-zɔŋ nɛ mɩ-na ma TƖƖNA teeŋ.
15Lee-la sɩ jaŋ ka jalɩŋ jaŋ ŋaa naakieliŋ bʋɩ balɩa arɩ zɔɔ-banɔŋ, dɩ ʋ duomuŋ ma ŋaa naakieliŋ bʋɩ fii arɩ balɩa arɩ zɔɔ-banɔŋ. Lee-la jaŋ ŋaa tabal-la nʋʋkala lee, dɩ ba sɩsaa dɩɩsɩŋ nɩmɛ a ŋaa ba pʋsʋŋ ma dɩ-diiliŋ. Tabal-la jaŋ hɛ tintee-la tʋtʋɔbaanɩŋ. 16Tabal-la sɛsɩŋ banɛsɛ kala duomuŋ jaŋ magɛ dɔŋɔ. Sɛmɛ kala duomuŋ jaŋ ŋaa naakieliŋ bʋɩ balɩa arɩ zɔɔ-balɩa arɩ mahɩŋ balɩa arɩ fii. 17Tabal-la sɛsɩŋ banɛsɛ kala lɛ, pʋsʋŋ dɩ-diiliŋ jaŋ ŋaa naakieliŋ zɔlɔ arɩ mara arɩ banɔŋ. 18Tintee-kaaŋ-la sɩ tɩgɛ tabal-la lɛ, ʋ dɩ tintee-la sɩ bɩ disiniŋ kɛnɛ pɛ bʋa, ʋ wɩɩpɔsʋŋ dɩɩrɩŋ duomuŋ jaŋ ŋaa naakieliŋ bʋɩ banɔŋ, dɩ ʋ wɩɩjʋʋlʋŋ dɩɩrɩŋ ma ŋaa naakieliŋ bʋɩ banɔŋ. Tinteeŋ deeŋ lɛ nɛ tabal-la nɩaa jaŋ pɛrɛ kɩaa a didii. 19Iziral doho doho-la nʋʋkala sɩ hɛ tabal-la lɛ jaŋ wuo pɛrɛ lee-la. 20Tinteeŋ deeŋ ma sɩ kere bil ʋ ŋaa mɩ-na Wɩa kʋŋ a bɩ disiniŋ kɛnɛ, ʋ sɛsɩŋ banɛsɛ kala duomuŋ jaŋ magɛ dɔŋɔ, sɛmɛ kala duomuŋ jaŋ ŋaa naakieliŋ bʋɩ fii arɩ balɩa arɩ zɔɔ-banɔŋ. Tabal-la ma jaŋ hɛ tintee-la tʋɔŋ.
21Tintee-la sɩ ka a hɛ tabal-la nɩaa tinteeŋ arɩ mɩ-na Wɩa tintee-la sɩ bɩ disiniŋ kɛnɛ sɛsɩŋ lɛ, Iziral tinteeŋ sɩpaalaara nɛ jaŋ tɩɩʋ. Tintee-la jaŋ chɩŋ mɩ-na Wɩa tintee-la sɩ bɩ disiniŋ kɛnɛ lɛ, a mʋ yagɛ Iziral tɩŋŋaa tinteeŋ kala wɩɩpɔsʋŋ dɩɩrɩŋ bʋa arɩ wɩɩjʋʋlʋŋ dɩɩrɩŋ bʋa lɛ. Tinteeŋ sɩpaalaara nɛ jaŋ tɩɩ leree deemba balɩa kala sɩ tɩgɛ doho doho tinteyee lɛ. Ka dɩ mɩ-na Wɩa tintee-la sɩ bɩ disiniŋ kɛnɛ arɩ mɩ dɩɩ-bal-la arɩ ʋ tʋɔŋ lee-la sɩ bɩ disiniŋ kɛnɛ hɛ tintee-la kala tʋtʋɔbaanɩŋ. 22Levi doho nɩaa tinteeŋ arɩ tabal-la nɩaa tinteeŋ kala jaŋ hɛ sɩpaalaarʋ-la tinteeŋ tʋtʋɔbaanɩŋ. Sɩpaalaarʋ-la tinteeŋ jaŋ hɛ Juda doho nɩaa arɩ Bɛnjamɩŋ doho nɩaa tinteeŋ pɛgɛ.
23Doho doho-la ma sɩ ka, Bɛnjamɩŋ doho nɩaa ma jaŋ laa ba tinteeŋ kpaalɩŋ, ʋ jaŋ chɩŋ wɩɩpɔsʋŋ a mʋ wɩɩjʋʋlʋŋ dɩɩrɩŋ.
24Simioŋ doho nɩaa ma jaŋ laa ba kpaalɩŋ, ʋ jaŋ tɩgɛ Bɛnjamɩŋ tinteeŋ lɛ, a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
25Ɩsaka doho nɩaa ma jaŋ laa ba kpaalɩŋ, ʋ jaŋ tɩgɛ Simioŋ tinteeŋ lɛ, a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
26Zebuluŋ doho nɩaa ma jaŋ laa ba kpaalɩŋ, ʋ jaŋ tɩgɛ Ɩsaka tinteeŋ lɛ, a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
27Gad doho nɩaa ma jaŋ laa ba kpaalɩŋ, ʋ jaŋ tɩgɛ Zebuluŋ tinteeŋ lɛ, a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.
28Gad doho nɩaa tinteeŋ wɩɩpɔsʋŋ nadiiŋ bʋa jaŋ to taŋ-la ba sɩɩ yɩrɛ Tama wɩɩpɔsʋŋ nadiiŋ dɩɩrɩŋ a mʋ to Mɛrɩba Kadɛs lɩɩrɩ-la leriŋ, a to Ijipiti tinteeŋ bʋa ŋɩɩ a mʋ yi Mediterenia mʋgʋ-bal-la.
29Tintee-la ma sɩ jaŋ kaa kpaa pɩ Iziral tɩŋŋaa nɛ ŋɩɩ, ba kpaalaa ma ba sɩ jaŋ laa nɛ ŋɩɩ. Mɩ-na ma TƖƖNA Wɩɩjarɩbakɔ nɛ bʋla.
Tabal-la boi-baalaa
30Boi-baala-la ba sɩ jaŋ to jʋjʋʋ tabal-la nɛ ŋ-la: A chɩŋ wɩɩpɔsʋŋ nagʋa dɩɩrɩŋ jeeŋ lɛ, ʋ duomuŋ nɛ ŋaa naakieliŋ bʋɩ balɩa arɩ zɔɔ-balɩa arɩ mahɩŋ balɩa arɩ fii ŋɩɩ, 31tabal-la boi-baalaa jaŋ kɛŋ Iziral doho doho-la yɩraa. Boi-baala-la batori sɩ hɛ wɩɩpɔsʋŋ nagʋa dɩɩrɩŋ yɩraa nɛ Rubiŋ boi-baalɩŋ, Juda boi-baalɩŋ arɩ Levi boi-baalɩŋ.
32Wɩɩpɔsʋŋ dɩɩrɩŋ jeeŋ ma, ʋ duomuŋ nɛ ŋaa naakieliŋ bʋɩ balɩa arɩ zɔɔ-balɩa arɩ mahɩŋ balɩa arɩ fii ŋɩɩ, ʋ ma jaŋ kɛŋ boi-baalaa batori: Josɛf boi-baalɩŋ, Bɛnjamɩŋ boi-baalɩŋ arɩ Daŋ boi-baalɩŋ.
33Wɩɩpɔsʋŋ nadiiŋ dɩɩrɩŋ jeeŋ ma, ʋ duomuŋ nɛ ŋaa naakieliŋ bʋɩ balɩa arɩ zɔɔ-balɩa arɩ mahɩŋ balɩa arɩ fii ŋɩɩ, ʋ ma jaŋ kɛŋ boi-baalaa batori: Simioŋ boi-baalɩŋ, Ɩsaka boi-baalɩŋ arɩ Zebuluŋ boi-baalɩŋ.
34Wɩɩjʋʋlʋŋ dɩɩrɩŋ jeeŋ ma, ʋ duomuŋ nɛ ŋaa naakieliŋ bʋɩ balɩa arɩ zɔɔ-balɩa arɩ mahɩŋ balɩa arɩ fii ŋɩɩ, ʋ ma jaŋ kɛŋ boi-baalaa batori: Gad boi-baalɩŋ, Asa boi-baalɩŋ arɩ Nafɩtalɩ boi-baalɩŋ.
35Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014